يا ألسنجيه يا مستجدين .. تحت أمركم اسئلوا براحتكم

[its_moustafa]

مانا بخش اكتب رقم الجلوس يقولى هذا الرقم غير صحيح فى اظهار النتيجة ممكن تبان لى و انا بحول ؟

[its_moustafa]

tamam tamam asly kont using firefox . ALF ALF ALF ALF Shokr leek

[its_moustafa]

معلش بقى انتا مننا و علينا

بص انا اطبع البطاقة دى ولا بعد ما احول اصل انا المنيا و لسة هحول عين شمس !

[Amr 18]

ربنا يسهل ونقدر نحول كل ال جاله المنيا ان شاء الله يقدر يحول وانا معاهم يارب
بس بصراحة رفعت جاااامد جداااااا السن عين شمس السنة دى 93.5 درجة عالية بصراحة

[Amr 18]

المشاركة الأصلية كتبت بواسطة its_moustafa

مانا بخش اكتب رقم الجلوس يقولى هذا الرقم غير صحيح فى اظهار النتيجة ممكن تبان لى و انا بحول ؟

ادخل من انترنت اكسبلورار يا مصطفي وربنا يوفقك

[Amr 18]

ربنا معاك يا عمر بس اللى اعرفه ع التحولي انك بتقعد سنه ف المنيا فالله اعلم ويارب تيجي عين شمس وتنورها كدا

ربنا يخليك وربنا يسمع منك واحول عين شمس ان شاء الله بس عشان سكني واهلي مش عشان انورها عشان هي منورة بيكو

[abanop maher]

طيب انا السن المنيا عايزك تقولى اية احسن اللغات و ياترى اروح اقدم الورق امتى و علشان المدينة الجامعية

[mustafa.sharf]

المشاركة الأصلية كتبت بواسطة its_moustafa

معلش بقى انتا مننا و علينا

بص انا اطبع البطاقة دى ولا بعد ما احول اصل انا المنيا و لسة هحول عين شمس !

متطبعش حاجه دلوقتى الا ينزل تقليل الاغتراب وتشوف ايه اللى هيجيلك فيه
والنتيجه بتاعت تقليل الاغتراب هى اللى تطبعها سواء جالك عين شمس او المنيا

[mustafa.sharf]

المشاركة الأصلية كتبت بواسطة abanop maher

طيب انا السن المنيا عايزك تقولى اية احسن اللغات و ياترى اروح اقدم الورق امتى و علشان المدينة الجامعية

هو احتمال كبيير يكون التقديم بعد العيد ... بس انصحك انك تختار فرنش لو هتروح المنيا
لو حولت بعد سنه وجيت عين شمس هتعرف يعنى ايه قسم فرنش فى عين شمس
وعندك ايطالى جميل بردوا والمانى هناك براحتك

[waleed Dahy]

أخ مصطفى : صباح الخير
أنا مش خريج مدارس لغات بل مدارس عادية جيبت فى الإنجليزى 46.5 وإن شاء الله عايز أدخل إنجليزى بس أنا ملقيتش واحد بيقول عليه كلمة حلوة ...... وأنا بصراحة إتعقدت من أولها ....... أنا لو مدخلتش إنجليزى يبقى مش هستمر فى الكلية. عايز أعرف إيه يعنى وجه الصعوبة فيه؟ لو على المذاكرة والحضور أنا عندى إستعداد .... إيه تانى ممكن يبقى صعب عليا ؟؟؟؟ أرجو أن تجاوبنى بالتفيل لو سمحت

[Amr 18]

انا روحت الكلية النهاردة عشان اسأل علي التقديم والتحويل اصل انا جالي المنيا وعاوز احول عين شمس
قالولي اطبع بطاقة الترشيح بتاعة المنيا احتياطي وبعدين املي استمارة التحويل (اللي انا معرفش هتبان امتي ) ولو جالك عين شمس ابقا اطبعها بعدين وعاوز اعرف هي بطاقة الترشيح هتفضل موجودة لغاية امتي ع النت

[mustafa.sharf]

المشاركة الأصلية كتبت بواسطة waleed dahy

أخ مصطفى : صباح الخير
أنا مش خريج مدارس لغات بل مدارس عادية جيبت فى الإنجليزى 46.5 وإن شاء الله عايز أدخل إنجليزى بس أنا ملقيتش واحد بيقول عليه كلمة حلوة ...... وأنا بصراحة إتعقدت من أولها ....... أنا لو مدخلتش إنجليزى يبقى مش هستمر فى الكلية. عايز أعرف إيه يعنى وجه الصعوبة فيه؟ لو على المذاكرة والحضور أنا عندى إستعداد .... إيه تانى ممكن يبقى صعب عليا ؟؟؟؟ أرجو أن تجاوبنى بالتفيل لو سمحت

صباح النور يا صديقى ... قسم أنجلش كل اللى محتاجه فقط طالب يكون مستواه فى الانجلش
كويس جداا وبيعرف يسمع كويس ويتكلم كويس عشان محاضراتك بتبقى 100% من اول دقيقه لاخر دقيقه أنجلش فقط مفيش عربى غير ان قسم انجلش لو انت بتحب الانجلش وبتزاكر هتستمتع بيه اوووى وبأدبه بالذات انك هتدرس ادب شكسبير وغيره من الادباء العالميين
بس اقولك بقى الوحش فى القسم .. الدكاتره رخميين والامتحانات بتاعته بتيجى صعبه
وتقديراته مش قد كدا دى سلبياته .. وانت بمجموعك ده يجيلك أنجلش انشاء الله وربنا يوفقك

[lovelydream]

مصطفي انا عاوزة قسم صيني
ايه رأيك فيه ؟
انا درجتي فيه 48 ممكن الحقه ؟
و ليه مستقبل كويس ولا لا ؟
انا كنت مدرسة فرنساوي راهبات و بتكلمه كويس و بتكلم انجليش برضو
يعني عندي استعداد للغات من زمان

[mustafa.sharf]

المشاركة الأصلية كتبت بواسطة lovelydream

مصطفي انا عاوزة قسم صيني
ايه رأيك فيه ؟
انا درجتي فيه 48 ممكن الحقه ؟
و ليه مستقبل كويس ولا لا ؟
انا كنت مدرسة فرنساوي راهبات و بتكلمه كويس و بتكلم انجليش برضو
يعني عندي استعداد للغات من زمان

الصينى كويس جدااا فى شغله فى الترجمه والسياحه خاصه السياحه الثقافيه
بس الصينى بياخد من درجه الأنجلش وتنسيقه السنه اللى فاتت كان من 40
وعاده مش بيزيد عن ال45 .. بس الصينى صعب جداا ورموزه كتيييره وعاوز مجهود
ومزاكره وحضور من أول السنه .. بس لغه مستقبلها كويس ..

[lovelydream]

المشاركة الأصلية كتبت بواسطة mustafa.sharf

الصينى كويس جدااا فى شغله فى الترجمه والسياحه خاصه السياحه الثقافيه
بس الصينى بياخد من درجه الأنجلش وتنسيقه السنه اللى فاتت كان من 40
وعاده مش بيزيد عن ال45 .. بس الصينى صعب جداا ورموزه كتيييره وعاوز مجهود
ومزاكره وحضور من أول السنه .. بس لغه مستقبلها كويس ..

بس امشي فيه مش مستحيل يعني ولا ايه ؟
و بعدين مضمونة حتة الشغل دي
خايفة اوي بعد التعب فيه و كورسات و بتاع اتخرج اقعد في البيت
انا جايبة 48 في الانجليش عامة