كنت بتعمل ايه ؟! .. احكيلنا ..

[..Just Stop]

ورجعنالكو مرة تانية
وبعض المواقف العصيبة

ملح فى الشاى= سم فى العسل
.
والموقف دا جابلى املاح يا جماعة الله لا يوريكو
فى يوم ماما كانت فى المطبخ بتعمل شاى
وطبعا قالتلى ادخل يا .... (بتدلعنى ) حط سكر فى الكوبايات
وطبعاانا ماصدقت الاقى حاجة اعمل بيها مشكلة
فطبعا اكمنى هادى كان فى كيس ملح جمب السكر
فقولت احط ملح واللا سكر
...
فقولت بذكائى اما اخليهم يجربو طعم الشاى بالملح علشان زمانهم زهقو من السكر دا
..
وطبعا كوبايتى الصغيورة معروفة فقولت انا مزهقتش من السكر فهحط فيها سكر بردو واحطلهم ملح
..
المهم حطيت ليهم ملح فى الشاى....
وجيت لحظة التذوق بعد ما ماما من غير ماتاخد بالها قلبت الكوبايات وودتها لبابا واخواتى
..
احساس جميل جدا لما تلاقى اللى قدامك حسو بقرف او شىء غريب
ومع كل بخة بق شاى من بق كل واحد من طعمه
..
احساسى بالمتعة كان بيزيد
..
اللى ساب كبايته وقعت اتكسرت واللى ....
طبعا ماما شافت كدا قالتلى عملت ايه فى الشاى يا ......( بتدلعنى بردو )
...
طبعا عملت فيها برىء ونا حطيته من غير ما اخد بالى اصل السكر بنفس لون الملح
..
بس اتغابيت فى حتة شربت من كوبايتى ومعملتش حاجة
فماما قالتلى هات كوبايتك كدا يا ابن ال .... ( بتشتم المرادى )
فلقيته بطعم السكر عادى
وطبعا كالعادة
...
اتضربت بعدد اللى كانو بيشربو شاى
واللى ايده بتاكله يجى يضربنى بردو
كنت هادى اوى انا

...

:::::::::::::::::::

برىء يا بيه
...
بما انى اخر العنقود
اكيد كان ليا اخوات اكبر منى
..
طبعا اخويا خالد اكبرهم
فى الوقت دا كان فى التعليم لسة
..
مش فاكر كان فى سنة ايه و مرحلة ايه
كان فى كتاب كدا كل يوم يذاكر فيه اعتقد انه رياضة
فقولت ايه بقا
..
امااشوف الكتاب دا
..
واتفرج على الصور اللى فيه
ملقيتش فيه صور
..
فقولت انا هخبيه اصله وحش
وطبعا اخويافضل يدور على الكتاب وكان هيتجنن
ويقول انا بحطه هنا كل يوم راح فين النهاردة
..
المهم انا كنت بدور معاه
لقيته مرة واحدة كدا بصلى وقال يا حودة ويا ميدو والكلام الاهبل دا
فين الكتاب؟
..
ونا اقولله منا بدور معاك اهو لما الاقيه هقوللك
وطبعا لانه عارف انى هادى جدا
قاللى فين هدومك احم
..
طبعا قولتله عايز هدومى ليه دى صغيرة عليك
قاللى ملكش دعوة
..
راح فتح الدولاب وبيقلب لقا الكتاب
مستناش لحظة كان ماسك الكتاب فى ايده الشمال
انما ايده اليمين بوم على وشى
..
وضرب بقا واهانات
العيلة دى هرتنى ضرب
ياللا ربنا يسامحهم بقا لو انا كنت شقى كنت علمتهم الادب
تابعونا بعد الفاصل
..
بس مش عارف هقول مواقف لسة
واللا هدخل فى مرحلة الابتدائية لانى ...... هتعرفو بعد شوية
..
دمتم فى رعاية الله

[..Just Stop]

المشاركة الأصلية كتبت بواسطة *خوخة*

ههههههههههه


لا بجد طفولة ياعيني كلها امراض وتعب


الاطفال اللي زى كده بيصعبوا عليا أوى


بس سؤال بجد جاوب عليه :


إيه المرض اللي جالك ومش عايزنا نتريق عليه ؟؟؟؟

ميصعبش عليكى غالى
حسستينى انى كنت تعبان
وبعدين منا قولت محدش له دعوة بالمرض ده
احتمال اقوللكو فى الاخر

شكرا على المتابعة
دمتم فى رعاية الله

[NOUFALL]

ههههههههههههههههه
ايه الحلاوه دى يا عم محمود
سردك للمواقف جميله اوى

وده كله ومش شقى امال لو شقى

ع العموم مش تتأخر

متااااابع

[* عصفورة طيور الجنة *]

ايه ده

دول أطفال دول

دا الاطفال بيكونوا ملايكه مش زيكم كده
:abdoog8:
بس مجربه يا عينى كان عندى أخت كده

بتعمل فيا عمايل

لحد دلوقتى عملالى عاهه مستديمه فى العمود الفقرى ربنا يسمحك يا *خوخة*

طبعا مش أنتى مش أنتى

[Amethyst]

قصة جميلة بجد
كمل يا محمود
أنا برأي دي من أفضل الحلقات اللي عدت
و اللي لسة هتعدي على الموضوع ده كله
منتظرة التكملة

[بنت دمنهور]

هههههههههههههه

الله يكون في عون اهل حضرتك

مش عارفة كانوا مستحملين كل ده ازاى

بس برضه مكنوش بيسيبوا حقهم وببخدوه بالضرب كالعادة

[..Just Stop]

ههههههههههههههههه
ايه الحلاوه دى يا عم محمود
سردك للمواقف جميله اوى

وده كله ومش شقى امال لو شقى

ع العموم مش تتأخر

متااااابع

ربنا يخليهوملك
ربنا يسهل واقدر اكمل شكلى مش ناوى اكمل
ربنا يسهل

ايه ده

دول أطفال دول

دا الاطفال بيكونوا ملايكه مش زيكم كده
:abdoog8:
بس مجربه يا عينى كان عندى أخت كده

بتعمل فيا عمايل

لحد دلوقتى عملالى عاهه مستديمه فى العمود الفقرى ربنا يسمحك يا *خوخة*

طبعا مش أنتى مش أنتى

بتقولى حاجة ؟
لا اختك هادية طالما مفيش خساير فى الارواح
مش مشكلة عاهة مستديمة
منورين يا جماعة

قصة جميلة بجد
كمل يا محمود
أنا برأي دي من أفضل الحلقات اللي عدت
و اللي لسة هتعدي على الموضوع ده كله
منتظرة التكملة

ربنا يجبر بخاطرك
انا قولتلك زودى البكش مش تبالغى فيه
عموما متشكرين وجارى التكملة
دمتم فى رعاية الله

[..Just Stop]

هههههههههههههه

الله يكون في عون اهل حضرتك

مش عارفة كانوا مستحملين كل ده ازاى

بس برضه مكنوش بيسيبوا حقهم وببخدوه بالضرب كالعادة

لازم يستحملونى
دنا كنت هادى جدا
لو مستحملونيش امال هيستحملو مين يعنى
امال هيضربو مين غيرى

فوتتكم بعافية

[Dr.love ferdos paradise]

هههههههههههههههه
بجد مابطلتش ضخك
وعجبني اووي موقف جدو والشاي
ههههههههههه
بجد
بحب انا الحركات دي اوووي
وبحب اشوف رد الفعل اووي بعد الموقف


مستنين الباقي ان شاء الله
متابعه اكييد
في رعاية الله

[..Just Stop]

المشاركة الأصلية كتبت بواسطة Dr.love ferdos paradise

هههههههههههههههه
بجد مابطلتش ضخك
وعجبني اووي موقف جدو والشاي
ههههههههههه
بجد
بحب انا الحركات دي اوووي
وبحب اشوف رد الفعل اووي بعد الموقف


مستنين الباقي ان شاء الله
متابعه اكييد
في رعاية الله

طب الحمد لله انى قدرت ارسم البسمة على شفاهكم
لا مهما موقفين اصلا يموتو من الضحك
انا عن نفسى مت من الضرب
والمشكلة ان رد الفعل بيبقا اقوى من الفعل نفسه
شكرا على المتابعة
دمتم فى رعاية الله

[Rymonda]

ههههههههههه

جميله قوي مواقفك يا محمود .. ايه يا ابني الشقاوه دي .. وقال بتقول انت الهادي ..

لما كده وهادي امال اخوك اللي مش هادي يبقى ايه بقى ؟

لا بجد ضحكت .. ضحكت قوي .. برغم الظروف اللي زي العسل اللي هنا ..

معلش بقى معرفتش اتابع من الاول .. بس انا ذاكرت اللي فاتني ..

يستحسن تكمل بدل ما ي***وك .. انت اصلك عليك اقبال رهيب منهم ..

استمر في التشرد .. (تعمل كده في جدك يا جبار ؟؟)

استمر استمر ..

دووومت ..

[..Just Stop]

المشاركة الأصلية كتبت بواسطة Rymonda

ههههههههههه

جميله قوي مواقفك يا محمود .. ايه يا ابني الشقاوه دي .. وقال بتقول انت الهادي ..

لما كده وهادي امال اخوك اللي مش هادي يبقى ايه بقى ؟

لا بجد ضحكت .. ضحكت قوي .. برغم الظروف اللي زي العسل اللي هنا ..

معلش بقى معرفتش اتابع من الاول .. بس انا ذاكرت اللي فاتني ..

يستحسن تكمل بدل ما ي***وك .. انت اصلك عليك اقبال رهيب منهم ..

استمر في التشرد .. (تعمل كده في جدك يا جبار ؟؟)

استمر استمر ..

دووومت ..

في الشقاوة دى يا ناس قولولى
دنا اهدى وا حد فى العيلة
لا اخويا ملوش فى كدا خالص لا بجد هادى جدا
الحمد لله انكو اتبسطو اصل مفيش حاجة فى الزمان دا تضحك اصلا
ولا يهمك يا اميرة
المهم تكونى ذاكرتى كويس الامتحانات على الابواب
ههههه حاضر هكمل عارف انى اتأخرت بس والله مشغول فى حاجات كتير والطلبات عليا زادة والكمية اوشكت على النفاذ

جدى دا طيب اوى هو اللى اخدنى عليه اعملله ايه يعنى
دا اقل حاجة عملتها فيه
وحاضر هكمل انتو تؤمروا
دمتم فى رعاية الله

[الجويرية]

ههههههه
بجد ضحكت ضحك
فعلا حضرتك كنت هادى ونادى خالص
واكيد
ولسه
مستنين

[..Just Stop]

ورجعنالكم مرة تانية بعد الفاصل
جات لنا اس ام اسز كتير وبيقولولى كمل
حاضر يا جماعة
هكمل اهو
وتكملة للمواقف
""""""""""""""""
المسروق طعمه احلى ( ومحدش يعلق )
..
دا موقف مش هنساه يا جماعة لان الكوكتيل لسة بينقح عليا
كان فى اخر الشارع عندنا واحد عنده بيت
ادام البيت دا جنينة فيها يوسفى وجوافة وحاجات من دى
المهم الجنينة دى مكانش حواليها سور
..
فطبعا انا وشلة المتشردين مبنسيبش حاجة كدا الا لما نعلم عليها
ايام طرح الجوافة كنا بنخرج فى وضح النهار وعلى مرئى ومسمع من الجميع
نطلع الشجر ونجيب منها الجوافة
..
وطبعا وبما اننا هاديين جدا مكناش بنجيب ونمشى
لا بنادى على صاحب البيت
كان اسمه ميمى
..
طبعا فى بداية الامر بنادى ونقول يا استاذ ميمى
ميردش
نقولله يا ميمى ميردش اعمله ايه
نقولله يا واد يا ميمى ( لسانى كان طويل قولتلكوو )
..
طبعا على ما يخرج يبص م البلكونة ويشتم فينا وحنا بردو مبننزلش الا لما ينزل اوام ننط من الشجر ونجرى
وطبعا كعادة كل يوم يروح يقول لماما او بابا او حد من العائلة الكريمة
ماما تقوللى يبنى ما كل الفاكهة هنا اهى قول اللى انت عايزه ونا اجيبهوله
ونا اقوللها لا المسروق دا طعمه حلو
..
المهم تقول لاخواتى او لبابا فطبعا يقومو بالواجب
وطبعا بردو مكونتش بهمد
..
المهم فى يوم
..
طلعنا على الشجر وندهناله بردو ( يا واد يا ميمى) وكالعادة يطلع يشتم
بس المرادى حصل حاجة
ونا بنزل من الشجرة البنطلون شبك فى فرع ومعرفتش انزل
..
احاول انزل معرفش وطبعا ميميى باشا ما صدق فراح نازل بسرعة
ونا طبعا مرعوب بسرق من شجره وبشتمه كمان
..
فى الوقت دا اخويا الكبير كان معدى
فقام ميمى باشا ندهله
..
ومسكنى متلبس ومعايا دليل ادانتى جوافة خضرا وزن ربع كيلو مرة المزاق لا تسمن ولا تغنى من جوع
..
وكما عودناكم فى السابق
ان كل موقف بينتهى بعلقة متينة
اخويا قام بالواجب على مرئى ومسمع اللى فى الشارع
وفى النهاية ولا اثر فيا وكملت .......
..
بس خلاص كبرنا بقا على الحاجات دى

:::::::::::::::::
هقول اخر موقف علشان ندخل فى مرحلة التعليم بقا
نوم العافية يا حبايبى
..
من المعروف عند كل الناس
ان كتب زمان كان في الفة بينها وبين الانسان اللى بيذاكر
..
الألفة دى كانت عندى اخواتى وهما صغيرين
كل واحدة فيهم تمسك الكتاب بالليل والالفة تشتغل
..
مفيش نص ساعة والنوم يكبس
..
طبعا انا كنت مذبهل واقول بينامو ازاى ونا مش عارف اصلا هما بيعملو ايه
وطبعا كل مرة بقوم بدورى
..
حيث انى توليت امرهم ومع كل نومة عميقة فى كوباية مية واقوم بدورى كرجل اطفاء النوم واخماده والاستعاضة عنه بفوقان وروقان
..
وطبعا اخواتى بيحبونى فيقومو علطول يروحو لبابا
ويقولوله ابنك دا بيرش علينا مية وحنا بنذاكر

..
وطبعا اقولله دول كانو نايمين وبصحيهم يقوم ضاربنى ويقوللى متقعدش معاهم علشان بيذاكرو وكدا
وطبعا انا مش بسيب حقى
..
فقولت لازم اكشفهم
..
ففيوم كانو بيذاكرو وحصلت الالفة بردو ونامو
فقومت رايح لبابا وقولتله تعالى شوف ولادك
وطبعا دخل عليهم لقا الالفة شغالة تمام
..
فصحاهم طبعا وكلمتين تهزيق علىى اهانتين على مش عارف ايه
ونا اضحك بقا اخدت بطارى ههههه
وياريتنى ما اخدت
..
بعدا ما بابا ادالهم اللى فى النصيب
قامو بالواجب معايا انا
..
مفتريين اخواتى دوول

::::::::::

"""""""""""""""""""""""""""""""""""""
هكتفى بشوية المواقف دول
بس فى حاجة حاسس انى طولت فى البتاع ده والناس زهقت وعايزين حد جديد
..
فنا بقول لو عايزنى اكمل هكمل
ولو مش عايزين يبقا شكرا على المتابعة لحد كدا ونتفرج على شقاوة حد تانى واكيد بردو انا متابع
..

دمتم فى رعاية الله

[Dr.love ferdos paradise]

ههههههههههههههههه ايه الشقاوه دي كلها
لا بجد كنت شقي جداا
واكيد طبعا مستنين حضرتك
واظن ان الكل مستني حضرتك تكمل
مستنين الباقي ان شاء الله
عايزين نشوف باقي المواقف مفيش موقف مش يكون نهيته علقه كده
ربنا يوفقك يارب
يلا احنا مستمتعين والله
في رعاية الله