مغامرة فى لجان التظلمات

[ام الاحباب]

انا كنت يوم السبت بشوف ورقى الكيما و التفاضل علما بانى فى تانية ثانوى طبعا نبدأ بمهزلة تصحيح التفاضل طبعا كان معايا بابا علما بأن بابا مهندس يعنى رياضة 100 % كل الاسئلة بدون استثناء بينقص فيها نص درجة او درجة كاملة بدون سبب و لا حتى اشارة غلط نيجى بقى عند السؤال بتاع زوايا الارتفاع و الانخفاض اللى المفروض ببقى داخلة ضامناه السؤال ده منقصنى فيه درجتين بدون سبب و الله كنت هتجنن نفسى افهم انا و بابا ليه منقص كده طيب بلاش دى فى مسألة الاثبات اللى كانت موجودة ما فيهاش نقطة زيادة او غلط و منقصنى درجة رخامة لدرجة انه منقصنى فى المجموع كله 5 درجات


اما بقى الكيميا دى بقى الكارثة مصحح الاسئلة و كأنها اسئلة مقالية يعنى نفس الاجابة بالحرف مرة عاملها كلها غلط و مرة مصحح بنص الدرجة و مرة الدرجة كاملة و المعادلات صح عاملها غلط مع انها هى هى اللى فى النموذج و الكتاب و فى اسئلة مش متصححة و فى اسئلة مش مفهوم ليه غلط و هكذا المهم حسبى الله و نعم الوكيل