اناشد عبقرينو مان وبقترح اقتراح

[نغم البحر]

السلام عليكم

.. اولا ليا ملحوظة يمكن ذكرها احد الاعضاء قبل كده هى ان الموقع كتير بنلاقيه السيرفر واقع ومش بيفتح

.. ده سعات بيفضل كده لساعات ياريت تحل المشكلة دى يا عبقرينو ده اولا


... ثانيا بقى ليا اقتراح اتمنى انه يتنفذ هو اضافة قسم خاص للتعارف والتهانى

يعنى تعارف كل عضو جديد يشترك يقدم نفسه عليه لان مش كل الاعضاء بيسيبوا بياناتهم

والتهانى يعنى لو اى حد من الاعضاء حصل عنده حادث سعيد يقول ونهنيه

خصوصا بقى ان نتايج الامتحانات قربت وهنهنى ناس كتير بالنجاح ان شاء الله

يا عبقرينو صدقنى ده هيساعد كتير على تقارب الاعضاء من بعضهم ويزود احساسهم بانهم اسرة واحدة

بتشارك بعضها فى كل شىء . اتمنى ان الكل يايد طلبى ده وان عبقرينو ينفذه

يللا عايزة اشوف التاييد زى مطر طوبة وامشير والا هتكسفونى من اولها .

اختكم احلام ( نغم البحر ).

[عبقرينومان]

في قسم بالفعل اللي هو (عضو جديد)
ولا قصدك نعمل قسم كمان (للتهانئ والتعارف)

[نغم البحر]

لا انا قصدى نعمل قسم تعارف وتهانى

ولو التعارف موجود بالفعل يبقى نعمل قسم خاص للتهانى .

[FRANKENSTEIN]

هو الموقع بيقع كثير فعلا طب ايه الحل

[loveer_moon]

هو فعلا الموقع بيقع كتير جدا خصوصا هذه الأيام لأن الكل منتظر من عبقرينو نتائج الامتحانات وخصوصا الدبلومات الفنية هتعلن اليوم واثانوية العامة قريبا ولكثرة الدخول الموقع بيقع بس المهم احنا عايزين النتائج على adsl ياريت ياعبقرينو تشوف حل لينا

[msamido]

انا مش فاهم فعلا ايه مشكله الموقع وكل شويه يقع دي لو مشكله سيرفر ما نغيره

[zizo2_2]

الأخت نغم

زي ما قال الاستاذ اشرف في قسم اسمه عضو جديد
وفيه موضوع مثبت اسمه بطاقة تعارف

أكيد لو دخلتي عليه هتلاقي ان معظم الاعضاء مشاركين فيه وحاطين بياناتهم

هو ممكن يتغير اسم القسم بس

ده رايي

[اينشتاين]

صحيح يا استاذ اشرف ايه سبب ان الموقع فى اغلب الاوقات واقع

[نغم البحر]

ميرسى يا زيزو ع المعلومة هو فعلا يا ريت يتغير اسم القسم

كمان لازم يكون فى قسم للتهانى .. خصوصا ان نتايج الامتحانات قربت يعنى عايزين نهنى كل الناجحين

انا شايفة انها فكرة كويسة والا ايه رايكم ؟؟؟