اى حد داخل هندسه الازهر بنات القاهره يتفضل بالدخول لو سمحتم

[eng refa3y]

الكيمياء انت مضطر انك تحفظها
ملهاش حل تانى

شوف خادوا ايه فى المحاضرات وذاكره من الكتاب
وحاول تصور المحاضرات من اى حد
ولما تلاقى فى رسمه الدكتور رسمها ومن موجوده فى الكتاب ذاكرها كويس
لانه ممكن تلاقيه فى الامتحان

وعند سؤالين ان شاء الله مضمونين فى الامتحان
سؤال عن الاسمنت
وسؤال عن البويات

وممكن سؤال عن صناعه الورق
وممكن سؤال عن الالياف

وطبعا ركز كويس قوى فى العملى
مضيعش منه حاجه
وهاتخش بالكتاب يعنى مفيش اى مشاكل
انت هاتعمل نفس اللى كنت بتعمله فى السكشن

وربنا معاكم

[eng refa3y]

وبالنسبه للمهندسه رشا

مش اكون انا صادم دلوقتى

احسن مايكون الامتحان هو اللى صادم

ولا ايه

وخدوا عندك دفعات التفائل دى هاتبقى على طول
ثلاث مرات فى اليوم قبل الاكل وبعد الاكل
هههههههههههههه

عشان تاخوا بالكم بس

[yasssmine]

المشاركة الأصلية كتبت بواسطة eng refa3y

اللهم آمين

بالنسبه للميكانيكا انا قولت ملاحظاتى فى الاول
كتاب الدكتور جابر افهموا منه وحله المسائل المحلوله وهو بيجبها بالنص فى الامتحان
وحبه مسائل كده منالشيت وبتبقى سهله ان شاء الله طيب ده بالنسبه لكم وانتم بتدرسوها بالعربى امال احنا نعمل ايه واحنا بندرسها بالانجليزى
يجماعه متقلقوش قوى يعنى

انا عمال اقول حبه اهتمام
يعنى من الاخر كده من بدايه الترم التانى ابدأو فى الميكانيكا والوصفيه

وبالنسبه للرسم انتى متفوتيش سكشن وارسمهم كلهم على قد ما تقدرى
والواجب ارسميه انشالله حتى تسهرى للصبح لازم ترسميه
رسمه ورا رسمه هتلاقى نفسك انشاء الله لبلب
الرسم مش مشكله زى الميكانيكا اه كويس بنسبه 90 %
وبالنسبه للوصفه واحده واحده
شيت واحد
وبعد كده شيت 2
وهكذا
لو لاقدر الله فيه شيت مش مفهوم مش هاتعرفو تكملوا
لازم واحده واحده كله متعلق ببعضه المشكله كلها فى الشيتات الاخيره مصيبه سوده انا والله بحس ان الدكتور بيشرح جاجه وحل المسائل حاجه تانيه خالص وبلاش اصدمكم اكتر واقول لكم احنا بناخد سكشن زمنه ايه سكشنا يوم ما بيطنطط بيكون ربع ساعه احنا بيكون عندنا سكشن الساعه 8 البشمهندس محمد عبد اللطيف بييجى 10 الا ربع وبيكون عندنا سكشن ميكانيكا بشمهندس احمد عزت الساعه10 وانتم عارفين البشمهندس احمد مش بيتاخر ولا ثانيه هو صحيح مين بيديكم وصفييه دكتور ايمن ولا حد تانى بصراحه دكتور ايمن شرحه رائع انتم عارفين البشمهندس بيعمل ايه فى الربع ساعه السكشن بيشرح ال الدكتور ايمن شرحه مش بيحل حاجه من المسائل

وطبعا بارسطو ارموا المسطره دى فى الوصفيه ويا سلام لو الكتور او المعيد شافك يبقى يوم اسود مش عارفه بيتنرفزو منه ليه عدنه اسرائيل والله
اول حاجه تمثيل نقطه وبعد كده تمثيل مستقيم مجرد تمثيل نقطتين نوصلهم
والله لو ينفع اشرح لكم كنت شرحت بس للاسف مش هاينفع
لازم حد يشرح لكم بالورقه والقلم من السنه اللى فاتت
من زمايلكم الى فاهمين
من بتوع الكورسات
اتصرفو من اى حته
وماتتكبروش على السؤال
لانه مش وقته تكبر خالص

وجعت دماغكم مش كده لا والله كتر خير
بس والله الكلام ده مهم جدا وان شاء الله هاينفعكم

وفى الاخر ربنا يتولانا برحمته

[yasssmine]

المشاركة الأصلية كتبت بواسطة eng refa3y

الكيمياء انت مضطر انك تحفظها
ملهاش حل تانى

شوف خادوا ايه فى المحاضرات وذاكره من الكتاب
وحاول تصور المحاضرات من اى حد
ولما تلاقى فى رسمه الدكتور رسمها ومن موجوده فى الكتاب ذاكرها كويس
لانه ممكن تلاقيه فى الامتحان

وعند سؤالين ان شاء الله مضمونين فى الامتحان
سؤال عن الاسمنت
وسؤال عن البويات

وممكن سؤال عن صناعه الورق
وممكن سؤال عن الالياف

وطبعا ركز كويس قوى فى العملى
مضيعش منه حاجه
وهاتخش بالكتاب يعنى مفيش اى مشاكل
انت هاتعمل نفس اللى كنت بتعمله فى السكشن

وربنا معاكم

ايه الكيمياء الغريبه دى احنا مش بندرس الحاجات دى خالص

[eng refa3y]

ثوانى بس

امال هاتحلوا الوصفيه ازاى يعنى من غير ارسطوا اساسا مش فاهم يعنى
اللى يزعل يولع بجاز

انتى بارسطو هاتخلصى بيه الرسم والوصفيه
بس طبعا المسطره فى الرسم ده شئ اساسى
لكن الوصفيه لا

وبالنسبه للميكانيكا انجليزى ازاى مش فاهم
مش هو كتاب الدكتور جابر
ده هو مكتسح اعدادى اساسا

[hadeer hamdy]

ازيك ياسمين

[yasssmine]

المشاركة الأصلية كتبت بواسطة eng refa3y

ثوانى بس

امال هاتحلوا الوصفيه ازاى يعنى من غير ارسطوا اساسا مش فاهم يعنى
اللى يزعل يولع بجاز

انتى بارسطو هاتخلصى بيه الرسم والوصفيه
بس طبعا المسطره فى الرسم ده شئ اساسى
لكن الوصفيه لا

وبالنسبه للميكانيكا انجليزى ازاى مش فاهم
مش هو كتاب الدكتور جابر
ده هو مكتسح اعدادى اساسا

اه بس الدكتور قال استخدموه من غير ما اشوفه لكن لو شفته هيكون يومكم اسود
لا الميكانيكا مش كتاب الكتور جابر ده كتاب شكل كتاب الرياضه بالظبط ونفس اللون وبعدين مش دكتور جابر ده دكتور سيد ناجى

[yasssmine]

المشاركة الأصلية كتبت بواسطة hadeer hamdy

ازيك ياسمين

منوره يا هدير والله التوبيك نور

[eng refa3y]

مممممممممممممممممم

شكل دكتور الوصفيه ده دكتور مريض

فى حد بيستخدم المسطره فى الوصفيه

اما بالنسبه للميكانيكا ربنا معاكم انا الصراحه معرفش عنه اى حاجه

[yasssmine]

لا والله دا دكتور كويس جدا بس مش عارفه هو بيقول كده ليه انا عن نفسى بشتغل بارسطو
اما الميكانيكا فربنا يتولانا برحمته

[yasssmine]

لو حد يفيدنى كان مره الدكتور فى الوصفيه قال وانتم بتحلو لما يكون مثلا م منتصف ا ب مثلا ما نضعش م فى منتصف المسافه بين ا ب وعلق على الحته دى يا ريت لو حد يفيدنى تقريبا بنعملها بالبرجل ارجو الرد السريع علشان ده مثال فى تمارين 3 مساله 8 و9

[الفارس المتألق]

بالنسبه للميكانيكا عندنا فطبعا الكتاب بتاع الدكتور جابر
وهو تقريبا ما شاء الله رئيس قسم فبيدي لمجموعتين بس
اما الدكتور سيد ناجي فتقريبا مش بيدي عندنا بس اتهيألي كان بيدي رياضه قبل كده بس مش متأكد ما علينا مش هتفرق
الوصفيه احنا بنستخدم فيها المسطره حرف ال t عشان ظبط اللوحه زي الرسم الهندسي بالظبط
والمفروض ان احنا بنشتغل بالمثلثين ال 60 و ال 30 والبرجل بس
انما طبعا مثلث ارسطو بيسهل معانا كتير بس هم مش عايزنا نشتغل بيه هم عايزنا نتعلم طريقتهم

والنقطه اللي انت بتسألي عليها يا ياسمين اعتقد ان الدكتور اقصده انك ماتحطيش م في منتصف أب غير لما يكون أب بيظهر بطوله الحقيقي ، وعشان تجيبي الطول الحقيقي ممكن تستخدمي طريقة الدوران اللي بتستخدمي فيها البرجل او ممكن بطريقة فرق البعد ،اما المثال اللي انت بتسالي عليها فانا لسه ماشفتهوش

[yasssmine]

انت عندك حق يا بشمهندس بس لو انا بضع م منتصف مسقط مش طول حقيقى اضعها فين هو ده سوالى اكيد مش هتفهمنى الاما توصل للمثال واكيد هتفهم قصدى ايه .المشكله دلوقتى مش فى م تترزع فى اى حته .دا تمرين 3 ده رائع بالنسبه لل بعده بصراحه تمرين 4 بتاع الاثر ده تمرين زباله مش عارفه احل فيه حاجه يا ريت ال يعرف يحل فيه حاجه يساعدنى علشان انا اتعقدت وانا حليت التمارين ال قبله ممكن اساعدكم فيها

[eng refa3y]

يا ياسمين افهمى
انتى تجيبى الطول الحقيقى بطريفه الدوران
وبعد كده تنصفى الطول الحقيقى ده
وبعد كده ترجعى النقطه دى بطريقه الدوران برضه بس تعكسيها


متعقديش نفسك خالص
انا هنا عشان متتعقدوش

بالنسبه للاثر
انتى عايزه تجيبى اثر راسى تمدى المستقم اللى فى الافقى لحد ميقطع خط الارض ونسمى نقطه التقاطع ر1
وبعد كده تاخدى سلكه راسيه لحد ماتقطعى المستقيم الراسى
ونسمى النقطه دى ر2

عايزين الاثر الافقى نفس الكلام
نمد الراسى لحد اما يقطع خط الارض ر2
ناخد سلكه راسيه لحد اما نقطع المستقيم الافقى ونسمى النقطه دى ر1

لو عايزين نجيب المستوى اللى بيمر بالمستقيمين
نوصل ر1 ب ر1
ونوصل ر2 ب ر2
وكده احنا جبنا المستوى
ده لو مدينى المستقيمين وعايز المستوى اللى بيمر بيهم
وشكراااااااااااااااااااااااا

اى حد عايز اى حاجه فى الوصفيه يسألنى وانا ان شاء الله اجاوبه
وبالتوفيق ان شاء الله

[eng refa3y]

ومعلش يا جماعه برضه للناس الى مش فاهمه يعنى ايه سلكه

سلكه رأسيه يعنى ناخد خط عمودى على خط الارض

وسلكه افقيه يعنى ناخد خط عمودى على ص

عشان هتسمعوا سلكه دى كتير

والسلكه دى بارسطو فى ثوانى

ارمى المسطره دى خالص

خدها معاك الامتحان عشان تثبت بيها اللوحه الكبيره اللى هم هايدوهالك وبس
وكمل بارسطووووووووووووووووووووووووووووووووووووووووو