ضحك فى ضحك

[لولو داد]

انت في اوضتك..نايم في سريرك ومتغطى.. وطافي النور يجي حد يفتح عليك الباب من العائله الكريمه ويقولك... ايه ده انت هتنام ولا ايه؟؟
اظن ده مش وضع رقص واضح طبعا اني هنام



مثلا خارج من اوضتك في امان الله و رايح تعمل اي حاجة ييجي حد من افراد الاسرة اللذيذة يقوللك ايه ده انت صاحي؟
لا يا حبيبي بمشي و انا نايم



انتم معزومين عند ناس وأول ما وصلتوا عندهم وفتحلكوا الباب تلاقى ابنهم الصغير بيقول... ايه ده انتوا جيتوا؟؟؟
لا لسه يا عنيا



انت لابس هدومك ومتأنتك وريحة برفانك جايبه للعمارة اللي جنبكوا وبتفتح باب الشقه وخلاص نازل ...تسمع حد من اهلك يقولك...ايه ده انت خارج ولا ايه؟؟؟
لا ابداً بجرب الباب بس



او مثلا انت ركبت عربيتك ودورتها وخلاص ماشي تلاقي البواب جاي يخبطلك عالأزاز انت بكل زوق تفتح تقوله في ايه؟؟
يقولك انت خارج بالعربيه يا بيه؟؟
لا العربية واحشاني شويه



مثلا ماسك سماعة التليفون وبتضرب رقم يجي حد من اهلك يقولك.... انت هتتكلم في التليفون؟؟؟
لا بسمع صوت الحراره



ربنا هديك كده وماسك الكتاب وعمال تحفظ وتذاكر ومتحمس قوي... تلاقي حد جاي يقولك..ها.. انت بتذاكر؟؟
تروح رامي الكتاب في وشه وتقوله لأ ده انا معجب بيه

[The Happy Angel]

هههههههههههههههههههههههه جميله اوي وكلها بتحصل بس تفتكر ليه دا بقي ؟ يعني ليه بيسئلوا الاسئله دي وهما عارفين ان الاجابه بالطبع واضحه تماما


ايه دا انتي بتقري ردي ولا ايه؟

[أمة الرحمن]

ههههه فعلا حاجة تضحك أوي والموضوع جميل جدا

[فارس الأحزان/ضياء الدين سعيد]

ههههههههههههههههههههههههههههههههههههههههههههههه
تصدق يا لولو انت مرح جدا جدا ربنا يوفقق هههههههههههههههه
أنت فى طريقق لان تكون كاتب ساخر

[محمود السيد صالح]

ههههههههههههههههههههههه هو الموضوع ده في المنتدي ولا ايةةةةةةةةةةةةةةةةة
ههههههههه

[my_heart_miss_you]

hahahahahahahahahahahahahah

thanxxxxxxxxxxxxxxxxxxxxxxxxxx

[محبة الله]

hhhhhhhhhhhhhhhhhhhhhhhhhhto7fa ya lolo

[manoo_123]

ههههههههههههههههههه
لا بجد جامد جامد جامد