هـنـا نـرد عـلـى إسـتـفـسـارات حـضـراتـكـم ؟

[معالى الع ـيل]

السلام عليكم
كل سنه و انتو طيببين رمضان كريم

4انا داخل تالته ثانوى و جبت فى تانيه 96.8% و طبعا انتو عارفين ان المشكله الكبيره اللى بتواجهنا هى انك تحدد علمى علوم و لا رياضه
انا بحب هندسه جدااا بس عايز ادخل هندسه طيران و انا عارف انها فى القاهره
اسئلتى لحضراتكم:
1- انا اقدر اغير الاقامه من محافظتى لمحافظه الجيزه بسهوله ! هل دا ممكن يساعد فى انى ادخل جامعه القاهره؟! و لا افضل فى محافظتى و اوفر على نفسى؟!
2- اسمع ان فى كورس لازم تاخده بعد التخرج من هندسه طيران اسمه (البيزك) دا ايه ظروفه و سعره كام؟!
اسمع ان سعه 36000 لف جنيه مصرى ايه رأيكم فى الكلام دا؟
3- ناس بتقول انك لما تترخج 90% مش هتلاقى شغل ايه رأيكم فى الموضوع دا يعنى المجال دا مطلوب فى مصر و لا نايم؟؟
4- هو فعلا اقدر اشتغل فى ممجال هندسه طيران و اانا متخرج من هندسه ميكانيكا؟!
آآسف ع الاطاله يا بشمهندسين !

[Smoky]

انا جبت 91.5 %
عايزة اعرف الاقسام الموجودة فى
هندسة خاصة الشروق
هندسة خاصة العاشر
هندسة خاصة 6 اكتوبر
ومجموعهم
وضروووورى بسرعة لوسمحت

[issac-newton]

Barcamessi10 في بعض المناطق الي بتشارك جامعة القاهرة رغبة أولى , ممكن ما ينفعش التحويل منها , فا الأمر محتاج مراجعة لائحة كلية الهندسة .

معالى الع ـيل
1 - اه تقدر و دا ممكن يفيدك في التحويل لهندسة القاهرة من سنة الإعدادي , و لو مش عاوز عادي ممكن تحول من سنة أولى لقسم طيران بشرط تجيب جيد جدا فيما فوق

2 - & 3 -
http://www.thanwya.com/vb/showthread.php?t=441925
حمل الكتاب دا , فيه معلومات عن أقسام هندسة القاهرة .
و بالنسبة لقسم ميكانيكا اه تقدر بس هتحتاج تعمل دراسات في قسم طيران

[محمدانجينير]

انا بجد يا جماعة خايف جدا الدراسة والكتب بالانجليزي اعمل ايه اي حد يساعدني انا رايح اعدادي هندسة

[issac-newton]

اللغة ليس عقبة في دراسة الهندسة و هتتعود ما تقلقش ,

[arooo]

بسم الله الرحمن الرحيم
لو سمحتوا انا من المنوفيه وجايب الحمد لله 97.5 وانا علمى رياضة
فى التنسيق بيقولوا لازم تختار الكليه الاقرب ليك الاول
وانا جايب اعلى من درجة الكلية القريبة منى ومن الكلية اللى انا عايز ادخلها
انا عايز ادخل القاهرة او عين شمس واقرب حاجة ليا شبين الكوم وفى التنسيق لازم اكتب شبين رغبة اولى وكده هيقبلونى لان مجموعى اكبر منها على حسب تنسيق السنة اللى فاتت وانا عايز ادخل القاهرة او عين شمس احول ازاى ؟. انا مش عايز احضر سنة اولى فى شبين اصلا
ارجوكم الافادة.
وبخصوص القاهرة وعين شمس مين فيهم احسن خاصة قسم الكترونيات او ميكاترونيكس او ميكانيكا ؟

[issac-newton]

تم الرد في رسالة خاصة

[mhooo12]

معلش انا استفسارى خارج هذا الموضوع انا جبت فى تانية ثانوى 96.56%فهل اخذ رياضة 2 ولا احياء فى ثالثة وايهما افضل من حيث الوظيفة الهندسة ام الطب

[elshaba7 elmasry]

يا جماعه فى رايكم انهى افضل؟؟؟


هندسه قسم ميكانيكا ولا حاسبات ومعلومات

بالنسبه للدراسه و سوق العمل والمميزات وكدا

[issac-newton]

mhooo12 : -
الأمر راجع إليك و يتوقف على ميولك , الصراع على من الأفضل الطبيب او المهندس , ملوش اي لازمة لأن دا مجال و دا مجال مختلف , و ما ينفعش تسأل مهندس لعله يكون متعصب للهندسة و كذلك مع الطبيب , شوف ميولك , مش اكتر

elshaba7 elmasry
http://www.thanwya.com/vb/showthread.php?t=441925

[Mohamed Nada*]

الناس بتحبطني كتير عشان ماكملش رياضة 2 في سنة تالته ثانوي
بتقولي الهندسة مش هتلاقي شغل الا بصعوبة وكمان هيكون خاص
لان الحكومة مش بتعين وده فعلا كلام صحيح
وانا مش عارف اعمل ايه !!!

[mohamed_99_salah]

أنا عندى سؤال >>>>>>>>

أنا عايز أعرف ( هل الجامعات الخاصة ( مش المعاهد الخاصة ) بتاخد خريج المعاهد الفنية نظام السنتين ... ولو بتاخد أية هو متوسط المجموع ألى بتاخد منة ... ولو فى جامعات بتاخد أية هى الجامعات دى ... )


ملحوظة ...

أنا معايا ثانوية عامة 2012 >>>> وعايز أدخل معهد فنى صناعى وبعديه جامعة خاصة ... فهل من الممكن هذا . وأية هى نصيحتك ليا .

[KimoDX]

عندى سؤال بسيط ،،
انا لسة طالع 3ث و جبت السنة دى 97% الحمد لله و يارب اكمل السنة الجاية و اخش هندسة ،،
استفسارى دلوقتى بخصوص لغة التدريس بالهندسة لانى مدارس لغات و متعود على الرياضيات و المعادلات و كل حاجة بالانجليزى فلو بالعربى دى حاسسها هتبقى مشكلة كبيرة ليا ،، فانا سمعت انه فيه كليات كدة و كليات كدة فياريت بس اعرف الانجليزى فين ؟؟ و بالنسبة للقاهرة و عين شمس كل واحدة منهم ايه ؟
شكرا

[issac-newton]

MHMDNADA : - كلام مش صحيح طبعا , مفيش حاجة اسمها المهندسين بيلاقوا شغل بصعوبة , يعني من الآخر و انا ما بحبش اكون متعصب لحاجة معينة , بس البلد من غير مهندسين ما تبقاش بلد , تبقا قهوة

mohamed_99_salah : - لا معلومة لكن نصيحتي انك تدخل بعد معهد فني صناعي كلية هندسة حكومي

KimoDX : - في معظم الكليات الدراسة بالإنجليزي , في مثلا هندسة القاهرة اول سنة بس عربي , بس المعادلات و كدا انجليزي , مفيش س و لا ص , كله x و y

[barsoomhanna]

ياريت ترد هلي ايتفساري في الموضوع دة ً http://www.thanwya.com/vb/showthread.php?t=445275 هوا بخصوص هل لما اتقدم لعمل الكلية اللي متخرج منها تفرق ولا التقدير بس هوا اللي بيفرق