ايه اخبار تعيين أوائل الكليات ياجماعة؟

[قطرالندى25]

انا طبعا مع حضرتك يا ام رهف وان مقدرتش اقنع بابا بالسفر هدعى ان ربنا يوفقنا كلنا علشان انا من المنيا واكبر اخواتى واعتقد انى هواجه مشكلة عند السفر بس مش مهم انا هحاول من عارف يمكن اقنع بابا انه يسافر معايا وربينا يوفقنا جميعا

[قطرالندى25]

ولو حضرتك ليكى فكرة ممكن اساعد بيها قولهالى وانا ان شاء الله هنفذها على طول

[emtaha2010]

المشاركة الأصلية كتبت بواسطة ام رهف

السلام عليكم ورحمة الله وبركاته
الى اوائل جامعة الازهر

بيان هام

الاخوة والاخوات تحيه طيبة وبعد
اولا كثر الكلام في الايام الاخيرة عن الاخبار وعدم وجود اخبار ولا يوجد احد يخبر بالمستجدات

ثانيا بحمد الله كما يعلم الجميع فان الحصر قد انتهي بالفعل وهو الان علي مجلس رئيس الوزراء ولا يبقي الا الامضاء فقط وبعدها نفرح جميعا باتمام نعمة الله علينا والانتهاء من الامر ولكن الموضوع لا يهتم به من بالمجلس وتم تجاهله في الفترة الحالية نظرا لما تمر به البلاد ونحن ان لم نسرع باتخاذ موقف وتحريك الامر من مجلس الوزراء فان الموضوع قد ينتهي ولا يوجد شئ اسمه تعييييييييييين بعد الان ان لم نتحرك حالا فقد يذهب رئيس الوزراء وكل من علي صلة بنا ويضيع ما فعلناه فكلام مجلس الوزراء شئ واحد في الفترة الحاليه""اصبرو انتو مستعجلين ليه موضوعكو يعتبر خلص وناقص امضاء رئيس الوزراء فاصبرو ومتستعجلوش""وهذا معناه ان موضوعنا تم تجاهله وان ام نحركه فسوف يذهب هباء منثورا وسنضطر حينها الىاعادة مجهود 4 اشهر مضت من جديد .. لابد من ان نكون رجالا وان نتكاتف لنصل بالموضوع الى بر السلامة
رابعا "تم تحديد يوم الاحد القادم وقفه فاصله ان تم امضاء القرار رجعنا مسرورين وان لم نذهب وتكاسلنا فسوف نخسر كل شئ فلذا اقول لكل من يهمهم الامر اذا لم نحضر يوم الاحد فسوف يضيع كل شئ وان تم الحضور باعداد مكثفه فسوف ننهي الامر مطلقا

خامسا نعلم جميعا تمام العلم ان هناك الكثير من يتابع ويتكلم من خلف الشاشات ولا يحب المشاركات" خايف علي نفسه من الشمس"طبعا اما اخواننا واخواتنا الذين تعبو ويعلمو ان هذه مسئوليه سنحاسب عليها امام الله تعالي فاقول لهم هذه الرقفة الفاصلة ومن يحضر معنا يغلم هذا تمام العلم ولن ازيد علي ذلك لانطلب نصر من احد ولا تعاطف وانما نقول لاحبابنا هذا يوم الفصل اما ان نرجع بفرحنا واما ان ننام في بيوتنا
وجزاكم الله خيرا
وموعدنا يوم الاحد القادم الساعة 9 صباحا ان شاء الله تعالي

ان شاء الله ربنا يوفقنا

ونتعين معيدين في الجامعة

يا رب يا رب يا رب

[ramy gama]

تــعـــيــيــن أوائــــل الأزهـــــر لــــن يـــــتــــم إلا بـــإمـــــضـــــاء رئــــيـــــس الـــوزراء ؟؟ ولــــن يـــتــــم ذلك ســـريـــعــا إلا بـــإعــــتـــــصـــــام مـــحــــشـــــود مـــــن الأوائـــــــل .... مـــوعــــدنا الأحـــــد الـــقـــادم أمــــام رئــــاســـة الــوزراء

[د.عبدالرحمن المنياوي]

ربنا يوفق الجميع

[boskovice]

وموضوع اوائل خريجين الجامعات المصرية نفس الشى

الامر حاليا شكلة موقوف يعنى مأجل محدش من المسؤليين مهتم بية

الله يسهل للكل

[مروه مصرية]

السلام عليكم
من فضلك يادكتور عبد الرحمن عايزه اسال حضرتك سؤال
انا الثانية علي القسم والاولي علي الشعبه واسمي مش من العشرين الاوائل علي الكلية هل لي الحق في التعيين

[د.عبدالرحمن المنياوي]

المشاركة الأصلية كتبت بواسطة شريف الصعيدى 22

دكتور عبد الرحمن ازي حضرتك اخبارك ايه يادكتور واحشنا والله
ينفع كده يادكتور كل الجامعات تبعت اسماء كل الدفعات الا الجامعة الزفت كفرالشيخ
بالله عليك يادكتور اولى اعمل ايه ؟

المهم حضرتك انا كنت عاوزك فىموضوع هام جدا
وحابب اخد راى حضرتك فيه
بس بالله عليك جاوبنى بكل صدق وصراحه
انا لما روحت للمحامى وقابلته الكلام ده كان الاتنين اللى فات
كنت اول مره اقابل صاحب المكتب نفسه لانه كان فى اجازه
المهم حضرتك دخلتله كلمنى واضح من كلامه انه شخص محترم والله
انا حكيتله موضوعى كله
وقالى موضوعى خالص ومضمون مية ف المية ويخلص بطريقتين
الاولى اننا نرفع دعوة قضائية على جامعة كفرالشيخ وديه هتاخد وقت شوية
لاننا مش هانرفع الدعوى غير فى شهر 1 او 2 الجاى ويعنى ممكن تعد بعد كده
من 6-7 شهور على ماتظهر نتيجة الدعوى وهيه مضمونه طالما ليك حق
طيب حضرتك والطريقة التانية
قالى انا اعرف واحد صحفى بيخلص المواضيع ديه بس بياخد مبلغ مش صغير
ولقيته كلمه فى التليفون على طول وحكاله موضوعى وقاله تاخد منه كام
من هنا لهنا قالوا هاخد منه 20 الف جنيه
ومش هاخد منه ولا مليم غير لما اجيبلة تاشيرة الوزير وتعيين فى جامعة كفرالشيخ
وممكن كمان نعينه فى جامعة طنطا وبعد كده ينقل كفرالشيخ عادى
ولما اولتله انا ليا اخ كمان معاه ليسانس حقوق
قالوا هاشغله هوه كمان فى المحكمة او الكهربا وهاخد منهم الاتنين 50 الف جنيه
دكتور عبد الرحمن انا متردد ومش عارف اعمل ايه
وبجد مش عاوز حقى يضيع
معادى مع المحامى الاسبوع الجاى علشان اديله القرار النهائى
دكتور عبد الرحمن بالله عليك حسب خبرة حضرتك
الموضوع ده فيه اى شبة نصب عليا ولا لا ارجوك اولى حسب راى حضرتك اللى انا بقتنع بيه جداااااااا
اعمل ايه يادكتور
ياااااااااااااريت يااخوانى واخواتى الاعضاء حد يقول اعمل يه ؟

الراجل ده مش عاوز يجيبلك حقك .. ده عاوز رشوة علشان يعينك في الحتة اللي انت عاوزها .. طب قولوا خد 30 ألف وعيني معيد في الجامعة .. هههههههه انا مش عارف لسه فيه ناس من النوعية بتاعت الراجل ده بعد الثورة ده جرئ جدا .. دا انت ممكن توديه في داهية .. وبعدين الناس دي كانت بتخلص المسائل دي عن طريق علاقتها بعضو مجلس شعب أو من مكتب الوزير .. ودلوقت مفيش مجلس شعب والوزارة على كف عفريت ..

[mido_9_1987]

دكتور عبد الرحمن
لا أراك الله ظلمه ولاحلت بصدرك غمه ولا طلبت من الله شيئاإلاأتمه أسأل الله أن يسعدك ويهنيك ويحقق كل أمانيك ومن انهار الجنه يسقيك ومن سندس يكسيك اللهم امين ربنا يجزيك خير

[د.عبدالرحمن المنياوي]

مش عارف بس العبرة مش بالتأشيرة بتاعت الوزير العبرة باستلام العمل نفسه ..

[قطرالندى25]

يا دكتور عبد الرحمن مش حضرتك قولت ان المدرسين هياخدو حافز ال200% انا دخلت على صفحة تانى من المنتدى ولاقيت الناس مقطعة بعضها والله يا دكتور وبيقولو انهم مش هياخدو ال200% وانهم هيضمو الكادر مع الحوافز انا متلغبطة يا دكتور ممكن حضرتك ترد عليا بشأن هذا الموضوع

[د.عبدالرحمن المنياوي]

المشاركة الأصلية كتبت بواسطة مروه مصرية

السلام عليكم
من فضلك يادكتور عبد الرحمن عايزه اسال حضرتك سؤال
انا الثانية علي القسم والاولي علي الشعبه واسمي مش من العشرين الاوائل علي الكلية هل لي الحق في التعيين

العبرة بالعشرين على كل الكلية

[د.عبدالرحمن المنياوي]

المشاركة الأصلية كتبت بواسطة قطرالندى25

يا دكتور عبد الرحمن مش حضرتك قولت ان المدرسين هياخدو حافز ال200% انا دخلت على صفحة تانى من المنتدى ولاقيت الناس مقطعة بعضها والله يا دكتور وبيقولو انهم مش هياخدو ال200% وانهم هيضمو الكادر مع الحوافز انا متلغبطة يا دكتور ممكن حضرتك ترد عليا بشأن هذا الموضوع

القرار بيقول رفع الحافز إلى 200% .. والكادر بدل وليس حافز .. والوزير قال الكادر لا يدخل ضمن الحوافز والحد الأدنى أما بقى لو الوزارة ناوية تعمل دقة نقص ده شئ تاني ..

[د.عبدالرحمن المنياوي]

المشاركة الأصلية كتبت بواسطة mido_9_1987

دكتور عبد الرحمن
لا أراك الله ظلمه ولاحلت بصدرك غمه ولا طلبت من الله شيئاإلاأتمه أسأل الله أن يسعدك ويهنيك ويحقق كل أمانيك ومن انهار الجنه يسقيك ومن سندس يكسيك اللهم امين ربنا يجزيك خير

الله يكرمك

[د.عبدالرحمن المنياوي]

لا إله إلا الله .. محمد رسول الله