ازاى نخلى العاده عباده

[angel_eyes]

السلام عليكم و رحمه الله و بركاته:

انا مش هتكلم كتير فى الموضوع ده

انا هقلكم ازاى تعرفوا تستفيدوا من كل حاجه بتعملوها كل يوم..........

يعنى مثلا احنا كل يوم بناكل و بنروق الشقه مثلا و بننزل نتفسح مع اصحابنا و بننام و بنزاكر
دا ف ايام الدرسه يعنى عشان محدش يزعق

طب ازاى نخلى كل حاجه من العادات دى عباده و ناخد حسنات كل ما نعملها

بسيطه:

عــــــــــــــــــاده + نــــــــــــــــيه = عبـــــــــــــــــــــــــــــاده
فهمتونى؟؟

يعنى كل ما نيجى نعمل اى حاجه من الحجات اللى فاتت اللى بنعملها كل يوم نشفلها اى نيه

يعنى مثلا:

نيجى ناكل نحط نيه الاكل بناكل عشان نقوى على طاعه ربنا

نذاكر عشان نقوى نفسنا لان المؤمن القوى خير و احب الى الله من المؤمن الضعيف

نروق الشقه طاعه و بر للام

لما نيجى نخرج مع اصحابنا مثلا نحط نيه ادخال السرور على المسلم

و ننام عشان نريح نفسنا عشان نقدر نعبد ربنا تانى يوم

و بكده نكون اخدنا حسنات على كل عاده بنعملها كل يوم و بالتالى حولناها من عاده الى عباده

بشرط اننا نجدد النيه كل يوم

حولوا بقى تلاقوا اى نيه لكل حاجه بتعملوها ف يومكم

يا رب اكون عرفت افيدكم بحاجه و يارب ميكنش الموضوع مكرر

عايزه اعرف رايكم........و لو عجبكم ممكن ابقى اكتبلكم نيه لمعظم الحجات اللى بنعملها كل يوم بس ابقوا قولوا رايكم

شكرا ليكم