مناقشات تدور بين طلبة علمي

[ningooooo]

المشاركة الأصلية كتبت بواسطة كونان العرب

لا طبعا مش غلطت .. خير ما عملت
الغش عمره ما هيتمحي من الوجود و اللي عايز يغش براحته و خليه يدخل الكلية اللي عايزاها مش من عرقه وتعبه و لو عنده ضمير اكيد هيشعر بتأنيب الضمير طول عمره و بعدين ممكن يدخل كلية بعد كده ويبقي فاشل زي ما هو الحال دلوقت اللي غش و دخل ثانوي و هوا لا يفقه اي شئ ! وكمان سمعت والله اعلم ان رزقه بعد كده يبقي حرام ..
انا برضه كان عندي غش في اللجنة بتاعتي و طبعا مش غشيت و لا غششت حد
مفروض كل واحد ياخد علي قد تعبه .. انا بحب اللجان الصعبة جدااااااا حتي الواحد يعرف يركز في الحل
في رأيي لو ركزت و حليت هتحقق احسن ما تغش و مش تبقي مركز بتكتب اي حاجة وخلاااااااص !!
ده غير الناس اللي بتغشش غلط وكده ..
واكيد بتنرفز لما حد يغش و يجيب اعلي مني بس خلاص خليه يفرح في الدنيا و في الاخره بقي ينال جزاءه
اكيد يعني الدنيا مش تساوي حاجة بالنسبة للاخره
بس طبعا مش عايز اظلم حد .. لان اكيد مش كل اللي جاب مجموع جابه بالغش .. الناس بتتعب و بتذاكر و ربنا بيوفقها بدون و لا كلمه غشها و في الاخر يقولوا اكيد غش حرام برضه يعني !!

أه والله انا كنت راجع من امتحان الجبر مضايق علي الرغم من ان ربنا الحمد لله كرمني بس عشان علي الرغم من إن الامتحان كان سهل لكن كان في غش و باين كده ان الامتحان ده مصرح فيه بالغش علي مستوي الجمهورية بس احنا مكناش نعرف
و طبعا مش كل الي جايبين مجاميع عالية كانوا بيغشوا ده اكيد تعب و عرق مش بالساهل و عشان كدة ربنا كرمهم و ربنا يحميهم

[كونان العرب]

المشاركة الأصلية كتبت بواسطة ningooooo

أه والله انا كنت راجع من امتحان الجبر مضايق علي الرغم من ان ربنا الحمد لله كرمني بس عشان علي الرغم من إن الامتحان كان سهل لكن كان في غش و باين كده ان الامتحان ده مصرح فيه بالغش علي مستوي الجمهورية بس احنا مكناش نعرف
و طبعا مش كل الي جايبين مجاميع عالية كانوا بيغشوا ده اكيد تعب و عرق مش بالساهل و عشان كدة ربنا كرمهم و ربنا يحميهم

هههههههههههههه ^^

يلا ربنا يكرم الجميع و كل واحد هياخد نصيبه

[Bent 3bdo]

ابقوا شوفوا الموضوع ده يا شباب
http://www.thanwya.com/vb/showthread.php?t=227256
هتلاقو ناس نخلصه ثانويه عامه راده ع اسئله انتو عايزنها
ربنا معاكو يارب

[fantazia22]

السلام عليكم ازيكم يا شباب

انا مرحلة اولى وجبت الحمدلله 98.5 وهكمل علمى علوم وربنا يستر فى تالتة ياااارب ( نقصاهم فى الفرنساوى هههههههههههه غبية )

بالنسبة للمادة الادبية فعشان انا متعقدة من دفعة 2007 او 2008 مش فاكرة والله المهم ان الاحصاء خسفت بناس كتير اوى الارض وكانوا بينقصوا بال 3 درجات واكتر

ومنهم 5 اعرفهم لولا ان ربنا وفقهم فى المواد التانية وخصوصا الفيزيا اللى كانت جاية نار سنتها كانوا ملحقوش طب اللى همة فيها دلوقتى

خلاصة الكلام 90% ان شاء الله انا هاخد علم نفس


وربنا يستر


طب سؤال ... بالنسبة للمستوى الرفيع .. انتوا ناويين ع ايه ؟؟؟

[الدكتورة اسراء مصطفى]

السلام عليكم انا اختكم فى الله انا لسة رايحة تانية ثانوى اتمنى ان تغيدونا بنصايحكم بما انكم خضتوا هذه المرحلة قبلنا انا فى انتظار الرد واسال الله ان يوفقنا جميعا وان يثبتنا على هذا الدين ادعو لى

[الدكتورة اسراء مصطفى]

السلام عليكم يا شباب الهمة ات شا الله ربنا يوفقنا جميعا انا اختكم فى الله رايحة تانية ثانوى السنة دى ارجو من كل من يقرا هذه الرسالة ان يفيدنا بحكم تجربته ولو بكلمة مستنية الرد

[الدكتورة اسراء مصطفى]

المشاركة الأصلية كتبت بواسطة هند شريبة

بصي يا قمر اهم حاجة طاعة ربنا اولا والدعاء
خلي كل اللي حواليكي يدعولك
وماتخافيش ولا حاجة
لازم تهدي نفسك
لان اهم حاجة التركيز والهدوء
وذاكري اول باول<<مش كنت بعملها اوي هههههههه>>
وحلي في الانجلش والرياضة والفرنساوي كتيرررررررر خالص لان الحل اهم حاجة
والعربي احفظي وحلي مع مدرسك
بس لازم النحو والبلاغة تحلي فيهم كتير والادب راجعيه داااااااايما

قوليلي بقا انتي كميا و لا احياء ولا ادبي

والله شكرا على هذه النصيحة الغالية بجد ريحتينى وانا علمى علوم ان شاء الله وهاخد كيمياء فى تانية واحياء فى تالتة

[الدكتورة اسراء مصطفى]

المشاركة الأصلية كتبت بواسطة أحمد الزنارى

اتعلمى مننا بدل ما تبقى زينا و عشان تبقى دكتورة زى ما مكتوب فى اسمك
هقولك السر
ممكن تضحكى علية لانك سمعتية كتير جدا و مقولة قديمة جدا لكن اقسم بالله هذا هو السر و لو طبقتية هتبقى دكتورة فعلا و تعدى 98 ان شاء الله
لا تؤجل عمل اليوم الى الغد
هو دة السر نفذى الجملة دى بس و اضمنلك تحققى اللى عايزاة
شوية نصايح عالماشى كدة
غلطات وقعت فيها و بحذرك منها
حسن اختيار المدرس و المجموعة اللى هتاخدى فيها درس و متتكسفيش انك تطلبى من المدرس نقلك لمجموعة اشطر او حتى تسيبى المدرس لو كان وحش
ما تسمعيش لصحابك اللى بيقوللك مابنذاكرش و خليكى فى نفسك و بس

شكرا واتمنى ان يوفقك الله فى ايامك اللى جاية

[the sky]

كل الناس نصحتنى بعلم النفس
لان الاحصاء بتيجى دلوقتى صعبة
جدا كعادة امتحانات الرياضة

[كاريمان]

بصراحه انا فى راى اقتصاد واحصا ء افضل
لان الاحصاء تافه جدا وانا معايا كتاب ليها وبذاكرها لوحدى دلوقتى وانا مقتنعه ان مفيش حاجه صعبه على اللى بيذاكر وادى السنه دى فى ناس كتير قالو ان الرياض جت صعبه ومع ذلك ناس كتيرة قفلتها وهم ميش عباقرة ولا حاجه
والاقتصاد حفظ قليل وكلامه محدد بمعنى انت يا اما مذاكر فهاتخد الدرجه كامله او ميش مذاكر فهتنقص يعنى هيبقى العيب منك وانت اللى مقصر

اما بالنسبه لى علم النفس بحس انها مادة عايمه حسب المصحح عامله بالظبط زى التعبير فى العربى ممكن تكتب الاجابه صح ومتعجبش المدرس فينقصك
فبحس ان بيحصل فيها ظلم كبير زى درجات التعبير بالظبط تلاقى واحد ناقص درجه والتانى ناقص درجتين مع ان ممكن جدا يكونوا كتبين نفس الافكار وباسلوب متشابه بس كل مدرس وتذوقه للى مكتوب
ودا بقى اللى بيقهر الواحد انك تبقى كاتب صح بس باسلوبك واسلوبك معجبش المدرس

[ArabianPDA]

المشاركة الأصلية كتبت بواسطة كونان العرب

بجد الكلام ده بيحصل !! يعني زي الفلسفة كده ولا ايه ؟

ياكونان انا جبت فى الفلسفه فى اولى 20 من 20
وكل المدرسه محدش عدى ال18
مع ان كل اجاباتى كانت تأليف
فشايف ان علم النفس احسن
وانا عملت كشف الدرجات لثالثه السنادى لقيت ناس
جايبه حاجه و70 وجايبه علم نفس 49.5
و50

[ريم قدرى]

انا بقول ان علم النفس سهلة عشان ممكن اقول اىحاجة وهاتبقى صح وانا عن نفسى داخلة احياء وجايبة 94.8
يس عادى ان شاء الله هااجيب صيدلة بس ادعولى ومحدش لية دعوة باصحابة كل واحد يشوف نفسة ويثق ف نفسة وان شاء الله هيلاقى التوفيق