اكتب هنا اسوا موقف حصلك بعد ما بقيت مساعد

[محمد ابوصلاح]

لا انا مش مع حضرتك في دي اقدر حد ممكن ينصحني هو انسانه لان البنت تعرف اكتر من اي ولد لان البنت بطبيعتها زكية جدا وكمان لان هذا الامر يدور عليها لانها اذا وافقت علي زوج وتمسكت بيه لا يقدر اي انسان ان يغير من تفكيرها

[اميمة طه]

معلش يا استاذ محمد عشان منطلعش عن الموضوع الاصلى ..... الكلام ده كان ممكن فى الموضوع اللى اتحذف وطالما اتحذف اصبح فى الماضى ....وان شاء الله ربنا يفرج كرب ابناء وبنات المسلمين فى اى كرب

[محمد ابوصلاح]

امين يارب وربنا يكرمك يارب انا كنت بس بدردش معاكي انا الحمد لله خطبت انسانه محترمة ومتدينة وطيبة جدا وقدرت ظروفي وهيا بتشتغل كمان في الطب اخصائية تحاليل
عقبالك ياااااااااااااارب ما نفرح بحضرنك

[محمد ابوصلاح]

المهم اننا بس نثق في انفسنا

[اميمة طه]

انا عارفه ان كلنا اول ما بنشوف الموضوع ده بنقول ان اسوا موقف هو انك بقيت معلم مساعد وانا باحاول على قد ما اقدر اننا منفكرش فى الحاجات دى اشتغل وربنا هيسهل وانا طبعا ضد الاعتصامات والاضراب والكلام ده انما الموضوع ده عملته اصلا عشان نشارك بعض فى المشاكل اللى بتحصل لنا فى مدارسنا عشان نقدر نستفيد منها

[اميمة طه]

زعلانه جدا من الناس اللى الواحد اتعود على وجودهم يوميا فى المنتدى ومشاركاتهم معايا ولحد دلوقتى مجوش

[أم هيما]

أسوأ حاجه حصلت ليا وانا متعاقدة انى بعد خمس سنين تعب وشغل وشقى (مركز اول مكتبة نموذجيه على مستوى الادارة واول مديرية وتالت جمهورى وامتياز مدرسي واخيرا بنستعد للجودة واقعد فى المدرسة من سبعه الصبح لحد الساع ستسه سبعه وانا مخطوبه وانا مجوزة وانا حامل ويجى مدير المدرسة المغرور يقولى انا اللى عملتك وانا اللى كبرتك وانتى كنتى ما تسويش حاجه كانى كنت بشتغل فى مدرسة ابوه مش مدرسة الدوله عشان ايه شديت شويه مع احدى زميلاتى فى المدرسة ليها ابن فى المدرسة بعته لمدير المدرسة وضربه لانه معملشي نشاطه ومكنتشى اتصور اصلا انه يضربه وجتلى تهزأنى قدام زمايلى كان ردى الوحيد ما تقليش ادبك عليا انا بشتغل زيي زيك فى المدرسة واكتر منك كمان وطبعاااااااااااااااااااااااا سمعت الكلمتين دول من السيد الفاضل مدير المدرسة همووووووت واسيب المدرسةحلم عمرى اسيبها واروح مدرسة تانية

[اميمة طه]

لو تعرفى زعلى دلوقتى قد ايه ؟ والله كانى انا بالظبط......... حبيبتى اللى عملت معاكى كده بكره يتعمل معاها اكتر من كده وصدقينى هتبقى واقفة تتفرجى وهتشمتى براحتك بس الاهم من كده ان عارفه ان صعب على نفسك اللى حصل بس لازم تحسسيهم انك فعلا احسن منهم .........والله احنا بنشتغل اكتر من الاساسيين اللى اتكبروا على الوظيفة..... ربنا يكون فى عونك ومتزعليش عشان الزعل وحش للبيبى ربنا يقومك بالسلامة يا رب

[اميمة طه]

من المواقف اللى حصلت ليا اول ما اشتغلت واستغرب منها دلوقتى.... ولد فى 3 اعدادى وانا فى الفصل قلت طلعوا الكراسات والكتب قام وقال الكراسة مش معايا وهى كانت قدامه قلتله ايه دى قال كراستى ومش هاكتب .... بصيت له..... تعالى هنا....قام البيه وقف على الديسك ومشى فوق التخت عشان يجى ليا بصيت تانى وسكت .... اخدت الكراسة وقطعتها .... والله لرايح للمدير ...... مسكته من اللياقة (اياميها العيال كانوا كبار) وبكل قوتى زقيته على السبورة ........ عيط وهو اطول منى بس بعده كل محاولات التمرد اتوقفت مش فى الفصل ده بس فى كل المدرسة.

[مدرسة الانجلش]

المشاركة الأصلية كتبت بواسطة اميمة طه

زعلانه جدا من الناس اللى الواحد اتعود على وجودهم يوميا فى المنتدى ومشاركاتهم معايا ولحد دلوقتى مجوش

زي مين بقي يا اميمة ؟؟؟؟؟؟

[اميمة طه]

قال يعنى مش عارفه؟

[اميمة طه]

قريتوا اللى حصل لام هيما

[اميمة طه]

من الحاجات السيئة اللى حصلت اللى حصل النهارده للعضو mrmoh

[khalil2000]

[quote=بحر العرب;2992688]اللهم إنا نعوذ بك من النفاق والمنافقين
كل حياتى مواقف لاتنسي من أولا ما عملت بالحصة ثم بالعقد ثم الأمتحانات لللكادر المزعوم ثم الicdlثم غير ذلك الكثير الذى لايحكى فالصمت عليه أفضل ..........لأنها مواقف مخزية[/
اغرب موقف انى محصليش اى موقف ربنا يخلى مدير عزبتنا

[اميمة طه]

اظن حضرتك عارف تمشى امورك .........مش كلنا الاستاذ خليل