اسئلة اختبار الانترفيو ( كلية سياحة وفنادق الاسماعيلية )

[sympathique]

نسيت اقولك اهم حاجة

متنساش وانت بتقدم ملف المدينة تاخد معاك دوسيه بلاستيك ( وده روتين حكومى)

[#Hima#]

المشاركة الأصلية كتبت بواسطة sympathique

نسيت اقولك اهم حاجة

متنساش وانت بتقدم ملف المدينة تاخد معاك دوسيه بلاستيك ( وده روتين حكومى)

بجد انا عايز اشكرك على مجهودك وجزاك الله خير ....انا كنت عايز اعرف حاجه بالنسبه للمدينه اسحب الملف يوم الانترفيو...ولا بعد النتيجه والغرف بيبقا فيها كام طالب والعيشه عامله ازاي يعني؟؟؟

[sympathique]

المشاركة الأصلية كتبت بواسطة #Hima#

بجد انا عايز اشكرك على مجهودك وجزاك الله خير ....انا كنت عايز اعرف حاجه بالنسبه للمدينه اسحب الملف يوم الانترفيو...ولا بعد النتيجه والغرف بيبقا فيها كام طالب والعيشه عامله ازاي يعني؟؟؟

الملف تسحبه فى اى يوم وفى اى وقت وطالما انت هناك علشان الانترفيو اسحبه بقى وانت هناك

اما بالنسبة لعدد الغرف فبيكون نسبى من 4: 6

والعيشة زى الفل هناك :abdoog8:

[treka_100]

اصحي يا شيري
صباح الفل يا اسراء

[GOGO.]

انا محمد والمقابله بتاعتي بكره حديطمني ياجماعه

[max pyne]

ياجماعة ياريت نتعرف كلنا فى الكلية ونشوق بعض قى الدراسة

[max pyne]

انا ان شاء الله اولى سياحة وفنادق الاسماعيلية ودخلت قسم ارشاد ولسة معرقش النتيجة وعايزين نبقى منتدى واحد حتى فى الكلية ونشوف بعض

[ملاك الرومانسيه]

صباح كريم على كل الزوار الجدد

[reda_mafia50]

صباحكم سكر زياده

[labelle_princesse]

عايزة اعرف مصاريف الفرقة الاولى بكلية سياحة وفنادق الاسماعلية

[sympathique]

260 جنيه بس

[ahmed aly14]

ياريت يا جماعه لو في حد راح الكلية يقولي ايه الاخبار والجدول نظامه ايه والحياة ماشية ازاي الفرقه التالته دراسات سياحية

عام دراسي سعيد عليكوا

[zomahisham3]

المشاركة الأصلية كتبت بواسطة sympathique

طبعا وقبل كل شئ والكلام عن ا لكلية بحب اطلب من طلبة الثانوية العامة ان هما يركزوا فى الامتحانات .

ثانيا انا طالب فى الفرقة الثانية كلية سياحة وفنادق الاسماعيلية
قسم ادارة فنادق(دراسات فندقية)
وطبعا الكلية فيها اقسام تانية فيها قسم دراسات سياحية وقسم ارشاد سياحى

معلومات عن الكلية

بعد ترشيحك لكلية سياحة وفنادق
بتجهز الاوراق المطلوبة منك وبتروح الكلية عادى وتقدم الورق
وبعدين هما بيحددوا مواعيد المقابلة الشخصية
ماهى المقابلة الشخصية؟
هى عبارة عن لقاء بينك وبين طرف مسؤل بشكل عام
اما بالنسبة للكلية :
فالاسئلة كالاتى/
1- اسمك وعنوانك وهواياتك ؟
2- وظيفة الوالد؟
3- دوافع اختيارك للكلية؟
4- تحب تدخل قسم ايه وليه؟
5- وطبعا منساش الاسئلة العامة( عملات البلاد - احدث الاخبار- وزير السياحة - رئيس الوزراء - اليوم العالمى للسياحة - محافظ مدينتك - ............. الخ)
طبعا فيه حاجات تانية عامة .
وحضارتكم بتدخلوا على اكثر من دكتور وبيسالوكم الاسئلة دى وغيرها
مراعات هامة عند عمل المقابلة الشخصية
المظهر: بالنسبة للطلبة (الذكور) تقليم الاظافر / قص الشعر بطريقة مناسبة ولائقة بعيدة عن الطرق الغير تقليدية / ويجب الاهتمام بالمظهر لان المظهر اول مايلاحظ اثنا دخول الطالب لعمل المقابلة.
ويجب عدم وضع عطور نفاذة
بالنسبة للآنسات:
عدم وضع مساحيق التجميل بصورة بالغة او استخدام الاكسسوارت بطريقة ملفتة للنظر.

ويفضل عند عمل المقابلة الشخصية ارتاء ملابس كلاسيكية
وهناك اشياء اخرى
لابد ان تكون مبتسما وتراعى الاتصال البصرى مع الممتحن باستمرار لان عدم النظر اليه يوحى بالخجل وعدم الثقة بالنفس
لابد ان تكون الاذرع فى وضع استرخاء وقبضة اليد منبسطة وذلك يوحى بالهدوء والراحة.

دى كانت اول خطوة فى الكلية
وياريت لو فيه اى اسئلة عن الكلية انا جاهز للرد عليها وانتظروا مواضيعى عن الكلية واقسامها ومجال العمل والتدريب للاقسام الثلاثة

ملحوظة: عمل المقابلة الشخصية باللغة الانجليزية.
ستسأل عن درجات اللغة والتاريخ

ياريت اكون وصلت لكم معلومة

انا عندي سؤال بس الكلام ده في تانية كولية سياحة و فنادق ولا في اولي و انا معهد العالي للسياحة و الفنادق بمكرم عبيد و ان شاء الله هدخل درسات فندقية و انا برده هدخدع لي الأختبار ده برده ولا ايه ؟ و شكرا

[ملاك الرومانسيه]

مساء الخير على عيون احلى شباب واجمل صبايا بالعالم

[sympathique]

دعوة مشاركة لاعضاء المنتدى وطلبة سياحة وفنادق الاسماعيلية لتجمعهم بالكلية

انا ان شاء الله بكون موجود اول 3 ايام فى الاسبوع

وانا قسم ادارة فنادق

عاوزين ان شاء الله نتقابل كلنا هناك

فى انتظار تعليقاتكم جميعا

وياريت يكون فى اقرب وقت