ملتقى طلاب صيدلة الاسكندرية

[Dr.ahmed91]

المشاركة الأصلية كتبت بواسطة taleba me7tasa

ياعيني شكلك مستعجلة ومفيش حد قاعد دلوقتي
اكيد تقصدي ال forces صح
تمام
ال static friction force هي قوة احتكاك بين جسم ساكن والسطح
وال kinetic friction force هي قوة احتكاك بين جسم بيتحرك والسطح

وال fs اكبر بكتير من ال fk
اوضح مثال على دة لما تكون عربية واقفة وعايزة حد يزقها
ممكن يزقها 5 او 6
(يزقوها يعني بيتغلبو على قوة الاحتكاك بين العجل والاسفلت)
اه والله
لحد ماتبدا تتحرك
ممكن واحد بس يحركها
(قوة الاحتكاك بين العجل والاسفلت قلت بكتير عشان العربية بتتحرك)
تمام كدة

و fs max دي اقصي قوة احتكاك بين الجسم الساكن والسطح
وبتظهر اول ما الجسم يبدا يتحرك

يعني ايه

دلوقتي عندك مكعب على ترابيزه
له قوة احتكاكمع السطح

اثرتي عليه بقوة افقية (بايدك مثلا) مقدارها 2 نيوتن
الجسم ماتحركش وعرفتي ان قوة احتكاكه ساعتها 2 نيوتن (t=fs)

اثرتي بتلاتة
الجسم ماتحركش وعرفتي ان قوة احتكاكه تلاتة
وهكذا
فضلتي تزودي القوة اللي بتاثر عليه لحد ماوصلتي ان الجسم اتحرك
قيمة القوة اللي بيبدا عندها بالظبط الجسم يتحرك هي ال fs max
(بمعنى ادق اللي قبلها علاطول بس عديها)

بتشبه شوية ظاهرة التاثير الكهروضوئي
يعني لو طاقة تاين الالكترون 5 جول
اثرتي ب2 متاينش
ب3 متاينش
ب5 اتاين بس (تشبه ال fs max)
ب7 اتاين بخمسة ومشي ب2
كدة يعني

المفروض كدة لو فهمتى تقولي ايه اللي بيحصل لل fs max دي
هاعتبر اني مش باعرف افهم واقولك
لما الجسم يبدا يتحرك ببساطة مش هيبقى له حاجة اسمها fs max اساسا
لانها لو تلاحظي fs = friction static
وهو مبقاش static
متفقين

دة فهمي المتواضع
اتمنى اكون فدتك

الله ينور يا دكتور

وتصدقي نفس طريقة الشرح بتاعتي ماعدا حتة التأين ..حلوة حبقى ازودها على الشرح
بس انا كنت مزود عليه رسم بياني حلو بيوضحها (معلومة اثرائية كده مش علينا)

معلش بقى اعمل ايه؟؟؟؟بقالي 3 ايام عمال اعيد وازيد في شرح فيزياء وحل مسائل

وشكرا للاجابة على سؤال الدكتورة مرة تانية

ولو اي حد محتاج حاجة سواء شرح او حل مسألة في اي فرع.. يقول ما يتكسفش

[Dr.ahmed91]

ازيكو يا جماعة معلش والله كنت امنى اتواصل معاكو الاجازة دى بس فرح اخويا يوم الاتنين الجاى والبيت طبعا ملئ بالاهل والاقارب والاحباب ومش فاضية نهائي وعمالة اطبخ واعكك بقى وايه عايزة اللى يتفرج على شطارتى بقى
دى حتى الفيزيا دى مش ذاكرتها لانى مشغوووووووووولة وشكلى هسقط وتيجو تعزونى بعد الفرح

ألف مبروك يا دكتور وربنا يبارك لأخوكي ويرزقه الذرية الصالحة
ويرزقك الزوج الصالح ان شاء الله


بس ايه مفيش مذاكرة فيزياء ولا ايه؟؟؟؟؟؟ مينفعش كده
وطبعا مش حيبقى فيه مذاكرة نبات.....

عموما

مبروك مرة تانية

وعقبالنا جميعا ان شاء الله.

ده على اساس اننا حنطلع سلام من الكلية دي؟؟؟؟؟؟؟

مش باين

[هدير جهاد]

على رايك
عبال مانطلع من الكلية دي مش حنلاقي غير فئة معينة من الشعب هي دي اللي حتبص لنا ان شاء الله

[د حنين]

للتاكد فقط الامتحان فى خواص المادة لحد ch3؟؟؟؟؟؟؟؟؟؟؟

[dr.rony20082013]

المشاركة الأصلية كتبت بواسطة د نبض الامة

السلام عليكم
ازيكو يا جماعة معلش والله كنت امنى اتواصل معاكو الاجازة دى بس فرح اخويا يوم الاتنين الجاى والبيت طبعا ملئ بالاهل والاقارب والاحباب ومش فاضية نهائي وعمالة اطبخ واعكك بقى وايه عايزة اللى يتفرج على شطارتى بقى
دى حتى الفيزيا دى مش ذاكرتها لانى مشغوووووووووولة وشكلى هسقط وتيجو تعزونى بعد الفرح

الف الف مبروك ......
وعقبالى يارب....
.........وعقبال اعضاء المنتدى جميعا........
وبالنسبة للفيزياء نفذى الخطة اللى جاية دى:
1-حولى تذاكرى اوبتكس وهيت (الانهم اسهل فرعين والكم بتعهم صغير ) على الاقل تضمنى اكتر من نصف الدرجة
2-اقرأى البروبيرتز يعنى خدى فكرة عنها على الاقل تحليلك فى الامتحان شوية اسئلة
وربنا يوفقك .........

[dr.rony20082013]

المشاركة الأصلية كتبت بواسطة rorr

للتاكد فقط الامتحان فى خواص المادة لحد ch3؟؟؟؟؟؟؟؟؟؟؟

ايوة ا propertiesلحدch3
heat ch1
optics ch1

[د حنين]

المشاركة الأصلية كتبت بواسطة dr.rony20082013

ايوة ا propertiesلحدch3
heat ch1
optics ch1

جزاك الله خيرا

[فراق]

شكرا على اهتمامكم يا جماعة والله جزاكم الله خير جميعا
بس انا مطمنه الحمد لله شوية لانى كنت مذاكرة الاوبتكس والحرارة ورا الدكاترة وكمان اول شبترين ف البروبتيز يعنى مكنتش بذاكر غير فيزيا فهحاول اراجعهم بس بسرعة اوى ومتخافوش هبقى اجيبلكو اكل من اللى بطبخه يعنى كده برائحةH2S وبدل اللبن بتاع الحلويات هحط راسب ابيض من AgNO3 او اى بديل اخر .....................لازم اطفش المعازيم ده مبدأى الاول والاخير
في رعاية الله

[فراق]

المشاركة الأصلية كتبت بواسطة dr.juliut

هو اللى فهمته انه هيختار ناس تقرا برجراف من الكتاب

مش عارفه يعنى الناس اللى قاعده كلهم هيقوموا يقروا ولا ايه

هو الامتحان ده عليه كام؟

يا سلام امتحان يوم التلات هو معدش غير اللغة اللى عايزة تعملها نفس وتنكد علينا وبعدين ايه شغل العيال ده ؟
هو كل اللى اقدر اقوله انى ف واحدة قالتلى ان الغة ملهاش اعمال سنة ولا امتحان ترم يبقى ليها ميد ترم ازاى؟هما خمسين درجة ف امتحان اخر السنة وبس ايه الحوسة دة بقى؟

[فراق]

المشاركة الأصلية كتبت بواسطة dr.meshoo

السلام عليكم
انا عضوة جديدة
و اتمنى اشارك معاكم لان المنتدى بجد لذيذ جدا

اهلاااااااااااااااااااااا وسهلاااااااااااااااااااااااااااا مرحبتين
اتمنى تستفيدي وتفيدي

[فراق]

المشاركة الأصلية كتبت بواسطة oxstreet

يا جماعه حد يقولي ايه الامثله اللي علينا في خواص الماده اللي الدكتور الخطيب قال عليها

شبتر ا انا معلمتش عله بس اللى معايا اتنين وتلاتة
ch2
ex.2.4 , 2.5, 2.7 , 2.8 , 2.9 , 2.10
proplem 2.11 وده مهم اوى بالاضافة للاسئلة اللى ملاها وقال حلوه هما كانو تلاتة المسألة 11 ف الكتاب دى كانت واحد منهم ومعلش مش هقدر اكتبهم نظرا لضيق الوقت
ch 3
ex 3.3 , 3.4 very importat
لاحظو ان مثال 4 موجود مرتين مرة ص 19 ومرة ص 21 والاتنين علينا بس بتاع 21 ده جاى ف الامتحان على حد قول الدكتور
problem 3 , 4 , 7
على فكرة الكلام ده من الذاكرة الخربانة يعنى ممكن اكون ناسية مثال ولا حاجة لو حد لاحظ كده يقول احسنله:abdoog8:

[فراق]

هو امتحان ال heat شبتر 1 و 2 ولا 1 بس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[فراق]

المشاركة الأصلية كتبت بواسطة dr.ahmed91

ياريت الكلام الجاي يتاخد بهدوء

انا النت عندي بايظ من امبارح واخر مرة دخلت كانت من حوالي 24-25 ساعة
ولسه لحد دلوقتي بايظ وانا داخل من العادي
الف سلامة ع النت

ابص الأقي 4 اسئلة عايزين اجابات سريعة ولكن للأسف لا اجابات

يا ترى ايه السبب؟؟؟

هل كله مش عارف الاجابة؟؟؟؟مصيبة

هل يا ترى مكسلين تكتبوا الاجابة؟؟؟

هل يا تري مستنيين انا ارد واجاوب؟؟؟؟
لا مش اى حاجة من دى بس ممكن يكونو مدخلوش صدفة مش اكتر او مسافرين زى حالاتى او مشغولين شويتين

لو كده يبقى انا اسمي احمد حسين مش احمد جماعة

بس مش عاوز حد يفتكر اني بضايق من الاسئلة او ان فيه حاجة مزعلاني

انا والله ببقى عاوز اجاوب على كل سؤال وافيد الناس بجد

سواء هنا في المنتدى او في منتدى تاني او اللي بيجولي في الكلية او في التلفون
بنقدر اوى حضرتك يا دكتور احمد والمجهود اللى بتعمله وربنا يجازيك خير

ولاد او بنات سيان..مش فارقه معايا
والله انا بحب المنتدى هنا ومقدرش استغنى عنه بسبب الموضوه ده
وبحب اساعد الناس بكل حب واخلاص ومن غير مقابل

كل هدفي من الكلام ده اني احس ان فيه تفاعل.. خطوة زي خطوة د/سارة دلوقتي

زي د/جوليت لما نزلت اسئلة .. لما احمديكو نزل اسئلة .. لما محمد قال على الاسئلة الملغية في الفيزيكال
يعنى فيه خير والحمد لله
الكلام عام ومش موجه لحد تماما.. موجه للجميع بما فيهم انا

يمكن كان زمان عندي عيب وناس قالتلي عليه في ردودي وصلحته.. مش لازم تعرفوه

ياريت نبقى نكمل بعض كلنا.. احس انه كله موجود.. داخل يفيد ويستفيد

مش داخل يستفيد وخلاص وقت حاجته

انا كنت كده الاول..ايام ثانوي ادخل المنتدى اشوف الجديد وخلاص
وكلنا كنا كده لكن بجد المنتدى يتحب ولو حد اصلا ف طبيعته مبيحبش يتعاون مع حد لازم بعد اشتراكه هنا هتلاقيه متغير 180 درجة

و يصعب علي قوي سعيد ونبيل وأنس(صحابي.. القدام يعرفوهم خصوصا سعيد) اللي بيردوا على كل الناس وبيساعدوهم ويحلوا اسئلة

فأنا مش عاوز اصعب على حد..

واحنا كلنا نفس المستوى.. طلبة في صيدلة اسكندرية اعدادي

مفيش فرق بين اللي جايب 408 و399.5 و391
تمام بس ممكن كتير مننا ميكونش فاهم اوى زى حضرتك _ما شاء الله_

...............
ياريت لو كنتوا قريتوا الكام سطر دول تنسوهم ونبدأ من جديد
خلاص اتمسحو من سجل المخ

كلمتين وكان لازم اقولهم

تحياتي للجميع

محصلش حاجة لكل ده هى صدفة وطبعا الكل عارف ان حضرتك اكتر واحد بتجاوب وترد ع اسئلتنا وفعلا بنعتمد عليك بس مش مقصوده لان والله اعرف ناس كتير ف المنتدى لايمكن يبخلو ع حد باى معلومة ولا بيكسلو ولا حاجة بس لما نبقى عارفين الرد
في رعاية الله

[فراق]

المشاركة الأصلية كتبت بواسطة rorr

هاى انا النهاردة قابلت د علاء علشان ارجع معاه ارقام المسائل بس هو مرضيش؟؟؟؟؟؟؟؟؟؟؟!!!!!!!!!!! وقالى ان فى محاضرة فى النهاية حيحل فيها المسائل دى وعلى فكرة دى حلول المسائل زى ما حلتها ياريت حد يرجعها معاى وهنيالك يا فاعل الخيروالمعروف ولو غلط مليش دعوة
1-610
2-160
3-74.34
4-69.4

بجد الف مليون شكر يا طفلة الامس ربنا يخليك ويوفقك و يوعدك فى الترم التانى بفران دايخةلانى تعبت كتير علشان اللى حد يدينى المحاضرات دى

تمام بس رقم 3 طلعت معايا 66.3

[طـفـلـة الامـس]

معلش عايزة حد يشرحلى الجزء اللى فى اخر شابتر 1

صفحة 4 بتاع Analytical Method

اصل انا ماحضرتش اول محاضرة دى وحاولت افهمها لنفسى باى طريقة مش فاهمة خالص

لا من الكتاب ولا من الورق ولا من اى حاجة

الجزء ده حتى فى ثانوى ماكنتش بفهمه فى الفيزياء

معلش ياجماعة بس ياريت فى اسرع وقت

وكمان اخر مثال فى صفحة 8
وليا سؤال بعد اذن حضراتكم
دلوقتى فى المثال رقم 9 فى شابتر 2
قلنا ان كتلة قطعة الذهب عالقمر اكبر من كتلتها عالارض عشان عجلة الجاذبية عالقمر اقل منها عالارض
وبعدين فى مثال 11 قلنا ان الكتلة عالقمر بتساوى الكتلة عالارض
طب ليه بقى؟
ليه فى المثال ده الكتلة ماتغيرتش