فضيحة ..كشف كذب صحيفة ساويرس (اليوم السابع) لتشوية صورة النقاب

[احمد البرنس هند]

مشكور الاخ الكريم لكني اعتق ان جريدة الدستور لا علاقة لنجيب ساويرس بها فقد اشتراها السيد لبدوي لو في حد عنده معلومه غير كده يرد لو سمحتم

[tomasooo]

اولا يا احبائى موضوع الحجاب لس من شأنى التدخل فية لانة لا يخصنى فى شئ لكن رئس جريدة المصرى اليوم المعارض مجدى الجلاد وبعدين سيبكم من ساويروس ياما شيوخ افاضل تهكموا على الحجاب والنقاب
ارجو ان يكون تفكيرنا فى ربط الوحدة الوطنية بيننا وبلاش نجرى وراء اى معلومة موش معروف مصدرها او هدفها اية خلى تفكيرنا اكبر من كدااااااااااااااااااااااااااااااااااااااااااااا

[jeronimo115]

قرات التعليقات على الموضوع وفزعت من ضيق افق البعض وتشدد البعض الاخر وبرغم بروز بعض التعليقات العاقلة على استحياء الا ان المناخ السائد شحن واذكاء لنار الطائفية مما لايليق بمعلمى مصر لان الخوف - كل الخوف - ان تنتقل تلك السموم الى النشء داخل حجرات الدرس بالمدارس حيث لا رقيب على المعلم سوى ضميره من بعد الله

[الكبــيـــر]

ايه الهدف من الموضوع ده ؟

[jeronimo115]

اختيار"ساويرس" شخصية العام الهجري

http://www.elbashayer.com/news-115865.html

[abonazara]

موضوع هايف كفايه كلام فيه ساويرس راجل محترم وبيعمل خير كثير للمسلمين والمسيحيين شوفوا مصلحه البلد كفاية شحن وتوتر لاعصاب الناس

[captive]

معلش يعنى سؤال بس هو حضرتك عرفت منين ان خبر الاهرام هو الاصلى وخبر المصرى اليوم هو الخبر الكاذب مش بيمكن العكس! محدش كان معاهم فى اللجنة مننا عشان يقرر ما هو الصحيح فيهم...انا شايفة ان دة مجرد اجتهاد من مكتشف الخبرين نتج عن عدم تقبله لوجود رجل مسيحى هام وشريف زى نجيب ساويرس
وبعدين بالمنطق كدة انهى اصلح للتخفى؟ ان الولد يحط باروكة ويلبس لبس بنات؟؟؟اعتقد ان الطريقة دى بطلت من ساعة افلام السبعينات والتمنينات...مستحيل يتنكر رجل بملابس امرأة وشعر مستعار بالسهولة دى...واضح ان السينما غيرت مفاهيم الناس
اما بقى لو نقاب فغالبا حيكون لابس ملحفة كمان يعنى حاجة واسعة جدا مش حتبين دة ولد ولا بنت والنقاب كذلك مدارى وشة والوسبلة الوحيدة للتعرف عليه هى صوته وهى الى اكتشف منها مراقب اللجنة انه ولد...ماهو لو كان عادى جدا متنكر بباروكة (يبقى اكيد كان لابس ضيق) باعتبار ان البنت بشعرها يبقى بالتالى كان فى مليون طريقة يكتشف بها المراقب انه ولد مش بنت!!
بصراحة مش مقتنعة بالكلام ...غير منطقى تماما
ثم ان رايه فى الحجاب ميخصناش وملوش دعوة بموضوعنا..دى حرية شخصية
وحكاية القنوات دى بقى ف فيها ايه يعنى فعلا كان لازم حاجة ترد عن التيار دة...؛د فينا فكر ياترى الشيوخ دول دارسين فعلا الى بيقولوه ولا لا؟ وبجد و عن تجربة فى بعض الشيوخ متعصبين لدرجة التفوه بفتاوى لم يكن لها اصل وهم غير مؤهلون لذلك ونتج عن دة شباب ككتير متطرفة وجهة نظرها عن المسيحى انه كافر
وعن الغير منتقبة انها فى النار لا جدال و غير ذلك من الافكار الغريبة عن الدين
ملحوظة لا اقصد النقاش فى فرضية النقاب ام لا ولكن الله يجعل لكل شخص شريف ملائكة واشخاص يردوا على تلك الشبهات المحاطة به
ملحوظة اخرى:رابط جريدة الاهرام لا يعمل!!!!!!!!

[captive]

- الإغراق فى تناول جرائم الشرف.
هذة الجرائم نتاج مجتمعنا ومن قام بها ليس خجلا مما فعلا والا فلم يفعل...مش لازم نقول الاخبار الحلوة بس الدنيا مش وردى
2- تشويه صورة الشعائر الإسلامية والنقاب مثالا.
دة مش تشوية...دى اخبار بتحصل وبتتعرض انا طالبة فى مدرسة ولقوا عندنا بنت مرتدية النقاب والملحفة عشان تدخل الامتحان بدل والدتها طالبة المنازل يعنى الحوادث دى متكررة وبتحصل النقاب نفسه مش غلط والنقاب نفسه شىء سامى وجميل ولكن المجرمين يستعملونه بطريقة شوهت ن صورته ولكن مش الجرايد هى الى شوهت صورته المفروض نحاسب المسلم الى شوه صورة النقاب حينما ارتداه ليقوم بجريمة ما مش نمسك فى الشخص الى نقل الخبر!!
3- أنه المتحدث الكنسى الأول فى مصر.
وفيها ايه؟؟ هو المفروض ان الاقباط ميبقاش ليهم صوت خالص؟لابد من وجود متحدث كنسى ..
4- اليوم السابع تزدرى الدين الإسلامى ، ومحاكمة النبى محمد مثالا.
محاكمة النبى محمد كان كتاب ومش نجيب ساويرس الى مألفة ثم ان حتى الكتاب لا يشمل اساءة لسيدنا محمد شوى انا العنوان جارح وهذام ما قاله الشيخ خالد الجندى "قال الداعية الإسلامى خالد الجندى عضو المجلس الأعلى للشئون الإسلامية، إنه لم يقرأ كتاب محاكمة النبى محمد ولكنه عرف أن مقصده هو الرد على من يفترون على النبى ومقصده حسن، ولكن الاسم جارح قد يضع الفرصة أمام ضعاف النفوس بوضع كتاب يطلق عليه "محاكمة الإله" وانا اثق به اكثر من الشيوخ بالقنوات الدينيه لانه شخص ازهرى
5- هجوم الموقع الدائم ضد ما يقولون عنهم " شيوخ الوهابية " ودعواتهم المستترة لملاحقة الشباب الملتزم وغلق الفضائيات الإسلامية.
غلقت الفضائيات لاسباب سياسية ليست من شان نجيب ساويرس و على فكرة وقت اغلاق قناتى الحافظ والناس تم اصدار تحذير وو انذار اخير لاون تى فى قبل ان تغلق لييه؟؟؟؟ عشان الاتنين غلقوا لاسباب عليا مش بسبب نجيب ساويرس والا مكانوش حيقفلوا قناته هو كمان!!!
6- تقارير كاذبة تتحدث عن " اضطهاد الأقباط " و " خطف بنات الأقباط " و " منع الأقباط من ممارسة شعائرهم " .. إلخ .
لا بتحصل ...وبتحصل اوووووووى كمان حضرتك ممكن تيجى بنفسك تشوف المكتوب على جدار كنيسة بولس الرسول و يوحنا المعمدان بعد ما تم تجديدها من الفاظ واهانات من عينة "جددتوها يا (لفظ مهين) والله لنخربهالكوا" وحاليا الكنسية عملت سلك حوالين الحيطة عشان محدش يكتب عليها...وتفتكر ليه موجود ضباط على ابواب الكنائس الا اذا كانوا يتعرضون لخطر فعلا!!مفيش على ابواب مساجدنا حاجة لان محدش بياذينا (دة ميمنعش انى عارفة ان فى جماعات تنصير)بس ردنا على جماعات التنصير ا*** بكتير من ردنا على الاسلمة
7-الموقع يفتقد المصداقية بنشر و ترويج أكذوبة ظهور ما يسمونها " العدرا " على مدار ثلاثة أسابيع كاملة ، ونشر مقالات لـ " الليبراليون الأرثوذكس " يتضامنون فيها مع " الليزر " الذى يعتقدون بغبائهم وضحكهم على أنفسهم أنه " العدرا " وشى لله يا عدرا يا أم النور !
لاحظ اسلوب السخرية فى كلام حضرتك!!ايا كان مش دة موضوعنا اذا تابعت الموضوع جديا حتلاقى ان وقتها ظهر رأيين فى هذه الظاهرة راى الارثوذكس وهو ان دة كان تجلى وظهور حقيقى للسيدة مريم وراى اخر للكنيسة الانجيلية وهو ان هذه خرافة ولا يوجد فى الانجيل ما ينص على ظهور الصالحين لعامة الشعب الا بغرضين الحقيقة مش متذكراهم اوى بس فاكرة انهم كانو اما لابلاغ رسالة لنبى او شخص صالح ودة بيبقى ظهور ملك او ابلاغ راسلة او تحذير عام وعشان كدة بيعتبروا ظهور السيدة مريم باطل لان هذا غير وارد بالكتاب المقدس كما انها لم تتحدث او تبلغ اى رسائل اذا لما جاءت!(اذا بحثت فى هذا الموضوع ستجد مواقع عديدة منها المسيحى وومنها المسلم من يقول ان الكنيسة الانجيلية صدقت على ظهور العذراء ولكن الاصح ان نرى باعيننا ولا نقرا فقط وباعيننا استضافت العديد من البرامج ممثلين للانجيلية نفوا صحة هذه الاخبار)

8-فى خانة " ثقافة " فى موقع اليوم السابع ستجد عروضاً لكتب *****ة وأخرى تسخر من الإسلام
الحقيقة انا مخدتش بالى من حاجة زى دى ولو كان فعلا صحيح قانا ضد الجريدة فى دة لكن حرجع اقول الكتب الاباحية والكتب الى بتهاجم الاسلام موجودة فى المكتبات و ع سور الازبكية وفى معرض الكتاب تفتكر حنقاطع كل دول؟؟؟الكتب موجودة فى كل حتة اليوم السابع ما احتكرتهاش

9- فتح المجال لكتاب من أقباط المهجر والذين دائما ما يستقوون بأمريكا والغرب.
وميكتبوش ليه؟؟؟
10- اليوم السابع تعض دائما اليد التى تحسن إليها إلا يد ساويرس، وترويجهم لحملة البرادعى مثالا.
صور عائلة البرادعى انتشرت فى كل حتة والتلاعب بالصور موجود ..كان يجب التقصى وراء الخبر انا معاك ودى غلطة وقعت فيها الجريدة بس بنفس الطريقة جريدة الاهرام تلاعبت بالصورة بتاعت الريس وخلتة القائد على الرؤساء فى البيت الابيض ...ولا الاهرام جريدتنا يبقى منقولش انها بتغلط اما اليوم السابع والمصرى اليوم لرجل "مسيحى " فيجب اعدامهم على الغلطة




بالنسبة لبانذر لا بيضمر خير فعلا وقام بمساعدات كتير بس مش لازم يمشى يحكى ويقول وبعدين واحد زية ملياردير لو كان عايز يهاجر كان هاجر من زمان واى دولة تتمنى رجل ناجح مثله وخصوصا امريكا لكن هو بيحب مصر وقاعد فى مصر

[captive]

ملحوظة اخيرة
برجاء التقصى قبل اعلان اى حقائق الدستور مش بتاعت ساويرس والى مكنش عارف المعلومة دى عرفها بعد ازمة الدستور مع ابراهيم عيسى
الدستور ملك للسيد البدوى

[captive]

فيما يلى بعض الاخبار التى تخص الاسلام (اخبار عادية جدا) اى انها لا تحاول التشوية وانما فقط تقول حقاشق تحدث اما جيدة واما سيئة
فضيلة الدكتور أحمد الطيب ومستقبل الأزهر
تقارير مصرية
دعوى قضائية ضد العالم الشيعى الذى سب السيدة "عائشة" بلندن
عرب وعالم
أوغلى: حرق اليهود للمصحف اعتداء سافر على حرمة المقدسات
منوعات ومجتمع
ندوة فى حب رسول الله بساقية الصاوى
و غير ذلك كثير

[jeronimo115]

جريدة الدستور حاليا ليست ملك السيد البدوى. كان مالكها ومؤسسها عصام اسماعيل فهمى ثم اشتراها السيد البدوى رئيس حزب الوفد مناصفة مع رجل الاعمال رضا ادوارد الرجل الثانى فى الحزب وصاحب مدارس بى بى سى الخاصة وكان الغرض من شراء الجريدة الاطاحة بابراهيم عيسى رئيس التحرير كمعارض نزيه مجاملة للنظام الذى يتحكم فى استثماراتهم ورؤؤس اموالهم حيث يمتلك السيد البدوى عدة شركات ادوية وقنوات الحياة الفضائية (ولنا اسوة بالنظام الجزائرى الذى يمنع ساويرس من بيع او استرداد جيزى فرع شزكاته هناك على خلفية مباراة كرة قدم افيمت بالسودان ) .. ولما تم ذلك للبدوى وفاز برضا النظام تنازل عن حصته فى الدستور لادوارد واصبحت بالتالى ملكا خالصا له فيما يحاول بعض رجال الاعمال الاخرين وبعض النخبة شراء الجريدة من ادوارد ليعود اليها رئيس تحريرها ابراهيم عيسى ورصدوا لذلك مبلغ عشرين مليون جنيه والكرة الان فى ملعب ادوارد ولا اظن انه سيوافق ويجازف باستثماراته ومعاداة النظام الذى ينتهج حاليا عملية تصفية اعلامية لتكميم افواه المعارضة وتمرير التوريث.. واما مايختص بالحجاب والنقاب والفتنة الطائفية - ان وجدت من الاساس - فهى كلها من توافه الامور التى تحدث بعلم النظام ومباركته حيث يجد المواطن المصرى المعجون بالدين مايلهيه عن الفساد والاحتكار والفقر والبطالة والغلاء المستشرى وسؤ الخدمات التعليمية والصحية ومطالبات التغيير والديمقراطية والشفافية... الى اخره بينما التوريث يتم فى الخلفية باقتدار .. انها لعبة السياسة القذرة ونحن وفودها لا لشىء ولكن لاننا اخترنا ذلك واعتدنا عليه طوال ثلاثون عاما حيث ولد معظمنا وانهى تعليمه وعمل وتزوج وانجب ومازال النظام قائم وسيظل قائما مادمنا نحتاج لمن يفكر لنا ويتخذ لنا القرارات ويسن لنا القوانين عند الترزية ويمنع ويعطى ونسينا ان العاطى هو الله.

[aazz_200561]

يعنى لم يبق غير الرويبضة يتكلموا فى النقاب سيبوا الكلام ده لاهله

[aazz_200561]

موضوع هايف كفايه كلام فيه ساويرس راجل محترم وبيعمل خير كثير للمسلمين والمسيحيين شوفوا مصلحه البلد كفاية شحن وتوتر لاعصاب الناس ( شوفوا العجائب راجل محترم اااااااااااااااااااااااااااااااا ؟ )

[aazz_200561]

ساويرس هو رأس الفتنة

[captive]

ارى انك تتحدث عنا كانك تتحدث عن اعدائك فى حين اننا ابدينا راينا ودافعنا عن من يستحق المدافعة
اما انت فلم تهتم بالموضوع نفسه او بمصدرة فقط اهتممت ان ترد على اخر ردين ولم تكلف نفسك عناء النظر فى الصفحات السابقة...طريقة رائعة بالفعلا للالمام بالموضوع
ونعم هو فعلا رجل محترم ولا شك فى ذلك