الموضوع ده هيوفر كتير لكل اللي عاوز يتفوق ثانوي عام ان شاء الله

[lolododo2010]

يا جماعه متحملوش هم الانجليزي 3 ثانوي اكتر نقصكم في العربي لانه مهمل حبتين من طلاب علمي خاصه و كذلك برده بتهملوا الانجليزي اهم من انكم تحلوا 100 كتاب فيه يكفي كتابين بكل ما فيهم يعني متركزوش بس علي شوز وفايند ذا ميستيكس وتسيبوا الباقي غلط كبير جدا لان اهم منهم تتدربوا علي البراجراف والمواقف والاماكن وتحلوا قطع الكومبيريهنشن بامانه ذاكروا بضمير وفي الاخر لو حد عاوز يقفل انجليزي لازم يذاكر بلاش شكوي عندك مشكله في الكلمات خلاص الحل سهل ادعي ربنا انه يوفقك لان اولا واخيرا التوفيق من عنده ابدا حط حل سهل يناسبك مثلا معاك ملزمه مقسمه الكلمات حسب المجالات شوف هتحفظ 5 او 10 كلمات منوعه كلمه من كل مجال يوميا تابع نفسك اول باول اول ماتعرف ان عندك بروبلم استوب وفكر في حله متشتكيش ولا تهرب حل مشاكلك خليك راجل معاها بدل ماتغلبك هي حط قاموس جمبك وانت بتحل قطع او جوجل ترجمه هتلاقي مليون حل ياللي خايف من الانجلش الانجليزي مشكلته معاكم هي عدم التدريب والاعتماد ع المستر وكمان عدم استمراريه المذاكرة وعدم متابعه النفس باستمرار بستنوا نتيجه الامتحان ف الاخر وتقول اتظلمت معلش انا حاده في كلامي المرة دي بس عشان تفوقوا وتعرفوا ان مهما كانت مشكلتكم مع ماده هتغلبوها لو عايزين لكن لو مش عايزين هتستمر الشكوي ولو بتتاثروا بغيركم من الطلبه اللي مستواها وحش هتتعبوا ربنا يوفقكم واستغلوا مدرسينكم واجهوهم يا مستر سمعلنا ومتتريقوش ع المستر اللي بيطحنكم لان ده في النهايه بيشتغل بضمير
ربنا يوفقكم وانا هنا أي سؤال انا في الخدمه

[lolododo2010]

شكلكم ابتديتوا دروس يارب اكون قدرت اساعدكم

[asmaa232]

طيب بصى يا دكتورة
انا داخلة تانية ان شاء الله
بالنسبة للإنجليزى المستر بيدينا ملزمة وبنشتغل منها تمام كدا انا بقى عاوزة اجيب كتاب خارجى وانا هجيب توب ستيودينت
اى رأيك ف الكتاب دا أجيبه ولا أجيب كتاب تانى ؟؟

[lolododo2010]

الهدف الكبير ...................... حدده انت عاوز توصل لمجموع كام و تدخل كليه ايه
مشكله مشقه السير وصعوبته.....................الحل التدرج والمرونه
طول الطريق ........................ حلها الصبر والانشغال
الكسل................... نتغلب عليه بمجاهده النفس
الالم ...................تذكر سعاده تحقيق الحلم تهن عليك حرارة الالم
التحديات................كن بطلا واكسب تحدياتك حتي تستمر
الاحباط والتشتت.............. نتغلب عليه بتجاهلهم والتركيز في ما نفعل للوصول للهدف
الحسد والحقد من الناس................. نتغلب عليه بالاعتصام والتوكل علي الله
وتكر لا تقف عند التخطيات وتخطاها
ولو حد عاوز يعمل جدول ويمشي عليه صح لازم يحطله جوانب كتير وهي
الروحاني(وهي الصلوات ودي بتشحنك) 5 مرات وكذلك قراءة القران
الصحي (الاكل وتذكر ان غذاء العقل الماء والاكسجين ده بيزود التركيز وبيشغل المخ اطول)
العلمي (ما ستذاكره)
الاجتماعي (حاول تخلي الغداء مع الاسرة واتكلم حبه معاهم)
عطائي (تصدق لان الصدقه دي بتزيح عنك كتير ولو عندك صديق بتساعدوا بعض مفيش مانع)
الاحتمالي وده بجد لو معاك صديق قدك بتساعدوا بعض علي التنفيذ
وخلي بالك انك متهولش لان هير الاعمال ادومها ولو قل
وخلي بالك ان التقييم لما فعلت وما لم تفعل بينجحك في جدولك بنسبه 95% فما فوق
واولا واخيرا خليك مرن وبلاش جداول من ساعه كذا لكذا ومن كذا لكذا لانه فاشل بكل المقاييس
وحاول علطول لو غلطت مرة حاول الف مرة ومرة لان حلمك بجد يستحق التعب والمعافرة عشان توصله واياك والياس والمحبطين لو قالك حد هنفشل امشي وسيبه وقول فنفسك افشل انت لوحدك انا طالما بحاول وبعافر يبقي انا علي الطريق الصح وتذكر انك لو حاولت كتير واخفقت كتير ممكن ربنا يهديك بهداية روحانيه للطريق الصحيح
وبرده الملل ده العدو الاكبر .............علاجه انك ترفه عن نفسك وتاخد فترات راحه وتنوع في المواد اللي بتذاكرها
ولو يأست قول لنفسك انا هحاول كتير مرة واتنين و3 والف مرة
اللي متعرفش تحفظه اقرا بفهم وبالفعل القرايه بفهم بتثبت وبتجيب مفعول المهم متسبش حاجه بدون مذاكرة وربنا يوفقكم

[lolododo2010]

كتاب رائع بس الانجليزي بيحتاج شغل كتير لا مانع ان يبقي معاكي سوربرايز كمان مش لازم كله يتحل مرة واحده انا عن نفسي كنت مثلا بحل كتاب لحد يونيت 5 او 9 وابدا احل في التاني من وان وانا مكله في الاولاني يعني كمراجعه

المشاركة الأصلية كتبت بواسطة asmaa232

طيب بصى يا دكتورة
انا داخلة تانية ان شاء الله
بالنسبة للإنجليزى المستر بيدينا ملزمة وبنشتغل منها تمام كدا انا بقى عاوزة اجيب كتاب خارجى وانا هجيب توب ستيودينت
اى رأيك ف الكتاب دا أجيبه ولا أجيب كتاب تانى ؟؟

[ندى اولى ثانوى]

معلش انا عارفة انى تعبتك معايا

بس يا ريت تحددى كتاب انجليزى كويس انزل اشتريه حالا

وبلاش الاختيارات

[. ahmed-gamal]

يا جماعة بالنسبة لانجليزى اولى ثانوي اجيب اكتر من كتاب ولا ايه بالضبط؟
احنا عندنا المستر عامل مذكرات روعة وهو دكتور فى جامعة المنوفية ومذكراته ملهاش حل بصراحة لكن انا عاوز اعرف هى اولى ثانوى لازم اكتر من كتاب

[دراكو مالفوى]

الموضوع ده حلو اوى
شكرا لحضرتك يا دكتورة
عندى الكثير والكثير من الاسئلة
1- حضرتك بتقولى كنت بذاكر احياء وفيزياء يوميا.ممكن اعرف كل مادة كانت بتاخد كام ساعة يوميا
2- حضرتك خوفتينى اوى من ناحية وطمنتينى اوى من ناحية.
_اطمنت من الاحياء والفيزياء وعلم النفس ان شاء الله اشد حيلى فيهم اوى وربنا يسهل واقفلهم بس فيه مشكلة
انا اكتشفت ان الاحياء والفيزياء بيخلصوا على اخر شهر 4 يعنى اول 5 كده.طيب انا مش هلحق اراجع فى شهر 5 واحل كتب مراجعه والدليل والامتحانات كل ده فى شهر
ايه حل المشكلة دى
_خوفتينى اوى من العربى بتقولى عليه تقيل بس مش دى المشكلة
المشكلة انك بتقولى انه هنهمله غصب عننا علشان الاحياء والفيزياء
ليه الاحياء والفيزياء هي***وا اليوم للدرجاتى
3- حضرتك بتقولى ان انجليزى 3 اسهل من 2 وده شىء مطمئن الحمد لله.
بس انا قررت ااخد فيه 3 ايام فى الاسبوع علشان اخلصه بدرى بدرى (على اول شهر 2)
واقعد اراجع المنهج لوحدى 3 شهور واخلى شهر 5 للاسئلة والامتحانات وكده علشان زى ما حضرتك بتقولى المنهج كله فى الامتحان لا يتعدى 15 درجة من 25
فدا كويس ولا لاا
4-حضرتك بتقولى احفظوا 10 كلمات يوميا وانا شايف ده كتيييييييييير اوووووى
انا ان شاء الله معايا مذكرة فيها 2500 كلمة .وكتاب فيه 2500 كلمة وكتاب سيربريز فيه قاموس كويس.فأنا هوصل بأذن الله لشهر 5 اكون حفظتهم
ايه رأيك دول كافيين انى اقفل الE
5- ايه رأيك فى الجدول ده
يومياااا
فيزياء 3 ساعات
أحياء 3 ساعات
عربى 2.5 ( علشان 2 مذاكرة ونص نحو )
انجليزى 2.5 (علشان ساعة كلمات وساعة ونص مذاكرة)
علم النفس ساعة
النوم 6 ساعات
الدروس 3 ساعات (درسين يوميا)
الراحة (3 دروس)
يوم الجمعه مراجعه
الاحياء 5 ساعات
الفيزياء 5 ساعات
المستوى ساعتين
علم النفس ساعتين
والE ساعة
وشكرااااااااااااااااا

[lolododo2010]

المشاركة الأصلية كتبت بواسطة دراكو مالفوى

الموضوع ده حلو اوى (ويارب يكون بيفيدكم)
شكرا لحضرتك يا دكتورة(لاشكر علي واجب)
عندى الكثير والكثير من الاسئلة(اتفضل)
1- حضرتك بتقولى كنت بذاكر احياء وفيزياء يوميا.ممكن اعرف كل مادة كانت بتاخد كام ساعة يوميا(يعني مابتزدش عن ساعتين)
2- حضرتك خوفتينى اوى من ناحية وطمنتينى اوى من ناحية(ماقولنا بلاش الخوف راحه البال والمثابرة اهم حاجه).
_اطمنت من الاحياء والفيزياء وعلم النفس ان شاء الله اشد حيلى فيهم اوى وربنا يسهل واقفلهم بس فيه مشكلة (مفيش مشاكل خالص وان شاء الله تقفلهم زيي)
انا اكتشفت ان الاحياء والفيزياء بيخلصوا على اخر شهر 4 يعنى اول 5 كده.طيب انا مش هلحق اراجع فى شهر 5 واحل كتب مراجعه والدليل والامتحانات كل ده فى شهر
ايه حل المشكلة دى (الحل بسيط انا كنت بحل الكلام ده من اول ما ابتديت اومال ليه كنت مخلياهم كل يوم ع اخر 4 مكنش في كتاب بفضل الله مش محلول بطريقه كده تدريجيه من اول يوم في السنه استشفها انت وبس 5 راجعت مراجعه مقاليه لكل المواد اصلي برده عملت لنفسي نظام مراجعه حليت في الامتحانات قبل 5 تقريبا كان من اول 4 كل يوم امتحان من 5 مواد واللي مخدوش ليسه كنت بحط عليه نجمه لحد ما خته ع اخر 4 كانو خلصوا) شهر 5 مراجعه مقاليه او حفظيه اصلا من كتر الحل والتدريب طول السنه المنهج كان في ايدي بفضل الله بس المراجعه دي لانهم للاسف بيبصوا بالحرف وكمان حل كتب المراجعه اصلي بامانه من 5 منزلتش مراجعات كنت مع نفسي بتوفيق ربنا
_خوفتينى اوى من العربى بتقولى عليه تقيل بس مش دى المشكلة
المشكلة انك بتقولى انه هنهمله غصب عننا علشان الاحياء والفيزياء تقيل اه بمعني رخم في الحفظ بس مفتاحه القرايه بفهم وتحل اسئله الامتحانات عارف في كتاب المعلم امتحانات ومراجعه متجاوب بالنص زي كتاب الوزارة اشتغلت في مع نفسي وخلص بس بامانه انا قفلت ف 3 انجليزي وفيزياء واحياء وعلم نفس ونقصت 1.5 عربي بس ده مش معمم انا بقول ان باقي المواد هضموا حقه لاني كنت داخله محدش فاهمني انه لو بالقراءه هيخلص وكمان كنت مهتميه اكتر بالباقي بس بقولك ذاكره عشان متنقصش انت فيه (نصيحه من حد غلط عشان متقعش انت فيه مش معني كده انك تخاف)
ليه الاحياء والفيزياء هي***وا اليوم للدرجاتى (مين قال كده انا بالنسبه لي الفيزياء كنت بحب احلها كتير اما الاحياء دي مده سهله) الحكايه تنظيم وقت عشان كده انت سيد قرارك نظم وقتك بما يتناسب معاك
3- حضرتك بتقولى ان انجليزى 3 اسهل من 2 وده شىء مطمئن الحمد لله الحمدلله
بس انا قررت ااخد فيه 3 ايام فى الاسبوع علشان اخلصه بدرى بدرى (على اول شهر 2) كده كده ده ماده تدريبيه زي الرياضه لو قفلته وسيبته هيتبخر خير الاعمال ادومها ولو قلوبرده مخوفكش في ناس بيهملوا الانجلش رغم خوفهم منه بسبب سوء تخطيط الوقت وادارة المواد
واقعد اراجع المنهج لوحدى 3 شهور واخلى شهر 5 للاسئلة اه كده تمام والامتحانات وكده علشان زى ما حضرتك بتقولى المنهج كله فى الامتحان لا يتعدى 15 درجة من 25
فدا كويس ولا لا المراجعه حلوة بس متديش للانجليزي اكبر من حقه الفيزياء مستاهله الحماس ده كله ومع ذلك لو مش هتظلمها يبقي تمام
4-حضرتك بتقولى احفظوا 10 كلمات يوميا وانا شايف ده كتيييييييييير اوووووى ههههههه في اوكازيون هينزل استناه
انا ان شاء الله معايا مذكرة فيها 2500 كلمة .وكتاب فيه 2500 كلمة وكتاب سيربريز فيه قاموس كويس.فأنا هوصل بأذن الله لشهر 5 اكون حفظتهم
ايه رأيك دول كافيين انى اقفل الEهههههههههههههه متزعلش لو قولتلك دي نصبايه لانك دلوقتي مجرد كلام لكن اول ماتعاصر المواد التانيه ممكن اصلا متلحقش تحفظ ال10 كلمات وبعدين ده الامتحان مبيبقاش بالصعوبه دي كلها ومتهولش لان ده كلام خيالي مش هتقدر تنفذه في ارض الواقع
نفسي تحط حاجه عقلانيه وهتدعيلي
5- ايه رأيك فى الجدول ده
يوميااااهههههههههه ومالك حاسم اوي كده افرض جالك سخونيه لقدر الله ربنا يقدرك
فيزياء 3 ساعات
أحياء 3 ساعات
عربى 2.5 ( علشان 2 مذاكرة ونص نحو )
انجليزى 2.5 (علشان ساعة كلمات وساعة ونص مذاكرة)
علم النفس ساعة
النوم 6 ساعات
الدروس 3 ساعات (درسين يوميا)
الراحة (3 دروس)ساعات
يوم الجمعه مراجعه
الاحياء 5 ساعات واسعه شويه
الفيزياء 5 ساعات واسعه شويتين
المستوى ساعتين الحسنه اللي في الجدول بحاله
علم النفس ساعتين معقول
والE ساعة......... معقول
وشكرااااااااااااااااا عفوا

ياما حطيت جداول من النوع ده وابشرك لو جبت سبيدر مان ولا الرجل المقنع مش هينفذه فين وقت الاكل فين وقت الصلاه مين قالك ان جسمك هيرضي ب6 ساعات المراهق بينام 8 فين وقت المواصلات فين وقت تصوير ورق الدروس فين وقت الراحه ولو حتي المشي للتلاجه
بامانه عاوزة اوفر عليك لو ماده واحده ذاكرتها بضمير احسن مما تكتب مليون جدول خيالي ده التهويل بعينه يا جماعه وبعدين عقلك مش هيقدر يدخل معلومات ماديه ومعنويه في يوم واحد (لو مفهمتهاش هبقي اوضحها) حط جدول حلو وبعدين ممكن تثبت الفيزياء والاحياء بس بوقت معقول
وتلعب بباقي المواد كل يوم ماده وابقي ناقشني لو عندك بروبلم

[lally adel]

تغليقا على كلامك يا دكتورة وردك على ( داركومالفوى ) .. انا بعد اذنك كنت عايزة اقول حاجة

انا وصحبتي قبل ما ندخل تانية ثانوى كان الحماس واخدنا اوى كدة برضه .. وفضلنا نحط فى جداول وفى حاجات .. و اول ما الكتب نزلت الفجالة حتى مكنتش لسة اتوزعت على باقى المكتبات نزلنا احنا الاتنين فى عز الحر والصيام نجيبها .. وكنا بنشترى بغشومية .. كأننا داخلين مسابقة اللى هيشترى فيها كتب اكتر هيكسب اكتر ..
المهم فضلنا بالحماس فى اول حوالى 3 شهور دراسة بس طبعا كان بيقل بالتدريج ..لحد ما وصلنا لشهر 1 او 2 تقريبا وبقينا زى كل الشعب المصرى بنحل من كتاب واحد بس من الكتب الكتيييير اللى كنا جايبنها .. بنام اكتر ما بنصحى فى اليوم .. بنذاكر تأدية واجب وعشان ضميرنا ما يأنبناش ان اليوم عدى واحنا ما ذاكرناش ...

المهم المشكلة كانت فى ان احنا دايما حاسين اننا كدة مقصرين واننا مش عاملين الحاجة اللى المفروض تتعمل ..
لما قعدت شوية مع نفسى وفكرت احنا ليه حاسيين بكدة لقيت ان الاحساس دة نابع من اننا حطينا جدول خرااافى وحاجاتفوق طاقة ابشر وكنا بنقسم اليوم من غير ما نحسب عدد ساعات النوم و الاكل والكلام دة ودة كله كان بدافع الحماس اللى كان واخدنا فى الاول لكن لما نزلنا على ارض الواقع لقينا قدامنا كل الحاجات اللى مكناش عاملين حسابها ودة اللى سببلنا احباط .. ولولا ستر ربنا الله اعلم الاحباط دة كان ممكن يوصل بينا لفين ..
اسفة على الاطالة .. بس حبيت اوضح النقطة دى عشان محدش يقع فيها

[asmaa232]

المشاركة الأصلية كتبت بواسطة lolododo2010

كتاب رائع بس الانجليزي بيحتاج شغل كتير لا مانع ان يبقي معاكي سوربرايز كمان مش لازم كله يتحل مرة واحده انا عن نفسي كنت مثلا بحل كتاب لحد يونيت 5 او 9 وابدا احل في التاني من وان وانا مكله في الاولاني يعني كمراجعه

شكرا جدا ليكى يا دكتورة

[محمود كرم أبوزيد]

جزاكم الله خيرا

[lolododo2010]

المشاركة الأصلية كتبت بواسطة lally adel

تغليقا على كلامك يا دكتورة وردك على ( داركومالفوى ) .. انا بعد اذنك كنت عايزة اقول حاجة

انا وصحبتي قبل ما ندخل تانية ثانوى كان الحماس واخدنا اوى كدة برضه .. وفضلنا نحط فى جداول وفى حاجات .. و اول ما الكتب نزلت الفجالة حتى مكنتش لسة اتوزعت على باقى المكتبات نزلنا احنا الاتنين فى عز الحر والصيام نجيبها .. وكنا بنشترى بغشومية .. كأننا داخلين مسابقة اللى هيشترى فيها كتب اكتر هيكسب اكتر ..
المهم فضلنا بالحماس فى اول حوالى 3 شهور دراسة بس طبعا كان بيقل بالتدريج ..لحد ما وصلنا لشهر 1 او 2 تقريبا وبقينا زى كل الشعب المصرى بنحل من كتاب واحد بس من الكتب الكتيييير اللى كنا جايبنها .. بنام اكتر ما بنصحى فى اليوم .. بنذاكر تأدية واجب وعشان ضميرنا ما يأنبناش ان اليوم عدى واحنا ما ذاكرناش ...

المهم المشكلة كانت فى ان احنا دايما حاسين اننا كدة مقصرين واننا مش عاملين الحاجة اللى المفروض تتعمل ..
لما قعدت شوية مع نفسى وفكرت احنا ليه حاسيين بكدة لقيت ان الاحساس دة نابع من اننا حطينا جدول خرااافى وحاجاتفوق طاقة ابشر وكنا بنقسم اليوم من غير ما نحسب عدد ساعات النوم و الاكل والكلام دة ودة كله كان بدافع الحماس اللى كان واخدنا فى الاول لكن لما نزلنا على ارض الواقع لقينا قدامنا كل الحاجات اللى مكناش عاملين حسابها ودة اللى سببلنا احباط .. ولولا ستر ربنا الله اعلم الاحباط دة كان ممكن يوصل بينا لفين ..
اسفة على الاطالة .. بس حبيت اوضح النقطة دى عشان محدش يقع فيها

وهو ده اللي كنت اقصده من تعليقي بتحط جدول وانت غير مراعي شروط الجودة ولا الواقع فمبتنفذوش وكمان بتعقد نفسك جزاك الله خير

[Nourshan Magdy]

السلام عليكم ورحمة الله وبركاته
اولا شكرا على مجهودك الرائع كتير كنت بدخل مواقع تتكلم عن الدراسة وطرق مذاكرة بس انتى شرحتيها بالتفصيل وربنا يوفقك فى كلية الطب بما انك بقى تجربة والحمد لله اكيد حققتى حلمك بدخولك الكلية انا عندى مشكلة وهى الوقت انا الحمد لله بعرف انظم وقت الى حد ما بس من وقت ما دخلت اولى ثانوى وكل حاجة اتلغبطت ليه هقلك بس الاول انا علمى علوم وامنيتى انى ادخل كلية الطب وبحب اسال الاكبر منى بس احيانا بحس برده ردهم مش بيقنعنى اوى بقول لانهم مش فى نفس موقفى دلوقتى .ايه هى بقى المشكلة ولو انها مش مشكلة اوى بس مضايقنى الموضوع ده اول حاجة نظام الثانوية الجديد يعنى بجد كده حرام انا كده هاخد 8 مواد ومنهم الجيلوجيا انا قرات على الموقع هنا انها مقررة على علمى علوم ورياضة مش عارفة الادبى وانتوا بتقولوا انها فيها رسومات ولاتينى طيب ديه تتذاكر ازاى ؟
اها فى حاجة تانية بعانى منها من السنة الى فاتت انا دلوقتى رايحة سنة تانية ان شاء الله وهى المواعيد اولا اشرحلك ظروفى وانتى قوليلى اعمل ايه .احنا مطلوب مننا نروح المدرسة علشان اعمال السنة والشرح والانشطة يعنى لازم كل يوم وهما كل يوم بيشرحوا المواد كلهاا والله انا السنة الى فاتت كنت باخد كل المواد كل يوم والمدرس كمان مش عاتق بياخدوا حصص الالعاب والمكتبة يعنى حتى كمان الترفيه لا وممكن المستر طبعا فيه الى عنده ضمير وفيه الى لا.طيب انا مدرستى بنخرج متاخر الساعة 2ونص والمواصلات والشوارع بيتبقى زحمة طبعا انتى اكيد عارفة التوقيت ده بيبقى عامل ازاى يعنى نقول ساعة فى الطريق طيب ولو عندى درس كده ساعتين ضاعوا من يومى وبلاقى اليوم قرب يخلص مش فاضل غير 5 ساعات مثلا علشان انام كويس لان معدل النوم الطبيعى للانسان من 6 الى 7 ساعات وانتى كمان قلتى ان المراهق احيانا بيحتاج اكتر طيب ازاى اذاكر كل المواد ديه فى 4 او 5 ساعات مع العلم بقى انهم محتاجين تركيز كيمياء وفيزياء وغيره ومحتاج حل اكيد طيب هتقوليلى اكيد فى ايام مش بيبقى عليا فيها دروس فى ايام الاسبوع اها فيه بس بيبقى فايتنى حاجات لازم اقعد اخلصها وكمان واجبات الدروس والمدرسين بيعملوا امتحانات الشهر فجاة مش مثلا يجوا قبلها باسبوع ويقولوا لا ده مثلا الاقى مدرس يقول الامتحانات هتبدا بعد بكرة ده على اساس ان انا مش لازم ارتب وقتى واجهز للامتحان ده بجد والله تعبت وكان بيبقى ارهاق غير طبيعى لانى علشان اخلص حاجتى بضطر انى اسهر فى ايام الدراسة وانام ساعتين وبعديهم بقى بيبقى اليوم الدراسى الشاق لو تقدرى تفدينى بحاجة ياريت تقوليها انا جربت كل حاجة وعملت جداول اكتر منها مفيش واحاول انظم وقتى بس بلغبط تانى انا كنت منظمة جدا فى اعدادى وفى تالتة اعدادى خصوصا علشان مكناش بنروح المدرسة كتير فكان بيوفر وقت. وبالنسبة للكتب انا كنت باستخدم الاضواء انا مجربتش كتاب المثالى قبل كده تنصحينى اجيبه ولا افضل على الاضواء والانجليزى كنت بجيب teacherوالمعاصر ايه الحلو فى ثانوى والرياضة كنت بجيب المعاصر بس سمعت عن كتاب لامى انه حلووو اوووى

انا عرفت طريقة حلوة للمذاكرة برده ممكن تفيدنا وهى دفتر التفوق الدفتر ده واحنا بنذاكر بنكتب فيه اسئلة مهمة من غير حل على الاجزاء المهمة الى فى المنهج فى كل المواد نقسم الدفتر ده مثلا 5 اقسام لو احنا عندنا 5 مواد وجينا نهاية الاسبوع والمفروض فيه مراجعة اسبوعية وشهرية فالدفتر ده بيفيد اننا نحل الاسئلة الى احنا ذاكرنا دروسها بدل مثلا لو فى ناس مش عندها وقت كبير للمراجعة ممكن تحل الاسئلة ديه كلها للمواد فى ساعة مثلا او نص ساعة ولو نقطة محتاجة مراجعة بيبقى من ملخص احنا بنعمله من كتاب الوزارة
اسفة انى طولت عليكوا بس انا عايزة بجد حد يلاقيلى حل

[asmaa232]

المشاركة الأصلية كتبت بواسطة nourshan

السلام عليكم ورحمة الله وبركاته
اولا شكرا على مجهودك الرائع كتير كنت بدخل مواقع تتكلم عن الدراسة وطرق مذاكرة بس انتى شرحتيها بالتفصيل وربنا يوفقك فى كلية الطب بما انك بقى تجربة والحمد لله اكيد حققتى حلمك بدخولك الكلية انا عندى مشكلة وهى الوقت انا الحمد لله بعرف انظم وقت الى حد ما بس من وقت ما دخلت اولى ثانوى وكل حاجة اتلغبطت ليه هقلك بس الاول انا علمى علوم وامنيتى انى ادخل كلية الطب وبحب اسال الاكبر منى بس احيانا بحس برده ردهم مش بيقنعنى اوى بقول لانهم مش فى نفس موقفى دلوقتى .ايه هى بقى المشكلة ولو انها مش مشكلة اوى بس مضايقنى الموضوع ده اول حاجة نظام الثانوية الجديد يعنى بجد كده حرام انا كده هاخد 8 مواد ومنهم الجيلوجيا انا قرات على الموقع هنا انها مقررة على علمى علوم ورياضة مش عارفة الادبى وانتوا بتقولوا انها فيها رسومات ولاتينى طيب ديه تتذاكر ازاى ؟
اها فى حاجة تانية بعانى منها من السنة الى فاتت انا دلوقتى رايحة سنة تانية ان شاء الله وهى المواعيد اولا اشرحلك ظروفى وانتى قوليلى اعمل ايه .احنا مطلوب مننا نروح المدرسة علشان اعمال السنة والشرح والانشطة يعنى لازم كل يوم وهما كل يوم بيشرحوا المواد كلهاا والله انا السنة الى فاتت كنت باخد كل المواد كل يوم والمدرس كمان مش عاتق بياخدوا حصص الالعاب والمكتبة يعنى حتى كمان الترفيه لا وممكن المستر طبعا فيه الى عنده ضمير وفيه الى لا.طيب انا مدرستى بنخرج متاخر الساعة 2ونص والمواصلات والشوارع بيتبقى زحمة طبعا انتى اكيد عارفة التوقيت ده بيبقى عامل ازاى يعنى نقول ساعة فى الطريق طيب ولو عندى درس كده ساعتين ضاعوا من يومى وبلاقى اليوم قرب يخلص مش فاضل غير 5 ساعات مثلا علشان انام كويس لان معدل النوم الطبيعى للانسان من 6 الى 7 ساعات وانتى كمان قلتى ان المراهق احيانا بيحتاج اكتر طيب ازاى اذاكر كل المواد ديه فى 4 او 5 ساعات مع العلم بقى انهم محتاجين تركيز كيمياء وفيزياء وغيره ومحتاج حل اكيد طيب هتقوليلى اكيد فى ايام مش بيبقى عليا فيها دروس فى ايام الاسبوع اها فيه بس بيبقى فايتنى حاجات لازم اقعد اخلصها وكمان واجبات الدروس والمدرسين بيعملوا امتحانات الشهر فجاة مش مثلا يجوا قبلها باسبوع ويقولوا لا ده مثلا الاقى مدرس يقول الامتحانات هتبدا بعد بكرة ده على اساس ان انا مش لازم ارتب وقتى واجهز للامتحان ده بجد والله تعبت وكان بيبقى ارهاق غير طبيعى لانى علشان اخلص حاجتى بضطر انى اسهر فى ايام الدراسة وانام ساعتين وبعديهم بقى بيبقى اليوم الدراسى الشاق لو تقدرى تفدينى بحاجة ياريت تقوليها انا جربت كل حاجة وعملت جداول اكتر منها مفيش واحاول انظم وقتى بس بلغبط تانى انا كنت منظمة جدا فى اعدادى وفى تالتة اعدادى خصوصا علشان مكناش بنروح المدرسة كتير فكان بيوفر وقت. وبالنسبة للكتب انا كنت باستخدم الاضواء انا مجربتش كتاب المثالى قبل كده تنصحينى اجيبه ولا افضل على الاضواء والانجليزى كنت بجيب teacherوالمعاصر ايه الحلو فى ثانوى والرياضة كنت بجيب المعاصر بس سمعت عن كتاب لامى انه حلووو اوووى

انا عرفت طريقة حلوة للمذاكرة برده ممكن تفيدنا وهى دفتر التفوق الدفتر ده واحنا بنذاكر بنكتب فيه اسئلة مهمة من غير حل على الاجزاء المهمة الى فى المنهج فى كل المواد نقسم الدفتر ده مثلا 5 اقسام لو احنا عندنا 5 مواد وجينا نهاية الاسبوع والمفروض فيه مراجعة اسبوعية وشهرية فالدفتر ده بيفيد اننا نحل الاسئلة الى احنا ذاكرنا دروسها بدل مثلا لو فى ناس مش عندها وقت كبير للمراجعة ممكن تحل الاسئلة ديه كلها للمواد فى ساعة مثلا او نص ساعة ولو نقطة محتاجة مراجعة بيبقى من ملخص احنا بنعمله من كتاب الوزارة
اسفة انى طولت عليكوا بس انا عايزة بجد حد يلاقيلى حل

تعرفى انا بردو رايحة تانية وخايفة اوى من المشكلة دى انو ميبقاش فى وقت كمان احنا بنروح 6 دروس ومدرسة
بس ف سنة اولى تقريبا كان نفس الوضع 6 دروس ومدرسة وسبحان الله كنت بزاكر بردو وطلعت التالتة ع المدرسة مش عارفة كنت بجيب وقت منين
بس اللى عايز يزاكر هيزاكر وأوقات كنت بقصر فى حاجات تانية عشان المزاكرة زى مثلا انى أغيب من بعض الدروس أو المدرسة واقلل ساعات نومى

فأنا من رأيى الحل الوحيد اننا نقلل ساعات النوم