ايه اخبار تعيين أوائل الكليات ياجماعة؟

[قطرالندى25]

يا جماعة وايه يعنى لما نقلبها دعا هههههههههههههههههههههههههههه

[قطرالندى25]

شكرا يا دكتور عبد الرحمن وبنا يطمنك يارب زى ما طمنتنى

[د.عبدالرحمن المنياوي]

المشاركة الأصلية كتبت بواسطة mayar1505

السلام عليكم و رحمة الله و بركاته
يا جماعة انا عندي مشكلة و نفسي تساعدوني احلها لأني تايهة اقوي
انا من الناس الي المفروض يتعينوا بالفعل قريب في التربية و التعليم و اسمي كمان نازل من ضمن الي هيتعيتوا في الجامعات ان شاء الله
امبارح كان عندي مقابلة للسفر للكويت و الحمد لله ربنا وفقني و نجحت علي الرغم انهم بصراحة عصروني في بعض الأسئلة لكن مشي الحال الحمد لله
المشكلة اني لازم اقدم اصول الورق يوم الأحد في الفندق و انا حاسه اني مش مرتاحة و هزعل قوي لو راح عليا التعيين سواء في المدرسة او الجامعة لأني طبعا انا مش ضامنة اني هارتاح هناك انا حتي اول ما رحت في الفندق و دخلت اللجنة حسيت ان التعامل كان صعب قوي كأني جايه اشحت منهم و ده حزني قوي و خلاني زعلانة و مش حاسه بطعم الفرحة في ناس بيقولوا اكبر دماغي من كل حاجة و اسافر و انا صليت صلاة استخارة بس لسه مش مرتاحة اني اسافر علي الرغم من مغريات السفر انا مش عارفة اعمل ايه كان نفسي تبقي ولدتي معايا الله يرحمها لأنها كانت هتقولي علي الافضل و الي يريحني انتم رأيكم ايه ايه الصح استني و مأقدمش ورقي لحد ماأشوف التعيين و أجل السفر و لا اسافر و يحصل الي يحصل ياريت يا جماعة تفيدوني يمكن في ناس عندها خبرة تساعدني و تقولي الصواب ايه

بصي يا أخت ميار مفيش شك إن السفر للخارج حلم جميل ينقلك من حياة لأخرى خاصة لو أنك مدرسة في التربية والتعليم .. وبصراحة بيبثى الموقف صعب جدا لو سيبتي السفر لأنك بتلاقي روحك ندمانه عليه وحاسة إنه ممكن ما يتكررش .. بس أنا ليه ملاحظة هنا :

لو السفر ده كان جه من سنة كنت قلتلك سافري وانت مغمضة يا ميرو ..

لكن مادام السفر جه دلوقت يبقى انت محتاجة تفكري شوية ..

أولا ممكن تسافري انهارده ولا قدر الله ماتستريحيش فترجعي بعد كام شهر أو بحد أقصى سنتين .. طيب وبعد كده موقفك هيبقى إيه؟؟ طيب ما انت كده هتكوني خسرتي تعيينك ..

انا من رأيي تستلمي تعيينك هنا علشان تضمني مستقبلك وبعد كده الإعلانات مش هتخلص .. هتيجي تاني .. انا ماشي بمبدأ من زمان هو (الفرصة مهما كانت حلوة مادام مش في وقتها تبقى مش بتاعتي) ..

طيب بس انا عاوزك تعملي حاجة .. انت معاملة الناس ليكي في الاختبار ده أمر عادي على فكرة وده الطبيعي .. وانت هناك ممكن تلاقي بعض المعاملة اللي فيها تضييق بس مادام انت متمسكة بثقتك في نفسك ومعتزة بروحك محدش هيقدر يقلل من قيمتك .. والفلوس بتعوض كده .. انت لما تسلمي أصول ورقك هيبعتولك تسافري إمتى ؟؟ أكيد بعد العيد .. وبعد العيد هتكوني استلمتي تعيينك على معلم في التربية والتعليم .. من تاني يوم استلام ليكي على معلم روحي المديرية وارميلهم صورة معتمدة من العقد وسافري .. تقدري تعملي اجازة من غير مرتب ..

يعني انا من الكلام ده كله قصدي انك لو استلمتي تعيينك معلم قبل موعد السفر سافري أما لو موعد السفر جاء قبل ذلك فمعلش خيرها في غيرها .. انا حسيت من كلامك انك مش عاوزة تسافري .. انا باقولك الحسبة دي أضمن ..

[قطرالندى25]

يا دكتور عبد الرحمن بعد اذن حضرتك انا لسه متعينه فى التربية والتعليم مكملتش حوالى 4 شهور وقالولى لازم تقعدى فى الوظيفة 6 شهور علشان تاخدى اجازة بدون مرتب " حاجة كدة اسمها حفظ وظيفة بس بعد 6 شهور" يبقى ازاى حضرتك بعد ما تستلم العمل تعمل اجازة بدون مرتب على طول

[boskovice]

المشاركة الأصلية كتبت بواسطة قطرالندى25

يا دكتور عبد الرحمن بعد اذن حضرتك انا لسه متعينه فى التربية والتعليم مكملتش حوالى 4 شهور وقالولى لازم تقعدى فى الوظيفة 6 شهور علشان تاخدى اجازة بدون مرتب " حاجة كدة اسمها حفظ وظيفة بس بعد 6 شهور" يبقى ازاى حضرتك بعد ما تستلم العمل تعمل اجازة بدون مرتب على طول

ههههههههه يا قطر الندى اصل انتى موجودة فى مصر مش فى امريكا ههههههههههههههه

كل حاجة هنا بتمشى زى الكوسة لو انتى خريجة اداب وعاوزة تكونى دكتورة تشريح مفيش مشكلة هههههههههه

ممكن لو عاوزة تنقلى شقتك من طنطا وتحطيها فى شرم الشيخ بينفع بردك هههههههههههه

هى دى كوك زيروو يعنى الحاجة قدامك تبقا مستحيلة ومرة واحدة تخلص بالكوسة وبالفلوس

يارب تتعدل مصر بقا انا عارف انها هتقعد 5 سنين بالكثير

بس الحكومة تنظف بس والبلد هتتعدل

[boskovice]

على فكرة كل الجامعات نزلت الاسامى بعد استبعاد المعيدين الا جامعة الزقازيق

ودة طبعا لانها من الشرقية وطبعا معروفة ان الشرقية تحت خالص الطبقة اللى مش واخدة حقها فى مصر

وانا بقا مش هسكت هههههههههههههه هخلى الشرقية تصعد كاس عالم

[معلم مساعد 2011]

طول عمرها والشرقيه متأخره في كل حاجه مش عارفه ليييييييييييه يعني
انا الحمدلله السابعه علي الكليه بتاعتي
بس ليه متأخره ماتخلص نفسها بدري بدري كده هما وراهم ايه
الله يكون في عون الناس اللي مستنين ياتري اسمي هايكون منهم ولا لا الله يكون في عونهم بجد

[boskovice]

المشاركة الأصلية كتبت بواسطة معلم مساعد 2011

طول عمرها والشرقيه متأخره في كل حاجه مش عارفه ليييييييييييه يعني
انا الحمدلله السابعه علي الكليه بتاعتي
بس ليه متأخره ماتخلص نفسها بدري بدري كده هما وراهم ايه
الله يكون في عون الناس اللي مستنين
ياتري اسمي هايكون منهم ولا لا الله يكون في عونهم بجد

اوعدك انا لو بقيت محافظ ولا حاجة هخليها اول واحدة

[wafa2]

اسمحوا لى اقول رايى لميار
بصراحة يا ميار من كلامك واصح انك هتسافرى لوحدك وانا لا احبذ هذه الفكره القاعده فى البلد وسط اهلك احسن وامن بكتير جداا
لو هيسافر معاكى حد ساعتها ممكن تفكرى انما لوحدك فانا رايى انك تستنى التعيين احسن
انا كنت عايزه اسال فى واحده صاحبتى فىف السعوديه مع جوزها يعنى هى مش بتشتغل واسمها من ضمن التعيين وهتنزل اجازه اخر 8 وكانت بتعتقد انها هتنزل تستلم الشغل وتاخد اجازه بس انا قلت لها اعتقد لازم 6 شهور قبل ما تاخدى اجازه بس عايزه اتاكد من الموضوع دى ياترى حد عنده تاكيد؟؟

[شريف الصعيدى 22]

منور والله يادكتور عبد الرحمن بجد احنا اتعونا خلاص على وجود حضرتك معانا
فى المنتدى انا مش هادوش حضرتك بحاجه باه المرادى
انا اولت ادخلت اسلم وامشى كفايه زمان حضرتك صدعت منى هههههههههه
انا الحمد الله اسمى نزل من ضمن المعينين ف التربية والتعليم
يلا باه يظهر ان حكاية الجامعه ديه هاتطول
انا دلوقتى باه بسعى اهوه انى اعدل مسمى الوظيفى بتاعى
من مدرس كمبيوتر ف مدرسة ابتدائى الى مدرس محاسبة فى مدرسة تجاريه
بس يارب باه الموضوع ده يخلص
اهوه تعويض قليل عن الشغل ف الجامعة
تعرف يادكتور عبد الرحمن وربنا بلدنا ديه عاوزه واحد زى حضرتك كده يمسكها
ههههههه متترشح يادكتور للرئايسه وربنا لو اعضاء المنتدى كلهم معاك هاتنجح
ههههه ايه رايك يادكتور ولا خليها الدوره الجايه احسن

ااااااااااه من الحق رايى ياميار انك ترضى بما قسمه الله لكى
تعين ف التربية والتعليم حلو بس بصراحه لو مش هاينعدل حالها يبقى بلاش منه
انما التعيين فى الجامعه لايقارن باى شغل بره تعيين ف الجامعى افضل 10000000 من السفر
ده رايى وفى الاخر القرار ليكى انتى واحدك
بس عارفه برضه السفر للبنت من غير حد يكون معاها هايبقى متعب وربنا
فكرى 1000000 مره
بالتوفيق ليكى فى اى حاجه تختاريها

[Ahmed Farag12]

منتظر رد ضروري
يا دكتور عبد الرحمن ، الف تحية لحضرتك
انا خريج 2007 كلية التربية تعليم اساسى بدمنهور والاول علي قسم الدراسات الاجتماعية ولست من العشرين الاوائل علي الكلية
وشفت اسمي ضمن الاسماء المرسلة من الكلية واكد ليا الموظف ان الاسم تم ارساله بس في الدفعة الثانية بعد طلب الاكاديمية
هل سيتم تعييني ضمن الاوائل

اذكر الله اذكر الله اذكر الله

ألا بذكر الله تطمئن القلوب

سبحان الله و الحمد الله

ولا إله إلا الله والله اكبر

ولا حول ولا قوة إلا بالله العلي العظيم

[معلم مساعد 2011]

على فكرة كل الجامعات نزلت الاسامى بعد استبعاد المعيدين الا جامعة الزقازيق

ودة طبعا لانها من الشرقية وطبعا معروفة ان الشرقية تحت خالص الطبقة اللى مش واخدة حقها فى مصر

وانا بقا مش هسكت هههههههههههههه هخلى الشرقية تصعد كاس عالم


معني كده هانتأخر في التعيين ولا ايه

[خليل المسيرى]

الأستاذه ام رهف
بعد التحية
هل فعلا تم اليوم صباحا الانتهاء من الموافقه م قل التنظيم والادارة للدرجات التى تم توفره لجامعة الأزهر - اصل لى صديق فى مصر بيقول الجامعة والكليات اليوم فى قمة النشاط فى العمل لدرجة انه بيسئل عن الموضوع التعيين فكانت الاجابة هانتالتنظيم خلاص ياسيدى فاضل دورنا

فهل هذا صحيح ام مجرد كلام

[mayar1505]

ربنا يجازيكم عني كل الخير انكم رديدوا علي. انا و الله مبسوطة اني في حد سأل فيا و رد لأني و الله وحيدة في الدنيا دي و ماليش حد يوجهني و حاسة اني في دوامة مش عارفة ايه الصح وايه الخطأ. كل شئ في الدنيا ليه ميزة و عيب. وانا خايفة اعمل حاجة تخليني اندم طول عمري. انا فعلا ممكن اخد برأي الدكتور الفاضل عبد الرحمن و اكمل ورقي بس المشكلة اني خايفة لما امضي العقد يوم الأحد ان شاء الرحمن و اقولهم اني منتظرة تعيين يقولوا مثلا في شروط جزائية في العقد ماتسمحش انك تفسخيه
انا حاسه ان معظم الناس بتقولي استني يمكن حال البلد يتعدل و السفر مش هيطير بصراحة الي مخليني اكتر مش عايزة اروح اقدم الورق اني هلتزم بحاجات هدفع لها فلوس زي التوثيقات و الكشف الطبي و غيره و اعتقد كل ده هيتم قبل حتي التثبيت او ظهور تنسيق الجامعة. عموما ربنا ييسر الخير لعباده انا اسفة ان كنت بتقل عليكم ان بس عندي سؤال بالنسبة للجامعة انا سمعت ان الأسماء في التنظيم و الأدارة المقصود بكده في القاهرة و لا التنظيم و الأدارة الي يخص كل محافظة؟
سؤال موجه للعضو الفاضل معلم مساعد 2011
حضرتك بتقول ان الجامعات كلها نزلت الأسماء من غير المعيدين ممكن من فضللك تقولي عرفت ده منين لأني ليه زميلاتي عايزين يعرفوا هما من الأوائل و لا لأ مع العلم ان كل الجامعات سواء من المواقع او حتي اكاديمية البحث الكشوف فيها هي هي ما فيهاش تغيير و المعيدين لا يزالوا موجودين

[قطرالندى25]

لميار
انتى متألتيش علينا ولا حاجة انتى خلاص بقيتى اختنا كلنا ومتؤليش كده تانى احنا هنا فى المنتدى اسرة واحدة واحنا تحت امرك
اما بخصوص التنظيم والادارة فأعتقد والله اعلم ان كل واحد فى محافظته يعنى مثلا انا من المنيا ان شاء الله هروح التنظيم والادارة اللى فى المنيا
والرأى طبعا للدكتور عبد الرحمن هوا بصراحة اللى بيفيدنا فى المواضيع دى