مسألة فى الرياضيات(أرشيف تجميعى )

[PED0o0o]

المشاركة الأصلية كتبت بواسطة طالب على ما تفرج

بص يا بيدو بشكرك على موضوعك الجميل

بس كل الكلام اللي انت قولته ده بيحصل فعلا ومش بإدينا نغيره

يعني انا النهاردة بدأت الامتحان حوالي 9 و تلت

بس مع ذلك والله وما ليك عليا حلفان خصت الساعة 10 و نص

وكان باقي 1/2 ساعة قعدت أراجع فيها

ومع ذلك كان في ناس معايا في اللجنه محطمين نفسيا

في ناس بتقول عليها فرق مستويات وناس بتقول توفيق من عند ربنا

بس اقولك حاجة

في ناس مستواها عالي جدا ومع ذلك معرفوش يحلوا الامتحان

بسبب .... التوتر والقلق والخوف

بزمتك مش حرام

حسبي الله ونعم الوكيل

كلامك كويس جداً و كل إلى أقدر أقوله :" لا تعليق "

[Negmelnegommido]

بيتهيئلى ان انت مش المفروض الى تقيم الامتحان انما على حسب راى الاغلبيه من الطلبه

[PED0o0o]

المشاركة الأصلية كتبت بواسطة esrazi

انا من كتر توتر من طول المسائل شفت مسألة غلط و مع انى كنت ححلها,امتحان نهاية فيه عوزة صفحة بتاعت مالانهاية

طيب أنا عاوز أطلب منك طلب : تقدر تقولى أزاى منتوترش ؟؟

ده طبيعة فى الأنسان ولازم نعمل حساب لده

[PED0o0o]

المشاركة الأصلية كتبت بواسطة esrazi

دا امتحانات مصر 2010 عقبال 2011 لما يتشوا 0-0

قصدك تقول أعبال 2010 دور تانى

[guitar player]

هههههههههههههههههههههههههههههه
lol
هموووووووت
ياريت العباقرة يقولولنا المجموع الكلى بكل صراحة بعد ظهور النتيجة
ولا اقولكوا
بلاش المجموع الكلى عشان الفضايح
انا عاوز اعرف درجة الرياضة بس

[اسامه نور الدين]

انا و الله مخلصت الامتحان مع انى طول عمرى بقفل رياضه و دى انا احسن ماده فيها ربنا ينتقم من الوزير

[salma .]

طيب ممكن تعمل حسابى معاك فى المطعم

ممكن اغسل الاطباق او اللى يشوفوه هما انا تحت امركم

اهو احسن من مفيش واكيد هيكونوا احن عليا من الوزير ده

[teacher_2]

المشاركة الأصلية كتبت بواسطة KkIiMmOo

يا عم انت مين دا اللى من كتاب ال مدرسة و ال ايه محدش بيشتكى انا عايزاك تقولى 5.ب. و 4.ب. منيييين ماتخلوناش نتنارفز

4 ب عادىة بس واجب تكون عارف ان
-1< جتاجــ < 1
وحالينها امبارح مع كل الطلبة وعلى فكرة موجوده فى المنتدى لكن عاطيلك الزاوية وكانت 60
وهحلهالك تانى على عينى
بس ما تنساش الشرطة على كل راس فى المسالة

[profvip]

المشاركة الأصلية كتبت بواسطة طالب على ما تفرج

لو سمحت في نقطة هعلق عليها

متعودين على التلقين والحفظ

ده مناسب جدا لطلبة أدبي

لكن مينفعش تقول كده على طلبة علمي خاصة علمي رياضة

انت كده بتقلل من مستوى تفكيرهم

ثانيا : ليه هم متعودين على الحفظ ده يدل بكل تأكيد على تخلف مستوى التعليم في مصر

ودي حقيقة

وشكرا

السلام عليكم ازيك يا بشمهندس
انا برضه كنت فى ثانوى عام فمش اقصد اشتم اى طالب أو بأقول متعودين على الحفظ يعنى بأعيب عليهم
لكن ديه الحقيقه و لما أنا كنت زيكم ( من حوالى خمس سنين 2005 ) كنت برضه بأحفظ حاجات كتير مش بأقدر أفهمها
خاصه فى الفيزياء و الكيمياء و بعض قوانين الرياضه ( يعنى مثلا ناس كتير مش حتبقى عارف يعنى ايه المعنى الفيزيائى للميل أو المشتقه بيعملوا ايه بيها فى الحياه مفيده ليه الخ ) و ممكن يكونوا بيعرفوا يحلوا عليها كويس جدا لكن الاساس نفسه مش موجود


عموما فى الكليات كلها مش بس هندسه
لأ هندسه و طب و حاسبات و معلومات و اداب و حقوق الخ
بيبقى فيه اهتمام بالمستوى التعليميى و الفهم و انك تتعلم حاجه تفيدك فى الشغل و تقدر تفيد بيها المجتمع

المشكله اصلا انفى الجامعات الدكاتره و المعيدين بيبقى ليهم وضع اجتماعى مميز و كده ( حتى لو مرتبات متواضعه ) فبهتموا بالمهنه و ارتقاء بيها

لكن فى ثانوى و اعدادى عام و ابتدئاى المدرش بيقى بيحقروا من شأنه على الرغم من إنه من وجهه نظرى من أهم عناصر بناء المجتمع و برضه بعض المدرسين مش بيحترموا المهنه و بيركزوا على الدروس و مش بيطوروا من نفسهم الخ - و الطلبه نفسهم اكمنهم بيتصرف عليهم مش متحملسن مسئوليه العلم و انهم لازم يفهموا و ينبغوا فى الحاجه اللى بيحبوا و يتوكلوا على الله الخ

فأنا عاوز أبشر الطلبه اعمل اللى عليك
و فى النهايه ان شاء الله تنول اللى نفسك فيه
لو كان نفسك فى هندسه ان شاء الله تقدر تدخلها حتى لو مجموعك قليل لا قدر الله - فيه مليون طريقه و طريقه غير جامعات خاصه فى معاهد بتؤهل لكليه الهندسه الخ
بس اهم حاجه تدخل اللى نفسك فيه مش اللى اهلك غاصبينك عليه

و بجد باتمنالكم التوفيق و تبقوا علامات مميزه فى المجتمع
و ادعولى انا كمنان عشان عندى امتحان ميكروبروسيسر و نظم تشغيل يوم الأحد

[PED0o0o]

المشاركة الأصلية كتبت بواسطة اسامه نور الدين

انا و الله مخلصت الامتحان مع انى طول عمرى بقفل رياضه و دى انا احسن ماده فيها ربنا ينتقم من الوزير

ربنا معانا وهو إلى هيتولى أمرنا مش الوزير.

[المدرس الناجح]

الاسم / احمد السمان

حلمه سابقا / ان يصبح دكتور

حلمه حاليا / انه يحصل تور

السبب / امتحان التفاضل وحساب المثلثات
حالته النفسيه سابقا (قبل الامتحانات ) عايش حياته

حالته النفسيه الان / عمال يفكر هيعمل ايه يوم النتيجه

بيفكر فى / النوم

كيف / احط دماغى على السرير

السبب / هاموت وانام بعد الامتحان الزباله

اخر كلماته / ابقوقابلونى لوحد فيكم جاب اعلى من 50%

[mostafa_gamal2]

يجماعة انا شوفت الخبر دة بعد الشكاوى اللى جت من الامتحانات وصف نائب شعب الجيل دة بالمنكوب وقال ان الجيل دة اول جيل خذت سنة ستة بالا ضافة لصعوبة اسئلة الاعدادية ليكمل النكد على هذة الجيل بامتحانات ووزير زفت

[PED0o0o]

المشاركة الأصلية كتبت بواسطة salma .

طيب ممكن تعمل حسابى معاك فى المطعم

ممكن اغسل الاطباق او اللى يشوفوه هما انا تحت امركم

اهو احسن من مفيش واكيد هيكونوا احن عليا من الوزير ده

على حسب الوسطه بتعتك لو وسطه جامدة زى بتعتى كده ممكن نفكر .

أصل أنت شكلك نسيتى يا سلمى أحنا فى بلد الوسطه.

[profvip]

ياجماعه تسطير ايه بس اوعوا تسطروا الا لو ورقه الاجابه كان فيه بنها و بين ورقه الاسئله وقت مناسب
لكن تسطير بعد اما تاخد ورقه الاسئله تضييع و قت و ملهوش لازمه صراحه

[PED0o0o]

ربنا معانا وهو إلى هيتولى أمرنا مش الوزير.