حملة.. " حجاب المرأة المسلمة " متجدد !!

[,, أَمـــَـة الله ,,]

المشاركة الأصلية كتبت بواسطة الغيورة على الدين

وعليكم السلام ورحمة الله وبركاته


اولا ما شاء الله ولا قوة بالله ربنا يبارك لك يافراشة ياقمر على همتك وسعيك للخير


ثانيا ياقمر انت مش صغيرة ولا حاجة

احنا بنحكم على الصغر والكبر عند البنت بالبلوغ

وطبعا انتِ عارفه يعنى ايه البلوغ

لو انتِ بلغتى ياقمر

يبقى انتِ بتتحاسبي على كل كبيرة وصغيرة دلوقتى ياقمر

بمعنى الفرض لازم يبقى واجب انك تعمليه ((يعنى اذا النقاب فرض فانتِ تحاسبين من وقت بلوغك على عدم لبسه))

فليه ياقمر تأجلى لبسه وانت حبيبتى ميسر لك الامر؟

وطبعا زى ما احنا كلنا عارفين ان اغلب اقوال اهل العلم بتقول ان النقاب فرض

والذي لم يقل فرضيته قال انه مستحب او سنة هذا اذا امنت على نفسها من الفنتة

يعنى تكون فى مكان امنه على نفسها من الفتنة

وطبعا محدش يقدر ينكر اننا فى عصر مملوووووووووووء بالفتن

فاذن كما نعرف هو بكل الاحوال فرض

وعندى شئ آخر حبيبتى

لو افترضنا انه مستحب

ازاى تفوتى على نفسك فرصة انك تعملى شئ ربنا بيحبه
عارفه يعنى ايه مستحب يعنى ربنا بيحب الشئ ده

واكيد كلنا بندور على اى شئ ربنا بيحبه نعمله لعلنا ننول حبه

صحيح ولا لاء؟؟



وبعدين عاوزة اقولك كمان حاجة

انا عندى اخت فى نفس سنك بردة

هى المفترض انها تكون فى تانية ازهرى زيك بس هى حولت من سنة خامسة للازهر

فمأخدتش سنة وهى الوقتى فى تالتة اعداى ازهر


وهى بفضل الله منتقبة من حوالى اكتر من سبع شهور ومستمتعة بالنقاب جداااااا

فانا بدعوكش ياقمر انك بدال ربنا ميسر لك النقاب ووالدك موافق حوالى تقنعيه دلوقتى

وتقوليه ان غايتك المثلى انك تكونى مسلمة صح

وان ربنا يرضى عن والدك لانه تركك تقومى بفرض الله ثم ان ربنا يرضى عنك انتي


وكمان اخر حاجة

فى اخت لمنا كانت مسيحية واسلمت وهى لسه كاتبة ايه الى دخلها الاسلام

بتحكى انه بنت صغيرة فى سنك تقريبا حوالى 14 سنة

مانت راكبة معاها القطر

وكانت منتقبة فسألتها انتى ليه لبسه النقاب

فقالت لها عشان انا مسلمة وده فرض عليه

وفضلت تقولها فضل النقاب وكدة

لغاية ما حبت الاسلام ودخلت فى الاسلام من ايام قليلة

ربنا يثبتها ويثبتك


مسنياكي تبشرينى يا حلوة

ولو عاوزة اى حاجة مش عاوزة تقوليها هنا ياقمر

ابعتيلى رسايل خاصة

وانا هرد عليكِ باذن الله

السلام عليكم
ـــــــــ
أولاً أحب أشكرك جداً جداً على ردك على كلامي
وكلامك الجميل ..
وأبشرك بردو إني كلمت بابا
وقلت له إني عايزة ألبسه دلوقتي
وإنها مش هتفرق لو استنيت للسنه الجايه
.. وشاف في نطرة عينيا إني مصممة أوي ..
فقال لي خلاص
إن شاء الله في خلال الشهر ده هتلبسيه .
. والفضل أولاً لله ثم ليكي حبيبتي
ــــــــ
بــــــــارك الله فيكِ
وجزاكِ كل خير ,,

[moonmaster]

حاضر والله

منغير ما تقولي بدعيلك

[moonmaster]

بقولكم يا جماعة افتحوا الاستطلاع

انتوا قافلينو ليه؟

[انا مسلمه]

ما شاء الله موضوع حلو اوي وقصه جميله اوي

وعاجبني كمان الدعاء لفاطمة

شكرا يا ام عمار

جزاكي الله كل خير

[الغيورة على الدين]

المشايخ قالو ان النقاب فى عصر الفتنة اللى احنا عايشينه ده فرض
وازاى النقاب هيعمل فتنة لما تكون الفتاة مش راسمة عنيها ولابسة كويس
بالاضافة انها مش بتخطلط بالرجال

جزاكِ الله خيرا حبيبتى

وفعلا تنويه جميل ياقمر عن رسم العين وغيرها

ربنا ينجينا من الفتن

[الغيورة على الدين]

بسم الله الرحمن الرحيم
اولا انا احب اقولك صراحة ان انا عمري ما فكرت في النقاب ممكن الخمار او الطرحه الطويله ودول بفكر فيهم كتير
ده غير ان انا مبحطش مكياج اواى حاجه تلفت النظر
كمان انا في حاجات عايزه اغيرها في نفسي الاول زي الغيبه والنميمه وغيرها علشان احس ان انا على قدر المسئوليه
وربنا يكرمك ويوفقك الى ما فيه الخير ورضا الله وادعيلي بالصلاح

اولا منورة الموضوع يا مارسين

بصى حبيبتى انا عوزة اطلب منك طلب

لو نفترض انك دلوقتى لسه داخلة الثانوية

وانتى بتختارى هدفك

مش اول مرة هتقولى انا نفسي فى حقوق

او مثلا هتحلمى انك تجيبى 90%

لو حلمتى انك تجيبى تسعين فى المية يبقى هتنجحى بالعافية

لكن لو حطيتى فى احلامك انك هترتبى على الجمهورية وهتجيبى 100%

لو نزلتى يوم ما تنزلى هتجبى 99% مثلا



وده بالظبط الى انا عوزاكى تعمليه

لما الانسان يحلم انه يغير من نفسه

لازم يطمع لاعلى الدرجات

يعنى مكنش بلبس بنطلون وبضى

واقول هلتزم والبس فيست

الاتين هتخدى عليهم سيئات يبقى التغير ده بلاش منه

وبعدين انا مش بمنعك انك تبدأى بالطرحة الطويلة او كدة



انا كمان بدأت كدة

بس لازم يكون عندك طموح واول ما تحين الفرصة انك تذودى خطوة ذودى


فاهمانى ياقمر؟؟


اما عن موضوع الغيبة والنميمة ده

فايه رأيك نتابعه على الرسايل الخاصة


منتظرة ردك

رزقكِ الله الطهر والعفاف

[الغيورة على الدين]

شكرا على هذا الموضوع الجميل
فعلا العلماء إختلفوا منهم قال فرض فتنة أو لا
ومنهم قال سنة ولكن في زمن الفنتة فرض واراء أخرى
وانا مع الذين بقولوا فرض ده إختياري ورأي

الشكر لله ياقمر انتِ الى جملية بردك

ورأى صائب

قوليلى بأه منتقبة ولا هتبقي؟؟

احَبك الله

[الغيورة على الدين]

السلام عليكم
ـــــــــ
أولاً أحب أشكرك جداً جداً على ردك على كلامي
وكلامك الجميل ..
وأبشرك بردو إني كلمت بابا
وقلت له إني عايزة ألبسه دلوقتي
وإنها مش هتفرق لو استنيت للسنه الجايه
.. وشاف في نطرة عينيا إني مصممة أوي ..
فقال لي خلاص
إن شاء الله في خلال الشهر ده هتلبسيه .
. والفضل أولاً لله ثم ليكي حبيبتي
ــــــــ
بــــــــارك الله فيكِ
وجزاكِ كل خير ,,

وفيكم بورك وخيرا جزاكم يا فراشة

فرحتى قلبى والله


وربنا يبارك فيكِ وفى ولدك


انا مستنياكي تبشرينى اول ما تلبسيه


هعملك حفلة

وهنشر الخبر بين اصحابى على النت وعلى ارض الواقع


وان شاء الله تكوني بنت صالحة قدوة لغيرك ياقمر

[دعاء عصام الدين]

كلامك اثر فياا جاااااااااااااامد

انا قدك فى تانية ثانوى

والنقاب مش بيروح عن بالى بس المشكلة انى فعلا بتقرب من ربنا

وباخد فترة ابعد عن ربنااا معرفش ايه بيحصل والفترة ديه بحس انى مدمرة تماااااااااااااماا

بس انهارده صحيت وقرات قران حسيت انى مرتاحة مع انى بحسن انى فى قمة السعاده وقلبى صللفى وجميل ونفسيتى مرتاحة

لما اقرب من ربنا فى حاجة دايما بتبعدنى عنو الناس الى حوالياا كانى فى حرب بينى وبنهم

مش قادرة استحمل ونفسى ربنا يثبتنى

مرة فتحت ماما فى موضوع النقاب وقولتلها هلبسو فى الجامعة باذن الله


قلتلى البسيه لما تتخطبى بس على مين انا لبست الاسدال والحمد لله وعرفت اقنعها بيه والحمد لله ملتزمة بلبسو مع انى زمايلى وكل الى اشوفه يوقولى لسه بدرى

ليه لبستيه بدرى ده وانا بطنش ومش باخد فى بالى لانى مقتنعة بيه تمااام

انا مش عايزة البس النقاب تدلوقتى ليه خايفة اتبهدل اثناء الامتحانا ت والتفتيش وكده

اعمل ايه بقى ؟؟

[أم عمار قائد الأحرار]

المشاركة الأصلية كتبت بواسطة انا مسلمه

ما شاء الله موضوع حلو اوي وقصه جميله اوي

وعاجبني كمان الدعاء لفاطمة

شكرا يا ام عمار

جزاكي الله كل خير

نورتي يا غاليه


دعواتك

[أم عمار قائد الأحرار]

جزاكم الله خير


واصلح الله حالنا واحوال بنات المسلمين اللهم امييييييييييييييييين


ودعولتكم

[warda2011]

انتى جددتى فيا الامل
بس المشكله اني انا بلبس زي كل البنات اللى بتشوفيهم فى الشارع
وانا من زمااااااااااااااان نفسى اوي اني البس النقاب بس دايما بسمع انه لازم اخد كل حاجه بالتدريج
يعني البس حجاب شرعى بعد كده ازدال بعد كده النقاب بس انا خايفه اخد قرار النقاب ده
وارجع اقلعه تاني عشان انا اصلا مش ملتزمه بس انا شايفه فيه عفه وطهاره

[الغيورة على الدين]

جزاكِ الله خيرا يا ام عمار


قصة رائعة

[الغيورة على الدين]

المشاركة الأصلية كتبت بواسطة دعاء عصام الدين

كلامك اثر فياا جاااااااااااااامد

انا قدك فى تانية ثانوى

والنقاب مش بيروح عن بالى بس المشكلة انى فعلا بتقرب من ربنا

وباخد فترة ابعد عن ربنااا معرفش ايه بيحصل والفترة ديه بحس انى مدمرة تماااااااااااااماا

بس انهارده صحيت وقرات قران حسيت انى مرتاحة مع انى بحسن انى فى قمة السعاده وقلبى صللفى وجميل ونفسيتى مرتاحة

لما اقرب من ربنا فى حاجة دايما بتبعدنى عنو الناس الى حوالياا كانى فى حرب بينى وبنهم

مش قادرة استحمل ونفسى ربنا يثبتنى

مرة فتحت ماما فى موضوع النقاب وقولتلها هلبسو فى الجامعة باذن الله


قلتلى البسيه لما تتخطبى بس على مين انا لبست الاسدال والحمد لله وعرفت اقنعها بيه والحمد لله ملتزمة بلبسو مع انى زمايلى وكل الى اشوفه يوقولى لسه بدرى

ليه لبستيه بدرى ده وانا بطنش ومش باخد فى بالى لانى مقتنعة بيه تمااام

انا مش عايزة البس النقاب تدلوقتى ليه خايفة اتبهدل اثناء الامتحانا ت والتفتيش وكده

اعمل ايه بقى ؟؟

اولا منورة الموضوع يا دعاء

ثبتك الله ياقمر


انا عاوزوة اقولك حاجة حبيبتى

طبيعي جدا انك دايما تفكري فى النقاب

عارفه ليه؟؟

لان كل انسان بالفطرة عاوز يرتقى لمرتبة اجمل واكثر كمالا من المرتبة الى هو فيها

وكلنا حبيبتى بيجيلنا فترات بنبعد فيها وبيجيلنا بعض الفتور

لكن اول حاجة لازم تعمليها انك ياقمر متخليش فترة الفتور دى تطول ادبداُ

وتقضي عليها على طول فاهمة؟



طيب نقضي عليها ازاى؟؟

اولا لازم تنتصري على الشيطان لانه فى الفترة دى بيوسوس لك انك تبعدى وانك عمرك ما هتقدجرى تكونى ملتزمة

فلازم سريعا نتمسك ببعض الحجات الى هتبعده عننا


الدعاء ثم الدعاء ثم الدعاتء

الدعاء الحاجة الى لو انتى مهما بعدتى ياقمر هتحسي بالامان لان ربنا معاكى وسامع دعائك

وكممان بخشوع جميل جدا هيحسسك انك مبعدتيش ولا حاجة

وهتقربى بسرعة جدا



اما بخصوص لما بتقربى الى حوليكى بيبعدوكي فده طبيعى جدا لما تكونى عايشة مع ناس مش ملتزمين
اقصد الاصحاب يعنى

فاول خطوة لما جيت التزام اخت ليه فى الله اسأل الله ان يجزيها خيرا

قالتلى لازم تبعدى عنهم لفترة

مش هنقول يا حبيبتى انك تهجوريهم ولكن

العلاقة تخف جدا

لفترة محمدو

الفترة دى هنعمل فيها ايه؟؟

هنقوى نفسنا

ايمانا يذيد

نقرب من ربنا اكتر

نتعلم حجات اكتر

نعيش احلى حياة فى طاعة الله

نملك القدرة الكافية ان لو حصلنا اى انتكاس نرجع تانى سريعا


يكون لنا حصن منيع ضد الشبهات الى حولينا ومحدش يأثر علينا

نتعلم الدعوة الى الله


بعد ما نتعلم الدعوة الى الله نبدا ندعى الى حولينا عشان يبقو معانا

نكون جروب ملتزمات ونعين بعض على الطاعة

صح؟؟

اما موضوع النقاب

فمحتاج شوية دلع على بابا

وطيبة وطاعة

وثبات منك

وتغير فى المعاملة الى الاحسن

وتثبتلهم بجد انك قد النقاب



وكمان تسمعيهم خطب عن فرض النقاب



ما شى ياقمر

ولو فى اى حاجة عوزاه انا تحت امرك

منتظراكى على طول

[الغيورة على الدين]

ما شى ياقمر

ولو فى اى حاجة عوزاه انا تحت امرك

منتظراكى على طول

كمان اسمعي الدرس ده

ابدأ من جديد

http://www.way2allah.com/modules.php...iles&khid=5997