كل ما تحب ان تعرفه عن ((كلية السياحة والفنادق))

[treka_100]

هو شريف يقدر يفيدك لانه هناك
ممكن تستناه لما يجي

[max pyne]

هو شريف هناك يا تريكة

[treka_100]

هو اساسا طالب في سياحة اسماعيلية يعني هو اكتر واحد يفيدك

[max pyne]

ايه نظام سياحة وفنادق الاسماعيلية يا اسلام

[sympathique]

المشاركة الأصلية كتبت بواسطة max pyne

ايه نظام سياحة وفنادق الاسماعيلية يا اسلام

سياحة وفنادق الاسماعيلية هى مقر الاتحاد النوعى لكليات السياحة والفنادق فى الوطن العربى

3 اقسام طبعا
انسب قسم للاولاد قسم فنادق وهو اصعب قسم
انسب قسم للبنات هو دراسات سياحية وهو اسهل اقسم وايضا هو مناسب للاولاد
نظام الدراسة هناك سهل وممتع جدا
الدفعة ببكون عددها قليل
الدكاترة هناك لذاذ جدا
واقدر اقولك ان احنا مصاحبين الدكاترة مصاحبينهم بمعنى كلمة اصحاب ومعانا نمر تليفوناتهم كمان
وهما اصلا بيحبوا يخدموا الطلبة
والدراسة فى الاسماعيلية سهلة جدا وهتحبها اوى
التخصص من سنة اولى بتعرفوا بعد ماتعمل الانترفيو
التدريب الصيفى فى الاسماعيلية بيختلف من سنة لسنة بالنسبة لقسم دراسات سياحية وقسم فنادق
حيث ان الفرقة الاولى قسم فنادق بتقوم بالتدريب فى المركز التابع للكلية فى مدينة العريش
اما الفرقة التانية فيتم تدريبها فى مدينة شرم الشيخ تبع مركز تدريب جامعة قناة السويس
ودى بتختلف من سنة للتانية يعنى ممكن انتى بنفسك تروح المكان اللى انت عاوز تدرب فيه

اما بالنسبة للفرقة الاولى قسم دراسات سياحية فليس لها تدريب صيفى
ولكن التدريب ده بيكون لك انت علشان تاخد الخبرة يعنى ملكش دعوة بالكلية انت بدور على اى فندق او اى شركة سياحية تدرب فيها

اما بالنسبة لقسم ارشاد فهو فى الاسماعيلية بدون مصاريف يعنى مجانا

وتقوم الكلية نفسها بتدريب الطلاب وعمل رحلات لهم الى عدة محافظات اثناء الدراسة لكى يتعرفوا عليها

قرر انت وشوف انت ناوى على قسم ايه وربنا يوفق الجميع

[Eslam_Tourism]

بقولك اه يا esraa ما تبقى مشرف معايا لانى ساعات ما مبقدرش اشارك فى المنتدى

وكمان انا احتمال انى اسيب الاشراف لانى الايام الجاية كلها هسافر كتير اوى ومش هبقى فاضى

ها موافق ولا اية ؟؟؟

[sympathique]

انا معاك يا اسلام
بس انا بكلمك من الصبح على الايميل ولا انت هنا

انا عاوزك علشان فيه ناس اصحابى شكلهم كده ناويين على سياحة المنصورة وعاوزين نظبطهم وانت ولا سائل

[Eslam_Tourism]

اه يا جماعة براحة عليا شوية

مش بأيدى والله انا عندى الكمبيوتر بايظ وكمان انا هضطر انى اسيب الاشراف وان شاء الله الاخ esraa يكمل معاكو معلش اصل الحج ابويا عايزنى فى حوارات ومشاغل كتير كده مش عارف هتنهى امتى الصراحة وسامحونى يا جماعة مش يايدى

والصراحة انا شايف esraa جامد اوى الصراحة وهيقوم بالواجب وزيادة ان شاء الله وانا هابقى اقدم طلب عشان يسمك الاشراف بدلا منى لانى الصراحة الايام الجاية دى كلها هابقى فى مصالح كتير اوى

[mbardeesy]

انا محمد من قنا ترشيحى سياحة وفنادق الاقصر بس مفيش قسم ارشاد عايز اعرف ابه رايكم فى قسم دراسات سياحية؟
وايه امتحان القدرات؟ ارجو الرد السريع

[sympathique]

فعلا مفيش فى الاقصر قسم ارشاد لان الكلية لسا جديدة

اما بالنسبة لقسم دراسات سياحية فهو جميل جدا ومجال شغله واسع جدا

طبعا مش هنعيد ونزيد فى كل اللى فات بس ممكن تشتغل فى شركات سياحية وشركات طيراااااان

وامتحان القدرات ممكن تدخل على اى موضوع وتشوفه ( الانترفيو)

[amir atef]

هاى يا جماعة انا امير تانية ارشاد حلوان اللى عايز اى حاجة انا فى الخدمة

[abanoub sarwat]

يا جماعة ارجوكم عايز اعرف العملات و العواصم يتاعة كل بلد من دلوقتى علشان اطبعها و احاول احفظ اللى اقدر عليه علشان انا خايف من الانترفيو و سوال تانى هو لو لقدر الله سقطت فى الانترفيو حروح كلية تانى غير الاسكندرية ولا ايه النظام ؟ ارجة الرد با جماعة

[jeary]

ازيك يا اسلام .ان شاء الله ربنا هيوفقك فى الى انت عاوز تعمله مع والدك بس لية هتسيب الاشراف على الاقل تبقى مع esraaانا عرفت انك لسة فى تانية سياحة المنصورة كنت كاتب كدة فى منتدى تانى وبصراحة مشرفة المنتدى هناك اية ظريفة جدااااا مقولكش بصراحةبصراحة انا متشكرة ليك جدا انا كنت حيرانة بجد انا لو مش كنت عرفت المعلومات دى منك عن الكلية كانت هتعدى السنة وانا لسة حيرانة بردو ميرسىىىىىىى ليك جدا وربنا يوفقك .واهلا بيك يا esraa
سلااااااااااااااااااام

[sympathique]

بص انا بصراحة معرفش حاجة عن اثار

بس نصحتى انك تسال الناس اللى فى اثار ويقولولك ايه نظام الكلية ودراستها ومتطلباتها وسوق العمل بعد كده هيكون ايه

وتسال عن سياحة وفنادق وتعرف الفرق وتقارن وتقرر بقى بعد كده وربنا يوفقك

[eslam_2009]

كلية الاثار دى مالهاش لازمة ,,, هتطلع منها ايه يعنى ؟؟ ولا حاجة ولو فكرت تشتغل عايز واسطة وكمان اقسامها ملهاش شغل خالص لانها مجالاتها محدودة جدا فى مجال الاثار بس وده مجال ضيق اوى فى سوق العمل ,,,

يعنى مثلا اقسامها اثار اسلامية و اثار مصرية وترميم اثار والتلاتة دراستهم رخمة ومش هتطلع حاجة هتشتغل فى مجال تانى خالص وده لو لقيت اساسا