استفسار(موضوعى تجميع ضع استفسارك وتجيب عنه الادارة إن شاء الله )

[Mr. Medhat Salah]

خدمات تنسيق الشهادات المعادلة (ينتهي التسجيل مساء يوم الثلاثاء - 31 اغسطس)

قال عبدالحميد سلامة، وكيل أول وزارة التعليم العالى، المشرف العام على التنسيق: تحت إشراف الدكتور هانى هلال، وزير التعليم العالى، «إن موقع التنسيق سيستمر فى تلقى تسجيل وتعديل رغبات الطلاب الحاصلين على الشهادات المعادلة العربية والأجنبية حتى السابعة من مساء الثلاثاء».
وأكد سلامة أنه سيتم إعلان نتائج ترشيحات طلاب الشهادات المعادلة للكليات والمعاهد نهاية الأسبوع الجارى، مشيرا إلى أنه سيتم إبلاغ الطالب بترشيحه فور إعلانها رسميا، وذلك إما عن طريق البريد الإلكترونى، أو عن طريق خدمة الرسائل القصيرة على التليفون المحمول، أو عن طريق الموقع نفسه، على أن تتم طباعة بطاقة الترشيح من الموقع لإخطار الكلية المرشح لها الطالب.



و ده الرابط للعايز يتأكد من الموضوع :
http://www.almasryalyoum.com/node/74227

[emansule]

ممكن اعرف نظام الجامعات الخاصه هل تهم النسبه في الدخول لاي كليه كالطب وكليات القمه ام لا ؟

[waeel_abd2000]

اشكركم على اهتمامكم

[ايه كمال]

المشاركة الأصلية كتبت بواسطة emansule

ممكن اعرف نظام الجامعات الخاصه هل تهم النسبه في الدخول لاي كليه كالطب وكليات القمه ام لا ؟

اكيد طبعا بيهتموا بذلك ولكن ليس كالجامعات العادية
اهلا بحضرتك

[M.Sami]

أنا عندي استفسا ويريت تجاوبوني علشان أنا خلاص حنفجر ..

ليه التنسيق السنادي عالي جدا بالنسبة لطلاب شهادات المعادلة .. أنا كنت بدرس في الإمارات ..

هل ده اعتقادء منهم إن مناهج الثانوية العامة في الإمارات سهلة ..؟؟ أولا المناهج في الإمارات هي مناهج بريطانية وكندية .. ومترجمة إلى اللغة العربية .. أنا بتكلم عن القسم العلمي .. مواد صعبة.. حتى المناهج دي حيغيروها .. وحيخلو كل حاجة بالإنجليزي والأمر ده بدأ من السنة الي فاتت .. تخيلوا إن طالب في تالتة إعدادي بيدرس كيمياء نووية .. ومش بالعربي كمان .... ولو حتلكم حتصدموا أكتر .. أنا بتكلم عن مدارس حكومة مش مدارس خاصة ..

والإمتحانات بتيجي من أفكار وتشغيل مخ .... مش من حفظ وتلقين زي مصر ..!!!

أنا صحابي السنة اللي فاتت واللي قبلها جابو نسب أقل مني ودخلو هندسة .. وأنا دلوقتي أدخل علوم / رياضة .. ( الحمد الله على كل حال .. ) ،

وفي سؤال تاني ويريت تجاوبوني عليه .. إيه الفرق ما بين كلية علوم وكلية علوم / رياضة .. ؟

أرجوكم تجاوبوني في أسرع وقت ..

تحياتي محمد

[Agent-47]

انا في اعتقادي و الله اعمل بس انا متأكد يعني
سبب ارتفاع تنسيق الشهادات المعادلة و خاصة هذه السنة هو تدخل الجامعات الخاصة في هذا التنسيقحيث ان هذه السنة هي سنة الفراغ و معنى ذلك أعداد الطلبة قليلة جدا و بالتالي يكون نسبة قبول الطلبة للجامعات الخاصة شبه منعدمة إلا الذين فاقدوا الامل من الاصل ، و طبعا الطالب حامل الشاهدة المعادلة يكون ( ابن البطة السودة ) - ده لو فهمتوا قصدي - لذلك فهم الفرصة الوحيدة للجامعات الخاصة و طبعا الكل عارف نظرة داخل مصر تجاه المصري القادم من الخارج

لذها السبب ارتفعت نسب المعادلة ، يعني انا جايب 96.88 و جالي تخطيط عمراني و انا مش محصل هندسه ، اما السنة اللي فاتت كان واحد معانا في المدرسة خلص ثانوي و جاب 96 و دخل هندسة ، بس هنقول إيه و لا نعمل كل اللي نقدر نقوله

حســبي الــــله و نـــعـــم الــوكــيــل

[عهد الطفولة]

ما السن القانوني للتقديم للصف الاول الابتدائي في السفارة أرجو الرد منكم سريعا

[ابو حميد2010]

السلام عليكم
هناك خبر بانه يمكن التقدم لامتحان الصف الاول والثاني الابتدائي لامتحانات ابنائنا بالخارج . ارجوكم افيدونا بسرعه لاننا بالمملكه العربيه السعوديه ونريد ان نتاكد من ذلك وارجو مراسلتي علي ايميلي
وشكرا وجزاكم الله خيرا

[ahmed234]

السلام عليكم

انا دلوقتي اخدت 2 ثانوي في مصر

ولكن لظروف خارجة عن ارادتي نقلت للعيش في مملكة البحرين
وداخل 3 ثانوي فدلوقتي لما حاجي ارجع مصر تاني حيكون ايه موقفي وحمشي بأي
تنسيق مصر ولا والوافدين وحيتم حساب مجموعي علي 2 و3 ثانوي
ولا 3 ثانوي بس من البحرين يا ريت تساعدوني في اقرب وقت

[الأستاذة أم شاهندة]

ستحاسب إن شاء الله كالشهادات المعادلة من البحرين
لأن إتمام الشهادة الثانوية كان من هناك

بالتوفيق

[ahmed234]

شكرا حضرتك علي الرد
يعني انا ان شاء احاسب علي 3 ثانوي بس الي اخذتها من البحرين

علشان مصر تنسيقها بياخد 2 و3 ثانوي يعني مش حيتم حساب 2 ثانوي من مصر ياريت حضرتك تردي
عليا وياريت لو ممكن اخد رقم تليفون حضرتك علشان استفسر منك لو مفهاش تعب

[Mr. Medhat Salah]

هذه حالات للطلاب المغتربين يتم المحاسبه علي السنه النهائيه من الدول الخارجية يعني الصف الثالث فقط مع معادله الشهاده

بعد ذلك حيث ان التسيق مختلف بالنسبه لطلاب المغتربين

[Criativo]

بسم الله الرحمن الرحيم

السلام عليكم ورحمة الله

انا طالب بدرس في السعودية حالياً اولى ثانوي

محتار اكمل الثانوية العامة هنا ولا ارجع مصر عشان الأوضاع هنا معقدة لأنه مع اختبار المدرسة في اختبار قدرات والسنة

الجاية اختبار تحصيلي كمان وكل ده مع بعضه صعب وبيقلل المجموع جامد

لكن رغم كدة خايف برضو لأن انا درست هنا من اولى ابتدائي ومش عارف اي حاجة عن نظام الدراسة والاختبارات في مصر

فالأحسن اني اكمل هنا ولا ارجع مصر؟

وياريت حد يديني فكرة عامة عن الدراسة في مصر ونظام الاختبارات وايه المواد الي بتدرسوها في القسم العلمي؟

والسلام عليكم ورحمة الله

[prof55]

اعتقد تكمل هنا افضل
يوجد من يساعدك فى اختبار القدرات وتدريب وكتب وسى دى

[.omar m]

عاوز اعرف ايه هيا المواد المطلوبة والمواد الغير مطلوبة في ثانوي طبيعي في السعودية