ايه اخبار تعيين أوائل الكليات ياجماعة؟

[د.عبدالرحمن المنياوي]

المشاركة الأصلية كتبت بواسطة mayar1505

يا جماعة ماانا سألتكم السؤال ده قبل كده بالنسبة للتربية و التعليم و كنت مستغربة لما بيقولوا ان خريج التربية هيتعين تربية و تعليم وكانهم كده بيعملوا فينا معروف كبير

برضه هكرر السؤال الي قلته قبل كده ايه الجديد الي هيضيفوه؟؟؟؟؟؟؟ انا لي زميلاتي اساسا مش من الأوائل و اخدوا زي عقد مميز و شغالين معايا في المدرسة و اسمائهم نزلت من ضمن الي هيتعينوا ضمن التربية و التعليم لأنهم امتحنوا الكادر و انا نفس النظام كل ده قبل ما يقولوا موضوع الجامعة و تعيين الأوائل. كلنا يعني علي وش التثبيت و زي بعضنا مافيش فرق بين الأوائل و بينهم في اي حاجة. و بعدين انا دلوقت مدرسة و برضه بعد تعييني من الأوائل هكون مدرسة ايه الجديد انا و الله مش بسخر من المهنة و لا حتي زميلاتي ده مسألة نصيب انا كل الي بقوله هما بيفكروا ازاي الي هيعينونا دول انا طبعا بكلم عن قطاع التربية و التعليم بس

يعني ازاي هيفرقونا احنا الي من الأوائل عن الي معانا من الي مش من الأوائل بس برضه اتعينوا مدرسين عشان امتحنوا كادر

اما بقي في حل تاني انه مافيش تعيين فعلي للتربية و التعليم زي ماأنا سامعة و ان احنا الأوائل بس حالنا هيكون مختلف و هنتعين زي المتثبتين و هما هيكون لهم نظام تاني ايه رأيكم؟

و بالنسبة للضرائب ليه لأ ما هي دايما البلد بتحط الراجل الي مش مناسب في اي مكان حتي لو مش بيناسب مؤهلاته انا مثلا ليا زميلات تربية و تعليم اتعينوا في الضرائب و المحكمة اعتقد ان ده عادي جدا ووارد انه يحصل

وبرضه انا كنت سامعة ان القرار ده بتعيين 43 الف خريج ماطلعش الا لما الحكومة اتأكدت من احتياجات الجامعات وانه كل جامعة المفروض توفر 20 درجة مالية ولو ان مش فاهمة المقصود 20 درجة لكل الدفعات و لا لدفعة واحدة الكلام مش واضح اتمني بس من ربنا انه كل شئ يظهر بأذنه لأن الواحد بقي مشغول قوي انا عن نفسي من القلق الي انا فيه بقول لو يقولوا مافيش تعيينات متهيألي ارتاح

يا أخت معيار حضرتك عاوزة إيه بالضبط .. موضوع تعيين الأوائل ده يعني في مضمونه تكليف من الدولة تمييزا لهذه الفئة فقط بأنهم يتم تعيينهم بمجرد تخرجهم أما باقي الخريجين فهم يسعوا ويحاربوا ويجاهدوا علشان يلاقوا شغل إما يلاقوه في الحكومة بعد فترة طويلة أو لأ أو يلاقوا تعيين في القطاع الخاص غير المضمون .. أما الخريج من الأوائل فيعين حكومي على طول .. طيب انت بتقولي ما فيه غيري متعين وهو مش ن الأوائل .. ماهو لازم أي مكان هتعين فيه هيكون فيه حد متعين مش من الأوائل وهتلاقي دبلومات كمان .. والكلام ده موجود لو اتعينتي في التربية والتعليم أو الجامعة أو في اي مكان ..

إيه بقى اللي مخلي الموضوع عندك مدايقك ؟!! الحكاية انك تعبتي زيك زي زميلتك الخريجة العادية .. وانتم الاتنين بقيتوا زي بعض مدرسين أمال فين التمييز ليكي بصفتك من الأوائل .. معلش السنة دي بس الناس هتحس بكده لكن من العام القادم الأوائل هتفرق معاهم لما يلاقوا زمايلهم دايخين وهم مستريحين .. وبعدين خليها على الله دي أرزاق ولو انتي مش عاوزة تفضلي في التربية والتعليم خلاص ما تختاريهاش ضمن الرغبات واختاري حته تانية .. وربنا الموفق ..

بس انا كنت عاوز أضيف حاجة إن الحاصلين على الدرجات العلمية في التربية والتعليم هيتم نقلهم من المدارس للعمل في مراكز البحوث التربوية التابعة لإدارات المختلفة .. وفي فروع أكاديمية المعلم وفي أماكن متميزة .. والكلام ده كلام الوزير وتقوم الإدارة المركزية للتعليم الأساسي يعمل الحصر الآن .. وكل إدارة وزعت استمارات سيرة ذاتية ولمتها تاني علشان ترسلها عن طريق قسم الموازنة في كل مديرية تعليمية ..

[د.عبدالرحمن المنياوي]

وبعدين يا جماعة أنا بقيت دلوقت (عضو قدير) يعني بقيت جامد قوي .. ومحدش يقدر يكلمني ....

هههههههههههههههههههههههه

[معلم مساعد 2011]

المشاركة الأصلية كتبت بواسطة د.عبدالرحمن المنياوي

وبعدين يا جماعة أنا بقيت دلوقت (عضو قدير) يعني بقيت جامد قوي .. ومحدش يقدر يكلمني ....

هههههههههههههههههههههههه

يادكتور انت من زمان وعضو قدير
ربنا يخليك يادكتور ويريحك قلبك زي مابتريح قلبنا

[معلم مساعد 2011]

بس يادكتور يعني العشرين الاوائل هايتعينو اداريين ولا ايه

[wafa2]

يا جماعه انا مقلتش غير ان المصادر غير موثوق منها والكلام على النت كتيييييير اوى فمش ينفع نجيب خبر من النت ونقول مصادر موثوق منها
واكيد ربنا هيكتب لنا الخير اين كان سواء فى تعيين ولا لا
وبالمناسبه يا استاذ رامى والله المنتدى وصفحات النت مليانه بحالات كتير زيك وانا برده لى قصه كبيره كنت حكيتها من زمان كده برده ماساويه بس اكيد ربنا كان كاتب لى الخير ومازلت مقتنعه وواثقه فى قضاء الله انه خير لينا سواء كان بالنسبة لنا كويس او وحش
انا بس مش عايزه نجيب لبعض احباط واحنا مش فى ايدينا نعمل حاجه خلينا متفائلين كده الدنيا زى الفل :-)

[ramy gama]

المشاركة الأصلية كتبت بواسطة wafa2

يا جماعه انا مقلتش غير ان المصادر غير موثوق منها والكلام على النت كتيييييير اوى فمش ينفع نجيب خبر من النت ونقول مصادر موثوق منها
واكيد ربنا هيكتب لنا الخير اين كان سواء فى تعيين ولا لا
وبالمناسبه يا استاذ رامى والله المنتدى وصفحات النت مليانه بحالات كتير زيك وانا برده لى قصه كبيره كنت حكيتها من زمان كده برده ماساويه بس اكيد ربنا كان كاتب لى الخير ومازلت مقتنعه وواثقه فى قضاء الله انه خير لينا سواء كان بالنسبة لنا كويس او وحش
انا بس مش عايزه نجيب لبعض احباط واحنا مش فى ايدينا نعمل حاجه خلينا متفائلين كده الدنيا زى الفل :-)

جزاكي الله خيرا أخت وفاء وأكرمنا الله وسدد خطانا ..آميييييييييييييييييييييييييييين

[boskovice]

واصل عشرات الحاصلين على الماجستير والدكتوراه اعتصامهم داخل القاعة الرئيسية بوزارة التعليم العالى والبحث العلمى، ونظموا اليوم تظاهرة داخل مبنى الوزارة للمطالبة بتعيينهم دون شرط وقيد.

ويرفض المتظاهرون ما أعلنته الوزارة أكثر من مرة، والتى أكدت أنه تم حصر جميع الأماكن الشاغرة بالجامعات والمعاهد البحثية وإرسالها إلى جهاز التنظيم والإدارة، باعتباره الجهة التى تتولى عملية تعيين نحو 43 ألفا من أوائل الخريجين والحاصلين على الماجستير والدكتواره ومنح أكاديمية البحث العلمى.

وقالت الوزارة إنه تم حصر نحو 5 آلاف بالجامعات والمراكز البحثية، وأنه سيتم تعيين عدد كبير منهم فى وظيفة باحث بمصانع القطاع العام، بالإضافة إلى تعيين عدد منهم فى الأماكن الشاغرة بالوزارات.

[معتز عبدالكريم]

الله يباركلك يا دكتور
وربنا يطمنك ديما

[منى أبو الجود]

السلام عليكم كيف حالك يا أختي الفاضلة أم رهف يا رب تكوني بخير معندكيش أخبار عن الأزهر ولا لسه مفيش جديد

[معتز عبدالكريم]

انى احبك فى الله يا دكتور عبدالرحمن المنياوى وباقى اعضاء المنتدى انى احبهم فى الله

[El Ninio]

المشاركة الأصلية كتبت بواسطة فاطمة الزهراء 86

يا أستاذ imenesi حضرتك قولت زي ما جوابات تعيين التربية والتعليم راحت التنظيم والادارة وهتتبعت لكل واحد
ان شاء الله هتيجي جواباتنا .. يعني معنى كده إن أوائل كلية التربية هيتعينوا قريب ولا إيه

لا يا أستاذة فاطمة .. دول غيرنا .. التربية والتعليم اللي هما بتوع 3 سنين و العقود المميزة وكل ده
مش اوئل كلية تربية .. ومتخافيش اطمني هتتعيني عاجلا ام اجلا وسيبيها على الله

[ام رهف]

المشاركة الأصلية كتبت بواسطة منى أبو الجود

السلام عليكم كيف حالك يا أختي الفاضلة أم رهف يا رب تكوني بخير معندكيش أخبار عن الأزهر ولا لسه مفيش جديد

وعليكم السلام اختى الغالية
انا بخير الحمد لله
ربنا ييسر ويسمعنا جميعا الخبر الذي ننتظره ودعواتك بالتساهيل

[mayar1505]

المشاركة الأصلية كتبت بواسطة د.عبدالرحمن المنياوي

يا أخت معيار حضرتك عاوزة إيه بالضبط .. موضوع تعيين الأوائل ده يعني في مضمونه تكليف من الدولة تمييزا لهذه الفئة فقط بأنهم يتم تعيينهم بمجرد تخرجهم أما باقي الخريجين فهم يسعوا ويحاربوا ويجاهدوا علشان يلاقوا شغل إما يلاقوه في الحكومة بعد فترة طويلة أو لأ أو يلاقوا تعيين في القطاع الخاص غير المضمون .. أما الخريج من الأوائل فيعين حكومي على طول .. طيب انت بتقولي ما فيه غيري متعين وهو مش ن الأوائل .. ماهو لازم أي مكان هتعين فيه هيكون فيه حد متعين مش من الأوائل وهتلاقي دبلومات كمان .. والكلام ده موجود لو اتعينتي في التربية والتعليم أو الجامعة أو في اي مكان ..

إيه بقى اللي مخلي الموضوع عندك مدايقك ؟!! الحكاية انك تعبتي زيك زي زميلتك الخريجة العادية .. وانتم الاتنين بقيتوا زي بعض مدرسين أمال فين التمييز ليكي بصفتك من الأوائل .. معلش السنة دي بس الناس هتحس بكده لكن من العام القادم الأوائل هتفرق معاهم لما يلاقوا زمايلهم دايخين وهم مستريحين .. وبعدين خليها على الله دي أرزاق ولو انتي مش عاوزة تفضلي في التربية والتعليم خلاص ما تختاريهاش ضمن الرغبات واختاري حته تانية .. وربنا الموفق ..

بس انا كنت عاوز أضيف حاجة إن الحاصلين على الدرجات العلمية في التربية والتعليم هيتم نقلهم من المدارس للعمل في مراكز البحوث التربوية التابعة لإدارات المختلفة .. وفي فروع أكاديمية المعلم وفي أماكن متميزة .. والكلام ده كلام الوزير وتقوم الإدارة المركزية للتعليم الأساسي يعمل الحصر الآن .. وكل إدارة وزعت استمارات سيرة ذاتية ولمتها تاني علشان ترسلها عن طريق قسم الموازنة في كل مديرية تعليمية ..

انا اسفة جدا يا دكتور عبد الرحمن و انا كنت بتكلم و انا طماعة في سعة صدر الناس انها تسمعني انا حسيت انك اضايقت جدا من كلامي علي الرغم ان دي يمكن المشاركة الرابعة ليا في المنتدي لحد دلوقت انا كنت بقول مجرد رأي يا جماعة انا مؤمنة بالاية بسم الله الرحمن الرحيم " وفي السماء رزقكم و ما توعدون" صدق الله العظيم و ان كان في حد من زميلاتي زي و هيتعينوا في حركة التربية و التعليم فده ربنا مقدره للجميع و ده لعلمه هو حتي و ان ماكنوش تعبوا لأني عارفة و مؤمنة ان زي ما ربنا اخد مني و منهم حاجات كتير اداني و اداهم حاجات كتير قصادها يقول الله عز و جل بسم الله الرحمن الرحيم "وما ربك بظلام للعبيد" صدق الله العظيم

ربنا بيكافأ كل واحد حسب عمله في الدنيا و انا مش زعلانة من رزق اداه ربنا لحد او اقول انا ليه اتساويت بيه انا بقول الحمد لله علي كل حال و كل واحد بياخد نصيبه و يمكن ده اختبار عشان ربنا يشوف هرضي بكده و لا لأ

و انا اسفة تاني يا جماعة انا بس كان نفسي حد يتحمل كلامي و اسئلتي العادية او يمكن انا شايفاها عادية بس يظهر اني دايما بتفهم غلط انا اسفة جدا و شكرا عي ردودكم عليا و جزاكم الله كل الخير و ربنا يقدر ليكم كلكم الخير

لا اله الا انت سبحانك ربي اني كنت من الظالمين

[معتز عبدالكريم]

ادخل على موقع الجهاز المركزى لتنظيم والاداره
وادخل على الاستفسار عن شكوه
واكتب فى رقم الشكوى(10118)
هيظهر ليك الاتى
لاستفسار عن موقف الشكوى
يرجى ادخال رقم الشكوى
يرجى ادخال ارقام تتكون من 0 الى 9 يرجى ادخال رقم الشكوى

رقم الشكوى: 10118
موضوع الشكوى: السلام عليكم لماذا حتى الان لم يتم الاجراءت التنفيذيه بتوظيف اوائل الخرجين بالجهاز الادارى للدوله و ذلك على الرغم من ان القرار صدر فى 17/3/2011و تم الموافقه عليه من مجلس الوزراء فى 12/6/2011و اعتمد و خرج لنا د / مصطفى النحاس بتصريح فى القنوات الفضائيه باءتخاذ الخطوات التنفيذيه فى ذلك و ارجو الرد
الرد: تم دراسة الشكوى والرد عليها
التعليق: تعيين اوائل الخرجيين سيتم خلال الاسابيع القادمة
تاريخ الرد: 06/07/2011ىى

[معتز عبدالكريم]

الاستفسار عن موقف الشكوى يرجى ادخال رقم الشكوى يرجى ادخال ارقام تتكون من 0 الى 9 يرجى ادخال رقم الشكوى رقم الشكوى:10118موضوع الشكوى:السلام عليكم لماذا حتى الان لم يتم الاجراءت التنفيذيه بتوظيف اوائل الخرجين بالجهاز الادارى للدوله و ذلك على الرغم من ان القرار صدر فى 17/3/2011و تم الموافقه عليه من مجلس الوزراء فى 12/6/2011و اعتمد و خرج لنا د / مصطفى النحاس بتصريح فى القنوات الفضائيه باءتخاذ الخطوات التنفيذيه فى ذلك و ارجو الردالرد:تم دراسة الشكوى والرد عليهاالتعليق:تعيين اوائل الخرجيين سيتم خلال الاسابيع القادمةتاريخ الرد:06/07/2011