متابعة متجددة : الأخبار الإيجابية والسعيدة في بلدنا مصر - الصفحة 9

Mohammad Asaad · #**121** 02-02-2022, 02:02 PM

وزير البترول والثروة المعدنية المهندس طارق الملا قال إن صادرات قطاع البترول المصري ارتفعت خلال العام الماضي 2021 بنسبة 84.28% لتصل إلى 12.9 مليار دولار مقابل 7 مليار دولار خلال عام 2020.
وأضاف الملا لرويترز، أن قيمة صادرات مصر من الغاز الطبيعى والمسال قفزت خلال 2021، بنسبة 550%، لتحقق 3.9 مليار دولار، مقابل 600 مليون دولار خلال 2020، وزادت صادرات مصر من الزيت الخام خلال العام الماضي بنسبة 32%، لتصل إلى 3.3 مليار دولار، مقابل 2.5 مليار دولار خلال 2020، وقال الملا إن صادرات مصر من المنتجات البترولية والبتروكيماوية ارتفعت خلال 2021، بنسبة 42.5%، لتصل إلى 5.7 مليار دولار، مقابل 4 مليارات دولار خلال 2020.
وكان الملا، قد صرح لرويترز، في ديسمبر الماضي، أن مصر تصدر نحو 1.6 مليار قدم مكعب يومياً من الغاز الطبيعي عبر محطتي الإسالة اللاتي تمتلكهم مصر، مضيفًا أن وحدات الإسالة تعمل بكامل طاقتها الأن، حيث نسعى لتعظيم صادرتنا من الغاز الطبيعي في ظل ارتفاع أسعار الغاز العالمية.

Mohammad Asaad · #**122** 02-02-2022, 04:02 PM

توقيع برتوكول تعاون بين جامعتي المنصورة ولويفيل الأمريكية لمنح شهادة مزدوجة في هندسة الاتصالات
التفاصيل|| https://www.elbalad.news/5148692

Mohammad Asaad · #**123** 02-02-2022, 04:12 PM

رابطة اللاعبين المحترفين للاسكواش "psa" أعلنت التصنيف الجديد للاعبات الاسكواش وكانت بنت مصر "نور الشربيني" في صدارة التصنيف للشهر رقم 16 على التوالي..
الجميل في الموضوع إن بنت مصر "نوران جوهر" لاعبة نادي وادي دجلة كانت في المركز الثاني، و البطلة "هانيا الحمامي" في المركز الثالث، والبطلة "سلمى هاني" في المركز السابع، والبطلة "روان العربي" في المركز التاسع..
الرابطة أعلنت كمان عن تصنيف الرجال في اللعبة واللي تصدره ابن مصر "علي فرج" لاعب نادي وادي دجلة للشهر السادس على التوالي، وبطلنا "محمد الشوربجي" لاعب نادي هليوبوليس كان في المركز الثالث، وبطلنا "مصطفى عسل" في المركز الرابع، و"بطلنا" طارق مؤمن" في المركز الخامس، و"مروان الشوربجي" في المركز السابع، و"فارس الدسوقي" في المركز التاسع، و"مازن هشام" في المركز العاشر..
لا جديد يُذكر.. الاسكواش العالمي تحت السيطرة المصرية.. شباب مصريين متميزين حفروا في الصخر لحد ما فرضوا بمجهودهم وتعبهم أسماءهم بحروف من دهب في واحدة من أهم الألعاب الرياضية العالمية.
#بالعامية_المصرية

Mohammad Asaad · #**124** 02-02-2022, 06:39 PM

شاب مصري اسمه "محمد عبدالباقي" بيدرس في سنة رابعة كلية حقوق جامعة بنها عمل صرف نبيل وشهم وفي قمة الجدعنة..
"محمد" عنده مكتب تأجير عربيات وقرر يعمل مبادرة في نطاق قريته في بنها محافظة القليوبية بيوفر من خلالها عربيات ملاكي حديثة ومكيفة عشان يزف بيها العرسان مجاناً وينقل بيها المرضى للمستشفيات سواء جوا بنها أو بره.. والسبب؟.. عشان يخفف الأعباء المادية على جيرانه وأهله غير المقتدرين، ويحاول يفرحهم بطريقته..
مش معنى كده إنه مش بيأجر عربيات بفلوس لكنه بيعمل ده جنب ده، وأى عريس بيجيله ويقول له إن ظروفه مش مناسبة عشان يأجر عربية أو مريض محتاج توصيلة لمستشفى عشان يتعالج؛ بيديله عربية وببلاش تماماً وبمنتهى السرية بدون ما حد يعرف منعا للحرج.. مش كده وبس ده كمان بيكون حريص على تزيين عربيات العرسان بالورود على أكمل وجه!..
"محمد" بيقول في حواره مع الصحفي "محمد خاطر": (أنا بحب الخير وعايز أفضل أعمله طول الوقت، ومفيش أحسن من جبر الخواطر، ونفسي ميبقاش فيه حد محتاج أي حاجة، وتكون الدنيا سهلة على الكل)..
شاب مصري جدع خصص جزء من وقته وشغله لخدمة الناس وجبر خاطرهم لإنه مصري أصيل وعارف إن الخير اللي بيعمله النهاردة هيتردله من ربنا بكره، وعارف برضه إن الناس لبعضيها.. بلدنا حلوة وناسها حلوة.
#بالعامية_المصرية

Mohammad Asaad · #**125** 02-02-2022, 06:48 PM

السيسي يوجه بمواصلة العمل على تطوير منطقة الرويسات بشكل متكامل لمختلف الخدمات

Mohammad Asaad · #**126** 07-02-2022, 10:41 PM

النماذج المشرفة موجودة في كل مهنة وكل مكان، بس نموذج أستاذة وداد حمدي نموذج مختلف شوية، لأنها لما عملت شغلها والتزمت بمنع الغش في لجان الامتحانات بدل ما أولياء الأمور يقدموا ليها الشكر البعض منهم اعتدى عليها!
الحكاية حصلت الأسبوع اللي فات وكان بطلتها الأستاذة وداد حمدي رئيس لجنة امتحانات بمدرسة محمد الشقري بالسنبلاوين بمحافظة الدقهلية، لما تعرضت للاعتداء من بعض أولياء أمور الطالبات لحرصها الدائم على منع ظاهرة الغش خلال الامتحانات، الواقعة اللي حصلت كشفت لنا عن استمرار بعض أولياء الأمور في الحرص على غش أبنائهم، وبتقول إننا مش بس محتاجين نغير التعليم والمناهج لكن كمان محتاجين نغير ثقافة البعض عن التعليم نفسه ونتكلم عن بديهيات إن الغش حرام وإن التعليم في حد ذاته هدفه التعلم مش النجاح والمجموع.
وحتى لو السوشيال ميديا مهتمتش بالأستاذة وداد حمدي بطلة الواقعة لكن وزير التربية والتعليم د.طارق شوقي اهتم واستقبلها النهاردة، وخلال الاستقبال دا الأستاذة وداد قالت إنها فرحانة إنها بتتكرم من الوزارة وإن اللي عملته دا واجبها وواجب كل معلم وإنها اتعودت تتبع أخلاقيات المهنة من ساعة ما بدأت تشتغل مدرسة، ولما الوزير سألها عن رأيها للقضاء علي حالات الغش جاوبت بمنتهى الحسم إنه من الضروري إتباع إجراء بمنع تواجد أي ازدحام أمام المدرارس خاصة فترات الامتحانات لأن دا بيأثر بالسلب على انضباط عملية الامتحانات داخل أسوار المدارس.
أستاذة وداد حمدي قالت رسالة لكل ولي أمر وهي أحسن حاجة لازم كل أولياء الأمور يركزوا عليها: "أزرع جوة ابنك اجتهد وذاكر وأعمل اللي عليك وبلاش تبص للدرجة هتوصل لتحقيق حلمك بدون غش".
وبرغم إن د.طارق شوقي كرمها وأهدى ليها شهادة تقدير تكريمًا لها على تفانيها في العمل، إلا إننا عايزين نقول لأستاذة وداد أنها نموذج مشرف ومخلص لعمله، وفاهمة أهمية منع الغش وإننا هدفنا من التعليم مش إننا نمتحن الطلبة ونخوفهم بالسقوط ونحفزهم بالدرجات العالية، إحنا هدفنا انهم يتعلموا معنى العلم، ويعرفوا أهميته وإن المجتمع محتاجهم يحققوا حلمهم بالاجتهاد والمذاكرة والفهم مش بالغش.
#بالعامية_المصرية

Mohammad Asaad · #**127** 08-02-2022, 12:20 AM

بسبب المزارع السمكية اللي تم افتتاحها خلال آخر سنتين في مصر ومنها مزرعة الفيروز والديبة وبركة غليون؛ مصر حققت الاكتفاء الذاتي في الإنتاج السمكي.. كمان فيه إنفوجراف مهم أصدره مركز المعلومات الصوتية والمرئية في وزارة الزراعة واستصلاح الأراضي استعرض خلاله أهم الأرقام والمؤشرات الخاصة بانتاج الأسماك والثروة السمكية في مصر، والحقيقة إنها كانت أرقام مبهرة وعظيمة..
انتاج مصر من الأسماك 2 مليون طن كل سنة، منهم 1.6 مليون طن من الاستزراع السمكي، و400 ألف طن من المصايد الطبيعية.. كمية الإنتاج الضخمة دي أهلت مصر عشان تبقى في المركز الأول في إفريقيا في الاستزراع السمكي والسادسة على العالم!..
لما تحط التفوق المصري السابق ده على معلومة مهمة تانية بتقول إن مصر حالياً في المركز الثالث على مستوى العالم في إنتاج السمك البلطي؛ هتقدر عن قرب تتأكد إن الدولة عندها خطة محكمة وبتتنفذ بمنتهى الدقة في تعزيز الأمن الغذائي وزيادة عائدات مصر من التصدير من خلال زيادة الإنتاج من الأسماك سواء للسوق المحلي أو للتصدير..
لغة الأرقام مش بتكذب.. الرقم هو ترجمة ملموسة على أرض الواقع بتخليك تشوف بوضوح حجم الإنجاز اللي تم في ملف معين بعيد عن أى كلام.. النجاح اللي حصل في ملف الاستزراع السمكي بيقول إن الدولة هدفها تحقيق مصالح المصريين في المقام الأول لإن المستفيد الأول دايماً هو المواطن المصري سواء بفرص عمل جديدة بتتوفر من خلال المشروعات أو بتحقيق الاكتفاء الذاتي في ركن غذائي مهم زى الانتاج السمكي.
#بالعامية_المصرية

Mohammad Asaad · #**128** 08-02-2022, 05:27 PM

سجلت #قناة_السويس أرقامًا قياسية خلال شهر يناير من حيث أعداد السفن والحمولات، ليصبح الأعلى مقارنة بمعدلات الأداء المحققة خلال شهور يناير المتعاقبة على مدار تاريخ القناة وعبرت القناة عدد 1774 سفينة من الاتجاهين خلال شهر يناير من عام 2022، مقابل عبور 1594 سفينة خلال الشهر نفسه من عام 2021، بإجمالي حمولات صافية قدرها 106.1 ملايين طن، مقابل 104.2 ملايين طن خلال شهر يناير من العام الماضي.

Mohammad Asaad · #**129** 09-02-2022, 12:36 AM

النقل تناقش مع شركة إماراتية إدارة وتشغيل أتوبيسات BRT على الطريق الدائري
للتفاصيل | https://bit.ly/3rxf5Np

Mohammad Asaad · #**130** 09-02-2022, 01:38 PM

الرئيس السيسي يوجه بمراعاة تأسيس البنية الكهربائية للمشروعات القومية الكبرى
التفاصيل || https://bit.ly/3B9z33Z
#صدى_البلد

Mohammad Asaad · #**131** 09-02-2022, 02:26 PM

مواطن مصري بسيط اسمه "رمضان سيد" وجّه مناشدة واستغاثة إنه عايز يعالج 3 من أولاده اللي بيعانوا من أمراض متعددة وجت الاستجابة فوراً وبسرعة أكبر بكتير مما يتخيل الراجل الطيب ده وأمنيته الوحيدة من الدنيا بفضل ربنا اتحققت!.. إيه الحكاية؟..
عم "رمضان" بيشتغل حارس أمن في واحدة من الشركات.. عنده 47 سنة وعنده 6 أولاد فيه منهم 3 من ذوي الاحتياجات الخاصة.. بنته الكبيرة "دُنيا" عندها 21 سنة وبتاعني من ضعف السمع وعصب العين ومحتاجة عملية زرع قوقعة.. ابنه "سيد" عنده 19 سنة وبيعاني من ربو شعبي وثقب في القلب وقصور في وظائف الرئة، وبنته "نجاة" عندها 11 سنة في خامسة إبتدائي وعندها كهرباء زايدة في المخ وإفراط زائد في النمو.. عم "رمضان" عمل استغاثة قال فيها إن مفيش عنده غير أمنية واحدة وهي إن أولاده التلاتة يلاقوا رعاية صحية خصوصاً إن ظروفه مش هتمسح إنه يوفرلهم ده..
الرئيس "عبدالفتاح السيسي" في لفتة إنسانية معتادة فوراً وبمجرد ما تم عرض الاستغاثة وجّه بعلاج أولاد عم "رمضان" على نفقة الدولة وتم بالفعل نقلهم من خلال عربيتين إسعاف مجهزين لمستشفى معهد ناصر لإجراء الفحوصات واتخاذ الإجراءات الطبية اللازمة..
الرئيس كمان وجّه بتوفير كل احتياجات الأسرة وتقديم الدعم اللازم ليهم بكل صوره.. عشان كده وزارة التضامن الاجتماعي استخرجت بطاقات الخدمات المتكاملة للأبناء المرضى والحصول على نسبة العجز المقررة، ووزارة التموين استخرجت بطاقة تموين للمواطن..
دي مش أول مرة نكتب عن المواقف النبيلة للرئيس واستجابته لطلبات ناس بسيطة، ومش هتكون آخر مرة.. ثواب جبر الخاطر بيبقى من ربنا مش من الناس، وجزء كبير من كرم ربنا على مصر سببه المواقف الإنسانية اللي بنشوفها كتير الفترة الأخيرة وفيها جبر لخواطر المصريين.. تحيا مصر.
#بالعامية_المصرية

Mohammad Asaad · #**132** 09-02-2022, 07:50 PM

الأول في الجامعات المصرية.. اعتماد 5 برامج تعليمية بهندسة المنصورة
تفاصيل || https://www.elbalad.news/5157701

Mohammad Asaad · #**133** 10-02-2022, 04:08 PM

8700 جنيه هو الحد الأدنى لأجور الموظفين والعاملين للدرجة الممتازة، و5100 جنيه للمدير العام، و4500 جنيه للدرجة الأولى، و3900 جنيه للدرجة الثانية، و3420 جنيها للدرجة الثالثة، و3180 جنيها للدرجة الرابعة، و2940 جنيها للدرجة الخامسة، و2700 جنيه للدرجة السادسة، وذلك بزيادة مقدارها 300 جنيه لكل الدرجات الوظيفية عن الحدود الدنيا المعمول بها حاليا، اعتبارا من 1 يوليو 2022.
#رقم

Mohammad Asaad · #**134** 14-02-2022, 01:05 PM

إنجاز مصري جديد | طلاب مصريون يبتكرون ذراعًا صناعية لمساعدة المبتورين: المشروع استغرق 10 أشهر وجربنا 5 آلاف مرة
للتفاصيل: https://bit.ly/3uOhdCM

Mohammad Asaad · #**135** 14-02-2022, 07:31 PM

أفضل مدن الأعمال في إفريقيا.. القاهرة تتربع على عرش التصنيف
التفاصيل.. https://bit.ly/3LtOj0u
#العربية_مصر