ملتقي الزملكاوية

[زملكاوى للأبد]

المشاركة الأصلية كتبت بواسطة bent 3bdo

_ده ف حاله ان احنا كسبنا لو خسرنا بقى هتبقى كملت م كل النواحى و حتى ياعنى م قبل الماتش انا عن نفسى هيبقى عندى حاله اكتئاب ومش هبقى عارفه اتفرج عدل غير ان طول مانا قاعده بتفرج محدش هيرحمنى ف حد يبقى صابح عليه امتحان و يقعد يتفرج ع ماتش و الزمالك مش هينفعك و الكلام الى بسمعه كتير ده (و هو كلام منطقى بصراحه)

أنا الماتشات اللى قبل الامتحانات دى ما بتفرجش عليها فى البيت أساسا علشان خاطر الكلام ده بس أول ما برجع البيت وأول ما أحط المفتاح فى الباب.... الأستاذ كان بره بيتفرج على الماتش وعليه إمتحان بكره وهو جايز يكون كلام منطقى لكن معايا مبعرفش أذاكر والماتش شغال أركز ولا أسمع صوت المعلق اللى شغال بره هههههه

المشاركة الأصلية كتبت بواسطة bent 3bdo

- السنه الى فاتت بردو بس ماكنش عندى ميد تيرم(كانت اياام) كان اخر السنه و كان ماتش الفاينال بتاع الكاس الاهلى و الحرس بس كنت محتاسه حوسه سوده وماتفرجتش ع الماتش شوفت البلنات بس
و ماعرفتش اشمت ف حد تانى يوم علشان كلنا خارجين م الامتحان مصدومين ومتنحين فصعبوا عليا
بس جبت امتياز فيها ومش عارفه ازاى بردو وشكله هيبقى اخر امتياز اشوفه

اللهم كتر من تقديرات كل الزملكاويه

المشاركة الأصلية كتبت بواسطة bent 3bdo

ليه ماتش الاهلى بيتيهقلى الاهلى حاجه وعشرين و الميد تيرم اخر الشهر ده
انا طلع الاسماعيلى اخر يوم وماده منيله ب60 نيله وربنا يستر ف الامتحان و ف الماتش

إحنا معروفين كده فى الجامعه كلها كله يمتحن الميدتيرم وإحنا تجاره إنجلش لسه بنبدأ وماتش الإسماعيلى ده إن شاء الله ضامنين ال3 نقط بتوعه أما إمتحانك بقى........إن شاء الله تضمنى الامتياز بس متبقيش تتفرجى على الماتش وذاكرى أحسن مادام الماده منيله كده ههههه

[زملكاوى للأبد]

المشاركة الأصلية كتبت بواسطة بنت الزمالك

جينا الليله جينااااااااااا والدوري هيبقي لينا لا اهلي ولا اسماعيلي دا الملكي هو نااااااااااااااااااااااديناااااااااااااااااااا

الدورى والكاس والبطوله الإفريقيه ومنستبعدش كاس العالم كمان ههههه

[Bent 3bdo]

المشاركة الأصلية كتبت بواسطة بنت الزمالك

وحششششششششششششششتوني يا زملكاوية اعمل ايه للدراسه دي حاجه خنيقه منعتي بقه ان ادخل كتيررررررررررررررررررر
يا رب كل زملكاوي يكون بخير ومستر مهند ومستر محمد ولولو حبيبتي والعربيه تحفه يا لولو وانا خلاص قبلت الهديه
جينا الليله جينااااااااااا والدوري هيبقي لينا لا اهلي ولا اسماعيلي دا الملكي هو نااااااااااااااااااااااديناااااااااااااااااااا

انتى وحشانى اكتر والله
العربيه
كان نفسى تبقى حاجه اجمد م كده بس انتى اللى اخترتى و انا ماصدقت بقى
الدراسه بقى فربنا يسامحها هدى الشعراوى هى السبب ف اللى حانا فيه دلوقتى
لو الثانويه العاميه مضيقاكى انا ع اتم الاستعداد انى ابدل معاكى

المشاركة الأصلية كتبت بواسطة زملكاوى للأبد

أنا الماتشات اللى قبل الامتحانات دى ما بتفرجش عليها فى البيت أساسا علشان خاطر الكلام ده بس أول ما برجع البيت وأول ما أحط المفتاح فى الباب.... الأستاذ كان بره بيتفرج على الماتش وعليه إمتحان بكره وهو جايز يكون كلام منطقى لكن معايا مبعرفش أذاكر والماتش شغال أركز ولا أسمع صوت المعلق اللى شغال بره هههههه

ليه بتفكرنى بمأساه ان انا بنت؟

ساعه ماتش الفاينال بتاع كاس 2008
كنا ف 2 ثانوى و كان يوم 25_5 فالمفروض دخلنا ف الجد بقى وكده
وانا قاعده قدام التلفزيون م قبل الماتش بقى مستعده و خايفه ومش قادرة ازاكر اى حاجه
ولما الماتش ابتدى اختى الكبيرة كان عليها امتحان تانى يوم وهى اصلا ملهاش ف الكورة اللهم الا ايام الامتحانات بس جات تتفرج معايا
ماما ماسحتملتش المنظر و خدت اخواتى الصغيرين ونزلت و جت بعد الماتش

اللهم كتر من تقديرات كل الزملكاويه

امين يارب

إحنا معروفين كده فى الجامعه كلها كله يمتحن الميدتيرم وإحنا تجاره إنجلش لسه بنبدأ وماتش الإسماعيلى ده إن شاء الله ضامنين ال3 نقط بتوعه أما إمتحانك بقى........إن شاء الله تضمنى الامتياز بس متبقيش تتفرجى على الماتش وذاكرى أحسن مادام الماده منيله كده ههههه

ضامنين ؟؟ نفسى اعرف بجد بتجيب التفاؤل ده منين بس يارب طبعا
امتحانى بقى فالماده دى مش م اللى بيتجى بالمذاكرة صابحتى بتقولى انا مذكراها كويس جدا وفهماها و مش بعرف احل حاجه فانا بقول بلاش اتعب نفسى بقى بدام كده كده مش فارقه
وكده بقى الماتش بعد الامتحان هو هيبقى ف مشكله تانيه ان اصحابى هيبقو عايزين يخرجو وانا مش هفوت الماتش علشان خروجه ياعنى فمش بعيد ي***ونى
و ربنا يستر ف الماتش علشان خبطتين ف الراس توجع و كمان هو يوم خميس ف هنروح عند تيته تانى يوم حيث تجتمع عيله ماما الاهلاويه ومش هخلص م الشماته و هتبقى 3 خبطاتك كده

[Bent 3bdo]

إبراهيم اضاف ان الايام اثبتت صحة وجهة الجهاز الفني في التعاقد مع الحضري من وجود حارسي مرمى في الزمالك متميزين في حالة اصابة وحيد يكون هناك الحضري و في حالة ايقاف الحضري يكون هناك وحيد

ابراهيم حسن يتحدى الملل
ع رأي مصطفى شعبان ف العار إذا كان كده معلش جايبين الحضرى علشان لما يتوقف وحيد يلعب

بعيدا عن الهبل ده

حد شاف حلقه حازم اول امبارح ف هنا القاهره؟
بغض النظر عن انى مشوفتهاش كلها و ان مصطفى يونس المذيع
كانت حلقه تحفه
مراته طلعت حامل ف بنت كان نفسى ف ولى العهد
يلا ربنا يباركله فيهم

[Super Teacher]

المشاركة الأصلية كتبت بواسطة بنت الزمالك

وحششششششششششششششتوني يا زملكاوية اعمل ايه للدراسه دي حاجه خنيقه منعتي بقه ان ادخل كتيررررررررررررررررررر
يا رب كل زملكاوي يكون بخير ومستر مهند ومستر محمد ولولو حبيبتي والعربيه تحفه يا لولو وانا خلاص قبلت الهديه
جينا الليله جينااااااااااا والدوري هيبقي لينا لا اهلي ولا اسماعيلي دا الملكي هو نااااااااااااااااااااااديناااااااااااااااااااا

والله يا ندا انتي كمان وحشتينا اوي اوي . بس هنعمل ايه لازم تذاكري عشان نفرح بمجموع كبير اخر السنة.
ربنا معاكي.

[زملكاوى للأبد]

المشاركة الأصلية كتبت بواسطة Bent 3bdo

ليه بتفكرنى بمأساه ان انا بنت؟

المأساه ههههه مش غريبه عليا الكلمه دى نفس كلمة أختى بالظبط أى حاجه أنا أكتر منها فيها الموال المعروف إيه الظلم ده ولاعلشان أنا بنت وهو ولد وتقعد تكمل الموال وتختتمه بكلمة المأساه أنا طبعا بكون سيبتها من زمان مع ست الحبايب قلبها طيب طبعا ومتزعليش ياحبيبتى بس ميوصلش الحسد للخروج كمان ههههه

المشاركة الأصلية كتبت بواسطة Bent 3bdo

ضامنين ؟؟ نفسى اعرف بجد بتجيب التفاؤل ده منين بس يارب طبعا

لا يأس مع الحياة ولاحياة مع اليأس هههههه التفاؤل ده شىء طبيعى فيا كده كان لسه أول إمبارح عملت إشتراك فى مسابقة شطرنج فى الجامعه وحظى وقع فى واحد من سنه رابعه صاحبى اللى معايا بيقولى دا إنت هتموت من أولها ههههه قولتله متقفلهاش كده قولتله أنا هدخل ألعب أهووو بس تراهنى إنى أكسب الواد ده بيقولى ياعم تكسب مين دا سنه رابعه و قعد يضحك بيقولى يا عم ده مش الأهلى كل ما أسألك تقولى هيخسر بقوله روح إنت بس هات اتنين كانز حلاوة الماتش اللى هغلبه إن شاء الله قالى والله لو غلبته ليك عزومه مش اتنين كانز وفعلا حصل وغلبته بس بعد ما طلع روحى وصاحبى فص ملح وداب ههههه

المشاركة الأصلية كتبت بواسطة Bent 3bdo

امتحانى بقى فالماده دى مش م اللى بيتجى بالمذاكرة صابحتى بتقولى انا مذكراها كويس جدا وفهماها و مش بعرف احل حاجه فانا بقول بلاش اتعب نفسى بقى بدام كده كده مش فارقه
وكده بقى الماتش بعد الامتحان هو هيبقى ف مشكله تانيه ان اصحابى هيبقو عايزين يخرجو وانا مش هفوت الماتش علشان خروجه ياعنى فمش بعيد ي***ونى
و ربنا يستر ف الماتش علشان خبطتين ف الراس توجع و كمان هو يوم خميس ف هنروح عند تيته تانى يوم حيث تجتمع عيله ماما الاهلاويه ومش هخلص م الشماته و هتبقى 3 خبطاتك كده

لا إن شاء الله مفيش ولا خبطه من دول هتحصل الامتحان هيجى بسيط وهنبقى كسبانين الماتش وهنبقى أول الدورى بفرق نقط كمان ومحدش هيقدر يشمت ولايتكلم بس فى خروج أهوو وطبعا بتبقى تركبى الباص إنتى وأصحابك وقوم يا كابتن علشان أختك اللى واقفه ميصحش كده........ مينفعش قومى يا أنسه علشان أخوكى اللى واقف [إيه المأساه دى]

[Bent 3bdo]

فرحانه فرحه مش ممكن ياعنى
لما ابقى اقعد اتانى ان شاء الله ابقى اشوف الكلام
مش هعرف اكتب حاجه م الفرحه

[Super Teacher]

المشاركة الأصلية كتبت بواسطة bent 3bdo

فرحانه فرحه مش ممكن ياعنى
لما ابقى اقعد اتانى ان شاء الله ابقى اشوف الكلام
مش هعرف اكتب حاجه م الفرحه

ربنا يفرحك على طووووووووول يا لولو يا قمر. بس ممكن اعرف ليه؟
ولا اقولك احسن متقوليش خليكي فرحانة كده. ربنا يديمها عليكي فرحة.

[زملكاوى للأبد]

المشاركة الأصلية كتبت بواسطة Bent 3bdo

فرحانه فرحه مش ممكن ياعنى
لما ابقى اقعد اتانى ان شاء الله ابقى اشوف الكلام
مش هعرف اكتب حاجه م الفرحه

دى أكيد فرحة ماتش الاهلى بس لو كانت كده بلاش تشمتى فى الأهلاويه أحسن حالتهم صعبه جدا والله أنا شوفت واحد وصل بيه الحال إنه قعد يعيط بعد الماتش أنا شوفت الموقف ده وقفت فى صمت بس ده مخلنيش برضه أبطل عادتى وأقعد أشمت فى كل الأهلاويه اللى أعرفهم وإنتى لو جربتى تشمتى هتلاقى رد من التلاته

1) إنتى مش مصريه دا شكل الزملكاويه طلعوا جواسيس

2)الأهلى ليه الشرف إنه يلعب فى البطوله شوف الزمالك ده بيلعب فين وساعتها أخش أنا فى تاريخ نادى الزمالك وأقعد أقلس على اللى حصل للأهلى

3)الحكم واللى حصل ده طبعا مع توضيح إن لمسة إيد محمد فضل مكانش قاصده لكن إينراموا كان قاصده والحكم شافها وساعتها أخش أنا تقليس بأغنية العار

[بنت الزمالك]

تترجي فيا تبكي علياااااااااااا وانا جبت الجوووووووووووووول ز يك بادياااااااااااااااااااااااااااااااااا
ازيكوا يا زملكاوية ادعوا بقه ناخد الدوري كدا وانا يا جماعه بجد زعلانه عشان الاهلي ومن يوم الماتش بسمع تترجي فيااااااااااااااااااااااااااااااااااااااا

[Super Teacher]

المشاركة الأصلية كتبت بواسطة بنت الزمالك

تترجي فيا تبكي علياااااااااااا وانا جبت الجوووووووووووووول ز يك بادياااااااااااااااااااااااااااااااااا
ازيكوا يا زملكاوية ادعوا بقه ناخد الدوري كدا وانا يا جماعه بجد زعلانه عشان الاهلي ومن يوم الماتش بسمع تترجي فيااااااااااااااااااااااااااااااااااااااا

( تترجى فيا تبكي عليــــا * انا جبت الجووووووول زيك بأديا )

على فكرة ده شعر موزون ومُقفى

[بنت الزمالك]

المشاركة الأصلية كتبت بواسطة mr. Mohannad

( تترجى فيا تبكي عليــــا * انا جبت الجووووووول زيك بأديا )

على فكرة ده شعر موزون ومُقفى

يا مستر وهو احنا عمرنا قولنا غير الموزون والمقفي
بجد سونج حلوه جدا

[Super Teacher]

يا مستر وهو احنا عمرنا قولنا غير الموزون والمقفي
بجد سونج حلوه جدا

بس معرفش ليه مش ماشيه معانا

[Bent 3bdo]

المشاركة الأصلية كتبت بواسطة زملكاوى للأبد

المأساه ههههه مش غريبه عليا الكلمه دى نفس كلمة أختى بالظبط أى حاجه أنا أكتر منها فيها الموال المعروف إيه الظلم ده ولاعلشان أنا بنت وهو ولد وتقعد تكمل الموال وتختتمه بكلمة المأساه أنا طبعا بكون سيبتها من زمان مع ست الحبايب قلبها طيب طبعا ومتزعليش ياحبيبتى بس ميوصلش الحسد للخروج كمان ههههه

مانت اكيد مطلع عينها قومى اعمليلى شاى قومي سخنيلى الاكل رايحه فين جايه منين و هكذا بقى
انا معنديش اخوات ولاد بس اللى بقرأه واللى اصحابى بيحكهولى
لسه كانت صاحبتى بتقولى ان بلاطى الولاد بتبقى ع طول مكويه ومغسوله اكتر م البنات بقولها اكيد الولاد ماماتهم بتغسلهلم وتكولهم او تجيه لحد م اخواته البنات يكوهوله الدكتور بقى
انما البنات مامتهم هتديهم هدومها تكويها

لا يأس مع الحياة ولاحياة مع اليأس هههههه التفاؤل ده شىء طبيعى فيا كده كان لسه أول إمبارح عملت إشتراك فى مسابقة شطرنج فى الجامعه وحظى وقع فى واحد من سنه رابعه صاحبى اللى معايا بيقولى دا إنت هتموت من أولها ههههه قولتله متقفلهاش كده قولتله أنا هدخل ألعب أهووو بس تراهنى إنى أكسب الواد ده بيقولى ياعم تكسب مين دا سنه رابعه و قعد يضحك بيقولى يا عم ده مش الأهلى كل ما أسألك تقولى هيخسر بقوله روح إنت بس هات اتنين كانز حلاوة الماتش اللى هغلبه إن شاء الله قالى والله لو غلبته ليك عزومه مش اتنين كانز وفعلا حصل وغلبته بس بعد ما طلع روحى وصاحبى فص ملح وداب ههههه

هو التفاؤل حاجه حلوة اكيد ع الاقل الواحد هيزعل مرة واحده بس لما الحاجه الوحشه تحصل
لما يتشائم هيبقى متأكد قبلها علشان متوقع انها هتحصل و هيزعل لما تحصل فمش هيفرح خالص
عقبالى يارب اما اتفائل
صحيح مبروك

لا إن شاء الله مفيش ولا خبطه من دول هتحصل الامتحان هيجى بسيط وهنبقى كسبانين الماتش وهنبقى أول الدورى بفرق نقط كمان ومحدش هيقدر يشمت ولايتكلم بس فى خروج أهوو

_ان شاء الله ربنا يجيب العواقب سليمه
_ الخروج
اولا دى ماتعتبرش خروجه
ثانيا
طبيعى ان اول سبب يخلى البنات الطبيعيه تحقد ع الولاد هى انهما بيخرجوا براحتهم
بس انا ده اخر سبب
ممكن اقعد ف البيت شهرين تلاته م غير ما ازهق
هما بيتحايلو عليا علشان اخرج

وطبعا بتبقى تركبى الباص إنتى وأصحابك وقوم يا كابتن علشان أختك اللى واقفه ميصحش كده........ مينفعش قومى يا أنسه علشان أخوكى اللى واقف [إيه المأساه دى]

مافيش جنتله خالص
ع فكرة ده اللى المفروض يحصل فعلا
بتبقى حاجه مستفزة ف المترو راكبين عربيه السيدات وكمان قاعدبن واحنا اللى واقفين
احد اسباب ان مابحبش الخروج حوار المواصلات ده
كنا خارحين امبارح لاقيت العربيه مش راضيه تدور قولتلهم لو ماشتغلتش انا هطلع

المشاركة الأصلية كتبت بواسطة mr. mohannad

ربنا يفرحك على طووووووووول يا لولو يا قمر. بس ممكن اعرف ليه؟
ولا اقولك احسن متقوليش خليكي فرحانة كده. ربنا يديمها عليكي فرحة.

امين يارب
اكيد كان علشان الاهلى طبعا
ده انا كان ممكن يجرالى حاجه م الفرحه
ربنا رازقنى بكميه هبل ياعنى بس الحمد لله

المشاركة الأصلية كتبت بواسطة زملكاوى للأبد

دى أكيد فرحة ماتش الاهلى بس لو كانت كده بلاش تشمتى فى الأهلاويه أحسن حالتهم صعبه جدا والله أنا شوفت واحد وصل بيه الحال إنه قعد يعيط بعد الماتش أنا شوفت الموقف ده وقفت فى صمت بس ده مخلنيش برضه أبطل عادتى وأقعد أشمت فى كل الأهلاويه اللى أعرفهم وإنتى لو جربتى تشمتى هتلاقى رد من التلاته

12)الأهلى ليه الشرف إنه يلعب فى البطوله شوف الزمالك ده بيلعب فين وساعتها أخش أنا فى تاريخ نادى الزمالك وأقعد أقلس على اللى حصل للأهلى

3)الحكم واللى حصل ده طبعا مع توضيح إن لمسة إيد محمد فضل مكانش قاصده لكن إينراموا كان قاصده والحكم شافها وساعتها أخش أنا تقليس بأغنية العار

اكيد اه
الشماته بقى

صلا كنت نسيت عقبال ماصحيت مافتكرتش الا لما لاقيتهم بيتكلمو عليه
وقلبى الطيب مخلنيش اشمت ف حد اللهم الا كام واحده بس
بس هما اللى بدؤ يوم الماتش ف الكليه كل ماحد يشوفنى هنكسب هاه هنكسب
ماعرفش انا مالى اصلا ولا اتكلمت مع حد ف الماتش و لا حتى قوتلهلهم انى عايزاهم يتغلبوا ولا حاجه
فلما شوفتهم بقى قولتلهم كسبتو هاه و بردو مسكو ف الجول اللى ف الايد
يلا الجايات اكتر م الريحات ولو انى عارفه انى مش هشمت فيهم بردو

) إنتى مش مصريه دا شكل الزملكاويه طلعوا جواسيس

ان كان بابا الزملكاوي بيقولى كده فعادى ياعنى لما تيحى منهم بس عادى ولا يهزنى

المشاركة الأصلية كتبت بواسطة بنت الزمالك

تترجي فيا تبكي علياااااااااااا وانا جبت الجوووووووووووووول ز يك بادياااااااااااااااااااااااااااااااااا
ازيكوا يا زملكاوية ادعوا بقه ناخد الدوري كدا وانا يا جماعه بجد زعلانه عشان الاهلي ومن يوم الماتش بسمع تترجي فيااااااااااااااااااااااااااااااااااااااا

انتى كنتى مبسوطه ولا زعلانه بالظبط؟

[Bent 3bdo]

بعيدا عن اخبار الاسبوع ده اللى زى الزفت زى اللى قبله و اللاعيبه اللى محبوسه و شكلنا هنلعب بالناشئين كده

تادر جدا جددا جدا ما تحصل مصيبه للاهلى ونفرح فيه و نكسب بعدها لازم تحصلنا مصيبه احنا كمان
ربنا يستر