مسألة فى الرياضيات(أرشيف تجميعى )

[hellow]

يارب يا أخى .. بس انا كنت عاوز اى مدرس يقول لى هنقص كام ولو حتى بالتقرررررررريب ....

[Mr.Mero]

والله العظيم انا حليت اول سؤال النهايات وحليت الاخفاض الارتفاع ولقيت نص الوقت خلص من غير ما احل حاجا

[enas el3ashry]

يا جماعة ركزوا شوية
قدام الامتحانات صعبة علي مستوي الطلبة كلها يبقي مفيش مشاكل لأننا كدة كدة غصب عنهم هينزلوا مجاميع التنسيق يعني استحالة يكون الطلبة جايبين 90% وهما هيخلوا طب وصيدلة 98%
الموضوع نسبة وتناسب
هو الوزير بس عايز يرجع ايام زمان ايام ما كانت طب بتاخد 79%
يعني الموضوع عادي والله
كويس انو صعب علي الكل مش واحد ولا 2

ومتنسوش
ان الله لا يضيع اجر من احسن عملاً

[طالب على ما تفرج]

بص هي آخر خطوة بتاعت الناتج بيبقى عليها

1/2 درجة

يعني انت كده تقريبا هتنقص درجة

[طالب على ما تفرج]

بقولكم ايه انا كده بإذن الله لو ربنا وفقني

هفتح أكبر شركة في العالم

لتصنيع













الاكياس البلاستيك ولبيسة القلم الجاف

ابقى احجزلكم مكان معايا ؟

[PED0o0o]

المشاركة الأصلية كتبت بواسطة mr.mero

والله العظيم انا حليت اول سؤال النهايات وحليت الاخفاض الارتفاع ولقيت نص الوقت خلص من غير ما احل حاجا

ولحت تكمل بقيت الأمتحان.

[profvip]

يا شباب شدوا حيلكم
انا شفت امتحان النهرضه و هو فعلا صعب
الطالب فوق المتوسط ممكن يجيب 21
عشان فيه جزئيه من السؤال الاخير من منهج تالته اعدادى
و السؤال الرابع ب صيغه السؤال اصلا مش مناسبه لطلبه ثانوى عام المتعودين على اسلوب الحفظ و التلقين

لكن صدقونى كده فى مصلحتكم شدوا حيلكم فى باقى المواد و ان شاء الله التنسيق حتلاقوه نزل
أنا فى بكاليروس هندسه اتصالات القاهره و عندنا الاوائل بيجيبوا 85 %
أنا تقديرى التراكى 82.5%
و كنت جايب فى ثانوى عام 98.1% و جبت فى اعدادى هندسه 85%و رتبت على الدفعه
فعادى يعنى لو امتحان صعب المنطقى ان الطلبه تجيب تقديرات متواضعه شويه

فركزوا فى اللى جاى

[mohammedhamed22]

الامتحان عادي جدا وكل الجزيئات مباشره و(ب) في السؤال الخامس عاديه
و(ب)في السؤال الرابع في فكره بس تتحل يشويه تفكير
تقييمي العام للامتحان: متوسط

[profvip]

حاجه تانيه مهمه محدش يفقد الأمل أبدا فى ربنا

يا أيها اللذين أمنوا لا تتولوا قوما غضب الله عليهم قد يئسوا من الاخره كما يئس الكفار من اصحاب القبور ( ايه 13 سوره الممتحنه )

إنه لا ييأس من روح الله الا القوم الكفرون ( ايه 87 سوره يوسف )

مفروض اننا عندنا ايمان كامل بقدره الله المطلقه
غلط جدا ان حد يبقى سهله على لسانه يقول انتحر و لا كده
بجد غلط و عيب جدا انتوا مفروض شباب بالغ و كبير
و مفروض الرجاله يبقوا فعلا رجاله بكلامتهم
و الناجح مش شرط يبقى هو اللى بيجيب تقدير أو مجموع عالى أو بيقفل الامتحان
أو بيرتب على الجمهوريه

لأ ممكن تجيب 80% أو 60& و تبقى عبقرى فى مجالك و الناس تحترمك و تستفيد من خبرتك

فيا شباب بجد محدش يقول كده و فكروا دايما بصوره متفائله و ايجابيه

وبجد ربنا معاكم و ان شاء الله تبقوا أشخاص مفيدين فى مجتمعكم

و بجد أنا فرحت جدا من صاحب الموضوع اللى كان نفسه يطلع مدرس لغه عربيه
لإفتخاره بحاجتين :
1- مهنه المدرس
2- اللغه العربيه

ربنا يوفقكم

[طالب على ما تفرج]

بص يا بيدو بشكرك على موضوعك الجميل

بس كل الكلام اللي انت قولته ده بيحصل فعلا ومش بإدينا نغيره

يعني انا النهاردة بدأت الامتحان حوالي 9 و تلت

بس مع ذلك والله وما ليك عليا حلفان خصت الساعة 10 و نص

وكان باقي 1/2 ساعة قعدت أراجع فيها

ومع ذلك كان في ناس معايا في اللجنه محطمين نفسيا

في ناس بتقول عليها فرق مستويات وناس بتقول توفيق من عند ربنا

بس اقولك حاجة

في ناس مستواها عالي جدا ومع ذلك معرفوش يحلوا الامتحان

بسبب .... التوتر والقلق والخوف

بزمتك مش حرام

حسبي الله ونعم الوكيل

[PED0o0o]

معلش يا جماعة أتأخرت عليكو
بس أنا كنت بتدرب علشان الشغل الجديد أن شاء الله
(كنت بخرط السلطة علشان الغدى ) أصلى أوعبال عندكو هأدم لشغل
فى مطعم فول وطعمية بس تفتكرو ممكن يقبلونى بالمجموع إلى هجيبو إن شاء الله .
مش مهم أصل أنا بينى وبينكو عندى وسطه ( أبن عم خالت جوز عمت جد أبويا تبقى مرات أخو خطيب سلفت مرات صاحب المطعم) .

بس ملحوظة : هو مفيش حد عندو رأى تانى فى الموضوع ده؟

[طالب على ما تفرج]

لو سمحت في نقطة هعلق عليها

متعودين على التلقين والحفظ

ده مناسب جدا لطلبة أدبي

لكن مينفعش تقول كده على طلبة علمي خاصة علمي رياضة

انت كده بتقلل من مستوى تفكيرهم

ثانيا : ليه هم متعودين على الحفظ ده يدل بكل تأكيد على تخلف مستوى التعليم في مصر

ودي حقيقة

وشكرا

[muhammad128]

نظام التعليم فى مصر كله بايظ من الاول فمتفرقش كتير الامتحان صعب ولا سهل

[esrazi]

انا من كتر توتر من طول المسائل شفت مسألة غلط و مع انى كنت ححلها,امتحان نهاية فيه عوزة صفحة بتاعت مالانهاية

[esrazi]

دا امتحانات مصر 2010 عقبال 2011 لما يتشوا 0-0