مسألة فى الرياضيات(أرشيف تجميعى )

[dr:esraa]

ياااااااااااااااااااااااااااااا ريييييييييييييييييييييييييييييييييييييييييييت

[son_Goku_2010]

يعنى هنقص و لا لا الاجابة صح بس فيها زيادة و الخطوات صح بس الخطوة الاخيرة زيادة

[son_Goku_2010]

ولو نقصت انقص قد اية باذن الله

[a7mad 3abdo]

لاحظت كثير من الطلاب بعد امتحان التفاضل و حساب المثلثات
اشادوا بصعوبة الامتحان , و بعدين زعلوا شويه
و بعدين ف اول الليل قالوا " يا جماعة هنزعل علي ايه ؟ دا قضاء و قدر , و اللي ربنا عايزه هيكون ,........"
كلامك حكم و زي العسل بس اسمع مني :
انا بأسمي دي " فلسفة فارغة"
و نقنع انفسنا باشياء زائفة ...
طبعا كل شيئ بيد الله و الكلام دا كله بس دا مش في حاله :
1) خرجت من الامتحان لقيت نفسك نسيت سؤال او جزء من سؤال ..و لا تلوم الا نفسك لو قرات السؤال غلط .
2)حصلت ظروف و مقدرتش تروح ( و دا طبعا نادرا ما بيحصل الحمدلله)
انما جو اللجنة بقي و الكلام دا ...
طول ما اللجنه فيها الهدوء الكافي , لا تخرج من الامتحان و تقول جو اللجنة و ...
خصوصا في الرياضة :
قبل ما تدخل الامتحان لازم تحط في دماغك ان " مافيش مسأله مالهاش حل"
مش لازم تعمل ( فتك ) و تجاوب علي ال 5 اسئلة
هما 4 كفايا اوي , و اختار اسهل 3 في الاختياري
مشكلتنا و مشكلة الطلبة و التعليم في مصر ان الطالب اتعود علي نمط من المسائل و افكار معينة
يعني مثلا يجيلك مدرس يشرحلك قاعدة جيب التمام
يديلك 10 مسائل كل مسأله فيها فكره
و ال10 مسائل دول شاملين افكار الدرس الاساسيه كلها
اتعودنا ان الامتحان ما يطلعش براها.
نروح الامتحان و نتفاجئ بمسأله شكلها غريب
بعد ما نخلص نقول : " الامتحان مش من المنهج , المدرس دا مش تمام ما تبقاش تاخد عنده , الراجل اللي حط الامتحان دا راجل مفتري , الوزير مش حاسس باولياء الامور , .... "
يا جماعه التعليم عمره ما كان بالمعلقة
الواحد مننا عايز مدرس يجيله و يقوله " خد يا حبيبي الكام مسأله دول علي الدرس دا و الامتحان مش هيخرج منهم " لو عمل غير كدا يبقي مدرس فاشل و ما بيعرفش يشرح
لو الراجل دخل فهمك الجزء يتاع حساب المثلثات يتاع اولي ثانوي لا تعيره اهتمام
لان نزعم" ما علاقة منهج اولي ثانوي ب 2 ثانوي ؟ "
ادخل في المنهج علي طول يا استاذ و ما تضيعش وقت الحصة ...
------------------------------------------------------------------------
اللي انا عايز افهمهولك :
انت دلوقتي راجل في 2 ثانوي , يعني تقريبا اصبح لك فكر و اصبحت قادرا علي الابداع و علي خلق اشياء من وحي العدم
لذلك يجب ان تضفي علي تفكيرك لمسة من الابداع
مش عشان هو دا امتحان 2 ثانوي حرام عليا استخدم مثلا " نظرية اقليدس (علي هذا النحو) "
لازم تفكر وما تستسلمش , خليك ماشي مع المسأله , و اعيد النظر في اللي انت حليته
هتلاقي الحل قد يأتيك في ومضة .
المسأله عمرها ما هتتحل بمجرد النظر اليها و التفكير
امسك قلمك
جرب كل الطرق الممكنه
اكيد في واحدة هتوصلك
نفرض مثلا انت مش عارف اي خاصيه من خواص اي شكل هندسي
مثلا متوازي المستطيلات
لو انت مش فاكر مثلا : هل الاقطار بيتقاطعوا في منتصفهم ولا لا !
ارسم متوازي اضلاع بمقاسات مظبوطه
و ارسم قطرين , وشوف بيتقاطعوا ازاي
(بس كل دا تعمله بعد ما تخلص و فاضلك مسأله او 2 بالكتير )
امسك القلب و جرب كل ما تعرفه في المساله
و انا اضمنلك انك هتوصل . عارف ليه ؟؟؟
عشان مافيش مسأله مالهاش حل
و هو مش حاطط مسأله في الامتحان عبثا
حاول توصل من خطواتك الي الفكرة الخفية
ولا دخل للقضاء و القدر بهذا الموضوع
واحد هلاقيه رادد عليا و بيقول : " يا عم زمن الامتحان ساعتين !! هعمل قيهم ايه ولا ايه ؟!!!! "
هرد عليه و اقول " حاضر يا ابو لسان طويل ( بهزر ) " :
اسمع معايا :
انت لو من اول السنة حاولت في المسائل الصعبه بهذه الطريقه
مره في مره هتتعود عليها
و هتلقط الفكرة من شكل المسألة
بس المشكله ان الواحد فاكر ان المتميزين في الرياضة اتخلقوا مدرسين !!
لا . هما بقوا متميزين بالحل , بالتدريب , بالممارسه
عقل الانسان ليس له حدود
و لكن حدوده تتسع بالتمرين و بالاصرار
ولا تبلغ منتهاها بين يوم و ليله
لازم تاخد وقتك . و تجرب كل الممكن ...
لانك حتي لو جبت درجه مش تمام في الاخر
هتبقي شخصية مفكرة , و لك طريقه خاصه في حلك
و يكفيك شرفا انك فكرت في المسأله و لم تنقصك الا خطوة
لتدفعك الي اكمال المسأله
الوزير - والله اعلم - يريد ان ينشأ جيلا من المفكرين المبدعين
لا جيلا من المقلدين
لان الفشل هو ليس انك لا تنجح
انما الفشل ان لا تحاول و تسعي من اجل النجاح
-----------------------------------------------------------------------------
واحد يقوللي " انت بتقول كدا عشان انت حليت كويس في الامتحان !! "
لا يا ابو لسان طويل ( بهزر )
انا ماحلتش الامتحان كويس بس انا عملت اللي عليا
فكرت لحاد اخر دقيقة من الوقت
قدرت احل بعض المسائل في الوقت بدل الضائع
----------------------------------------------------------------------------
طبعا زي ما انتوا عارفين : اختلاف الراي لا يفسد للود قضية
عبر عن رايك بشكل منسق , محترم بعيدا عن كل ما يشوهه
اعرض وجهة نظرك , و نتناقش فيها
و اعرف ان القضاء و القدر ليس هذا الذي تزعمه.
انت عليك الاجتهاد و التفكير , و التوفيق من عند الله
تذكر :: ضع ردك بكل احترام , تجد اجابة بكل احترام.

[asrafayman]

انا خلاص اى امل فى اى حاجه ضاع منى احنا فعلا جيل نحس يعنى 6 ابتدائى واتنين انفونزا هديه وامتحان تجريبي وامتحانات منية بنيلة والناس كفرت خلاص يا جماعه حنا نكتفى ب 70 او 50 % احسن وان شاء الله طب هتاخد من 30% بس اصح ان احنا و ضاع مستقبنا نضيع اى حاجه باقيه حمد بدر نتظاهر نعم اى حاجه لو حتى نستناه ونموته يبقى احين هى موته ولا اكتر كده كده ضعنا بس مش هنضيع وحدنا يا احمد يا بدر هناخدك معانا واحتمال تسبقنا كمان

[kalefam]

المشاركة الأصلية كتبت بواسطة amala

ممكن حل مسالة دى ضرورى
اوجد مجموعة حل المعادلة|2-س|=3س+4

قبل ما نفك المقياس نعدله | س - 2 | = 3 س + 4

نفك المقياس
عندما س > أو = 2
س - 2 = 3 س + 4
س - 3 س = 2 + 4
-2 س = 6 و منها س = -3 ( مرفوض )
عندما س < 2
- س + 2 = 3 س + 4
- 4 س = 2 و منها س = -1/2
مجموعة الحل { - 1/2 }
( حقك على )

[conan10]

ربنا معانا و معاكم يارب
و منهم لله

[الاستاذ محمد سعيد ابراهيم]

المشاركة الأصلية كتبت بواسطة ahmedalian51

ثلاثة أعداد تكون متتابعة هندسية مجموعها 21 ومجموع مربعاتها يساوي 189 فما هي الأعداد

السلام عليكم ورحمة لله وبركاته
بسم الله الرحمن الرحيم

اشكر لك مشاركتك
وحل السؤال:

http://img105.herosh.com/2010/06/17/940134494.gif



ومع التمنيات بالتوفيق

[artnee]

شكــرا لحضرتك يا أستاذ الشحات اسماعيل

[artnee]

شكــرا لحضرتك يا أستاذ

[artnee]

شكرا يا كونان

[artnee]

شكرا يا استاذ

[crapron100]

مشكيلة انى بذكر طول السنة لكن اول مشوفت الورقة صدمة ومعرفتش الحل
هو حل كام مسئالة ونجاح

[artnee]

شكرا يا استاذ ومعلش يا احمد مكنتش افتكرها كدة .
اعذروووونى

[artnee]

ليه يا اخى ؟

ان شاء الله ربنا يستر .