هـنـا نـرد عـلـى إسـتـفـسـارات حـضـراتـكـم ؟

[issac-newton]

الحقيقة , انا ما بحبش افتي في حكاية انهي كلية أفضل , مش هقدر افيدك . لاني معنديش معلومات كفاية عن الكليتين لأني في القاهرة

[arooo]

السلام عليكم ورحمة الله وبركاته

>> لو سمحت كنت عايز اعرف دورة ال اتوكاد بتبقى مهمة لاقسام ايه فى الهندسة <<

مع العلم انى لسه داخل هندسة السنة الجديدة

وشكرا على المجهود الرائع

[issac-newton]

الأقسام المهتمة بالرسم , عمارة خصوصا , و اقسام زي مدني , ميكانيكا , و كهربا في سنة تالته : اوتوكاد اليكتريكال تو دي ,

[abdallah noby]

لو سمحت انا عندى اعاقه فى العمود الفقرى و ساكن فى البحر الاحمر يعنى مليش توزيع جغرافى و انا جايب 94.5 يعنى ممكن هندسه اسيوط او المنيا ان شاء الله هل ينفع احول هندسه القاهره لان مليش توزيع جغرافى و لان الاعاقه سبب تانى ولا لازم اقضى سنه فى الكليه الى تقبلنى وبعدين احول ارجوا الرد

[issac-newton]

في تحويل مرضي , بس للأسف ماعنديش معلومات كاملة عنه , ممكن تكلم وزارة التعليم العالي , او المجلس الاعلى للجامعات و هيفيدوك جدا , لأني اعرف شخص كان في حلوان و حول القاهرة بتحويل مرضي بس التفاصيل كلها انه قالي والدتي تواصلت مع وزارة التعليم العالي , و بالتوفيق

[abdallah noby]

شكرا ع الرد لكن ازاى اتواصل معاهم لازم اسافر القاهرة . هل فى كشف هيئه فى الهندسه يعنى لو واحد مش سليم فى اعاقه مينفعش يدخل هندسه ؟؟ ولك منى الدعاء فى شهر رمضان الكريم

[issac-newton]

ممكن تبعت حد قريب ليك للمجلس الاعلى للجامعات بجامعة القاهرة في الجيزة , او كلم الدليل 140 و جيب أرقامهم بس يفضل تبعت حد قريبك , اه في كشف طبي , ولكن مش هيمنعك من دخول الكلية بإذن الله

[abdallah noby]

يا رب يوفقك ويجعل فى طريقك كل خير و الف مليووووووووون شكر على المعلومات انت ريحتنى وان شاء الله ربنا ييسرلك امرك . طلب اخير ممكن تكتبلى ازاى ارتب كليات الهندسه لان انا والله معرفش اى حاجه عن اى كليه احسن من التانيه ولحد دلوقتى انا منسقتش اى كليه . معلش هتعبك معايا واجرك عند ربنا وربنا يكرمك فى الشهر الكريم

[elshaba7 elmasry]

انا جبت 92.07
فا كدا مش هلحق هندسه وبرده حاسبات ومعلومات صعبه

فا هال ممكن لو دخلت خاص وجبت تقدير ف احول سنه احول عام؟

[salab]

يا جماعة حد يعرف التقديم فى هندسة جامعة القاهرة امتى ؟و كمان عاوز أعرف هيبقى التقديم فى الشيخ زايد و لا جامعة القاهرة ؟و منطقة التجنيد و التعبئة اللى فى الرماية جنب المتحف الجديد مضمونة الاقى فيها استمارة 2 جند و لا أروح مديرية أمن الجيزة أحسن ؟و أنا هتم 18 فى شهر أكتوبر هل أحتاج كمان استمارة 6 جند ؟

[issac-newton]

abdallah noby

الحقيقة لما تتواصل مع الوزارة أسالهم النصح في ترتيب الرغبات و هم أعلم مني لعل هناك ترتيب معين لحالتك

elshaba7 elmasry

لا اعتقد انه يمكن التحويل من خاص إلى عام

salab

التقديم بيكون قبل العيد او بعده حسب ما يحدد الشئون , التقديم في الجيزة و ليس في الشيخ زايد , اي منطقة تجنيد و تعبئة ستجد فيها استمارة 2 جند , استمارة 6 جند مطلوبة عن بلوغ 19

[salab]

طب معلش أنا عارف ان ده المفروض سؤال خارج الموضوع لكنه سؤال صغير طب أنا واحد صديقى معندوش أخوات ولاد هل هيحتاج أى و رق من التجنيد يثبت ذلك أو هيحتاج أى استمارات ؟

[issac-newton]

آه , ههههههههههههههههههههه , انا كمان ماعنديش اخوات ولاد و جبت ورق التجنيد المطلوب

[فيروز*]

لو سمحت سؤال عاجل

عاوز رآى حضرتك ضرورى......

أنا بكتب التنسيق مش عرف ايهما أفضل أكتب تخطيط عمرانى الأول ولا حاسبات ومعلومات ؟؟؟

من حيث الدراسة والشعل؟؟؟

[فيروز*]

وسؤال تانى لو سمحت

من فضلك هو أيهما أفضل أكتبها فى الأول هندسة الطاقة بأسوان ولا هندسة إلكترونية بمنوف؟؟؟