كل ما يخص المراجع الخارجى - دعوة للمناقشة

[رحمي علي]

ارجو من الاخوة الزملاء القدامي الذين اصبحوا مراجعين ان يقولوا لنا ماذا يحدث بعد المقابلة الشخصية بالتفصيل
وشكرا

[رحمي علي]

يعني مفيش حد راضي يرد عليا اوك
بس عموما انا لما اعرف حاجة من دلوقتي ورايح ححتفظ بيها لنفسي علشان محدش يزعل

[الشادى افندى]

استاذ رحمى ما فيش اخبار عن النتيجة بتاعة المقابلة

[رحمي علي]

لا والله يا استاذ شادي لسه بس الي انا عرفته وتأكدت منه انك حتحاول تدخل علي الاعتماد قبل الجامعي لو دخل معاك ده معناه انك نجحت وخلاص اصبحت مراجع خارجي وتنتظر يرشحولك مدرسة فانت حاول في الفترة دي تدخل علي الاعتماد قبل الجامعي كتير وان شاء الله خير

[رحمي علي]

عموما يا استاذ شادي احنا لازم نتابع مع بعض واي حد تفتح صفحته الاول لازم يقول للتاني علشان نعرف ايه الوضع بالظبط

[رحمي علي]

يا تري ايه اخبار الجماعة اللي عملوا مقابلات يوم 14 و15 و 16 مش ظاهرين ليه واخبار المقابلة ايه ياريت اي واحد راح المقابلة يدخل ويقول عمل ايه

[الشادى افندى]

هو فى رسوب فى المقابلة او اعادة ليها عاوزين نعرف

[كيمو عثمان]

بعد اخر مقابلة للمقابلات انتظر من 10 ال 15 يوم عشان تفتح الصفحة في الاعتماد قبل الجامعي

[الشادى افندى]

انا بحاول ادخل يقولى اتصل بالهيئة فى رسالة لونها احمر

[رحمي علي]

وانا برضه نفس النظام يا استاذ شادي بس ان شاء الله قريب حيفتح

[رحمي علي]

أمال فين الاخت هدي محمد أحمد والاخت قناوية والاخ احمد مفيش اخبار عنهم ليه ولا حتي دخلوا وقالوا عملوا ايه في المقابلة الرجاء الدخول ويقولوا عملوا ايه علشان نعرف

[قناوية]

رحت المقابله يوم 14 وكان عدد كبير جداً ومعادى فى الايميل من 12 لكن دخلت واحده وحظى كان مع دكتوره مستعجله ومتلهوجه وفعلاً مجرد مخلصت معايه خدت شنطتها وجريت سألتنى ايه دورى كأخصائيه تكنولوجيا فى الجوده وقبل ما أنطق كلمتين سألتنى ايه مواصفات المراجع الجيد وكالعاده قبل ما أنطق غير عنصرين سألتنى ايه اهم مجالين من وجهه نظرك وبعدين قالتى لو عندك خريطه منهج ازاى تتأكدى انها معده جيداً وجاوبت وقالتلى thanks وقمت وبس خلاص ومعرفش بقى فلحت ولا ايه المهم كل الاسئلة كانت تدور عن خريطه المنهج ونواتج التعلم ودكتوره معينه كانت بتسأل أسئلة شخصيه ذى عرفنى بنفسك وعاوز تبقى مراجع ليه وقالت لوحده جوزك موافق وحتودى عيالك فين يعنى رغى كده شخصى وبس يارب التوفيق للجميع

[رحمي علي]

شكرا للاخت العزيزة قناوية علي الرد وتقدير الاخوة اعضاء المنتدي لو في اي حد يا جماعة سمع اي حاجة بخصوص المقابلة ياريت يدخل ويقول علشان انا سمعت انهم قريب حينشطوا الحساب علي صفحة التعليم قبل الجامعي

[الشادى افندى]

استاذ رحمى انت عندك مصدر موثوق منه وهو الذى اخبرك بمواعيد المقابلة اسأله على تنشيط الحساب

[رحمي علي]

انتظروني ان شاء الله قريب حقولكم اخبار حلوة