الحملة الكبرى لإسترداد حقوق المدرسين المتعاقدين ( للإيجابيين فقط ) - الصفحة 82

Observer · #**1216** 22-09-2009, 01:55 AM

بصوا يا جماعة عايز أقول حاجة
طول مااحنا ايد واحدة وكلمتنا واحدة وجهودنا واحدة
هنوصل لكل اللى عايزينه و الناس كمان هتقتنع بكلامنا ومشكلتنا
ومتنسوش إن التعاطف وعروض تبنى المشكلة من بعض الصحفيين
كان نتيجة الإتحاد فى التحرك والعمل الجماعى
فعايزين الفترة الجاية نتماسك أكتر
ونخلى زمايلنا تشارك معانا بأى طريقة وبأى شكل
لأن النتيجة فى النهاية لصالح الكل مش لمجموعة معينة
أقترح إننا نشترى عدد بكرة من عقيدتى ونحتفظ بيه لبداية الدراسة
عشان كل الإخوة المتعاقدين يتابعوا صدى الحملة والتجاوب من الصحافة
ومتنسوش إننا هنبدأ نراسل البرامج الجماهيرية عشان تعرض المشكلة
بس المهم الآن هو دعوة أكبر عدد من المدرسين المتعاقدين للمشاركة
وكمان زيادة أعضاء الجروب اللى على الفيس بوك

(هند) · #**1217** 22-09-2009, 02:02 AM

السلام عليكم
طبعا اهم حاجه اننا نكون يد واحدة متفقين هنعمل ايه وصادقين فى وعودنا والالتزام بيها لان ده اهم شىء لو واحد بس ضعف او تراجع دى هتكون خسارة اكيد كبيرة ياريت كلنا نكون قد كلمتنا وعملنا وربنا يوفقنا ان شاء الله

Observer · #**1218** 22-09-2009, 02:14 AM

إنتظروا الخطوة القادمة

قريباً جداً

أ/ هشام العيسوى · #**1219** 22-09-2009, 02:19 AM

والله الواحد سعيد بالاخبار دى
ويارب نلاقى لها صدى عند المسؤلين

ahmed_592005 · #**1220** 22-09-2009, 02:31 AM

بارك الله فيك يا اخ احمد

حركة التغير · #**1221** 22-09-2009, 09:23 AM

يوجد محاولات حثيثة تبذل من اجل الاتصال بالاعلامى الكبير وائل الابراشى وسوف يتم الاتفاق على ميعاد محدد من اجل استضافة ممثلين للمتعاقدين على برنامجة الحقيقة على قناة دريم فارجوا اختيار ثلاث اشخاص على الاكثر من بينكم

AHMED TEACH · #**1222** 22-09-2009, 09:38 AM

[quote=حركة التغير;[SIZE=4]يوجد محاولات حثيثة تبذل من اجل الاتصال بالاعلامى الكبير وائل الابراشى وسوف يتم الاتفاق على ميعاد محدد من اجل استضافة ممثلين للمتعاقدين على برنامجة الحقيقة على قناة دريم فارجوا اختيار ثلاث اشخاص على الاكثر من بينكم [/SIZE]

طبعا أول واحد يمثلنا هو صاحب فكرة الحملة

مدرس متعاقد

AHMED TEACH · #**1223** 22-09-2009, 09:42 AM

شكرا لكل الصحفيين الشرفاء الذين استجابوا لنا
بس انتو شفتوا هو قال كام
قال 50 رسالة فقط
يعنى فيه كتيرررررررررررررررررر متعاقدين لسة ميعرفوش
وفيه كتير يعرفوا ومشركوش

مونى عزمى · #**1224** 22-09-2009, 10:56 AM

الله ينور ياجماعة والله انا متفائلة خير بإذن اللة وهنخد حقوقنا كلها واحتمال ينزل تثبيت من الحكومة بعد مانمتحن كادر التانى ونخد شهادة صلاحية قولوا يااااااااااااااااااااااااااااااااااااااااااااااااا ارب.

مونى عزمى · #**1225** 22-09-2009, 11:40 AM

انا بعت شكر للاستاذ جمال سالم وشكر كمان للاستاذ بسيونى الحلوانى

MUSTAFAEGYPT · #**1226** 22-09-2009, 11:47 AM

ربنااااااااااااااااااا معانااااااااااااااااا واضح ان الحمله بدأت تحصد نتيجة تعبها الأيام الماضية

MUSTAFAEGYPT · #**1227** 22-09-2009, 11:48 AM

ربنااااااااااااااااااا معانااااااااااااااااا واضح ان الحمله بدأت تحصد نتيجة تعبها الأيام الماضية

الى الأمام دائما

محمد عاطف 22 · #**1228** 22-09-2009, 11:51 AM

الله ينور شغل هايل يارب دايما للأمام

AHMED TEACH · #**1229** 22-09-2009, 12:06 PM

ربنا معانا

AHMED TEACH · #**1230** 22-09-2009, 12:26 PM

حد يصدق ان فى حد يقول على نفسه كدى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا والعياذ بالله من قولة انا لكن لما تعرف ان انا متعاقد فى الازهر هتعرف انا ليه قلت كدى بل المفروض ان اقول اكتر من كدى زى لما صحبى قالى اوعى تفكر يابنى انك موظف انتو شوية كلاب { محدش يزعل ولا يغلط فيه- دى راجل محترم ومغلطش}-------------- طب ازاى -------- اقول لما الازهر اعلن عن اول مسابقه بالتعاقد سنة 2007 قدمت وكنت عارف ان انا هتعين علشان مجموعى كبير جدا ----- واتعينت فكنت باتباهى ان انا راجل موظف محترم وتمر الايام ولاقى اللى اشد معاه فى الكلام ويحب يشتمنى يقلى { يامتعاقد} انا فى الاول مكنتش واخد بالى انها شتيمه -- بس بعد اما مرت السنين وكل سنة اروح اجدد العقد واشوف الذل عرفت ان الشتيمة ارحم من التعاقد ----- ولما اشوف زميلى المتثبتين ما بيحضروش ما بيشتغلوش وانا باشتغل وباحضر كل يوم حتى فى الصيف ---- هنا تعرف الفرق --بس مش كله -- كل ده عادى ----- لما تلاقى زميلك زادوا فى شهر /7
وسيادتك رجع مرتبك اربع سنين لوره تعرف انك مش محترم -------------- وهنا تعرف الفرق -----------------
لما تلاقى نفسك لو اشتكيت هتترفد ويجى مكانك الف كلب --------- زى ما صحبى قال -------- يابنى انت يوم لما يكرشوك الشغل مش هيقف -- هييجى غيرك الف كلب -- وبأقل من مرتبك كمان ===============
فى الحاله دى تعرف انك مش محترم -----------------------------------------------------------------------------
لما ما تحدش علاوة دوريه --- ولا علاوة تشجيعيه -- ولا علاوه اجتماعيه-- فى الحالة دى تعرف انك مش محترم
لما يدولك العلاوة الخاصة على مربوط الدرجة ---يعنى تزيد فى السنة 4.8 -- يعنى بيعملوك على انك عايش فى عصر الملك فاروق == هتروح تشترى كيلو اللحمة ب/5 ابيض فى الحالة دى تعرف انك مش محترم
لما يعملوا كل ده وانت لسه خايف تعرف ساعتها انك انسان غير محترم =======================
ومعذرة لاخوانى المدرسين على هذه الالفاظ السيئه التى لايحق لى وانا واحد منكم ان اصف نفسى اولا واصفكم بها انما فعلت ذلك لشدة غضبى وحزنى مما بفعل بنا ويحاك ضدنا -- اخوانى انا فعلت كل السبل من الشكاوى ولم يسمع لى اخوانى انا ليس امامى الا واحد اشكو له وهو الواحد الذى وعد بنصر المظلوم
اخوانى عليكم بالدعاء ليل نهار على من اصدر قرار الخصم من مرتبنا == اخوانى لاتتركوه يفلت بفعلته فالله وعدكم بالاجابة فقال تعالى{ فدعا ربه انى مظلوم فانتصر} وقال صلى الله عليه وسلم{ ليس بين دعوة المظلوم وبين الله حجاب } وفال الشاعر - تنام عيناك والمظلوم منتبه يدعو عليك وعين الله لم تنم =========
شكرا لكم اخوانى والسلام عليكم ورحمة الله وبركاته=================