قناة الجزيرة والضلال

[khaledmaro]

اتقي الله يا عم محمد
لو كان الاعلام المصري المضلل يرصد الحقيقة وينقل الصورة واضحة لما كنا تابعنا قنوات مثل الجزيرة
نحن لنا عقول نبحث بين القنوات المختلفة قناة العربية وقناة bbc العربية وقناة الجزيرة وقناة cnn كل القنوات تنقل الحقيقة الا التليفزيون المصري الذي يحاول تضليل المشاهدين بقنواتة الرسمية والخاصة مثل دريم والمحور والحياة لا توجد قناة مصرية تنقل الصورة الا قناة on tv نحن لا يملي علينا احد رأيا نحن نشاهد نحلل ثم نكون رأيا
ثم اننا كمصريون الجميع يصرخ من الفساد المرض الفقر ومشاكل لا حصر لها وعندما تأتينا فرصة لأن يتغير هذا الواقع المرير لا نغتنم هذة الفرصة فأي قوم نحن اذا؟
اذا لم نغتنم هذة الفرصة للحصول علي التغيير والاصلاح فلن تتسني لنا أبدا ويجلس عمر سليمان علي عرش مصر يفعل بنا ما فعل مبارك بل أشد
فاتقوا الله وادعموا هؤلاء الشباب الذين حققوا في عدة أيام قليلة من تنازلات السلطة ما لم يستطيع تحقيقة الفطاحل في جميع المجالات السياسية والحزبية وغيرها
اذا لم نستغل هذة الفرصةفليس فينا خير ونكون كما قال الله عن قوم فرعون فاستخف قومة فأطاعوة
فكر بعقلك بعيدا عن تأثير وسائل الاعلام كلها وستعرف أنك مخطئ

[محمد حسن ضبعون]

[quote=سما100;3074129]

المشاركة الأصلية كتبت بواسطة سما100

انت بردو مش رديت على سؤالى هى قناه الجزيرة جابت حاجة من برة ؟؟ لا والله ماجبتش حاجة من برة بس الى جابتو من منظور واحد واسئلتها تتمركز حول محور واح وهو تفشى الفوضى داخل مصر وحدوث نزاعات عدوانية طيب ماهى عملت كدا ساعة تونس وعملت اكتر من كدا ساعة فلسطين يعنى لو زى ما بتقول انها فى مصلحة تابع اسرائيل لية اذاعت 24 فى 24 ساعة حرب فلسطين وبعدين اسرائيل جزينة جدا عشان حسنى مبارك عشان هو اكبر واهم عميل عندها لو قرأتى مشاركاتى جيدا لعلمتى أن المصالحة بينهم انقطعت بع التدريبات الى تمت على القناة وبعدين الشغب اللى بتتكلم علية دى حاجة مدروسة ومخطط لها من الحكومة والرئيس عارف دا ويمكن هو اللى امر بكدا وامريكا واسرائيل ساعدت فى دا اهى محاولة لحسنى عشان يلزق فى الكرسى ما هو دليلك على هذا المخطط الحيوانى بلاش توهمنى انا بشوف بعينى ومع الشوف شغل مخك وبعدين والله والله كمان انو الحزب الوطنى لما شوية بلطجية وشوية ناس اللى ممكن يبيعو زمتهم عشان 200 جنية سفرهم القاهرة عشان يقومو بالشغب وتفريق المتظاهرين فى منهم هنا فى الصعيد عندنا والله فعلا دا موجود

المشاركة الأصلية كتبت بواسطة سما100

انت لية مش بترد على سؤالى لية مبارك بييجى على الغلبان ويحط ؟؟؟؟؟؟ هو حد قال غير كدة وبعدين كل اللى بيأيد حسنى مبارك دلوقتى بعدين لما يمشى هيظهر بللاوى كتير هترجعو تقول احنا غلطنين

دى أخر مرة افهمك الموضوع أصله فين وليه

[سما100]

دليى هو انسحاب الامن وانسحاب الشرطة دول بياخدو اوامر من مين

دى اخر مرة اناقش موضوع معك عشان انا بتكلم فى حق وانت بتتكلم فى 0000000000


انا مش ارد عليك تانى

سلام

[شيكو 1999]

يا اخى اتقى الله وشوف مصلحة البلد فين انت ترفض الديموقراطية من اجل فرد مستبد.الشعب 40% منه تحت خط الفقر والفرعون سارق 70 مليون دولاااااااار وجاى تقولى الجزيرة يا اخى دور على حق الشعب الاول ولا انت مش حاسس بالناس علشان الدروس الخصوصية الى بتلموا فيها فلوس اولياء الامور

[شيكو 1999]

علشان رأينا مختلف مع رأيك تحذف مشاركتنا ؟
فعلا انتوا مش متعودين علي تقبل الرأي الاخر وعلشان كدة عايزيين حسني مبارك يفضل في السلطة وعايزين يبقي الوضع كما هو علية سيب الاراء مفتوحة
انا فعلا كنت باحترمك يا استاذ محمد بس بعد ما حذفت مشاركات ليس فيها الا وجهه نظر مختلفة اعتقد اني هغير رأي فيك

[محمد حسن ضبعون]

المشاركة الأصلية كتبت بواسطة شيكو 1999

علشان رأينا مختلف مع رأيك تحذف مشاركتنا ؟
فعلا انتوا مش متعودين علي تقبل الرأي الاخر وعلشان كدة عايزيين حسني مبارك يفضل في السلطة وعايزين يبقي الوضع كما هو علية سيب الاراء مفتوحة
انا فعلا كنت باحترمك يا استاذ محمد بس بعد ما حذفت مشاركات ليس فيها الا وجهه نظر مختلفة اعتقد اني هغير رأي فيك

حضرتك ملكش غير مشاركتين فقط ومفيش حاجة اتحذفت لك

[محمد حسن ضبعون]

يد بيد وعقولنا معا وقلوبنا متوحدة
على التغير للأحسن والأفضل
لا للأكاذيب والفبركة بعد اليوم
شعارنا
الصدق والشفافية
الأعتراف بالسلبيات ومعالجتها
تعزيز الصحيح واثابته
وتصحيح الخطأ ورفضه

[hadeen]

البرادعى بيقول للجزيرة ان شعب مصر عايش فى عبودية
وكفاية احنا فى عبودية منذ 30 سنة
احنا مين ؟ انا عايزة اعرف؟
وانت اقحمت نفسك علينا ليه يا بتاع امريكا؟
انت وولادك عايشين فى النمسا وبتتكلم عربى مكسر
مين اللى فقد عقله وممكن ينتخبك او يفكر انك ممكن تكون حاكم للبلد دى؟؟؟؟؟؟؟؟؟؟

[عبدالحميدراضى]

ليه بتاخد مواضيع فرعية وبنسيب الاساس
مين اللى وصل الشباب للى عملوه ده؟
ايه اللى بيخلى شباب مصر يطلع فمراكب غير شرعية وعارف انه ممكن يموت وبردو بيطلع بيفضل الموت على العيش فبلد لم تقدر ادميته
لو القنوات المصرية بتعبر عننا مكنش بئا فى مشكلة لاننا ساعتها مش هنتفرج عالجزيرة وساعتها هتبقا بتكلم نفسها لكن انتو عارفين انهم شغالين بالاوامر واسال فى ذلك محمود سعد بتاع البيت بيتك الذى رفض ان يضلل الجمهور
هوا اللى بيعذب المصريين فاقسام الشرطة الجزيرة
هوا اللى زور الانتخابات قناة الجزيرة
لازم نكون اكثر صراحة ونبتدى نواجه انفسنا ان بلدنا مليانة فساد وان الفساد ده بيمس اكبر المسئولين بمن فيهم الرئيس مبارك
باعتباره مسئول عن كل فرد فى هذا الشعب وسيحاسب عليه يوم القيامة
هذه غضبة المظلومين والمهانين من ابناء هذا الشعب الذى ضاقت بهم السبل ..ولم تعبا بهم الحكومة المصرية
واذا كنت تلوم الجزيرة وانها تريد الخراب وكذا اقول لك المؤيدين للحزب الوطنى عندهم كل القنوات المصرية التى من يوم 25 يناير عتمت على الثورة تعتيم متعمد ومقصود..انا لا اقول ان هناك معارضة دى معارضة مصطنعة..دول المظلومين

[ABOAEA]

لازم نهدا شوية
البرادعى : مش ممكن راجل ترضى عنه أمريكا والامم المتحدة وأوربا يمسك الوكالة الذرية للطاقة الذرية ومن المتسببين للمعلومات الى راحت لأمريكا ومنها ضربو العراق أن يكون مخلصا لمصر مش عايز أشتم الكـــــــــــــــــ ..... دة وعلية أن يرحل هو ومن يؤيدوه من المتواجدون فى ميدان التحرير ويبطلو إستقوية بأمريكا دول عايزين يخربوها
والأخوان : فرصة العمر وتصفية حسابات وانتفام مجنون ورغبة فى إضعاف كل القوى المحيطة بإطالة المدة وشل النظام وكمان الكارثة ُبتوا إنهم حاقدين على البلد ومش وسطيين لأنهم حطو إيديهم فى إدين المطرفين التانيين قاعدة وبقايا الجهاد القديم وغيره
حسبى الله ونعم الوكيل
الثورة بدأت نظيفة وان شاء الله مصر هتقوم أحسن من الاول
ولازم يعطو ضمانات للثوار وفى الميدان
ويطلعوا كفاية كدة
ونفسى نطلع على كل التيارات الموجودة فى الميدان وبيتصلو بمين

[simsim elmasry]

اعتقد ان المشكلة ليست في قناة الجزيرة, في حد زاتها فهذا هو اسلوب الجزيرة طول عمرها ,المشكلة هي في اننا اصبحنا مجتمع ازدواجي بمعني اننا نذيع في اعلامنا الوطني اخبار مفبركة من اجل التهدءه ونهاجم الجزيرة والعربية بدعوي انها تسعى للتهييج ,طيب اللى منع الجزيرة وهاجم العربية ,كان لازم يمنع cnnالتي تذيع من قلب المظاهرات بشكل مباشر وكذلك اليورو نيوز ,bbcالعربيةوالانجليزية,بالاضافة الى france24 دا اليورو نيوز بتذيع بكل لغات اوروبا,على فكرة انا لا اشاهد الجزيرة ولا العربية ولا انا من صفهم لكن انا ضد الازدواجية بل ان شئت تعدد المعايير ,كمان عايز اقول ان اعلامنا محتاج مزيد من الاحترافية المهنية ,مزيد من الاستقلال ,مزيد من الصدق ,فلم يعد اسلوب دفن الرؤس في الرمال حل مناسب, بل يجب ان نعلم مشاكلنا وندرس حلولها ونواجها لماذا ترك المواطن المصري اعلامه وذهب يتسول اعلام الاخريين لا شك انه فقد الثقة فيه ,هذه هي ال مشكلة التي تحتاج الى دراسة وحل

[محمد حسن ضبعون]

المشاركة الأصلية كتبت بواسطة hadeen

البرادعى بيقول للجزيرة ان شعب مصر عايش فى عبودية
وكفاية احنا فى عبودية منذ 30 سنة
احنا مين ؟ انا عايزة اعرف؟
وانت اقحمت نفسك علينا ليه يا بتاع امريكا؟
انت وولادك عايشين فى النمسا وبتتكلم عربى مكسر
مين اللى فقد عقله وممكن ينتخبك او يفكر انك ممكن تكون حاكم للبلد دى؟؟؟؟؟؟؟؟؟؟

يد بيد وعقولنا معا وقلوبنا متوحدة
على التغير للأحسن والأفضل
لا للأكاذيب والفبركة بعد اليوم
شعارنا
الصدق والشفافية
الأعتراف بالسلبيات ومعالجتها
تعزيز الصحيح واثابته
وتصحيح الخطأ ورفضه

[فاتن فتحى]

قناة الجزيرة قناة الشياطين والمخربين والخونة
وكل ما اشوف خبر عليها بحب بلدى اكثر واكثر واللة وبحكم عقلى

[مستر/ عصام الجاويش]

المشاركة الأصلية كتبت بواسطة فاتن فتحى

قناة الجزيرة قناة الشياطين والمخربين والخونة
وكل ما اشوف خبر عليها بحب بلدى اكثر واكثر واللة وبحكم عقلى

هذا ليس اسلوب نقد ليس كل من يخالفك خائن وعميل ربنا اعطانا عقل نميز به بين الصح والغلط ومحدش يقدر يعمل غسيل مخ لاى حد دلوقتى كل الناس فاهمه كل القنوات بتجيب الواقع دلوقتى لانه مايقدرش يكذب عندك يورونيوز وال cnn والقناه الفرنسيه والحره والbbc ومئات القنوات الاخباريه لو حاولت قناه تحجب الحقائق هتظهرها الاخرى ارجو عدم استخدام اسلوب الشتم فان كنا ننتقد غيرنا لانه يشتم من باب اولى الا نفعل ذلك

[ايمان اون لاين]

[معظم القنوات الفضائية الغير عربية تفعل ذلك الى لهذا الحد يكرهون مصر بس ان شاء الله هنقف على رجلينا غصب عن اى حد

والبرادعى لازم يخرج بره البلد لانه مش مصرى وميشرفناش انه مصرى[