ملتقى طلاب صيدلة الاسكندرية

[emoo]

ايه يا دكاتره التعاون و الشغل العالى ده
ربنا يكرمكم يارب و تفيدو بعض علاطول
و طبعا لو احتجتو اى حاجه انا فى الخدمه معاكو علاطول باذن الله
و ربنا معاكو فى امتحاناتكو
و نخرج من الكليه دى بسلام

[Dr.ahmed91]

المشاركة الأصلية كتبت بواسطة rorr

هاى انا النهاردة قابلت د علاء علشان ارجع معاه ارقام المسائل بس هو مرضيش؟؟؟؟؟؟؟؟؟؟؟!!!!!!!!!!! وقالى ان فى محاضرة فى النهاية حيحل فيها المسائل دى وعلى فكرة دى حلول المسائل زى ما حلتها ياريت حد يرجعها معاى وهنيالك يا فاعل الخيروالمعروف ولو غلط مليش دعوة
1-610
2-160
3-74.34
4-69.4

النهارده نزل ورق اوبتكس و خواص مادة بتاع رفع الكفاءة
وبكره حتلاقي الحرارة واكيد فيهم المسائل دي

بس عموما لو محصلش..... يوم التلاتاء حكون حليتهم واجيب الحل ومعلش الوقت مش ساعفني خالص
عشان المحاضرات مع رفع الكفاءة كل يوم حتى النهارده طنشت محاضرات وروحت سكشني

وهنيالك يا فاعل الخيروالمعروف ولو غلط مليش دعوة

انا مسائل زي دي ما اخدش فيها اقل من نص ماليون جنيه سوداااااني

[Dr.ahmed91]

بس انا قلت فى مشاركة من يومين ان هاتقابلك مشكلة حضور محاضرة الحرارة مع ج عشان سكشن الفيزياء
ولا نسيته

انتي كده بتدوسي على الجرح ...... مش ناقص غير د/مووودي اللي ححرص على محاضرته

وكمان انا عارف نفسي... الورق اللي على جنب.. اصل روح اجابتي مش حتبقى حلوة

عموما انا مستني نخلص امتحانات واحضر مع د/جمال

وربنا يسهل

ولكن سؤال وجيه يطرح نفسه؟

انا معرفش حد اسمه وجيه؟؟؟؟؟

[د حنين]

شكر يا احمد على الرد النهاردة د اسماعيل ساب جزء كبير من اول ص56الىص67 هل ياترى دة فى كل المجموعات ولا احنا بس على اساس اننا خدنا الحاجات دى قبل كدة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[د حنين]

الف مليون شكر ليك يا دكتورة على المجهود الجبار الجامد اوى دة

[mido203]

فيه على فكره اجتماعيات طالب موجود كل واحد يقدر يتكلم فيه براحته وهيلاقى ردود وحلول تريحه لان اصلا الملتقى بتاعنا جزء صغير جدا من المنتدى الاساسى
ولو حد عمل موضوع مشكله هنا المشرف Dr.ahmed91 اللى بيبقى على طول هنا هيستغل سلطته وينقلهولك هناك تقوم انت واخد بعضك على قسم الشكاوى وتشتكيه انه نقل موضوعك فاعمله هناك من اضمن
احنا بنهدى النفوس بس
لا لا اعملوا اللى انتوا عايزينوا دكتور احمد دلوقتى بقينا بنجيبوا من على القهاوى بس الشهادة لله الراجل كان قاعد معانا وماسك مرجع فى ايدة

[mido203]

المشاركة الأصلية كتبت بواسطة طـفـلـة الامـس

سوف اوافيكم بالاخبار التى ادلى بها د/علاء فى تصريح خاص بسيادته:

طبعا امتحان الفيزياء اوبن بوك
لازم تروحوا بدرى جدا عشان لو اتاخرنا وقعدوا يضبطونا وبدانا الامتحان تسعة ونص الا خمسة
الورق هايتاخد عادى جدا تسعة ونص
فاهمين قصده ايه؟
التعليمات بقى:
1- ممنوع اصطحاب اى ورقة ملازمة للكتاب
عايز تكتب اى حاجة فى الكتاب بس انما ورقة ممنوع منعا باتا *
2-ممنوع تداول الالة الحاسبة على اى حال
لو نسيتها ومش معاك تحسب بمخك
مالوش فيه
3- ودى البشرى
بيقولنا تخيلوا وانتم داخلين الامتحان انكم داخلين امتحان فيزياء الثانوية العامة
ااااااااااه
وما ادراكم ماحالى بعد هذا الامتحان

ملاحظة مهمة للغاية
احنا كده شبكنا فى الامتحانات وهانشتغل متواصل حتى نهاية الترم والعام على ما اعتقد
هانخلص الفيزياء نمتحن نبات وبعدها العيد وهانرجع على امتحان الترم العملى وبعدها امتحانات الترم النظرى
مش كان زمانى بترعرع دلوقتى فى نعيم الفيزياء والاحياء
فييييينك يا ثانويييية يا عااااااامة
هاكمل عياط فى حتة تانية

فى رعاية الله

ناقص يقول ممنوع اصطحاب الماكولات والافراد من سن 12 تذكرة كاملة
اية كل دة مكنوش 20 درجة ياريتة كان دخل الشرطة واهو كنا استريحنا

[amooor slim]

المشاركة الأصلية كتبت بواسطة pop creed

ازيكم يا شباب .....اتمنى ان الكيمياء تكون كويسة........انا عايز ازضح اعجابى بالنشاط اللى نزل ع النتدى دة بجد حاجة مفرحة .......ولو تسمحولى عندى شوية اقتراحات :1 . ياريت ياجماعة نرفع التكاليف والالقاب دى يعنى انا مش فاهم ايه لازمة كلمة دكتور و دكتورة دى ..يعنى نقلل من الرسميات شوية عشان الكلام دة بين طلبة زى بعض مش طلبة ومعيدين واساتذة .....عارفين ميزة المنتدى ايه : اننا كلنا زى بعض يعنى فى تلقائية فى التعامل .طبعا الاحترام موجود بس التلقائية ميزة من مميزات المنتدى عايزين نحافظ عليها يعنى مفيش مشكلة لو اتكلمنا ب nick names عادى

2.ياريت يا جماعة لو نخصص ملتقى زى دة كدة بس هنتنكلم فيه عن المشاكل اللى بتواجهنا مش الدراسية لكن النفسية يعنى الخنقة .الاكتئاب .انك تحس انك تايه ومخنوق وزعلان من غير سبب ونربط دة بالبعد عن الله سبحانه وتعالىونحاول نلاقى حل من كذا ناحية .وكل دة طبعا بياثر على المذاكرة.فعايزين المنتدى يبقى متكامل ........ مش حوارات افلام وبرامج .....بس عشان نساعد بعض.........

--- حاجة اخيرة يا جماعة عشان مطولش عليكم ودى تعتبر نصيحة ياريت اى حد يشارك باى مشاركة يبقى عنده النية ان دة لله سبحانه وتعالى وهياخد عليه ثواب ...فشوف المشاركات اللى اخلصت فيها نيتك وتخيل حجم الثواب...

ياريت يا جماعة تقولوا رايكم فى الاقتراحات دى...............................

بصراحة يا pop creed الاقترحات كويسة جدا بالذات طبعا الاقتراح الاخير بس الاقتراح التانى صعب انه يتحقق لأن كل قسم متخصص فى حاجة معينة واحنا مع بعض فى صيدلة وأى حد محتاج يتكلم فى حاجة معينة يدخل على القسم اللى هو عايزه وأنا عارف ان القسم النفسى مش موجود وانه مهم بس زى ما قولتلك صعب تحقيقه , اما بقى الاقتراح الاول ده كان نفسى اقول عليه من زمان لأن اصلا احنا لسه فى اعدادى صيدلة وكمان حتى لو واحد عايز يفتخر بنفسه مش حيفتخر على الناس اللى زيه ومعاه فى الكلية ممكن يفتخر على حد من بره , !!!!!!!!!!! وأحب كمان أضم صوتى لصوتك فى موضوع الأقتراحات وأقول \ يا ريت لو كل واحد فينا يقول هو نفسه يعمل ايه بعد التخرج يعنى مثلا واحد نفسه يبقى معيد, واحد نفسه يسافر بره, واحد ممكن يفتح او يشتغل فى صيدلية, واحد عاوز يشتغل فى شركة أدوية وهكذا ,,,,,......... ويمكن حد يقولنا على حاجة جديدة احنا معندناش فكرة عنها ويفدنا لأنى شايف ان المذاكرة مش كل حاجة ايوه التقدير مهم بس الشغل بعد كده أهم فيا ريت نعرف الاراء علشان نفهم الحياه من الجانبين العملى والنظرى بس مش معنى كده منسالش بعض و نفهم بعض وعشان الملتقى بتعنا ميكونش مقصور على الدراسة وبس ويا ريت لو حد عنده أقترحات يقولها لأن ((((خير الناس أنفعهم للناس))))

[amooor slim]

المشاركة الأصلية كتبت بواسطة rorr

هاى انا النهاردة قابلت د علاء علشان ارجع معاه ارقام المسائل بس هو مرضيش؟؟؟؟؟؟؟؟؟؟؟!!!!!!!!!!! وقالى ان فى محاضرة فى النهاية حيحل فيها المسائل دى وعلى فكرة دى حلول المسائل زى ما حلتها ياريت حد يرجعها معاى وهنيالك يا فاعل الخيروالمعروف ولو غلط مليش دعوة
1-610
2-160
3-74.34
4-69.4

بجد الف مليون شكر يا طفلة الامس ربنا يخليك ويوفقك و يوعدك فى الترم التانى بفران دايخةلانى تعبت كتير علشان اللى حد يدينى المحاضرات دى

على فكرة متتعبيش نفسك فى حلها لأنه قال انه حيحلها بعدين مع الفصل التانى والتالت ومش حيجى حاجة منها فى الميد ترم !!!!!!!!!!!! وهو قال ان الامتحان حيكون اوبن بوك بس دكتور اسامة و دكتور الخطيب مجبوش سيرة عن الموضوع ده !!!!!!!وانا شاكك بس نمشى على كلامه وخلاص بس ساعة واحدة للامتحان بصراحة ظلم حتى لو كان صغير بس الله اعلم جايز يكون فايدة لنا فى ان الامتحان يكون سهل وعلى فكرة الامتحان فى الاوبتكس مسائل بس والبروبرتس ممكن اكمل ,مسائل ,اختيارات, على حسب لان المعيد محددش

[د حنين]

هو احنا حنمتحن ميد ترم حيوان بعد العيد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[amooor slim]

المشاركة الأصلية كتبت بواسطة rorr

هو احنا حنمتحن ميد ترم حيوان بعد العيد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا طبعا مفيش ميد ترم على الحيوان لأن اصلا درجات الحيوان قليلة تقريبا 75 درجة بس منهم 10 درجات على الضفدعة العملى والكويز وده يعتبر امتحان الميد ترم

[amooor slim]

المشاركة الأصلية كتبت بواسطة طـفـلـة الامـس

سوف اوافيكم بالاخبار التى ادلى بها د/علاء فى تصريح خاص بسيادته:

طبعا امتحان الفيزياء اوبن بوك
لازم تروحوا بدرى جدا عشان لو اتاخرنا وقعدوا يضبطونا وبدانا الامتحان تسعة ونص الا خمسة
الورق هايتاخد عادى جدا تسعة ونص
فاهمين قصده ايه؟
التعليمات بقى:
1- ممنوع اصطحاب اى ورقة ملازمة للكتاب
عايز تكتب اى حاجة فى الكتاب بس انما ورقة ممنوع منعا باتا *
2-ممنوع تداول الالة الحاسبة على اى حال
لو نسيتها ومش معاك تحسب بمخك
مالوش فيه
3- ودى البشرى
بيقولنا تخيلوا وانتم داخلين الامتحان انكم داخلين امتحان فيزياء الثانوية العامة
ااااااااااه
وما ادراكم ماحالى بعد هذا الامتحان

ملاحظة مهمة للغاية
احنا كده شبكنا فى الامتحانات وهانشتغل متواصل حتى نهاية الترم والعام على ما اعتقد
هانخلص الفيزياء نمتحن نبات وبعدها العيد وهانرجع على امتحان الترم العملى وبعدها امتحانات الترم النظرى
مش كان زمانى بترعرع دلوقتى فى نعيم الفيزياء والاحياء
فييييينك يا ثانويييية يا عااااااامة
هاكمل عياط فى حتة تانية

فى رعاية الله

سبقتينى فى نقل الاخبار دى واضح انك بتحضرى معنا فى ج على طول وبطلتى تحضرى فى أ بس عاوز اقولك ان اللى احنا فيه ارحم بكتير من الثانوية العامة على الاقل فيه حاجات بتتكرر زى الاوبتكس والفيزيكال وشوية حيوان على اورجانيك ,والامتحان على فكرة غالبا مش اوبن بوك, بس برده مش متاكد ,والله اعلم

[Mr.Shadow]

المشاركة الأصلية كتبت بواسطة rorr

هو احنا حنمتحن ميد ترم حيوان بعد العيد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مفيش ميد ترم حيوان مش كفاية امتحان التشريح و لا هو كل شوية

[Mr.Shadow]

يا جماعة انا بجد عايز اعرف هو امتحان الphysics اوبن بوك و لا ايه بالضبط

[Mr.Shadow]

المشكلة انى مش مذاكر اى حاجة على اساس ان الامتحان اوبن بوك و قبل الامتحان بكام يوم يقولوا ان الامتحان مش اوبن بوك