مسألة فى الرياضيات(أرشيف تجميعى )

[bent elhob]

السلام عليكم ورحمه الله وبركاته

التفاضل وحساب المثلثات تقريبا كلنا حلينا كله بس كله غلط

انا عن نفسى مش ضامنه انى اجيب 15 حتى بعد اما كنت مش بنقص ولا درجه فى اى امتحان رياضه من صغرى الوقتى عااوزه انجح قلت للمدرس النهارده كده استغرب وحتى زمايلى مستغربين انى مااحلتش

بصراحه انا ماعدشى عندى امل

انا الحمد لله زاكرت من اول السنه ومافيش ولا حاجه من اللى زاكرتها جت
فى العربى الحمد لله حليت كويس بس الوقت ماكنشى معايا لانى حاولت اكتب اجابات نموذجيه فتاثر التعبير ويدوب 35 سطر

وفى الانجليزى هنقص على الاقل 10 درجات والتفااضل زيه
والجبر اكيد المثل
والفرنساوى اللى مش اداامه ايام هنقص النص
والكيميا هتبقى اعصبنا ضاعت هنقص النص او الاكتر

فالواحد بقا عاارف هو هيجيب كام اصلا قبل ماالنتيجه تطلع

وكفايه اللى حصل لى لحد الوقتى لدرجه انى كنت اعيط واضحك ومش عاارفه ليه ؟
وكان جسمى بيرتعش ومش قاادره امسك حاجه

المدرسينكان بيقولوا لو نقصتى هتجيبى 97% الوقتى انا عايزه انجح ؟

وان شااء الله هروح بكره الامتحان وانا هاديه ومش فى بالى حاجه غير انى انجح

ويااريت كلكم تروحوا الامتحانات مش تقولوا مش هتروحوا لان انتوا كده بيتدمروا نفسكم فى الوزااره

وياارب كلنا نحل كويس بكره

والمراقبه تكون كويسه مش لمجرد اننا عاوزين نشرب يزعقوا

وخلى فى امل تعيدوا السنه ايه احنا عااوزين نهرب منها مش نرجع لها تانى
حتى لو هتكتبوا قوانين فى الورقه وتسيبها بالوقانين احسن من لما تتسااب فااضيه انا عملت كده فى التفااضل

وفى رعايه الله

وبالتوفيق للجميع ان شااء الله

[artnee]

ربنا يستر ان شاء الله .

[kokla]

اعتقد ان الكل اتعقد من الامتحانات

وربنا يستر انا مشعارف ازاى حنيجى من الجبر نذاكر فرنساواى

[كاردينال]

أنا الحمد لله المصححين مش هيتعبوا في ورقتي مش هيلاقوا إجابات صح علشان يصححوها ويتعبوا نفسهم الوزير أثبت بجدارة إنه حطنا تحت الميكروسكوب وكان حالف بالتلاتة هيسقط الدفعه والحمد لله نجح وحطنا تحت سكاكينه يلا مش هنقول غير بَيَضَ الله وجهه وأعلى كَعبَه (البعيد)

[kokla]

المشاركة الأصلية كتبت بواسطة كاردينال

أنا الحمد لله المصححين مش هيتعبوا في ورقتي مش هيلاقوا إجابات صح علشان يصححوها ويتعبوا نفسهم الوزير أثبت بجدارة إنه حطنا تحت الميكروسكوب وكان حالف بالتلاتة هيسقط الدفعه والحمد لله نجح وحطنا تحت سكاكينه يلا مش هنقول غير بَيَضَ الله وجهه وأعلى كَعبَه (البعيد)

[Emy Gemy]

أحوآلنآ زى الزفت
والله أنآ كل منآيآ إنى أعدى الريآضه
لإن الريآضه بالذآت أنآ أصلاآ عندى فوبيا منهآ

[saleh serar]

كلمه وحده بس

امته هيموت الوزير او طالب يغتاله ويريحنا او احنا نموت ونرتاح

[kokla]

Emy Gemy
ههههههههه الرياضة مشكلة ناس كتير ودخلت ادبى عشان ابعد عن الخرة الرياضة لكن ورايا ورايا

[حسين فراج]

س.ص عددان موجبان س اصغر من ص فاذا كان السط الحسابى للعددين ينقص عن حاصل ضرب العددين بمقدار 47 و الوسط الهندسى للعددين ينقص 26 عن مجموع العددين فاوجد العددين
بدون قسم هذه المساله فى الامتحان غدا ان شاء الله

[MathPrince]

(س + ص)/2 + 47 = س ص
س + ص = 2 س ص - 94 (1)
ج(س ص) + 26 = س +ص (2)
بمساواة (1) , (2)
2 س ص - 94 = ج(س ص) + 26
2 س ص - ج(س ص) - 120 = صفر
{2ج(س ص) + 15} {ج(س ص) - 8} = صفر
إما 2 ج(س ص) = -15 (مرفوضة)
أو ج(س ص) = 8 ومنها
س ص = 64 (3) وبالتعويض فى رقم (1)
س + ص = 128 - 94 = 34 ومنها
س = 34 - ص (4)
وبالتعويض من (3) فى (4)
34 ص - ص^2 = 64
ص^2 - 34 ص + 64 = 0
(ص - 2) ( ص - 32) = 0
إما ص = 2 ومنها س = 32 وهذه مرفوضة لأن الشرط س < ص
أو ص = 32 ومنها س = 2
إن كان من توفيق فمن الله وحده وإن كان من خطأ فمنى ومن الشيطان

[artnee]

شكــــــــــــــــــــرا للحل ده يا MathPrince
وجزاك الله خيرا على مجهودك

[Mohamed.Helmy]

طيب ال 94 دى جت منين .؟؟؟ مش المفروض :

2 س ص _ 47 ؟؟

[salma .]

ضرب المعادلة فى 2

[عدلى دودو]

غلللللللللللللللللللللللللللللللللللللللللللللط

[salma .]

انا مش عارفة اذاكر خالص

كا ما افكر انى مش هعرف احل عشان الامتحان هيجى صعب

والله ما عارفة اذاكر اعمل ايه