|
|
|
#1
07-12-2008, 01:37 AM
|
||||
|
||||
اقتباس:
 وانتى عارفه حلفان الابهات
|
|
#2
07-12-2008, 03:59 AM
|
||||
|
||||
|
اقتباس:
 سيبى الناس واخده عنى فكره حلوه
__________________
نفسى دنيتى تبقى واحده..نفسى مبقاش عايش فى دنيتين..انتو شايفين ايه الدنيا اللى تستاهل اكمل فيها؟؟  |
|
#3
07-12-2008, 03:58 AM
|
||||
|
||||
|
اقتباس:
شكلك انتى يا شيرين اللى هتقعدى عليه باذن الله 
__________________
نفسى دنيتى تبقى واحده..نفسى مبقاش عايش فى دنيتين..انتو شايفين ايه الدنيا اللى تستاهل اكمل فيها؟؟ |
|
#5
07-12-2008, 09:22 AM
|
||||
|
||||
|
هو المرة دى الانتخابات صعبة ولا ايه كان نفسى فى ايمن المرة دى  بس ايمن من شرين من ياسمين متفرقش كتيير كلهم هياخدوا الواجب بتاعهم  ما علينا . . . . . . معنى على كرسى الاعتراف ولغايت يوم الاربعاء فقط بنوتة اهلاوية ::نبدا الاسئلة:: -1- بطاقتك الشخصية -2- شعورك ايه قبل ما تقعد وبعد ما قعدت على الكرسى؟ -3- ايه امنيتك فى الحياه؟ -4- ايه اكتر حاجة تفرحك؟ -5- ايه اكتر حاجة ممكن تزعلك؟ -6- المنتدى بالنسبالك ايه؟ -7- اتمنيت امنية وما اتحققتش؟ ايه هى؟ -8- ايه رايك فى اعضاء المنتدى بصراحة؟ (بدون مجاملة) منافقين؟ قولى رايك كله بوضوح -9- ايه رايك فى سياسة البلد؟ وسياسة المنتدى؟ -10- ايه معنى الصداقة فى نظرك ؟ -11-لو انتى فى ايديكى تشيلى وتعينى مشرفين سواء اقسام او اداريين مين هتشيليه ومين هتحطييه؟ وليه؟ -12- بتفكرى فى تجديد المنتدى؟ ازاى؟ -13- ايه رايك فى مشرفين الاقسام؟ الاداريين؟ المديريين؟ -14- ايه رايك فى الادارة ناو؟ والادارة قبل كده؟ (قبل التعيينات الجديدة) -15- من رايك :ايه سبب رفع اشراف احمد رضا والاسطورة  -16- ايه رايك فى جملة (اسباب ادارية) -17- رايك ايه فى قسم /اقتراحات وحلول وهو مقفول وبتتحوله الشكاوى اللى بتنزل فى اى قسم -18- رايك ايه فى نظام الجروبات؟ وكان شعورك ايه لما عرفتى ان القلة المندسة اتحذفت خاصة هى وباقى الجروبات عمتا ؟؟ وكان السبب استايل المنتدى ؟؟ لكن طلع السبب الحقيقى ممنوعة تجمعات الاعضاء (انتى فاهمانى بقى)  . .هتقوليلى رايك مع الاسباب بتاعة حذف القلة المندسة. . -19- قولى حاجة (ورايك) ل وفى: . . عبقرينومان . . . . مستر/عصام . . . . مستر حسام . . . . محمد السادات . . . . المرشد . . . . اللورد . . . . محمد ناصر (نصر) . . . . محمود طه . . . . مصطفى فتحى . . . . الاسطورة . . . . احمد رضا . . . . عادل . . . . ايمن . . . . سعيد . . . . بيوب . . . . المجاهد فى سبيل الله. . كفاية ولاد بقى انتوا كتار اوى . . بريشيوس. . . . اسدات. . . . ** ضى القمر ** . . . . همس . . . . ملك اليمين . . . . فيفا. .
. . بلاك روز . . . . ترفيل . . (هو انا حقنة 3 مل سريعة المفعول)  كفاية كده لغايت ما ادخلك تان فاتح شهية فقط
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
آخر تعديل بواسطة Travel ، 07-12-2008 الساعة 09:42 AM |
|
#6
07-12-2008, 01:56 PM
|
||||||||||||||
|
||||||||||||||
|
ردا ع الانسه زينب اقتباس:
ده هيبقى وراه حجات كتييييييير اقتباس:
احم ياخوفى منك انتى يا سوسه بس حلو السجع ده ايمن وشيرين وياسمين موهبه فازه يا بنتى اقتباس:
الحمد لله الثانويه دى ليها فوايد بردو اقتباس:
لسه معملتهاش بس عادى الاسم:ياسمين السن:16 المهنه:طالبه ثانويه عامه البلد:المنصوره بحوار كشك الحاج عبده اقتباس:
الواحد كان فى حاله وغلبان بس عامه انا بحب الموكوع ده وبحب اصلا نظام التحقيق وسين وجيم وشغل مباحث امن الدوله اقتباس:
نفسي اكون جرااحه مشهوره جداا طبعا بطريقه كويسه ونفسى اطير من البلد دى فى اسرع وقت ممكن اقتباس:
النجاح عامه لما تحققى حاجه نفسك فيها او كنتى بتحلمى بيها اعتقد ان هنا الواحد بيكون فى احسن حالاته النفسيه والماديه كمان اقتباس:
موت حد اصعب حاجه بجد ومن اكتر المواقف اللى زعلتنى موت اخو صاحبتى الصغير بالكانسر كان يوم بجد لا ينسي اقتباس:
اقتباس:
احم لسه مفيش حاجه حلمت بيها وتحققتش نظرا لانى لسه فى بدايه حياتى يعنى لسه عيله كله بيعتمد ع النتيجه اما لو عامه فكان نفسي فى اخ اكبر منى عشان يبطلوا يقولولى انتى الكبيره حلوه الامنيه الهبله دى اقتباس:
ازاى اقول رايي فى كل الاعضاء يعنى كل واحد ليه شخصيته بس فى قاعده عريضه من المنافقين بسم الله ماشاء الله اللهم لا حسد اقتباس:
بالرغم انى معلوماتى السياسيه ضعيفه بس لو بصيتى حوليكى هتشوفى سياسه البلد عامله ازاى البلد بقت صعبه اوى بجد انا مش شايفه اى حاجه عدله ومش شايفه ان السياسه بتاعه الحكومه دى حكومه الشفافيه بتتبع اى حاجه من الرغى اللى بيطلعوا يقولوا عليه والحزب الوتنى الديموكراتى الحاكم واضح ان مجهوداته ذات تأثير قوى واعضاء مجلس الشعب بتوع اللب والسودانى يعنى بجد طول ماللى ماسكنا كده متوقعين ايه فهتفضل خربانه لغايه منشوف معجزه تخلصنا من القرف ده المنتدى بئا يا ستى بحس انه شبيه للبلد بس ع احسن شويه يعنى لسه فى ناس كويسه بس سياسته هى التطنيش وبحس ان دى اغبى وسيله فى التعامل مع الشعب الل هو احنا وبحس ان اللى مش بيعرفوا يسكتوه يأما بيمشى زى البرى كده او بيخلوه يكبر دماغه من المنتدى خالص زى رضا بس عامه بحس انها سياسه فاشله وبتبان اوى وقت الازمات والثورات اقتباس:
مش عارفه ليه اول مبشوف كلمه صداقه بتحضرنى اغنيه يا عينى عليكى يا طيبه بجد نادره اوى نادره جدااااااااااااا بس الحمد لله الواحد بيعرف ناس كويسين فى فتره بتاعه اولى ث مش كنت بامن لاى حد كنت اتخدعت فى واحده كده كانت اختى كنا بناكل وننام ونلعب وكل حاجه مع بعض لمده تلت او اربع سنين بس جيت اكتشفت انى اخدت حته مقلب فبطلت اخد حد صديق وكانت العلاقات كلها طيارى كده وشايفه انها حاجه مريحه احيانا بتسبب مشاكل لان كل حد مفكرك صاحبه الانتيم بس عاده بيبقى كله فى نفس المكانه نادر لما حد بياخد الثقه الكامله اقتباس:
حلو السؤال ده الصراحه هرجع احمد رضا والاسطوره مش شيفاهم ينفعوا غير اداريين السبب:بصى بغض النظر عن الاسباب الغير معروفه واللى هتطلع حجات هبله اكيد انا مش شايفه ان من حق اى حد يشيل اشرافهم طالما شغاليين كويس وطبعا كلنا عارفين احمد رضا بجد شخصيه محترمه ومفيده عبقرى كده بحس انى صفر ع الشمال لما بشوف ردوده ومحمود كويس جداا اى نعم مختفى كده بس كويس همس هشيلها من الاداره وتفضل مشرفه اقسام الجامعات السبب:انا شيفاها مش مؤثره اداريا او بحبها همس بتاعه زمان المشاغبه اللى مش هامها حد مش عارفه هدت كده ومش شيفاها ولاء تمسك العام السبب:ولاء مثقفه ومفيده الى حد كبير وهتعرف تتناقش ومبتكره ومحمد نصر يبقى ع معلومات عامه بس السبب:مش عارفه حاسه ان محمد هيكون احسن فى القسم ده البت اسيل رزق همسكها اداره شخصيتها قويه وتنفع وبسام يمسك اداره بردو عبقرى الاخ ده اللورد هيسيب الاداره مش عارفه ممكن عشان معرفهوش وعرفش شغله او انى استغربت لما سمعت القرارات الجديده اى نعم واضح انه بدأ ينتشر فى المنتدى بس النظريه ان الكلام ده حصل بعد التعيين يعنى معظم الناس مش عرفته غير بعد التعيين فى تغييرات كتير بس الواحد مش مركز ومش قدامى الاخوه اللى ماسكين اشراف بس الى حد ما اللى عجبنى من التعيينات الجديده تعيين محمود طه وطبعا سيتك هشيلك من العام وتبقى ادارى هتعرفى تدافعى عن حق الاعضاء وهتعرفى تظبطى المنتدى وبنت الاسلام وفيفا يستحقوا انهم يمكوا اشراف العام مع ولاء كل واحده فيهم دماغها كويسه واسلوبها حلو |
|
#7
08-12-2008, 05:54 PM
|
||||
|
||||
|
اقتباس:
ربنا يكرمك سدأيني قريب اوي هسيب كل حاجة بس انا مش اتغيرت ومش بخاف من حد غير ربنا بس سدأيني قرب اليوم الي هسيب فيه المنتدى كله والميل ... قرب بجد اشكرك على صراحتك اكتر جزء عجبني : شيفاها مش مؤثره اداريا وتفضل مشرفه اقسام الجامعات دا على اساس اني كنت مؤثرة فيه ؟؟؟تقبلي مروري
__________________
ThE...EnD.. SorrY أستودعكم الله الذي .. لا تضيع عنده الودائع .. احبكم جميعا في الله  |
|
#8
08-12-2008, 08:36 PM
|
||||
|
||||
|
اقتباس:
ااااااااه يا هندمنك
انا عارفه انك مش هتزعلى لانك عارفانى انا قلت رايي فى موضوع التعيين اما كشخص فانا عرفاكى بس انا لما قلت اتغيرتى كنت بقول اللى حساه وانا متأكده انك مش خايفه من حد غير ربنا ومش هعلق ع موضوع انك تسيبى المنتدى ده وبعدين صراحتى دى حاجه لا استغنى عنها مهى اللى موديه الواحد ورا الشمس موضوع اشراف قسم الجامعات بئا مش عمليه مؤثره او مش مؤثره مجرد ان يكون عند القدره ع تنظيمه وانك خلاص اصلا فى جامعه والفتره دى المنتدى كان محتاج لحد محترم يمسك قسم الجامعات اصل الواحد كان بيسمع ان فى مواضيع كتير بتقلب شات وما الى ذلك فسنيا وعقليا كان مكانك القسم ده وبعدين يختى مرورك ينورنى الا تقبليه ال انا كنت مستنياكى تدخلى اصلا |
|
#9
07-12-2008, 01:59 PM
|
||||
|
||||
|
احم هكمل بس هاخد فاصل اروح درس العنجليزى واجى |
|
#10
07-12-2008, 06:37 PM
|
|||||||
|
|||||||
|
[quote=TRAVEL;950692]
اقتباس:
كنت زمان ايام الكله المندسه كنت عاوزه المنتدى ده يبقى مكان مريح والناس اللى بعدت عنه ترجع وانت اخدتى بالك من ده كنا تقريبا عندنا امل فى انه يتظبط بس حاليا عادى مش حطا موضوع التجديد ده فى دماغى فاهمه يعنى هو انا بدخل عشان الناس الكويسه اللى فيه وخلاص اما حكايه ازاى يتجدد فالموضوع ده عاوز بدايه صح وقرارت صح ونبطل كلمه اسباب اداريه يكون للعضو رايه وكيان الى حد طقم الاداره يحصله تعديل حلو كده وحجات كتير يعنى -13- ايه رايك فى مشرفين الاقسام؟ الى حد ما كويسين بس ناقصهم كام حد ويبقى طقم كويس الاداريين؟ شغالين الى حد ما بس ناقصهك ناس وزايد عليهم ناس بس فيهم ناس كويسه المديريين؟ انتى عارفه يا زينب انا اصلا من الشخصيات اللى مش بحب حد يكون قائد او متحكم عشان كده بكون واخده موقف معاكى للاخوه المشرفين والاداريين بس المديرين الجداد اللى زى اسلام ومحمد بصى كل واحد منهم فى فتره كان يستحق انه يكون كده بس انا بستغرب من التعيينات السريعه واللى بتكون متناقده مع قرارات سابقه وبكره انى اقبل الوضع كده اللى هو عاجبك عاجبك مش عاجبك احسن اما بالنوسبه لباقى المديرين فغالبا ع اقسام تعليميه او بيكونوا مهتمين بحجات مش من اهتماتى لانى مش بدخل عشان الدراسه صراحه اما البيج بوس اشرف الصراحه مش بتقبله دايما بحس انه مش جدير بموضوع انه يكون مدير بس مش مشكله اقتباس:
فى تعيينات ناجحه وفى تعيينات مش شيفالها لازمه او مستغرباها بس كنت بفضل ايام زمان فى بدايات الصيف والايام اللى كان رضا ادارى اما الصراحه الاداره بتاعت اليومين دول غريبه انا حاسه ان الاعضاء هتنقرض وهيبقى كله اشراف وكده اقتباس:
اااااااااه بحب موضوع رفع الاشراف ده حاجه ممله اوى ممكن سبب رفع اشراف احمد ان اشرف عرف انه مش هيغير دماغه وهيفضل ماشي بالطريقه بتاعته او مشكله حصلت بينه وبين اشرف واشرف اضايق ولا بتاع رفع اشرافه كده يعنى اما محمود الاسطوره فانا هموت واعرف اختفى ليه بس مفيش حاجه بتستخبى ومسير الواحد هيعرف اما بئا الجمله المنيله بنيله واللى جبتلى شلل اتفال ال اسباب اداريه ال بجد بتنرفز منها جدااااا واكتر فتره بجد كنت بتخنق من الجمله دى لما يرفعوا اشراف الحاج اسلام وبعد كده يرجعوه وبعد كده بردو تتكرر مع رضا انتى عارفه بحس انهم مش لاقيين اسباب فبيسكتونا او فى سبب ومش عاوزين يوجعوا دماغهم لان الناس هتتقلب ضدهم وهيوجعوا دماغهم بنقل المواضيع لقسم اللى يروح ميرجعش اقتباس:
هع هع هع (ضحكه شريره متقطعه) والله يابنتى دى حاجه من الحجات الكميله بردو انا الصراحه مشفتش قبل كده قسم شكاوى مقفول يعنى مش شايفه ليه لازمه طب بدام هو مقفول ومش عاوزين حد يكتب فيه سايبينه لييييييه؟؟ الاجابه : اسباب اداريه دى طبعا اجابه افتراضيه مش حصلت يعنىاقتباس:
بصى نظام الجروبات ده زى اى حاجه فى الدنيا ليه مساوىء وليه مميزات بس كان عاجبنى الجروبين بتوع القله وخلقنا من اجل التفكير وكنت حاسه انى فى هدف وفى ناس دماغها كويس موجوده وعرفت ناس مكنتش واخده بالى منهم عرفت مين الكويس ومين اللى بيمثل يعنى اتعرفنا عالشخصيات بشكل افضل كله فهم التانى والمنتدى فى الفتره دى كان كويس اول مره اتحذف فيها الجروب كان يوم لما ميس رانيا شالته بالغلط وانا مكنتش عارفه ايه اللى حصل دماغى كانت بتودى وتجيب قلت ساعتها الله اشرف بئا بيعمل حجات غريبه كان ظنى انه هو اللى حذفها بس واضح ان كانت عندى شفافيه زى حكومه نظيف كده وكان قلبى حاسس ان الموضوع ده هيحصل انا فاكره يوميها كلمت هيام قالتلى مش بعيد وكنت ناوييه ع حريقه لما اتأكد انه هو السبب بس عرفت من احمد رضا ان ميس رانيا بالغلط مسحتهم قلت ياحينى ظلمت اشرف بس واضح انى مظلمتش حد لما عرفت ان بسبب الايستايل طنشت الصراحه عرفت ان فى الموضوع ان واخواتها بس كويس والله يا زوزو كنا مظبطين المنتدى فى الفتره دى اقتباس:
اسباب حذف القله انها كانت بتشكل خطر ع الامن العام وبتسبب اعمال شغب كنت بحس بعصر الحاج فاروق وشغل منع التجمعات واكتر من اتنين يتكلموا يترموا فى السجن وشغل الافلام الهندى ده -19- قولى حاجة (ورايك) ل وفى: اموت انا فى السؤال ده . . عبقرينومان . . اه اشرف والله انا مش عارفه ليه سيتك بتكون ورا ان ناس كويسه دايما بتمشي من هنا ومعتقدش ان العيب فيهم فنفسي بجد تبعد عن الناس دى وسيبهم يكملوا للاخر او حتى ميمشوش وهم قرفانين من اليوم اللى شافوا المنتدى فيه اما كرأى فى جوانب كتير عاوزه تتصلح بس كالعاده بترجع ريما لعادتها القديمه . . مستر/عصام . . والله انا معرفش اوى حد من الاساتذه اللى فى المنتدى بس اسمع انه شخصيه محترمه وبيحافظ ع الناس اللى هنا ويعتبر هو اللى شايل المنتدى وخاصه الاقسام التعليميه . . مستر حسام . . نفس الكلام لانى فعلا معنديش اى خلفيه عن المدرسين اللى هنا . . محمد السادات . . محمد بئا كرأى بحس ان محمد ينفع وزير يعنى بحس انه بيسمع الكلام الى حد ما يعنى هينفز كلام الحكومه بالمللى بحس انه طيب وفى مجمله شخص كويس ليه تصرفات بستغربها احيانا واراء بحس انها بتناقد شخصيته واكتر المواقف اللى كنت بستغربها كانت ايام وقف البرى . . المرشد . . اخويا الصغير شخصيه صعب ان الواحد يفهمها .. وقيادى بشكل كبير ... ثورى وبتاع مشاكل ما شاء الله ..الله اكبر اتوقف فى كل المناصب اخدها من عضو لمدير مخلاش بس كشخصيه هو طيب ومستفز ليه كام رد كده عاوززين ... تقريبا كانت بدايه التعارف خناقه بالاضافه انه شخصيه عنديه دماغ صعيدى يعنى كفايه كده . . اللورد . . والله معارفه هو شكله حد طيب وحترم بس كأدارى انا مش فاهمه سبب التعيين يعنى بناءا ع ايه ؟؟ اصل مشفتلوش موضوع او رد هو ممكن انا اختفيت فتره بس هم شهر باين معتقدش الفتره دى نختار فيها ادارى المفروض بيكون بناء ع شغل شهور او سنه سنتين كمان . . محمد ناصر (نصر) . . حاسه انه طيب جداااا ومش بتاع مشاكل وبردو معنديش اى خلفيه تانيه عنه بس بردو بشوف ان تعيينه ع العام كانت حركه غريبه بس الواحد ممكن بيشوف حجات كتير غلط مش شرط كلامى يبقى صح بس المشرف مفروض يكون مختار نتيجه عن مجهود فى القسم مش نديله اشراف ونستنى نشوف مجهوده . . محمود طه . . ده بجد بحس انه اخويا جداااا وشخصيه محترمه ويستاهل كل خير بالرغم ان زى مقلت البدايه كانت مشكله بس الصراحه انا اللى كنت برخم اصل الرخامه فى دمى بس بجد احرجنى حسيت انى شرانيه اوى وبجد لازم يركز فى المذاكره بتاعته والكليه لان هندسه مش سهله خالص ويفضل زى مهو لان نادر لما تلاقى شخصيه كويسه كده شكله هياخد فى نفسه مقلب كنت بهزر فوق متصدقش . . مصطفى فتحى . . طيييييييييييييييييب بس بجد نفسي يشارك فى المنتدى مشاركه فعاله مش يقتصر ع موضوع اخبرنا بمخالفه واحسن حاجه انه بيريح دماغه من المنتدى وبيبعد عن المشاكل . . الاسطورة . . محمود انسان واضح عليه انه كويس جدااااا ويكفيه انه اهلاوى صميم بيتقبل النصايح من الناس والله يستاهل كل خير نفسي اعرف بس هو راح فين ولا مشي ليه ولا ايه اللى حصل بس كل باوانه . . احمد رضا . . كبير مفكرى المنتدى .. عبقرى وفنان بجد شخصيه موهوبه وعارف طريقه صح وحدد هدفه نظرته فى الناس كويسه بس فى موقف مزعلنى منه ماعلينا احق شخص بكونه ادارى وعاوزه اعرف الكتاب اللى هيعمله هنزل امتى لحسن الواحد اتشل يعنى بجد بعتبره اخ بردو بس اخ يغيظ شويه الواد بيحس انه صفر ع الشمال جنبه ربنا يوفقه ان شاء الله ونسمع عنه كل خير . . عادل . . عادل كويس بحس انه بيهتم برأى الناس فيه ومحدش يسالنى ليه هو احساس كده وخلاص كان احسن حاجه وهو مشرف معرفش ساب لااشراف ليه !! طول عمرى مفكراه فى طب ربنا يبارك فيه ويحققله احلامه . . ايمن . . سوسه اه من ايمن ده محدش بيركز معاه مع ان ليه دور فعال حد قديم من ايام مكان المنتدى منتدى زمان بس بجد شخصيه كويسه بردو اى نعم يوم مكنت بناقشه فى موضوع النقاب كان هيشلنى ويقولى فاهمانى ال  بس ليه وجه نظر كده وبحب اعرف رأيه وخاصه فى مواضيع الناس اللى بيترفع اشرافها دايما بيجبلينا ردود المنبوزين من الاداره ولا انسي يوم محط رد البرى كان الرد ده ناقصله فولت وينور كان بيدينى طاقه الرد ده والله . . سعيد . . شخصيه محيره مش بفهمه يعنى بس ربنا يوفقه دراسيا . . بيوب . . بلاش نجيب فى سيره حد مش موجود فى المنتدى . . المجاهد فى سبيل الله. . بحس انه مفيد فى الامور الدينيه بس متناقشتش معاه فى حاجه فمعرفش اوى التفكير يعنى بس فى كتير بيثقوا فيه وواضح انه حد دماغه كويسه شغاله صح يعنى كفاية ولاد بقى انتوا كتار اوى اه جدااا :d . . بريشيوس. . حبيبتى وبنت بلدى هى متحرره حبتين اى نعم بس زى العثل اللى فى قلبها ع لسانها وبترزع الكلام كده ولا بيهمها حد بفتقدها فى المنتدى وكل مفتكر العصابه بتاعتنا بضحك ربنا يوفقها فى دراستها وترجع من بلاد الفرنجه ع خير باذن الله وتفوق شويه للكليه وتعقل حبه وتسيبها من تل ابيب . . اسدات. . كتووووووووووومه اوى ومحدش يعرفها بشكل كامل بس سكره بردو ياريت تسمع نصيحتنا اللى تلت تربع الشعب المصرى قالها عليها بس مثقفه ودماغها عاليه وواضح انها دراسيا متوفقه هحقد عليها اهو ربنا يوفقها ونسمع انها اشهر دكتوره فى مصر بس ده ميمنعش انى بتخنق من النيك نيم بتاعها . . ** ضى القمر ** . . هبقى اقول رايي فى اسئلتها اصلى شكلى هطول . . همس . . طيبه بس متغيره فى الفتره الاخيره مش عارفه ليه وحساسه الى حد كبير طلب او حاجه اقلهالها ارجعى زى الاول . . ملك اليمين . . نسوووم شقيه اوى بحس كده بس بتحكم ع الناس بسرعه بحس كده مع انى متعاملتش معاها كتير بس مفروض تحكم بعد تفكير شويه . . فيفا. .
ارق حد شفته بجد بحس انى جنبها راجل حساسه وبتحس بالناس وبمشاكلهم عاوزها تقلل من حساسيتها وتعرف ان كله بيحبها بجد نفسي اتعرف عليها بشكل اكتر لانها شخصيه تتحب وبعتذرلها لانى معرفتش ادخل ايام العمليه ولا حتى معايا ايميلها ولا تيلفونها ولا اى حاجه بس بجد الف سلامه عليكى . . بلاك روز . . لعبت دور كبير ايام مكنت بعانى من فصل النت طيبه جداا وبتحب الكل وبتحب تساعد الناس جداااا عاوزه تفوق لدراستها شويه وتحصل الواد محمود وتدخل هندسه بس القاهره يا بت متنزليش تحت خليكى جنبنا . . ترفيل . . (هو انا حقنة 3 مل سريعة المفعول) ههههههههههههههههه مين ده 3 مللى بس بجد يا زينب متعرفى بحبك ازاى اختشي وزميله كفاح يعنى بتقول رايها ولو مين قدامها رغااااايه موت ليها قدره ع الكتابه فظيعه باماره الاسئله دى كلها عاوزه اشوفها دلوقتى عشان اضربها لانى بجد تعبت وهنجت ع الاخر بس طيبه مش بهبل الطيبه المعتدله الكويسه ومش خبيثه محدش يعرف انا بكره الخبثا ازاى اقتباس:
يا ظاااااااااااااااااااااااااااالمه ابعدى ابعدى ايدى بجد وجعتنى وعنيا زغللت  عودى الى اخناتون |
|
#11
07-12-2008, 09:32 AM
|
||||
|
||||
|
منورة يابنوتى ياعثل شكلك يجنن وانتى على الكرسى انا جبت شوية اسألة خفيفة ةعبيطة كده 1- ليه اخترتى اسم بنوته اهلاوية؟؟؟ 2- ايه هيا هوايتك المفضلة ؟؟ 3- حاجة عملتيها وخايفة تتقفشى؟؟ 4- اكتر موقف محرج حصلك كان ايه؟؟؟ 5- بتحسى امتى انك بتكرهى ياسمين ؟؟؟ وامتى بتحسى انك بتكرهى بنوته اهلاوية ؟؟؟ 6- لوقالوا ليكى هتلبسى البدلة الحمراء هتعملى ايه وانتى لبساها؟؟؟ 7- ايه اكتر حاجة نفسك تتغير فى المنتدى ده؟؟؟ 8- اكتر كتاب قرأتيه وعجبك مؤلف الكتاب مين والكتاب يتكلم عن ايه؟؟ ومتنسيش اسم الكتاب؟؟ 9- لما بتكونى مضايقة بتعملى ايه؟؟؟؟ 10- شخصية اثرت فيكى ونفسك تكونى زيها ؟؟ 11- ايه رايك فى الوايات الرومانسية؟؟؟ (اكيد هتقولى انها كلام فاضى) 12- من وجهة نظرك افضل حاجة شيفاها فى نفسك ايه؟؟ والاسوأ بردو ايه؟؟؟ 13- اكتر جمله بصايقك لما بتسمعيها ايه؟؟؟ (علشان اقولهالك) 14- ايه اكتر حكمة بتحبيها وبتقتنعى بيها ؟ 15- اكتر نيك نيم عجبك فى المنتدى ده ايه؟؟؟ 16- اخر مرة بكيتى فيها كان امتى؟؟؟ وليه؟؟ (انا عارفة ان مفيش احساس اصلا) 17- مين اكتر شخص بتأتمنيه ع اسرارك ؟؟ 18- كنتى قلتى امبارح انك بتسمعى اغية ومكملناش الكلام كانت اغنية ايه ولمين؟؟؟ 19- اكتر حاجة فرحتك بجد كانت ايه؟؟؟ 20- لو خمسة من اصحابك رخمين شوية ومصممين انك تعزميهم على كانز هتعملى ايه؟؟؟ (بتحط فى الموقف ده كتير) 21- ايه شعورك وانتى على الكرسى الجميل ده؟؟؟ 22- اخر سؤال بقى رايك ايه فى ضى القمر مميزات وعيوب وبالتفصيل وبتحسى ان ضى القمر مختلة عن شوشو؟؟
__________________
يارب إن عظمت ذنوبى كثرة
فلقد علمت بان عفوك أعظم |
|
#12
07-12-2008, 08:24 PM
|
||||
|
||||
|
اقتباس:
ياساتر انا بدأت اشك فيكو وايه كميه الحب دى 22 وسؤال اى نعم رقم جميل كفايه انه رقم ابو تريكه بس كده كتيييييييييييييير اقتباس:
بنورك بس متنورنيش تانى هى مره وخلاص فاهمه اقتباس:
1- ليه اخترتى اسم بنوته اهلاوية؟؟؟ والله يا اختشى الاسم ليه فلسفه اى نعم مستفز ورخم بس فلسفه بردو ايه الحاجه اللى بتفرح الشعب المصرى كره القدم اراهنك ان مفيش حاجه تانيه عدله فى البلد دى ومين احسن فرقه اكيد الاهلى يعنى مش سؤال يتسأل بس وبصفتى بنت فالتركيبه جت كده وعاوزه اغيره بس مش لاقيه حاجه 2- ايه هيا هوايتك المفضلة ؟؟ القرايه والنت وكنت بحب الرسم بس خلاص ليا بعض الحجات الهبله اللى بكتبها بس مش بحب اورى حد  3- حاجة عملتيها وخايفة تتقفشى؟؟ يعنى لو حاجه عملتها وخايفه اتقفش هاجى اقولها هنا 4- اكتر موقف محرج حصلك كان ايه؟؟؟ انا بتحط فى مواقف زبااااااااله اخرها كان درس الكميا كان فى صرصار وبيتسحب قدامى اتنطرت ووقفت فوق التربيزه المستر بيقولى فى ايه يا هبله بعد منص البنات طلعوا جروا فكروا فى قطه المهم انا غصب عنى قلت بيلعبلى شنباته المستر مسك نفسه من الضحك بالقوه بيقلى فكرت فى حرامى وطبعا المجموعه صبيان ع بنات يعنى حاجه احراج والمره التانيه كان العيد الصغير اللى قبل اللى فات كانت اول مره البس عبايه او مش اول مره لبساها عشان الصلاه وكده وهى كانت طويله شويه وانا اصلا بمشي بسرعه فاتكعبلت المشكله انى طرت من ع الرصيف لغايه الرصيف التانى قولو حواى 2 ونص متر فى الهوا كده وكويس ان مكنش فى عربيات كان زمانى المرحومه ياسمين ..والناس كانت لسه بتسمع الخطبه يعنى اللى موجودين قليلين بس وقعت قدام ام وابنها الصغير وابنها الكبير الواد بيبصلى الصغير كأنى من المريخ وافتح بقه كده ومبرق اكيد مواحده نازله عليه من الهوا والام ماسكه نفسها بالقوه عشان متحرجنيش والاخ التانى بيساعدنى بس كان يوم فضيحه وانا هدارى الاحراج بايه غير الضحك مع انى كنت فعلا ولا العيال وكنت هموت واعيط كفايه بأى عليكوا كده 5- بتحسى امتى انك بتكرهى ياسمين ؟؟؟ وامتى بتحسى انك بتكرهى بنوته اهلاوية ؟؟؟ لا والله البت ياسمين طيبه وغلبانه مش زى بنوته دى بكره ياسمين لما بحس انها ضعيفه وده نادرا يعنى اما بنوته هى شخصيه عجيبه :D يعنى بحس فيها بنزعه شر كده وتمرد بس بتحب الناس اللى هنا معظمهم يعنى بكرهها لما تتعصب وتبقى قرفانه لانها بتبقى رخمه فعلا 6- لوقالوا ليكى هتلبسى البدلة الحمراء هتعملى ايه وانتى لبساها؟؟؟ بعد الشر عليا بس هغير الاداره كلها يعنى هعمل تشكيل جديد وانزل بخطه اربعه اتنين اربعه هرجع الناس اللى مشت دى هحاول ااشيل او اقلل عن سلبيات الاداره الحاليه هخلى للعضو قيمته شويه 7- ايه اكتر حاجة نفسك تتغير فى المنتدى ده؟؟؟ المدير بس هما بئوا كتير بس انا اقصد شخصيه واحده يعنى ولو مش هيتغير يبقى النظام كله يتغير نظام التطنيش والسياسه اللى شغالين هما بيها 8- اكتر كتاب قرأتيه وعجبك مؤلف الكتاب مين والكتاب يتكلم عن ايه؟؟ ومتنسيش اسم الكتاب؟؟ عاوزه اتجوز للاخت غاده عبد العال بتتكلم عن مشكله الجواز بطريقه بجد زى العثل وبردو مالذى يريده الشباب لانيس منصور كتاب جميل جداااااااااا وارز بلبن لشخصين لرحاب بسام ده بئا مش موضوع معين مجموعه مواضيع فى بعض ونفسي اجيب اللحظات الاخيره هو كتاب سياسي عن حسنى وجمال والاخوان بس بجد شكله جامد جداا 9- لما بتكونى مضايقة بتعملى ايه؟؟؟؟ زمان كنت بأقعد لواحدى بس حاليا بدردش مع حد 10- شخصية اثرت فيكى ونفسك تكونى زيها ؟؟ احم فى ناس كتير منهم ناس ع المنتدى هنا مثلا الاخ بسام يعد مثل ليا اى نعم لسه فى بدايته بس هيكون حاجه محترمه فى المستقبل 11- ايه رايك فى الوايات الرومانسية؟؟؟ (اكيد هتقولى انها كلام فاضى) ايوووووووووون كلام فاضى وكل مايتعلق بالرومانسيه والحب ولاافلام دى كلام فاضى انا بتشل بجد من الحجات دى بحب انا روايات البؤس زى البؤساء لسه كنت قارياها قريب للحاج هوجو او هيجو بتتكتب بالطريقتين واوليفر تويست لديكنز باين فى كام روايه كويسه وبعيده عن رومانسيه ال رومانسيه ال 12- من وجهة نظرك افضل حاجة شيفاها فى نفسك ايه؟؟ والاسوأ بردو ايه؟؟؟ والله معارفه الافضل ايه بس بحس انى الى حد ما بفكر كويس بغلط كتير وبحاول اصلح نفسي بس بحس انى طفله هبله شويه وبحب انا شغل الاتفال ده دايما مبسوطه ده حتى استاذ الالمانى لسه مقبلاه النهارده كنت ماشيه مع امل المكتأبه لقيته بيقول انتوا عاوزين تتخلطوا مع بعض عشان تطلع شخصيه وسط بين السعاده العارمه اللى انا عايشه فيها دى وبين الاكتئاب بتاع امل الاسوا شكاكه شويه لما بتعصب ببئا وحشه مع العلم انى فى حياتى متعصبتش غير تلت اربع مرات فى كتير بيقولو عليا رخمه ومستفزه :D  13- اكتر جمله بصايقك لما بتسمعيها ايه؟؟؟ (علشان اقولهالك) رخمه رخمه مش بحب حجات كتير منهم انتى فاشله  14- ايه اكتر حكمة بتحبيها وبتقتنعى بيها ؟ الانسان عاطفه غير مجديه للحاج سارتر هى اللى فى دماغى دلوقتى بس فى بردو حاجه معناها صادق الذئاب ع ان يكون فاسك مستعدا وفى مقوله كده كنت بحبها لو افتكرتها بالنص هقولها 15- اكتر نيك نيم عجبك فى المنتدى ده ايه؟؟؟ مفيش حاجه لفتت نظرى غير ترافل ومتسالنيش ليه 16- اخر مرة بكيتى فيها كان امتى؟؟؟ وليه؟؟ (انا عارفة ان مفيش احساس اصلا) هههههههههههه الله يفضحك مفيش احساس ايه يا بت لا ياجماحه انا حساسه خالص ياستى اخر مره كانت يوم نقاش حاد كده بينى وبين الحاج الوالد انتهى بنعتى بالفاشله حلوه نعتى دى بس اتغظت اوى ودخلت قعدت اعيط كان يوم منيل بنيله انا فاشله ؟؟!! 17- مين اكتر شخص بتأتمنيه ع اسرارك ؟؟ منوعات مفيش حد عارف عنى كل حاجه كل واحد بأتمنه ع حاجه 18- كنتى قلتى امبارح انك بتسمعى اغية ومكملناش الكلام كانت اغنية ايه ولمين؟؟؟ مش بقلك فضيحه لواحده اسمها دلتا والا غنيه اسمها NOT ME NOT I 19- اكتر حاجة فرحتك بجد كانت ايه؟؟؟ انا مستنيه نتيجه تالته اعتقد بعد كده ممكن افرح اما فى الوقت الحالى او قبل كده مفتكرش حتى نتيجه تانيه كنت مش حاسه بحاجه مع ان المجموع كويس شغال يعنى بس كنت حاسه انى مش حاسه بحاجه شايفه التركيبه الخظيره حاسه انى مش حاسه 20- لو خمسة من اصحابك رخمين شوية ومصممين انك تعزميهم على كانز هتعملى ايه؟؟؟ (بتحط فى الموقف ده كتير) ههههههههههههه ال رخمين ال ع نفسهم ده يطير فيها ارقاب انا بخيله جلده بس لو مصمميين هجيب واحده اشربها وافرجهم عليها وهى فاضيه 21- ايه شعورك وانتى على الكرسى الجميل ده؟؟؟ والله انا رقبتى وجعانى مش عارفه ليه البت شيرين جايبه كرسي غير مريح 22- اخر سؤال بقى رايك ايه فى ضى القمر مميزات وعيوب وبالتفصيل وبتحسى ان ضى القمر مختلة عن شوشو؟؟
هههههههههههههههههههه مختله اه المميزات دمها خفيف جدااا وطيبه ولسانها طويل فى نفس ذات الوقت بترزع الكلام متعرفش رايح فين المهم تطلع اللى فى نفسها بحبها جداااا وهى من الناس المقربين العيوب الحساسيه الزايده او المفرطه بجد مفروض تضربى الدنيا بالكوتشي محدش واخد منها حاجه فكبرى دماغك وبلاش دموعك المنهمره دى افضح ولا كفايه كده بس مش بتختلف ضىء عن شيماء الاتنين محترمين ولذا وحساس ين آخر تعديل بواسطة COoL HEaRT ، 07-12-2008 الساعة 09:16 PM |
|
#13
09-12-2008, 08:41 AM
|
||||
|
||||
|
اقتباس:
كل عام وانتى بخير ياقمر
وعيد سعيد على كرسى جديد
__________________
يارب إن عظمت ذنوبى كثرة
فلقد علمت بان عفوك أعظم |
|
#14
09-12-2008, 10:30 AM
|
||||
|
||||
|
الموضوع ده جميل اوى
بس مش بكتب فيه اسئله بس طالما بنوته هنا يبقى نكتب 1/ايه رايك فى بنوته اهلاويه؟ اكمل بعدين
__________________
قل لمن يحمل هما بان همه لن يدوم **فكما تفنى السعاده هكذا تفنى
الهموم  |
|
#15
10-12-2008, 03:42 AM
|
||||
|
||||
|
اقتباس:
وانتى بخير والصحه والسلامه متقطعيش الجوابات ودلتا دى اخت فاضله بلاش جهل بئا اقتباس:
هههههههههههه
لا بعدين ايه خلاويص نورتينى يا كميل |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 11:44 PM.
