منطقة شمال سيناء الأزهرية

[ameego3]

الى بوسى كات وسنجر موصلش قرار التعيين بس وصلت كشوفات مكتوب فيها اسماء المعينين وانا معايا الكشف اللى فيه اسمى ومعنديش اسكنر كنت رفعتهولكم

[امانى هانى]

يعنى المدرسين اللى فى الكشوفات دى اتعينوا ولا لسه

[مجدى الشاويش]

المشاركة الأصلية كتبت بواسطة فارس ابو المكارم

موضوع الاسماء رجعت أتقالت في السويس و المنوفية أشتغالة جديدة ولا اه

بالفعل يا أستاذ فارس الأسماء فى السويس رجعت تانى بسبب عدة أخطاء فى المسميات الوظيفية لبعض الناس وخاصتا مدرسى القرآن الكريم وأنا واحد من هؤلاء حيث أن اسمى جاء على وظيفة أخصائى اجتماعى لإنى حاصل على بكالوريوس خدمة اجتماعية مع العلم أنى متعاقد على وظيفة مدرس قرآن من 2006

[امانى هانى]

طب بالنسبه للمدرسين اللى معندهومش اخطاء كدا اتعينوا ولا لسه طب الورق هيتعدل ويرجع تانى يكون فى تعيين ولا برضه لسه

[abdelsalam1983]

يا شباب كلنا عارفين الحقيقة وبنضحك على نفسنا



اولا:مفيش حاجه في الازهر اسمها تثبيت محافظة بمحافظة لان المفروض يكون دفعات يعني 2005 على بعضها وهكذا




ثانيا: في ناس ذهبت لشيخ الازهر في ساحة ال الطيب وقال لهم مفيش تثبيت عشان مفيش فلوس وانا غير مسئول عن اي كلام ليس على لساني




ثالثا: الناس اتصلت بالتنظيم والاداره قالولهم مفيش تثبيت



رابعا: الفاكس الموجود مكتوب فيه منطقة سوهاج وقديم




اخر حاجة:انهم قالو دفعات والدفعه القادمه هي الاسكندرية والدقهلية . فين الي اثبت؟




لذلك ندعوكم الى اعتصام الاربعاء القادم 27/7 من اجل الحصول عاى حقوقنا



والسلام عليكم ورحمة اللهِ

[فارس ابو المكارم]

أخبار المرتبات اه يا أستاذ كريم في مرتبات الشهر ده

[ameego3]

الى امانى هانى الاسماء اللى فى الكشوفات دى الاسماء اللى هتتعين بس لسه موصلهاش جواب التعيين

[ameego3]

الى فارس ابو المكارم انشاء الله المرتب ملوش اى علاقه باللى بيحصل ده وهيتصرف عادى انشاء الله

[ameego3]

الى عبد السلام 1983 عشان اريحك واثبتلك ان فى تعيين محافظات معينه الكشف اللى معايه مكتوب فيه كل واحد اسمو والتعاقد بتاعو كان سنة كام وموجود معايا من2005 الى 2008 وده الكشف اللى موجود معايا بس اللى عرفت اصورو من المنطقه والله اعلم الكشوفات التانيه مكتوب فيها لحد سنة كام يعنى مش نظام دفع زى منتا فاكر
كمان لو زى منتا بتقول مفيش تثبيت محافظات معينه الكشوفات اللى وصلت المنطقه دى ومكتوب عاليها من فوق بالعريض اسماء المعينين ده تسميه ايه مجرد سؤال محتاج اجابه مقنعه؟

[ameego3]

كمان يا استاذ عبد السلام انتا دمك مش احمى منا احنا بتوع تربيه رياضيه ورجاله اوى ونعجبك يعنى لو مثبتوناش متفكرش اننا هنقف نتفرج داحنا هنعتصهم ونبهدل الدنيا ياروح ما بعدك روح وهيا موته ولا اكتر

[ameego3]

امانى هانى:طب بالنسبه للمدرسين اللى معندهومش اخطاء كدا اتعينوا ولا لسه طب الورق هيتعدل ويرجع تانى يكون فى تعيين ولا برضه لسه

اكيد الورق هيتعدل ويرجع تانى واللى معندهمش اخطاء هيستنو الكشف يتعدل لانو مش هينفع يطلع جواب تعين لواحد وزميلو لا يبقى اكيد هيعملو جوابات التعيين كلها مع بعض والله اعلم

[ameego3]

الى استاذ عبد السلام اقرا الخبر ده كويس على فكره ده مش انا اللى كاتبو بايدى ده موقع ممكن تدخل عاليه وتشوف الخبر بنفسك
عاجل •• رصد سيناء •• الاربعاء 6/7/2011 •• pm 06:52
"التنظيم والإدارة "يوافق على ت...ثبيت 631 من العاملين بالأزهر بمنطقة شمال سيناء
قال ياسين الشيخ، رئيس الإدارة المركزية لشئون العاملين والأفراد أن
الجهاز وافق على تثبيت 2679 بمنطقة المنوفية، وعن منطقة شمال سيناء 631
ومنطقة السويس 517، وأنه جار العمل على تثبيت باقى المناطق.وأضاف أن التثبيت
شمل المدرسين المتعاقدين والعاملين بالمناطق وعن الإدارات المركزية بقطاع المعاهد الأزهرية ومجمع البحوث الإسلامية ومشيخة الأزهر تقرر تثبيت 698، موضحا أن الأزهر أرسل ما يقرب من 70 ألفا وأما الأعداد التى تم تثبيتها ما هى إلا بداية.. متوقعًا أن يتم توفير باقى الدرجات لتسكين العاملين عليها خلال وقت قصير.
وأشار رئيس الإدارة المركزية لشئون الأفراد إلى أن الإمام الأكبر الدكتور أحمد الطيب، شيخ الأزهر، مارس ضغوطًَا على جهاز التنظيم والإدارة من أجل الإسراع فى تثبيت العاملين بالأزهر، وذلك من أجل استقرار المؤسسة والحركة التعليمية وبث الطمأنينة لدى العاملين بالأزهر فى الحفاظ على مستقبلهم.مشاهدة المزيد

[ameego3]

وشوف الرابط ده كمان وفسرلى يمكن انا فهمى بطىء
http://www.alazhar.gov.eg/News/News_...?Articleid=636

[فارس ابو المكارم]

طبعا السبت والاحد أجازة ولن يكون هناك اي جديد

[امانى هانى]

طب الكشوف هترجع امتى وهنستلم جوابات التعيين امتى انا خايفه يكون كله كلام وبس