آخر أخبار التعيينات وتفسير القرارات في المنيا وباقي المحافظات

[د.عبدالرحمن المنياوي]

المشاركة الأصلية كتبت بواسطة naspo

الاخ الفاضل محمود عبد لرحمن
تحية طيبة
ياريت اعرف كيف اضم الفترة السابقة من عملى الى الخبرة فانا تعيين جديد وكنت اعمل يالعقد منذ 2004

يتم ذلك عن طريق ختم استمارة 103 من المدرسة والإدارة بسنوات الخبرة ..

[د.عبدالرحمن المنياوي]

المشاركة الأصلية كتبت بواسطة medosobhe

بعد اذنك فى نقطة مهمه فى محافظة الشرقية انا وكتييييييير من المعلمين كنا راسبين فى الانجليزى وامتحنا انجليزى مع دفعة 1/4 والنتيجة ظهرت بردوا معاهم ونجحنا والحمد لله واحنا اذاى بقه انته بتقول طلعلنا قرار تعيين من قبلهم واحنا نتيجتنا ظهرت مع دفعة 1/4 ارجوا الافادة ولكم جزيل الشكر

هتتعين على معلم مساعد ولما يصدر قرار تحويل المسمى الوظيفي للناجحين في 1/4/2011 هتتحول لمعلم معاهم

[د.عبدالرحمن المنياوي]

المشاركة الأصلية كتبت بواسطة الكابتن14

انا خريج تعليم اساسي من محافظه المنيا. واشتغلت بالحصه عام الدراسي2008/2009 ثم عملنا عقد شامل في شهر 3 اللي فات وطبعنا لم نمتحن الكادر وليس معنا شهاده ‏icdl

الاستاذ عبد الرحمن بيقول ان محافظه المنيا قامت بتحويلنا كمعلم مساعد هل هذا موكد ياريت تاكدلنا علي موقفنا من التثبيت و الحد الادني.
‏
وياريت يااستاذ عبدالرحمن تقولنا الان احنا نعمل ايه.
هل فيه اوراق لابد ان نقدمها للاداره ولا نعمل ايه لان في المدرسه لا تعلم شي عن هذا.‏
ياريت لو فيه جديد ترد علينا بيه.‏

شكرا علي مجهودك وتعبك معانا‎ ‎

نعم صحيح ..

ولو انت إدارة المنيا اسأل الأستاذ محمد الصغير ولو ان الموظفين مش بيحبوا يقولوا حاجة بس انتظر انهم يبعتولك قريب.. متعملش حاجة الإدارة هتبعتلكم ع المدارس

[د.عبدالرحمن المنياوي]

المشاركة الأصلية كتبت بواسطة ا حسن

اللى بيخلينى اشعر بالأس والظلم الشديد اننا فى محافظة مطروح لم يتم تعيين الناجحين فى كادر 2009 حتى الان انا متعاقد من 2007 وفى 2008 بقيت معلم مساعد امتحنت كادر 2009 ونجحت واستوفيت كل شروط التعيين حتى الاى سى دى ال من 2009 واحنا فى مطروح حتى الان لم نعيين والظاهر لسة هناخد وقت كبير وفى المحافظات الاخرى الكلام على تعينن الناجحين فى كادر2011 مش حرام بقالنا سنتين ممتحنيين كادر ولغيت دلوقتى متعيناش

قرار التعيين صدر سابقا لكن القرار لازم يجي في آخره عبارة أن التنفيذ في يد المحافظة يعني مشكلة عند المحافظ بتاعك .. ولو ملقيتش حل يبقى لازم تشتكي في الوزارة .. انا مش عارف انتم ساكتين ليه لغاية دلوقت ....

[د.عبدالرحمن المنياوي]

نسألكم الدعاء

[سيد عبد اللاه]

اخي العزيز الدكتور عبد الرحمن : انا مدرس مساعد متعاقد على المرحلة الابتدائية وحاليا منتدب للاعدادي منذ سنتين وامتحنت الكادر على المرحلة الاعدادية واجتازته في 1/4 فهل سيتم تعييني على المرحلة الابتدائية ام الاعدادية ان سيتم الغاء نتيجة الامتحان لاني امتحنت علي خلاف المرحلة المقيد عليها وشكرا لكم

[د.عبدالرحمن المنياوي]

المشاركة الأصلية كتبت بواسطة سيد عبد اللاه

اخي العزيز الدكتور عبد الرحمن : انا مدرس مساعد متعاقد على المرحلة الابتدائية وحاليا منتدب للاعدادي منذ سنتين وامتحنت الكادر على المرحلة الاعدادية واجتازته في 1/4 فهل سيتم تعييني على المرحلة الابتدائية ام الاعدادية ان سيتم الغاء نتيجة الامتحان لاني امتحنت علي خلاف المرحلة المقيد عليها وشكرا لكم

هتتثبت حسب امتحان الأكاديمية .. يعني اعدادي .. وده كلام أكيد

[صلاح محمد على سلامة]

لماذالم ترد على سؤالى

[mona bahr]

انا مدرسه بالحصه من 2006 حتي الان في محافظة البحيرة وعايزين يعملوا لنا تعاقد 105 وحضرتك بتقول معلم مساعد ودي عقد عادي ايه الحل وشكرا

[صلاح محمد على سلامة]

دكتور عبد الرحمن لماذا لم ترد على سؤالى

[new.heart.new.live]

لوسمحت يادكتور عبد الرحمن انا من محافظة المنيا وهكمل لحضرتك سؤال الاستاذ الى سأل عن الا كان نازل فى اختبار اللغة الانجليزية ونجحنا لما عدنا الاختبار فى 1/4/2011 هل نعين على القرار الى اتعينوا علية اصحبنا وحنا اكملن 3سنوات معهم فى 15/3/2011 ولا نعين على قرار الدفعة الى بعدنا الى لسة ما كملتش 3 سنوات وملحوظة احنا بنقبض 391 وهما بيقبضوا 332
ارجوا من سيادتكم الرد عليا ضرورى ولكم جزيل الشكر والاحترام

[new.heart.new.live]

ولانرفع قضية لتسوية اوضعنا مع دفعتنا لانهم عينوا الى ما حصلش على icdl واعطوهم فرصة سنه واحنا ما امتحنوناش الى من قريب لو سمحت انصحنا نعمل اة
اتمنى ان تجيب نداء الرد ضرورى يا دكتور

[miro86]

استاذ عبد الرحمن
انت لم ترد على سؤالي الخاص بمعلمي الحصة بمدارس الخدمات التجارية . ما وضعهم من التعيين هل سيتم تعينهم ام لا ؟؟
علما بأننى خريجة تربية قسم لغة انجليزية !! ارجو الافادة ؟؟؟؟؟؟؟؟؟؟؟؟؟؟؟؟؟؟

[maqrishan]

ارجو الرد يادكتور عبد الرحمن والله انا اكثر واحد حيرة فى هذا الكون
اولا انا كنت معلم مساعد فى اول دفعة تم اختراع المعلم المساعد فيها وكمان امتحنت الكادر ونجحت فى اول دفعة بردو وواخد الicdl وكمان اسمى فى كشوف المتعينين بالقرار 53 لسنه 2011

شوف بقى المشكلة انا انقطعت عن العمل بعد كل دة مكنتش اعرف ان هيحصل تعيين لانى فقد الامل عشان انا شغال من 2003 وكل سنة كانو بيقولولنا السنة الجاية هتتثبتو

المهم انا حبيت ارجع عشان اسمى ضمن المعينين والمستوفين الشروط بس فوجئت بسحب قرار تعيينى وفسخ عقدى
غلبت ولفيت الدنيا من مدير الادارة الى وكيل الوزارة الى الوزير بس بدون جدوى

التوجيهة كتبلى جواب واستلمت شغلى وفى نفس المدرسة الى انا كنت فيها بس عقد عادى طبعا والادارة مشكورة كتبت اسمى ضمن العقود العادية الى اكتر من ثلاث سنوات لانى الان 8 سنوات عمل يعنى ضمن القرار 75

ارجو من سيادتك توضيح موقفى اولا هل لى الحق فى التعيين ضمن قرار 53 لانى منطبقة عليا الشروط
ثانيا اذا تم تثبيتى فى القرار 75 الى هو العقود العادية الى اكتر من ثلاث سنوات فما هو موقفى من امتحان الكادر مع العلم انى امتحنت الكادر ونجحت السنة الى فاتت عمرك شفت واحد عقد عادى وممتحن الكادر هو انا بقى طيب ولو اتثبت هبقى معلم ولا معلم مساعد

ارجو الرد والله لا استطيع النوم معلهش طولت عليك

[د.عبدالرحمن المنياوي]

المشاركة الأصلية كتبت بواسطة صلاح محمد على سلامة

لماذالم ترد على سؤالى

يا جماعة بعد إذنكم تلتمسوا لي العذر .. لأن في اوقات كتيرة النت بيبقى فيه مشاكل عندي .. ولو سمحتوا الناس تدور على الردود في الصفحات السابقة لأنه ممكن ناس أكون رديت عليهم بس الرد راح لصفحة سابقة من كتر المشاركات ..

أما اللي مايلقيش الرد يرسل السؤال تاني .. بعد إذنكوا يعني ....