لطلبة كلية التجارة - جامعة القاهرة (ضع استفسارك هنا)

[vampire1188]

شكرا يا معلم ..

فعلا دخلت تجارة و ادارة اعمال - حلوان ..

الف مبروك .. شد حيلك بقى فيها وربنا يكرمك وتجيب تقديرات ان شاء الله

هل فعلا فيها شئ مميز عن القاهرة .. ولا كلام

الميزة الوحيدة اللى فيها ان الاقسام فيها اكتر من الاقسام الموجودة في كل جامعات مصر

يعنى تلاقي موجود فيها محاسبة وادارة اعمال وتجارة خارجية واقتصاد

بس لو جيت للواقع هاتلاقي ان معظم الناس بتخش محاسبة

دا غير ان حتة التميز دي بتتلاقي كل كلية بيبقالها ميزة تنافسية

بمعنى ان مثلا تلاقي القاهرة فيها قسم علوم اكتوارية ودا مش موجود في اي جامعة حكومية تانية

وكذلك برده عندك عين شمس تلاقي فيها تجارة فرنساوي ودي برده مش موجودة في اي جامعة تانية حكومية

[cheeta55]

ايه المجموعة المميزة في كلية التجارة ؟؟؟؟؟؟؟؟؟

[vampire1188]

ايه المجموعة المميزة في كلية التجارة ؟؟؟؟؟؟؟؟؟

هانزلها بوست ان شاء الله في موضوع جامعة القاهرة .. بس اصبر

[ahmed610]

المشاركة الأصلية كتبت بواسطة vampire1188

هانزلها بوست ان شاء الله في موضوع جامعة القاهرة .. بس اصبر

المجموعة المميزة اتلغت بقالها سنتين ومفتكرش فى نية انها ترجع دلوقتى

[vampire1188]

المجموعة المميزة اتلغت بقالها سنتين ومفتكرش فى نية انها ترجع دلوقتى

مش سنتين يا ابو حميد .. هيا سنة واحده عشان لاقوها فكسانه

والعيال بتهرب منها عشان الميد تيرم والكويزات !!

وعموما هابقى اعدي على الشئون ابص بصة كدا

بس واضح اوي ان الاعداد كبيرة جدا السنة دي خاصة في انجليش

[ahmed610]

المشاركة الأصلية كتبت بواسطة vampire1188

بس واضح اوي ان الاعداد كبيرة جدا السنة دي خاصة في انجليش

للاسف الاعداد كانت كبيرة السنادى ودة قلل المجموع بتاع تجارة انجليزى اتمنى ان السنادى ىتبقى استثناء والا تجارة انجليزى هتفقد اكبر ميزة فيها وهى العدد القليل (بس الى ممكن يبرر الاعداد الكبيرة دى ان الدفعة الى فاتت كانت قليلة قوى عشان سنة الفرغ ) سيبك انت اخبار جيشك اية واخبار سوق العمل اية فى شغل ولا هنتخرج ونعد عالقهوة

[اسامة مندور]

ممكن إذا سمحت اعرف مركز تدريب للمحاسبين معتمد ويكون في الزقازيق ؛ ولك خالص شكري

[مرموور]

لو سمحت كنت عايزه اسأل هل فعلا التحويل لمجموعه مميزه اتلغى؟
مع العلم انى فى تانيه تجاره رايحه تالته ان شاء الله
ولو فى تحويل شرط التقدير جيدجدا او امتياز ولا فى حاجه تانيه؟
وكنت سمعت انى لو جبت تقدير جيدجدا او امتياز ممكن ادفع فلوس واحول تجاره انجلش
هل الكلام ده صحيح ولا ايه؟
وعايزه كمان اسأل على اهم الكورسات اللى المفروض اخدها؟

[ميدو ميد]

يا استاذى انا دلوقتى جالى تجارة السويس جامعة قناة السويس ولسة مستنى نتيجة تقليل الاغتراب

بس انا عارف انى مش هقبل فى ولزم اعد سنة صح ؟؟؟؟؟؟؟؟؟؟؟؟؟؟؟؟؟؟ ممكن تفيدنى ممكن اعمل اية بعد ما تقليل الاغتراب مش يقبل

[NiGhTkNiGhT1]

لوسمحت انا جايب89.5 علمي رياضه وكان املي ادخل تجاره انجليزي بس محصلش نصيب المهم جتلي علوم سوهاج رياضه وانا مش عاوزها و دخلت على االموقع بتاع تقليل الاغتراب وحولت لكليه غير مناظره اللي هيا تجاره القاهره وانا لاحقها ب 13 درجه هل لما يحولوني ليها هيبقى ليا مدينه ولا لا

[ميدو ميد]

يا استاذى انا دلوقتى جالى تجارة السويس جامعة قناة السويس ولسة مستنى نتيجة تقليل الاغتراب

بس انا عارف انى مش هقبل فى ولزم اعد سنة صح ؟؟؟؟؟؟؟؟؟؟؟؟؟؟؟؟؟؟ ممكن تفيدنى ممكن اعمل اية بعد ما تقليل الاغتراب مش يقبل ؟؟؟؟؟؟؟؟؟؟؟؟؟؟؟

[rana r]

لو سمحت انا جايبه 92% علمي رياضه وجاتلي تجاره واداره اعمال حلوان وكنت عايزه احول لتجاره القاهره ومش عارفه احول ازاي انا رحت مكتب التنسيق ومعرفتش احول ممكن تقولي ينفع احول ازاي وايه الافضل ليا تجاره انجليش ولا تجاره عربي اناكنت جايبه 41.5 في الانجلش ورياضه 2 جبت فيها 46.5 بس انا حاسه لو دخلت تجاره انجلش مش همشي فيها

[bosy@]

انا عايزة اعرف اذا كان مجال شغل القسم الاكتوارى كتير و متوفرة ولا لا عشان فى ناس كتير بتقولى محاسبة احسن و هتلاقى شغل كتير معلش هتعبك معايا

[مرموور]

لو سمحت يا استاذvampire1188
ياريت حضرتك تطمن عن النتيجه
ليه متأخره كده شويه يقولوا نص الاسبوع ده
وشويه يقولوا آخر الاسبوع
الواحد زهق وقلق من التأخير ده
ياريت كلام اكيد فى الموضوع ده
وكمان المجموعه المميزه اتلغت فعلا ولا لأ؟
واهم الكورسات اللى المفروض الواحد ياخودها
غيرالICdl والانجلش!!
وهل ينفع لو جبت تقدير ادفع فلوس واحول تجاره انجلش
ولا ده كلام!!!
مع العلم انى فى تانيه تجاره ورايحه تالته..

[sallyaa]

لو سمحت انا عيذه اعرف ضرورررررررررررررى
ايمها افضل تجاره تعليم مفتوح او معهد تعاون ؟؟؟؟؟؟؟؟؟؟؟؟؟