كل ما يخص المراجع الخارجى - دعوة للمناقشة

[رحمي علي]

وانا برضه نفس النظام يا استاذ شادي بس ان شاء الله قريب حيفتح

[رحمي علي]

أمال فين الاخت هدي محمد أحمد والاخت قناوية والاخ احمد مفيش اخبار عنهم ليه ولا حتي دخلوا وقالوا عملوا ايه في المقابلة الرجاء الدخول ويقولوا عملوا ايه علشان نعرف

[قناوية]

رحت المقابله يوم 14 وكان عدد كبير جداً ومعادى فى الايميل من 12 لكن دخلت واحده وحظى كان مع دكتوره مستعجله ومتلهوجه وفعلاً مجرد مخلصت معايه خدت شنطتها وجريت سألتنى ايه دورى كأخصائيه تكنولوجيا فى الجوده وقبل ما أنطق كلمتين سألتنى ايه مواصفات المراجع الجيد وكالعاده قبل ما أنطق غير عنصرين سألتنى ايه اهم مجالين من وجهه نظرك وبعدين قالتى لو عندك خريطه منهج ازاى تتأكدى انها معده جيداً وجاوبت وقالتلى thanks وقمت وبس خلاص ومعرفش بقى فلحت ولا ايه المهم كل الاسئلة كانت تدور عن خريطه المنهج ونواتج التعلم ودكتوره معينه كانت بتسأل أسئلة شخصيه ذى عرفنى بنفسك وعاوز تبقى مراجع ليه وقالت لوحده جوزك موافق وحتودى عيالك فين يعنى رغى كده شخصى وبس يارب التوفيق للجميع

[رحمي علي]

شكرا للاخت العزيزة قناوية علي الرد وتقدير الاخوة اعضاء المنتدي لو في اي حد يا جماعة سمع اي حاجة بخصوص المقابلة ياريت يدخل ويقول علشان انا سمعت انهم قريب حينشطوا الحساب علي صفحة التعليم قبل الجامعي

[الشادى افندى]

استاذ رحمى انت عندك مصدر موثوق منه وهو الذى اخبرك بمواعيد المقابلة اسأله على تنشيط الحساب

[رحمي علي]

انتظروني ان شاء الله قريب حقولكم اخبار حلوة

[مسامير]

السلام عليكم ورحمه الله وبركاته يا جماعه الهيئه دي طلعت افسد من الفساد نفسه ومحدش يتعشم فيها علي الاخر لاني مراجع خارجي من اول 2010 ومطلعتش خالص مراجعه والموضوع ماشي بالكوسه والمحسوبيه علي ايد الدكتور اللي اسمه اشرف اللي ماسك المراجعه ونزول المراجعين واختيارهم واوعوا تصدقوا ان الموضوع بيجي بالكمبيوتر ده حاجه
بالنسبه للناس اللي اجتازوا المقابله الشخصيه في الغالب الكل بينجح بعدها تخش علي حسابك في الهيئه هتلاقي شكل صفحتك اتغيرت واتكتب ادام من متدرب الي مراجع بس كده وتابع علي طول يمكن تترشح للنزول للمراجعه الخارجيه
بس اقسملكوا بالله انا اعرف ناس زي كده كتييير بقالها كذا سنه منزلتش ...ربنا يوفقكوا

[m_salam]

ناس فاضيه بلاقرف

[هدى محمد احمد]

الاول السلام عليكم ومبروك جميعا مقدما لكل ال عملواالمقابلات وبالاخص طبعا الاستاذ رحمى المقابلة كانت تمام والدكتورة ال سالتنى ذوووووق اوى اوى وسالتنى فى تخصصى ودورى كمراجع خارجى بس احنا يا استاذ رحمى نطمع اكتر فى حضرتك اسالنى امتى حتتنشط صفحة الاعتماد قبل الجامعى وتفتح

[رحمي علي]

ان شاء الله قريب حقلك يا استاذة هدي علي ميعاد تنشيط الحساب علي صفحة الاعتماد قبل الجامعي ومبروك مقدما ان شاء الله

[هدى محمد احمد]

مبروووووووك للجميع وشكرا لسرعة الرد يا استاذ رحمى

[جنة80]

نتمنى لنا جميعا التوفيق
تم مقابلتى يوم 16/2 وتم سؤالى عن الاتى :-
لو علمت ان احد اعضاء فريق المراجعة يفشى اسرار المؤسسة ما افعل ؟
وتم سؤالى ايضا عن قرائتى للمارسات الجديدة والتعقيب ما رأى فيها وما يميزها غير ان عددها قد قل ؟
واخيرا سؤالى عن ماذا افعل لو حصل خلاف بينى وبين احد الاعضاء فى تقييم ممارسة ما ؟
والخلاصة المقابلة كانت ودية للغاية وأسأل الله التوفيق وان يكرمنا جميعا

[Magdy Elsaed]

السلام عليكم ومبروك جميعا مقدما لكل ال عملوا المقابلات الحمد لله أنا حاولت أدخل علي الاعتماد قبل الجامعي ودخلت والحمد لله وده معناه اني نجحت وخلاص اصبحت مراجع خارجي، وأنتظر أن يرشحولي مدرسة.
عقبال جميع الأخوه الزملاء

[الشادى افندى]

انت الظاهر عليك انك نتكذب ما فيش حد الى الان فتحت معاه الصفحة من كل اللى اجروا المقابلة فى القريب
لو سمحت تأكد من كلامك

[رحمي علي]

الي الاستاذ العزيز مجدي السيد ازاي انت الصفحة فتحت معاك وهو اصلا لسه النتيجة بتاعت المقابلات مظهرتش والكلام ده من مصدر مسئول في الهيئة ياريت بلاش تقول كلام مش حقيقي وتلعب بعواطف الناس . أرجو من الاخوة الزملاء عدم تصديق هذا الخبر منعا للقلق لان الكلام ده مش حقيقي وانا متاكد ولو في اي حاجة ظهرت حتعرفوها مني اول واحد زي معودتكم