ايه اخبار تعيين أوائل الكليات ياجماعة؟

[د.عبدالرحمن المنياوي]

المشاركة الأصلية كتبت بواسطة boskovice

استاذ sgamea

لازم نلتمس العزر للدكتور لان محدش عارف الظروف النت وحش عندة جداااااااااااا الفترة دى

فاكيد هو اتاخر فى الرد لان النت فصل عندة مش اكثر ياريت مش نزعل منة لانة غصب عنة اكيد

حبيبي وبتدافع عني دايما .. خلاص هتتعين انت بس .. ههههههههههههه

[د.عبدالرحمن المنياوي]

المشاركة الأصلية كتبت بواسطة sara_200

هههههههههههههههه برحة يا جماعة يعنى حتى لو الدكتور قالنا اخبار فهل ده معناه اننا هنتعين الدنيا مقلوبه والمظاهرات شغاله ومحدش عارف بكره فى ايه

إن شاء هتتعينوا

[د.عبدالرحمن المنياوي]

المشاركة الأصلية كتبت بواسطة sgamea2010

مع احترامى الكبير للدكتور عبدالرحمن وهو شخصيا يعلم ذلك
فمافعله الدكتور عبدالرحمن من اثارة للخبر اللى عند حضرته لايليق بتاريخ الدكتور عبدالرحمن على المنتدى
فجميع الناس مشدودة جدا وعلى أعصابها وبتثق فى كلامه جدا لذلك بعد مشاركة الدكتور عبدالرحمن ( إنهاءأ لهذا الجدل اسمعوا الرد ) والناس على اعصابها وانا واحد منهم
وانا اسف مرة تانى

لا يوجد بلبلة بإذن الله .. وانا باحترم رأيك جدا .. بس بصراحة الناس كانت عاملة دوشة حول التعيين في التربية والتعليم وانا كنت هوضح حاجة بس .. بس النت فصل والناس راحت تؤول بقى ان عندي خبر وحش ومش عاوز اذيعه ..

ولا تتأسف .. وانا ليس لي تاريخ ولا حاجة انا واحد بيحاول يساعد ويتمنى دعوة من القلب ومش عاوز حتى صاحبها يقوللي انه دعا لي ..

أكرر أسفي لكم ..

[mayar1505]

احنا بس بعد اذنك يا دكتور عبد الرحمن حضرتك امبارح كان في نيتك تقولنا خبر لدرجة ان احنا افتكرنا انه حاجة لقدر الله و حشة و حضرتك ماردتش تقوله بعد كده هو ده ال وغوشنا

[sara_200]

مهو خريجين كليات التربيه قسم انجليزى او لغات تانيه ينفع سشتغل مترجم ولا مينفعش دلوقت ؟ وكمان خريجى كلية تربيه نوعيه حاسب الى يشتغل فى اى مكان عادى يعنى والتخصصات التانيه زى الرياضة والمواد اتجاريه مثلا يشتغلوا برده فى الضرائب او البنوك يعنى الى عاوز يعين هيعين واعتقد يعنى ان غالبية الناس افى مصر فى اماكن لا يستحقونها ولا جينا عملنا احصاء هنلاقى ان الغالبيه بيشتغلوا فى اماكن لا تتفق مع مؤهلاتهم ولا مع تقديرهم ولا حتى مع تخصهم مش هتجى علينا احنا ونتبقى وحشة ولازم نحقق الموائمة مع التخصصات ولا اييييييييييييييييييييييييييييه

[د.عبدالرحمن المنياوي]

المشاركة الأصلية كتبت بواسطة mayar1505

يا جماعة هو انتو اخدوا بالكم من قوائم الأحتياجات لكل جامعة علي موقع البحث العلمي انا مثلا في جامعة الفيوم استغربت قوي لما لقيت ان رئيس الجامعة مش باعت الا مهندسين مش عارفة مدني و كهرباء و غيره حتي الجامعات التانية هتلاحظوا ان العدد المطلوب قليل جدا يمكن كمان ياخدوا من دفعة واحدة 2003 مثلا علي اساس الأقدمية و يمكن مايخدهمش كلهم لأن برضه المطلوب قليل جدا انا مش فاهمة علي اي اساس هايخدوا برضه العشرين علي كل الدفعات دي و اعتقد ان ده معناه انه مؤكد مافيش تعيين للكل في الجامعات ده مش مشكلة امال طيب الباقي هيتعين فين لو حد عنده تفسير ياريت يقول

إحنا قلنا قبل كده إن الجامعات بعتت أعداد عايزاها .. ناس كادر عام(إداريين) وناس كادر خاص(معيدين).. الاحتياجات من الكادر الخاص هتروح على الـ2500 درجة اللي هيتم الغعلان عنها بعد تعيينات الأوائل..

أما احتياجات الكادر العام هتتندرج ضمن الدرجات الـ43 ألف اللي هتحطوا في الرغبات قدام الأوائل في تعيينهم ..

طيب هي الاجتياجات دي قليلة هي بس اللي هيختار منها الأوائل ؟!!!

لأ .. دي الأماكن الموجودة في الجامعات كإداريين .. بس فيه أماكن تانية كتيرة في المديريات المختلفة .. التعليم والسياحة والآثار والطب البيطري والمعامل والمياه والكهرباء والبترول ...... إلخ.

انت هتظهر لك الأماكن المتاحة وانت تختار منها ... التنظيم والإدارة دلوقت بترتب الأماكن وهم في المرحلة الأخيرة دلوقت .. وبعد كام يوم من 10:15 يوم هتلاقي معاليك الأماكن المتاحة لكل تخصص على مستوى الجمهورية وبعدين هيكتب من تحت لازم كل واحد يتوجه لمقر التنظيم والإدارة بمحافظته لملئ استمارة الرغبات يدويا ..

الناس تطمئن ..

[boskovice]

بالنسبة لموضوع ميعاد التعيين هجبلكم دلوقت

الرد النهائى للموضوع دة جاارى رفع الصورة عشان محدش يقولى بتجيب من عندك الكلام دة هههههههه

يارب يارب النت مش يفصل احسن الناس تعاتبنى زى الدكتور ههههههههههههههه

جارى ..........

[sara_200]

ممكن اسال دكتور عبد الرحمن سؤال محرج شويه هو حضرتك بتجيب المعلومات منين ؟؟؟؟؟؟؟؟؟؟ ههههههههههههههه اصل بصراحه معدش فى اى مصداقيه ده حتى لو الوزير بنفسه الى طلع وقال مش هقتنع اوى يعنى لان كل شسوسة قرار ونقيضه فى تخبط رهييييييييييييييييييب

[د.عبدالرحمن المنياوي]

المشاركة الأصلية كتبت بواسطة ريمون22

الي اتثبتو في التربية والتعليم حتي الان لم يحصلو علي درجة مالية .يمكن هيكون التعييين للاوائل علي درجة مالية مباشرة دون العك بتاع المعلم المساعد والتعاقد .والله اعلم
بس مش معقول 8دفعات *20 =160 خريج علي مستوي الجامعة وليكن 20جامعة
20*160=3200 اوائل علي مستوي الجامعات اوائل تربية كلهم يتعينو في الجامعات

وياريت ينهي الدكتور عبد الرحمن الجدل دا ونعرف راية .مع ان الله يكون في عونة علي الاستفسارات في المنتدي بجد انا بشكرة علي سعة صدرة وجزاة الله كل خير

بالنسبة لموضوع الدرجات المالية لازم نعرف حاجة .. قانون الكادر لغى موضوع الدرجات المالية وحولها لدرجات وظيفية .. يعني معلم مساعد = الثالثة
معلم = الثالثة + أقدمية سنتين
معلم أول = الثانية
معلم أول أ = الأولى
معلم خبير = مدير عام
معلم كبير = العالية

بس الناس مش مقتنعة وبتقول لسه فيه درجات .. وإيه اللي عامل البلبلة دي .. أمرين ..

الأول : الموظفين في المديريات لسه بتعامل المعلم في اجراءات الورق بتاعه على أساس إن ليه درجة .. وده خطأ إداري ..

الثاني : الوزير لم يعطي تعليمات واضحة بإيقاف التعامل ده .. وكمان لم يعطي للذين اجتازوا الكادر وانتقلوا لمرحلة وظيفية أعلى فروق درجاتهم ( مادياً ) .. علشان كده أعتد الموضوع هياخد وقت ..

أما التعيين في التربية والتعليم هيكون معلم مساعد بس مش تعاقد لأ تعيين تعيين تعيين يعني كل مسوغات التعيين وحقك كامل ولما تجتاز الكادر تحول لمعلم بس انت كده كده ثابت من الأول ..

[د.عبدالرحمن المنياوي]

المشاركة الأصلية كتبت بواسطة ام رهف

اهلا بحضرتك
منور المنتدى والله
احب اضيف معلومة بسيطة الدكتور عبد الرحمن فعلا فوق مستوى الشبهات يعنى حتى الراجل من يوم ماطل علينا واحنا من احسن لاحسن والصفحة بقا ليها طعم ومشاركاته هادفة وفعالة وطبعا حضرتك ماانكرتش ده لانها حقيقة واضحة زي الشمس
لكن المنتظر من الجميع ممن عرفو الرجل بطباعه وادبه وثقافته ودماثة خلقه ان حدث مثل هذا ان نلتمس العذر له وندعو الله ان يطمئنا عليه لا نقول (لا يليق بتاريخ الدكتور عبد الرحمن ) لان الرجل يفعل كل مايفعله ابتغاء وجه الله ورغبة في ادخال السرور على الجميع
وعموما ربنا يريح بالك ويطمنك ويحقق لك مرادك
اهدأ وانتظر الخير ان شاء الله

شكرا لثقتكم وهذا ما كنا ننتظره من أمثالكم من ذوي الرجاحة والخلق وأقول أننا نعرف قدرك ونحترمك .. والحمد لله إني لقيت حد بيقول في حقى كلام محترم ..

[boskovice]

انا لا ارى لا اتكلم لا اتحدث

الصورة هى اللى هتتكلم هههههههههههه





اية رايكم فى الكلام دة

[د.عبدالرحمن المنياوي]

المشاركة الأصلية كتبت بواسطة قطرالندى25

ده صحيح ياسارة دا انا فى الثانوية العامة جبت كل الدرجات النهائية ما عدا طبعا الفيزياء وجبت الحمد الله 94% ودخلت كلية تربية نوعية والله يا جماعة كانت كلية طب امام الكلية مباشرة وقعدت 4 سنين بحسرتى قعدت اشوف حلمى قدامى وانا فى نوعية بس الحمد الله هههههههههههههههههههه

كملي دراسات عليا وطوري نفسك وانت هتلاقي نفسك في شغلك الجديد وهتاخدي وضعك وهنقولك يادكتورة قريب

[د.عبدالرحمن المنياوي]

المشاركة الأصلية كتبت بواسطة ramy gama

السلام عليكم إخواني

لايضيع حق ورائه مطالب --بس هو فين المطالب--خليهم يضحكوا عليكوا ويسكنوكم---والبهوات اللى قعدوا يقولوا شغلانة والسلام مش ضرورى معيدين اهم ماطالوش حاجة وهما قاعدين يسترضوهم ويقولولهم اى شغلانة وخلاص--بس على فكرة من مصضادر موثوق منها مافيش تعيين ولا حاجة --هما عرضوا المشروع فى البداية وكان عندهم النية بس المجلس الاعلى للقوات المسلحة رفض زى ما رفض الميزانية الجديدة اللى فيها الحد الادنى للمرتبات بعد ماعشموا الموظفين-- خليكوا قاعدين فى بيوتكوا ---وافرحوا--ومافيش تعين لا فى 7 ولا8 ولا9 ولا--------------حرااااام عليكوا مستقبلكوا وانتوا ليكوا حق


وعلى فكرة تم تخفيض الموازنة العامة للدولة فى كل المجالات الصحة والتعليم ومعاشات كلة ارجعو لأى موقع اخبارى الخبر دة من أسبوع أو أكتر وصدق عليها المشير

بجد بجد أنا في قمة الأسي من اللي بيحصل لنا دا

معلش يا رامي انت نقلت وجهة نظر ناس والناس هنا ما أخدتش بالها وهاجمتك .. انت لازم كنت توضح ده في بداية مشاركتك ..

أما بالنسبة لموضوع الرأي ده فهو عار تماما من الصحة والناس هتتعيم بإذن الله وزي ماقلنا قبل كده ولسه بنقول الموضوع الآن في التنظيم والإدارة

[د.عبدالرحمن المنياوي]

الناس ماتقلقش

[meslmat]

ياجماعه كله خير