للرد على اى سؤال او استفسار هنا فقط

[M.R-mohmed galal]

كتابة الحالة الفيزيائية امر مهم جدا في كل الابواب ما عدا الكيمياء العضوية
بينقص الطالب عليها في حالة واحدة فقط لما يكون مقفل الامتحان وجايب
النهاية في كل الاسئلة ... بيرجع المراجع الفني يبص علي الحالات الفيزيائية
لو كاتبها بيعتمد الدرجة ويوقع عليها .. لو مش كاتبها بينقص عليها ..
وهي سهلة محتاجة بس تكرار في كتابة المعادلات

[M.R-mohmed galal]

كلوريد الأمونيوم NH4Cl
مركب أيوني
غير تام التأين
ليست كل المركبات الأيونية تامة التأين فهناك مركبات ضعيفة التأين .

[kokomg]

شكرا جزيلا

[ahmed el_saeed]

متشكر جدا سؤال تاني بعد اذن حضرتك ...هل اي اجابة اجاوبها سواء سؤال علل او غيره لو ليه معادلة اكتبها ولا اكتفي بالاجابة النظريه ع السؤال ولا هو بيحددلي ويقول مع كتابة المعادلة

[فارس الكيميا]

المشاركة الأصلية كتبت بواسطة عبدالناصر صديق

غاز كلوريد الهيدروجين الجاف ينزع الماء ويمنع التفاعل العكسى ويصبح التفاعل تام غير انعكاسى

جزاكم الله خيرا أستاذنا الفاضل الاستاذ عبد الناصر صديق وبارك الله فيكم

[M.R-mohmed galal]

المشاركة الأصلية كتبت بواسطة ahmed el_saeed

متشكر جدا سؤال تاني بعد اذن حضرتك ...هل اي اجابة اجاوبها سواء سؤال علل او غيره لو ليه معادلة اكتبها ولا اكتفي بالاجابة النظريه ع السؤال ولا هو بيحددلي ويقول مع كتابة المعادلة

لا طبعا اي سؤال ليه معادلة لازم تكتبها لانه في اول الامتحان خالص بيكتب سطر كدا بيقول فيه ( مع كتابة المعادلات الرمزية الموزونة إن أمكن ذلك )

[ahmed el_saeed]

شكرااااااااااااااااااااااااااااااااااااااااااااااا ااااا

[ElMagic HooDa]

1- لو ذكر إضافة كمية من مادة صلبة سواء في التفاعلات أو النواتج .. هل ده هيأثر ع الإتزان أم لا ؟؟

2- إزاي مثلاً لما أضيف كمية من مادة أو تغيير الضغط ميأثرش عند قيمة ثابت الإتزان علي الرغم إنه بيزود كمية النواتج وبيقلل كمية المتفاعلات أو العكس ؟؟

3- المادة الأيونية عند وضعها في الماء بيحصلها تأين ولا تفكك ؟؟

[سيد عثمان]

لو ذكر إضافة كمية من مادة صلبة سواء في التفاعلات أو النواتج .. هل ده هيأثر ع الإتزان أم لا ؟؟
لا يؤثر على الاتزان بشكل ملحوظ لان تركيزها ثابت

2- إزاي مثلاً لما أضيف كمية من مادة أو تغيير الضغط ميأثرش عند قيمة ثابت الإتزان علي الرغم إنه بيزود كمية النواتج وبيقلل كمية المتفاعلات أو العكس ؟؟
لان التغير في تركيز النواتج يقابله تغير في تركيز المتفاعلات فيظل خارج قسمة النواتج على المتفاعلات ثابت وهو ثابت الاتزان

3- المادة الأيونية عند وضعها في الماء بيحصلها تأين ولا تفكك ؟؟
يحدث لها تفكك وليس تاين
بينما المركبات التساهمية القطبية مثل HCl عند وضعها في الماء يحدث لها تاين

[ahmed_ khamis]

ينشط التفاعل في اتجاة العكسي

[عبدالناصر صديق]

لا مش بتنقص بس فيه حاجات معينه فى الحاله الفيزيائيه لازم تكون عارفها فى الحاله الفيزيائيه راجع امتحان العام الماضى هتلاقى نقطه فى الاختيارى شغاله على الحاله الفيزيائيه

[ابو النجا]

السلام عليكم ورحمة الله وبركاتة

عام جديد سعيد عليكم وعلينا جميعا بإذن الله

يااارب يكون الجميع بخير

لو سمحتم أنا لحد الان لسه مبدأتش للأسف و للاسف انا مش باخد دروس هبدء اذاكر لوحدي و من دروس علي النت ف لو سمحتم انا مش عارف اذا كنت هلحق ف الوقت ومحتاج امشي ع خطه معينه
الخطه اللي ف دماغي ان اذاكر كل ماده ف خلال شهر وبكدا يبقي ذاكرت 5 مواد عندي وهي دي المواد اللي همتحنها الباقي امتحنته السنه اللي فاتت ( لغه فرنسيه - رياضه باحته )

شهر 1 / كيمياء
شهر 2 / فيزياء
شهر 3 / الرياضة التطبيقية
شهر 4 / لغه انجليزيه
شهر 5 / لغه عربيه

فهل الطريقه دي مناسبه ؟ , ام في خطه أفضل ؟

اتمني ان تفيدوني بالله عليكم , وجزاكم الله خيرا

في إنتظاركم

[ElMagic HooDa]

المشاركة الأصلية كتبت بواسطة سيد عثمان

لو ذكر إضافة كمية من مادة صلبة سواء في التفاعلات أو النواتج .. هل ده هيأثر ع الإتزان أم لا ؟؟
لا يؤثر على الاتزان بشكل ملحوظ لان تركيزها ثابت

2- إزاي مثلاً لما أضيف كمية من مادة أو تغيير الضغط ميأثرش عند قيمة ثابت الإتزان علي الرغم إنه بيزود كمية النواتج وبيقلل كمية المتفاعلات أو العكس ؟؟
لان التغير في تركيز النواتج يقابله تغير في تركيز المتفاعلات فيظل خارج قسمة النواتج على المتفاعلات ثابت وهو ثابت الاتزان

3- المادة الأيونية عند وضعها في الماء بيحصلها تأين ولا تفكك ؟؟
يحدث لها تفكك وليس تاين
بينما المركبات التساهمية القطبية مثل hcl عند وضعها في الماء يحدث لها تاين

يعني لو ذكر إضافة مادة صلبة في النواتج مثلاً . التفاعل لا يتحرك في الإتجاه العكسي ؟؟

[ابو النجا]

في إنتظار رد حضراتكم , جزاكم الله خيرا

[ElMagic HooDa]

- إيه هي أهمية الرمز الإصطلاحي ؟؟ وإيه هو الرمز الإصطلاحي للخلايا الجلفانية ( الزئبق والوقود والرصاص والليثيوم ) ؟؟

- ممكن شرح لمسائل الحصول علي "س" مول بإستخدام "X" فارادي . زي " لتكوين .5 مول من الهيدروجين نحتاج ..... فاراداي "

- إحسب كمية الكهرباء بالفاراداي اللازمة لإختزال مول واحد من : F2 (g) ---> 2F- (aq)