المـــــــاني وللا فرنساااوي ؟؟؟!!!

[فوءة سامي]

[يا جماعة انا مش معاكم من الاول وعارفة ان دلوقت الدراسة بدات من فترة وكله حدد فرنساوي ولا الماني بس انا شايفة ان الفرنساوي افضل بكتير ناس كتير جدا بتقول ان الالماني سهل وده صح بس هو سهل في سنة اولى بس وبعد كده في سنة تانية كله قواعد ومعقد وصعب وانا سالت ناس كتير وبتوع الالماني هم اللي قالولي كده انا عن نفسي اخدت فرنساوي وحبّاااااااااااااااااااااااااااااااه جدا.
وعلى فكرة فرنساوي ولا لماني مالهوش اي علاقة باي كليه علمي علوم او علمي رياضة او ادبي...

[بايبر]

ايه اللى بتقلوه دا انا عن خبره بقول لازم يردموا االلغه الفرنسيه ميلغوها من قاموش اللغات فى العالم والله عن خبرتى انا واخويا واصحابى واقاربى بجد الاطالى والامانى اسهل واحسن كفايه ان فى الفرنساوى بنكتب حروف وكىم مش بننطقها ونقو لحروف مش بنكتبها دى لغه تعقيد

[soley93]

فرنساوي اكيد ياسولوم

[اية الاسلام]

انا برضوة لسه في تردد مش عارفة الماني ولا فرنساوي بالرغم اني اخترت فرنساوي وقعدت فيه 3 شهور وانا اسمع ان الالماني اسهل ع العموم ياريت حد يفدني انا من بني سويف مفيش الا 10 مدرسين الماني ولااسف معرفهمش

[طالبة 2010]

وانا فرنساوى

[Pink_Floyd]

اخواتي الافاضل/سلام الله عليكم
انا دخلت الموضوع دا بالرغم انو جيت فوقت متاخر
نفسي اوضح لكل طلاب اولى ثانوي انو الفرنساوي مش صعب زي ماهم فاكرين بالعكس دي اسهل من الالماني
وعنها افاق اكتر
لان الفرنساوي لغة عالمية -انترناسيونال-
وممكن تساعدكم كتير بعد ما تخلصو دراستكم
بحكم اني بدرسها من ابتدائي دي وجهة نظري
وبيفضل ليكم ااختيار في اختيار المادة الافضل في نظركم و المحبوبة عندكم
تحياتي للجميع

[يا من ذل]

المانى
مية مية زى علم النفس وصغير الى حد ما
والتصحيح المدرسيين بيتلككولك علشان يدولك درجات
وبردك مش لمه اوى زى الفرنساوى

تحياتى

[Aya Abdelrahman]

انا بردو ف اولي ثانوي وخدت فرنساوي ع فكرة سهل اوي

انا خدته كلغة مش كامتحان يعني عشان يبقي معايا لغتين بس الالماني امتحاناته اسهل بكتير من الفرنساوي وقواعده الي حد ما اصعب من الفرنساوي الخيار يرجعلك

[Doctor S.E]

انا اخدت فرنساوي في اولى برضو و نقصت فيه درجه بس
هو بصراحه سهل و مذاكرته سهله يعني ليله امتحان الفرنساوي بتبقى قرايه للمنهج
و انا ان شاء الله مكمله فرنساوي في تانيه بس دعواتكم
و حكايه الصحاب دي بلاش منها ... لان هي بتبقى قدرات و فروق فرديه و مش معنى ان الالماني سهل ان الفرنساوي صعب لا الاتنين سهلين بس بدرجات و اكيد كل واحد ليه الصعب بتاعه
تقبلوا مروري

[Ahmed Maher Adam]

انا لسة داخل زيك
انا لسة ما قدمتش
بس ناوى ان شاء الله فرنساوى

[GARH ELKMR]

انا طالبة داخلة انشاء الله تالتة ثانوي واخترت اللغة الالمانية والله هي لغة سهلة جدا و الحمد لله امتحان كان سهل جدا وكلماتها سهلة الحفظ بخلاف الفرنساوي على فكرة انا درست فرنساوي وانا من تالتة ابتدائي لحد تالتة اعدادي وان بقول كده عن تجربة وربنا يوفقوا و يوفقنا و يعينا على ما بلانا .

[harbymr]

بص يا اسلام انا فى تانية ثانوى وخدت المانى فى اولى ثانوى .....الألمانى فى اولى ثانوى سهل جدا واى واحد يجيب النهاية ..بس فى تانية ثانوى محتاج مجهود شوية .....وعلى العموم اى حاجة فى الدنيا بتبقى سهله اما تسعى ليها بجد ......وربنا يوفقك

[emenm2]

اولا معلش انى برد متأخر بس انا لسا شايفه الموضوع
ثانيا بقى انا تالته ثانوى ان شاء الله السنه دى
ونصيحتى ليك انك تاخد فرنساوى بجد سهل اوى وخصوصا لو ذاكرته من اولى هتلاقيه تافه جدا فى تانيه
وكمان الالمانى ملوش مدرسين كتير
وعلى فكره انا اخدت فرنساوى وقفلته فى اولى وفى تانيه
وبردو مهم انك تختار المدرس لان ممكن المدرس يحببك فيه وممكن العكس
انا عن نفسى كنت بعشق الفرساوى بسبب المدرس بتاعى زى العسل
وعموما بالتوفيق واهم حاجه المذاكره من الاول
وبص اهتم بالمواد اللى هتساعدك فى تانيه وتالته زى النحو فى العربى والانجليزى والفرنساوى وكده يعنى
معلش طولت عليك
بالتوفيق للجميع

[SeniorAhmed]

كلمة قالتهالى واحدة من قريباتى
الفرنساوى للبنات لانه رقيق
و الابمانى للاولاد لانه خشن شوية
بس انا كنت فرنساوى و كان بجد حاجة جميلة جدا
و كنت الحمد لله متمكن منه قوى و كنت بقدم الاذاعة الفرنساوى فى مدرستنا
و لو هتسألنى ليه دخلت فرنساوى
هجاوب: حكم القوى
اولا احنا جيران انا من السنبلاوين..تعرفها؟؟؟
و طبعا المدرسة اللى انا فيها مفهاش غير فرنساوى و اللى مش عاجبه يشرب من ............(التلاجة)
بس و الله كانت تجربة كويسة و ال 50 درجة بتوعه مضمونييييييييين
ربنا يوفقك

[Free Canary]

السلام عليكم و رحمة الله و بركاته


انا اخدت فرنساوي و انا حاليا في تانية ثانوي
بس عموما الفرنساوي حلو جدا و سهل اما الاماني بصراحة معرفش

و ربنا يوفقك و يوفقنا كلنا