الحملة الكبرى لإسترداد حقوق المدرسين المتعاقدين ( للإيجابيين فقط )

[عامر فاروق]

كل عام وأنتم بخير بمناسبة عيد الفطر المبارك
و عيدنا يوم استرداد حقوقنا

[teacher120]

كل عام وانتم بخير

ان شاء الله بعد العيد نشاط مكثف عشان حقوقنا الضايعه والله حرام ناس بتاخد مكافات واحنا بناخد ملاليم وكمان بيخصموا منهم والخصم على طول لازم صوتنا يوصل ولازم نكون اقوياء ونكون عدد كبير لان لو كنا قله هيستفردوا بينا اما القوه لا تهزم

ربنا معانا والعيد فرصه كويسه ان كل واحد يقابل اصحابه وزملاؤه المتعاقدين ويوعيهم ويحمسهم لحملتنا

والله المستعان

[متعاقد مظلوم]

كل عام وانتم بخير
ويارب يكون عيد سعيد من كل كل النواحي ونسترد حقوقنا المسلوبة
:av4056b b7jp3:

[Observer]

السادة الاساتذة الكرام

كل عام وانتم بخير وعيد فطر مبارك ان شاء الله

وسوف اتبنى الكتابة عن المشكلة بإذن الله

محبتى الدائمة


حسن حامد

كان هذا نص الرسالة التى استلمتها تواً من
الصحفى الكبير / حسن حامد
الكاتب بجريدة المساء
فليس أقل من أن نشكره ونشجعه على الإستمرار
مع تهنئة رقيقة بالعيد
وهذا إيميله
hassan2hkz(at)yahoo.com

[أ/ هشام العيسوى]

كل عام وانتم بخير وصحة وسعادة
وان شاء الله ع العيد القادم تكون مطالبنا تحققت

وطبعا سنشكر الاستاذ الكبير حسن حامد

[ahmed salh]

شكرا للأستاذ حسن حامد

[prof_maher mohamed]

لو كلنا تكاتفنا سوف يتم تحقيق ما نريده

[(هند)]

السلام عليكم
كل عام وانت جميعا بخير
الحمد لله نقدر نقول وصلنا لمرحلة كويسة وان شاء الله مع الوقت الموضوع هينتشر اكتر
بعت الحمد لله رساله شكر للاستاذ حسن وربنا معانا

[Observer]

إستجابة أخرى

من الأستاذ / مدبولى عتمان الصحفى بالجمهورية فى عدد الأمس
حيث تناول مشكلتنا بشكل جيد وطالب وزارة التربية والتعليم ومشيخة الأزهر بثبيت
المتعاقدين ، العمود بعنوان " دائرة الوعى " الصفحة 12 عدد السبت بجريدة الجمهورية
نريد أيضاً تقديم الشكر لهذا الرجل وتشجيعه على الإستمرار
فى إثارة المشكلة فى كتاباته الفترة القادمة
وهذا إيميله
aboalaa54(at)hotmail.com

وكل عام وأنتم بخير

[AHMED TEACH]

كل عام وانتم بخير
تم ارسال رسائل الشكر الي
كل الصحفيين الذين اهتموا بنا

[mohamed abd elnapy]

جزاك الله خير يا استاذ حسن حامد وكل من ساهم فى هذه العمل

[مسيو عاطف]

كل عام وأنتم بخير بمناسبة عيد الفطر المبارك

[مونى عزمى]

كل عام والجميع بخير وياااااااااااااااااااااااااااااااااااااااارب كل واحد فينا العام المقبل يحقق كل أهدافة

[حركة التغير]

هذا الخبر تم نشرة بتاريخ 3-9-2009 مما يؤكد انة لا امل فى التثبيت مطلقا يجب ان نكون واقعين لو ارسلنا مليون فاكس ورسالة فلن يتم الاستجابة لمطالبنا مطلقا لانة حتى الان لا يوجد رد فعل واحد للمؤقتين على مستوى الجمهورية لان موضوع التثبيت لا يهم المدرسين فقط بل جميع الوزارات والجامعات ومؤسسات الدولة كلها بها مؤقتين لذلك يجب ان يكون الموضوع شامل جميع اصحاب العقود اى ما كان مكان عملهم حتى لا نخصص الموضوع يوجد فى وزارة الزراعة الالاف من المؤقتين وكذلك فى البترول والجامعات والتامينات الاجتماعية والمصانع والشركات القايضة ووحدات الحكم المحلى يجب ان يكون التحرك من خلال جميع المؤقتين على مستوى الجمهورية والاتفاق على عمل اضراب شامل وان يكون هناك 450 الف متعاقد على استعداد ان يقفوا وقفة رجل واحد وان نثبت للجميع اننا احياء وليس اموات ويوجد معلومة قانون الوظيفة العامة الجديد والذى سوف يقوم بتحول الوظيفة العامة الى عقود حيتم الموافقة علية فى الدورة الحالية يعنى فى اكتوبر اذا لم يوجد تحرك منا يبقى ضاع مستقبلنا يجب ان نطالب بتثبيت جميع المؤقتين على مستوى الجمهورية وان تكون قضيتنا هى قضية راى عام وان نرسل بشكوى الى منظمة العمل الدولية فاتحاد عمال مصر لا يمثلنا ولا يوجد اى رد فعل رسمى من الاتحاد حتى الان وهما عندهم حق بصراحة لانهم لا يمثلونا فلا يوجد حمرة خجل لدينا كيف نسكت على هذا القانون قانون درويش اللى بيقول لا تثبيت بقالنا سنوات فى الوظيفة وجاى دلوقتى يقول مفيش تثبيت هو لو كان لقى رجالة تقف قدامة او حد يعملة حساب بس للاسف عمالين نقول فى كلام وخلاص احنا كدة شعب بتاع كلام يطلع وينزل على مفيش الفاكسات مش حتعمل ولا حتعمل طالما مفيش تحرك جماعى على قلب رجل واحد وانا عاوز اقول حاجة للناس اللى خايفة ربنا هو اللى بيرزق حتى لو اتفسخ عقدتنا مش مهم المهم نكون رجالة ونعرف الحكومة ووزير التنمية الادارية ان المؤقتين هما مش ناس من الدرجة الثانية او هما خدامين للحكومة لاء المؤقتين هما اللى شغالين واحسن من المثبتين انا بدعو لتكوين جبهة وحركة وانا بالفعل اسعى لتكوين حركة تحت شعار اسمك مكتوب بالرصاص واضم للحركة دى حتى الان 502 فرد يمثلون جميع المؤقتين على مستوى الجمهورية انا بطالب بعمل اضراب عام على مستوى الجمهورية فى وزارة التربية والتعليم والجامعات وكل مكان فية مؤقت والاضراب دة يستمر ولا يتم فض الاضراب الا بعد الحصول على حقنا فى التثبيت انا مستنى رسالة خاصة للاى فرد عاوز يضم لينا لان فى اجتماع فى الدقهلية الاسبوع القادم وحيكون فى الاجتماع دة اختيار اللجنة الاساسبة للحركة للعمل على التنسيق بين جميع المؤقتين على مستوى الجمهورية والاتفاق عن ميعاد محدد للاضراب وحيكون اضراب شامل فى مديربات الزراعة ومصانع المحلة والتامينات الاجتماعية والجامعات وشركات البترول وكل مؤقت فى اى مصنع او مصلحة حكومية يجب ان يشترك معانا مشروع درويش مش ضد المدرسين فقط بل ضد اى مؤقت اننا بشر ولسنا فئات من الدرجة الثانية يا رجال مصر وبناتها انتم عباد اللة مؤمنين باللة ان رب العالمين لن يرضى بان يكون عبدة متخاذل يخشى غيرة يجب ان نتوكل على اللة ان نثبت للانفسنا ان شباب مصر قادر على التغير نثبت لدرويش ولرئيس التنظيم والادارة مصطفى النحاس ان المؤقتين لهم كرامة وكبرياء

[مسيو عاطف]

بالنيابة عن كل زملائى المتعاقدين نشكر كل من ساهم واستجاب لدعوتنا الناجحة بإذن الله من كتاب وصحفيين كبار نحترمهم ونكن لهم كل تقدير وارجو من الله أن يستمروا معنا ويناصرونا حتى نستطيع أن نأخذ حقنا المسلوب ونجدهم خير معين بإذن الله تعالى والله يوفقنا ويوفقهم لما فيه الخير