اذا مكنش هندسه يبقى ايه

[hamada966]

سؤال شغلنى جدا وضيعلى من عمرى ايام وساعات بعد لما تحويلات العضويه نقصتنى 16 درجه وبقيت فى الثمنينات بس فى الاخر الحمد لله ولانى قررت اكمل فى علمى فكان لازم اسئل نفسى السؤال ده مره والتانيه والثالثه و الرابعه لأن بعد كل الى احنا شوفنا ده فى الثانويه مينفعش فى الاخر ابدا يبقى مصيرنا تجاره وعلشان انا مؤمن دايما ان الحياة بتديك خيارات وان كانت الظروف بتقلصها بس بيفضل منها موجود و عندنا فى مصر بعد بحوث ومقارنات واتصالات كتييير جدا اكتشفت ان النظام فى دركبه وتخبط وفوق وتحت وحاجات كتيره اوى فاحنا بعد لما شقينا كل ده اكيد يبقى غباء لو مستغليناش ده هعرض عليكم بعض المفارقات دى تعالوا نبدأ مع بعض

تعالو نشوف الفرق بين علمى وادبى فى القبول فى الكليات الادبيه:من تنسيق 2011


382.5 %93.2 اقتصاد وعلوم سياسية(القاهرة) ادبى 2011
392.5 % 95.7 اقتصاد وعلوم سياسية (القاهرة)علمى 2011
355 %86.5 تجارة انجليزى (سوهاج)ادبى 2011
412.5 %100.6 تجارة انجليزى(سوهاج) علمى 2011
380 %92.6 اعلام (القاهرة)ادبى 2011
390.5 %95.2 اعلام (القاهرة)علمى 2011
370.5 %90.3 السن(المنيا) ادبى 2011
389 %94.8 السن(المنيا) علمى 2011
325 %79.27 تجارة (القاهرة)ادبى 2011
355.5 %86.7 تجارة (القاهرة) علمى 2011
318 %77.56 اداب (القاهرة)ادبى 2011
367.5 %89.63 اداب (القاهرة) علمى 2011
351.5 %85.73 حقوق (القاهرة)ادبى 2011
291 %70.97 حقوق (القاهرة) علمى 2011


و طبعا كلنا ملاحظين الفرق الكبير


تعالو نشوف تنسيق هندسه مرتب حسب السنين من اقل جامعه قبلت فى كل عام:

الحد الادنى للقبول بجامعة الهندسة للسبع سنوات الماضيه
------------------------------------

2004 91.7% 376 هندسه المنيا
2005 92.4% 379 هندسه المنيا
2006 92.56% 379.5 هندسه المنيا
2007 93.78% 384.5 هندسه المنيا
2008 91% 373.5 هندسة اسيوط
2009 93.29% 382.5 هندسة المنيا
2010 88% 361 هندسة المطريه جامعة حلوان
2011 94.26% 386.5 هندسة المنيا

الوسط الحسابى للأ عداد 377.81 تقريبا %92.15
بس ده ميمنعش ان حسب متوسط معدل الزياده ممكن يوصل % 94.7 388.5 السنه دى ولكن ده مجرد توقغ
وطبعا نخلى بالنا من سنه الفراغ و بين المحافظات تفاوت ونلاحظ تكرار المنيا كأقل محافظه كذا سنه وطبعا مش كل الناس تقدر تسافر سنه علشان متخسرش هندسه على درجه ولا اتنين بس فى نظام جديد اسمه الحد من الاغتراب ممك يخليك تحول على طول بس بتبقى فى مشكله فى الكتابه الرغبات المهم .
احب انوه لحته برضه لزمايلى الشاطرين
اذا اردت الدخول الى طيران ولم يسعك لوجوده فى القاهرة فقط او لأى أسباب اخرى
-يمكن ان تدخل هندسة ميكانيكا ثم دبلومة طيران وتصير مهندس طيران
- بالنسبه لبترول يمكنك التحويل الى القسم الخاص قسم الانتاج والاستكشاف فى الجامعة بعد ان تلتحق باى كلية هندسة بمصاريف ذهيدة لا تتعدى 6000 الاف فى السنة والشهادة تساوى شهادة الهندسة العادية التى تؤخذ من قسم الحفر ومن نفس الكلية
--------------------------------------------------------------------------------------------------
نيجى بقى لاول فكره بتيجى على دماغ اى حد الجامعات الخاصه ودى بقى فيها كلام كتير:

اولا بالنسبه للمجموع مش هتبقى مشكله اوى لانها مش ذى الحكومه طبعا مجرد حد ادنى بسيط وخفضوه السنه الى فاتت كمان تعالو نشوف الدكتور معتز خورشيد عمل ايه السنه الى فاتت

85 % لكلية الطب البشرى
75% لكليتى الصيدلة وطب الأسنان
73% للعلاج الطبيعى
67% لكلية الهندسة
62% للحاسبات والمعلومات
60% كليات الفنون التطبيقية، والاقتصاد والإدارة والإعلام واللغات والاقتصاد والعلوم السياسية
55% كليات العلوم الاجتماعية، والسياحة، والتربية، والحقوق، والتمريض، والعلوم الطبية التطبيقية والمساعدة
65% (غير المصريين) كليات الطب البشرى وطب الأسنان والصيدلة والعلاج الطبيعى والهندسة

تعالو نشوف القوائم : اولا قائمه ويكيبديا

الجامعة الأمريكية بالقاهرة
لجامعة الألمانية بالقاهرة
الجامعة الحديثة للتكنولوجيا والمعلومات
الجامعة البريطانية في مصر
الجامعة الفرنسية في مصر
الجامعة المصرية الروسية
جامعة الأهرام الكندية
جامعة النيل
جامعة مصر الدولية
جامعة المستقبل
جامعة أكتوبر للعلوم الحديثة والآداب
جامعة سيناء
جامعة 6 أكتوبر
جامعة مصر للعلوم والتكنولوجيا
الأكاديمية الحديثة
جامعة النهضة
جامعة فاروس بالإسكندرية
الأكاديمية العربية للعلوم والتكنولوجيا والنقل البحري
الجامعة العربية المفتوحة
أكاديمية العبور للتكنولوجيا
جامعة الدلتا للعلوم والتكنولوجيا
جامعة سنجور
اكاديمية النيل للعلوم بالمنصورة
أكاديمية أخبار اليوم
جامعة هليوبوليس
اكاديمية الشروق
أكاديمية طيبة المتكاملة للعلوم
مدينة الثقافة والعلوم
أكاديمية المستقبل (المعهد العالى للدراسات النوعية - مصر الجديدة)
أكاديمية المستقبل (المعهد العالى للدراسات التكنولوجية المتخصصة - أول طريق مصر الاسماعيلية الصحراوى)

ثانيه قائمه موقع الوزاره :

جامعة 6 أكتوبر
جامعة أكتوبر للعلوم الحديثة والآداب
جامعة مصر للعلوم والتكنولوجيا
جامعة مصر الدولية
الجامعة الفرنسية فى مصر
الجامعة الألمانية فى مصر
جامعة الاهرام الكندية
الجامعة البريطانية فى مصر
الجامعة الحديثة للتكنولوجيا والمعلومات
جامعة سيناء
جامعة فاروس
جامعة المستقبل
الجامعة الروسية
جامعة النيل
جامعة الدلتا للعلوم والتكنولوجيا
جامعه النهضه
-------------------------------------------
بس ده ميعنيش ان الجامعات التانيه مش معتمده طبعا بس هو موقع الوزاره يعنى لو الامريكيه مش من ضمن الجامعات المعتمده ايه الى يبقى


ثانيا بقى الحاجه الى بتهم كل الناس ( الفلوس) :

اديكم بعض المعلومات الجامعات الخاصه فيها نظام المنح و المنح انواع فى منحه تفوق, منحه رياضيه ,منحه تميز
المنح دى عباره عن تخفيضات يعنى مثلا العشره الاوائل فى الثانويه العامه على مستوى الجمهوريه بيخدوا full scholarship منحه كامله يعنى ليهم الحق يخشوا جامعه خاصه وميدفعوش حاجه غير كلام فاضى اوى عندك برضه الابطال من الرياضين على حسب البطولات الى انت واخده وكل رتبه فى كل جامعه ليها تخفيض حاجه كمان ونخلى بالنا منها مجموعك فى الثانويه العامه ممكن يديك تخفيض كبير يعنى لو جبت مجموع هندسه العاديه ودخلت خاص تاخد تخفيض كبير جدا لو اقل بكام درجه ممكن تقلل الفلوس بنسبه كبيره برضه يعنى ممكن 40 % وانت وشطارتك

الجامعات الخاصه ممكن تتقسم شرايح فى المصاريف:

مرتفع جدا (الجامعة الأمريكية - الجامعة الألمانية - الجامعة البريطانية - الجامعة الفرنسية - الجامعة الكندية )

يعنى ممكن تدفع بالدولار او بالجنيه الاسترلينى وممكن بالجنيه

مرتفع ( جامعة النيل - جامعة سيناء - جامعة المستقبل - مصر الدولية )

يعنى ممكن لو انت مرتاح شويه يبقى حياتك جميله

متوسط ( الجامعة الروسية - جامعة 6 أكتوبر - جامعة مصر للعلوم والتكنولوجيا - جامعة فاروس - جامعة أكتوبر للعلوم الحديثة والآداب )

يعنى لو والدك ضحى وباع العربيه ووالدتك باعت حتتين الدهب على كام جامعيه وتريحلك شويه على فلوس جهاز اخواتك البنات ممكن .

فى ناس كاتبه ارقام بالتحديد بس من تجربتى بيطلع فى الكلام كلام ده غير ان بعض المواقع كاتبه ارقام قديمه فمرضتش اكتب ارقام لو حبيت دور وهتلاقى كتير بس اضمن طريقه طبعا انك تسئل الجامعه نفسها بالتليفون .
بالنسبه للمعاهد العاليه مع انها بتدى بكالوريوس برضه وسعرها اقل بكتير الا انى بصراحه مبفضلهاش وفى نظام فى الجامعات الحكوميه اسمه الساعات المعتمده بفلوس برضه بس معرفش عنه تفاصيل كتير وفى كلام انه درجه قبوله مبتفرقش اوى عن العادى و فى اهمال للطلبه وفساد ادراى وابعد عن الشر وغنيله

----------------------------------------------
طب لو مينفعش ابدا انك تخش جامعه خاصه وبرضه عايز تخش هندسه ممكن تخش معهد فنى صناعى سنتين وتجيب مجموع عالى فوق ال 95 وتخش هندسه فى جامعه حكوميه فى تخصصك بس دى ليها عيوب كتير :

1- تضيع عامين من عمرك
2- بيئة غير الملائمة لتواجد شريحة معينه من الشباب فى هذه المعاهد
3-ركاكة المواد وقلة الأهتمام الأكاديمى بالطلبة
4-التحدى التى تمثله الدرجه بحد ذاتها والمخاطره بالتوقف على هذه الشهادة العلمية المتدنية
ان لم تحصل على الدرجة

وفى رايى خيار فاشل بصراحه
-------------------------------------------
ثالث خيار انك تخش كليه حكوميه ليها مستقبل برضه ودرجتك جايباها بعد البحث والتمحيص تعالو نشوف :

اولا فى بعض اقسام هندسه مطروحه فى كليات منفرده وبتاخد تنسيق اقل وبتتخرج مهندس برضه وكل حاجه وهى

( اليكترونيه - طاقه - معمار - زراعيه )

- هندسة الكترونيه منوف جامعة المنوفية ( المنوفيه بس)
- كلية هندسة الطاقة بأسوان ( اسوان بس)
- كليه فنون جميله قسم عماره ( فى كل المحافظات كلا منهم بتنسيقه)
- زراعة شعبة هندسة زراعية ( فى كل المحافظات كلا منهم بتنسيقه)

وفى رايي الرهان الاكبر على عماره بس هنا بقى الدرجه بتحكمك يعنى ايه تعالو نشوف:

( 94.26% 386.5 هندسة المنيا2011 ) نفتكر اقل هندسه السنه الى فاتت
( 94.02% 385.5 هندسة الكترونيه منوف2011) بفارق درجه واحده فقط
( 93.9% 385 هندسة الطاقة بأسوان 2011) بفارق درجه ونصف فقط
( 93.54% 383.5 فنون جميله قسم عماره المنيا 2011 ) ودى اقل جامعه قبلت بفارق ثلاث درجات
( 89.27% 366 شعبة هندسة زراعية الإسماعيلية 2011 ) ودى اقل جامعه قبلت بفارق 20.5 درجه بس اسمك مهندس زراعى.

ثانيا الكليات الى تحت الهندسه وليها مستقبل حلو برضه

( حاسبات ومعلومات - علوم ( قسم جيولوجيا بالتحديد) - تربيه رياضه - علوم ( قسم الحاسب الألى) )

نبدأ بالحاسب اولا فى ثالث كليات بتدرس تخصصات ليها علاقه بالكمبيوتر وهى ( هندسه - حاسبات ومعلومات - علوم)
تعالو نفرق بينهم

من حيث المسمى الوظيفى :

هندسه : مهندس كمبيوتر
حاسبات و معلومات : مبرمج كمبيوتر او مهندس برمجيات
علوم : متخصص علوم كمبيوتر

و كل واحد من دول ليه مجال شغله وليه وضعه بمعنى :

الاول : هندسه الحاسب كتعريف: هي التحليل، التصميم وبناء المكونات الصلبة للحواسيب

أحد فروع الهندسة الكهربائية وهو الاختصاص الذي يجمع بين الهندسة الإلكترونية وعلوم الحاسب
مهندسو الحاسوب هم عبارة عن (مهندسو إلكترونيات أساساً)، ولديهم معلومات إضافية وتدريب وخبرة في مجال (تصميم البرمجيات والعتاد الصلب للحاسوب)، خصوصا في مجال تكامل البرمجيات مع العتاد. يشارك مهندسو الحاسوب في جميع مجالات الحوسبة من تصميم المعالجات الصغرية، والحواسيب الشخصية والحواسب الفائقة supercomputer وحتى تصميم الدارات والشيبات بالإضافة لتكامل الأنظمة الحاسوبية مع أنواع أخرى من الأنظمة (مثل المركبات ذات المحركات والأنظمة الرقمية).
يساهم مهندسو الحاسب icl أيضاً في كتابة الشفرات البرمجية البرمجيات المضمنة embedded software للمتحكمات الصغرية microcontroller ذات الزمن الحقيقي، تصميم شيبات VLSI، العمل على الحساسات التماثلية ****og sensors، تصميم أنظمة التشغيل وحتى لوحات الدارات circuit board والروبوتات.


أهم مواصفات عمل خريج قسم هندسه الحاسبات :

1. تصميم وتنفيذ المكونات التجمعية للحاسبات وأجهزة نقل البيانات.
2. تصميم وتنفيذ برامج التشغيل الأساسية ونظم المعلومات المتقدمة.
3. تحليل المتطلبات ووضع المواصفات لأجهزة الحاسبات وتجهيزات شبكات ربطها والبرامج الأساسية لتشغيلها والتجهيزات الفنية اللازمة لها.
4. القيام بالأعمال الفنية لرفع كفاءه استخدام وتطوير الحاسبات وبرامج التشغيل الأساسية ونظم المعلومات المتقدمة.
5. المشاركة الفنية في مجال تخصصه لاختيار أفضل العروض والإشراف على التجهيز والتركيب والتشغيل.
6. تشخيص الأعطال في المكونات المادية والبرامج الأساسية ونظم المعلومات المتقدمة والإشراف على خطوات الصيانة والإصلاح.
7. تصميم وتنفيذ البرامج المتخصصة في المجالات الفنية والتقنية العالية.

يعنى فى المعظم بيشتغل فى الهارد وير ( تطوير - صيانه - برمجه اساسيه وربط - تصميم)


الثانى: كتعريف ما هى هندسه البرمجيات

هندسة البرمجيات أو software engineering,, هي دراسة تصميم و تنفيذ و تعديل البرمجيات بما يضمن توفر هذه البرمجيات بجودة عالية و تكلفة معقولة متاحة للجميع و قابلة للتطوير فيما بعد و سريعة للبناء. و هندسة البرمجيات تقوم على أسس و نظريات من الهندسة و علوم الحاسب كمبدأ ال Functional Structure من الهندسة و الذي يعتمد على مبدأ تصميم أجزاء صغيرة تتجانس في العمل مع بعضها لتشكل عمل الكل. و من علوم الحاسب يأخذ مباديء كثيرة لعل من ابرزها ال Object Oriented Design و الذي يتعامل مع كل الاجزاء في البرمجيات ككائنات تتفاعل مع بعضها لتشكل عمل النظام بالكامل. و هي تختلف عن علوم الحاسب حيث انها تعد فرع مهم من فروع علوم الحاسب.

مجال العمل :مجال مطلوب حيث ان معظم الشركات الكبيرة والصغيرة الخاصة منها والحكومية تطلب تخصصات الحاسبات والمعلومات لان كل شئ يحتاج لبرمجه من نوع ما لكى يعمل بالطريقه المرجوه.

يعنى فى المعظم بيشتغل فى السوفت وير ( تطوير - ابتكار - ربط وتكامل - تصميم لغرض معينه) مع العلم انه بيدرس
نظم وتكنولوجيا المعلومات يعنى مثلا اقسام الكليه فى حلوان هى ( علوم الحاسب - نظم المعلومات - تكنولوجيا المعلومات)

الثالث : كتعريف
علم الحاسب هو العلم الذي يدرس الحوسبه ومعالجة البيانات والنظريات والتطبيقات التي تشكل الأساس لأتمام نقل المعلومات وتشغيلها وتحويلها، وذلك بدراسة برمجيات الحاسوب وعتاد الحاسوب. في بعض الدول العربية يطلق على مصطلح علم الحاسب الآلي المعلوماتيه اختصاراً.

تهتم علوم الحاسوب بداية بدراسة الأسس النظرية للحوسبة والمعلومات وتطبيقاتها في الأنظمة الحاسوبية.

ثلاث فروع بأستثناء هندسه الحاسب :

معلوماتيه نظرية : يدرس اللغات الصورية، نظريات الحوسبة أو الخوارزميات وحساب التكاليف.
معلوماتيه عمليه : يدرس مهارات ترجمة اللغات الصورية ونظريات والخوارزميات إلى تطبيقات يسهل تداولها، والتطوير المستمر لها مع ما يماشي العلوم ومجالات الحياة الأخرى.
معلوماتيه تطبيقيه: وتهتم بالتطبيقات المختلفة للحاسوب في مجالات الحياة : كالتصميم والتصنيع باستخدام الحاسب، والأنظمة الإدارية والصناعية.

يعنى بأختصار ( بعض البرمجه - تكامل برمجيات فى المجالات المختلفه - ادماج الحاسب فى المجالات المختلفه - وطبعا عن عتاد الحاسب وكيفيه عمله )

بس للأسف النوع الثالث مظلوم نوعا ما فى مصر يعنى مفيش شركات كتيره بتقبله مع انه بيبقى رابط كذا مجال مع بعض بس هما بيبقى عايزين حد متخصص يا اما برمجيات يا اما هارد وير فممكن يشتغل اخصائى حاسب فى شركه مدرس كمبيوتر فى ثانوى او معهد ولو طور نفسه ممكن مبرمج هو ونصيبه بس بره ليه تقدير كبير عن هنا فى مصر طبعا.
فى النهايه ارشح حاسبات ومعلومات
------------------------------------------

ده بالنسبه لحاسبات نيجى للخيار الثانى
علوم قسم جيولجيا القسم ده مستقبله حلو ليه لانه بيشتغل فى شركات البترول وفى معامل التكرير وبينافس بشده كمان مع خريجى كليه بترول قسم جيولوجيا وجواه فى تخصص علوم بترول
يعنى لو اتميزت فيه او اشتغلت فى شركه بترول فى دوله عربيه هتبقى باشا بس فى مشكله واحده ان مش كل كليات العلوم بتقبل طلاب علمى رياضه فى قسم جيولوجيا بس فيه بيقبلو يعنى اسيوط واظن سوهاج برضه معرفش القاهرة بصراحه ايه اخبارهها ممكن نتأكد منها.

----------------------------------------

الخيار الثالث والأخير تربيه رياضه بأختصار شديد تطلع مدرس رياضه طبعا مش سهل انك تتميز بس مستقبل برضه وكلنا عارفين ان الرياضه مبتبقاش سهله لمعظم التلاميذ وفى راىى احسن من التجارة.

--------------------------------------
طيب انت وجعت دمغنا وش وبرضه مجاوبتش على السؤال باختصار
اذا مكنش هندسة فى محافظتى يبقى ايه؟
1-هندسه اقاليم
2- هندسه جامعه خاصه
3- هندسه معماريه من فنون جميله
4 - حاسبات ومعلومات
5 -علوم قسم جيولوجيا
6- تربيه رياضه
7- تجاره انجلش
بالترتيب كده
ده رايي و فى الاول والاخر القرار طبعا ليك