أدخل هنا وقول الوصفة إل إنت عايزها!!!!!

[رحييق]

المشاركة الأصلية كتبت بواسطة miss aml

انا احب ان اشترك معاكم
لاننى لسة بتعلم الطبيخ ولسة مبقتشى طباخة بريمو
كنت عايزة اعرف لية لم يتحدث احد عن الحلو
انا عايزة حد يقولى طريقة الكيكة الهشة
ويكون مجربها
وشكرا لكم

الكيكة الهشة (الاسفنجية) لعمل الجاتوه
(مجرباها)
المقادير:
10 بيضات
250 جم سكر
300 جم دقيق
نصف معلقة فانيلي
معلقة محسن كيك
بكينج بودر
الطريقة:
يضرب البيض في الميكسر (العجانة) او بالخلاط لو مش موجود ميكسر مع محسن الكيك والسكر والفانيليا علىالسرعة الاولي إلي أن يعمل فليوم اي يعلو ويزداد الخليط ويملأ الميكسر
نقلبه في اناء بهدوء (نقلب الدقيق مع البكينج بودر ) ثم ننزله بهدوء على الخليط ونقلب من تحت لفوق بهدوء حتى لا نخرج الهواء حتى يتجانس الخليط
ندهن صينية مادة دهنية وننسمها بمعلقة دقيق ونضع فيها الخليط بارتفاع واحد ونصف سم وندخلها الفرن على درجة حرارة 180 لمدة 35 دقيقة ـ ويفضل يكون الفرن مزود بمروحة لتوزيع الحرارة بشكل جيد حتى تخرج الكيك كويسة ـ واخرجها من الفرن حتى تبرد ادخلها الثلاجة شوية ثم اخرجها وازينها كما اريد
وبالهنا والشفا

[رحييق]

المشاركة الأصلية كتبت بواسطة ايمان4

جميل جدااا بس انا داخلة على طمع شوية بس اعمل ايه عزومه مفاجئه !!!!! بليييييييييييييييز خلطة الديك الرومى

نغسله كويس جدا ثم ندعكه بملح خشن وفلفل خشن وزعتر وروز ماري ودقيق وخل من بره ومن جوه كويد جدا
التتبيلة:
ملح وفلفل بصلة كبيرة وطمطماية كبيرة وزعتر وجذر وكرفس وورق لاورا وحبهان ومعلقة مستردة وزيت زيتون ليمون او خل يضرب كل هذا في الخلاط ونصفيه
ونجلس بيه الديك الرومي او ا شيء للمشويات ونضع شوية من الخليط في الصينية ونضع الديك ثم نغطيه بورق المونيوم حتى لا ينحرج من فوق وقبل الخروج بنصف ساعة نشيل الورق حتى يحمر الوجه

ويفضل ان يسلق الديك في بوكيه جارنيه ( بصل جذر كرفس بهارات ملح ورق لاورا زعتر روز ماري) نصف سوي قبل العملية دي

وكل كيلوا من الديك يحتاج نصف ساعة في الفرن يعني لو الديك 6 كيلوا يحتاج 3 ساعات

معلش جيت متأخر ملحقتش العزومة

[رحييق]

المشاركة الأصلية كتبت بواسطة uonchi

يا ريت لو حد عنده وصفة البيتزا بطرق مختلفة لحسن انا جربت يجي ثلاث وصفات وطلعت مش هية

المشاركة الأصلية كتبت بواسطة uonchi

في احتمال كبير اللي يجربها من ايدي سنانه تقع ناشفة قوي

هقولك ياقمر المقادير وجربيها
وعلشان ما تطلعش ناشفة حطي معلقتين لبن بودر

المقادير :
1 كيلو دقيق
ا كوب زبادي
2 ملعقة لبن بودر
3 ملاعق زيت زيتون
ملعقة خميرة فورية
ملعقة صغيرة سكر
ملعقة صغيرة ملح
ماء للعجن

الطريقة :

تذوب الخميرة مع السكر وشوية ماء ونضيفها للدقيق
ونضيف الزبادي والزيت والملح مع العجن ولو احتاجت العجينة ماء نضيف لها بعض الماء الى ان تتماسك العجينة

وتقطع 8 قطع او 6 وتترك حتى تخمر
ثم تفرد كل واحدة وتوضع في الصينية ويوضع حشوها


وطبعا الحشو معروف وانواعه كتير على حسب كل واحد بيحب ايه

لكن اهم حاجة اللى بتخلى البيتزا بيتزا بجد مثل اللى بنشتريها بالضبط "الصوص" والصوص دا ثابت في كل أنواع البيتزا والجبنة الموتزاريلا أيضا ثابتة في كل أنواع البيتزا

الصوص :

ا كيلو طماطم
لتر ماء
معلقتين زعتر
معلقتين ورق لاورا
بصلة
فصين توم
معلقة روز ماري او عود روز ماري اخضر

طريقة عمل الصوص :
نضع الماء على النار ونسلق فيها الطماطم والمكونات كلها إلى أن تستوي الطماطم
ثم ننشل الطماطم والبصلة والثوم فقط ونفرمهم في الخلاط ونصفيهم ونضيف لكل بيتزايا 1 كوب صوص من دا

طبعا الحشو حسب الرغبة بالجبن او الخضروات او اللحمة او الجمبري او .......... الخ

اعملوها وادعولي بقى

وبالف هنا وشفا

[رحييق]

المشاركة الأصلية كتبت بواسطة نور التقوى

السلام عليكم
لو سامحتم انا عيزة طريقة عملالكنتاكى

فراخ كنتاكي المقرمشة


1 عدد فرخة مقطعة 8 قطع
زيت للتحمير
(دقيق عادي بيض لبن دقيق ذرة أصفر او بدل الدقيق دا خلطة الفراخ واللحوم بتششري جاهزة في اكياس)

التتبيلة :
نصف كوب ماء بصل ( نبشر البصل بالمبشرة ثم نصفيه ولو مستعجلين نضع عليه شوية ملح ونضعه في مصفاه شوية صغيرين ثم نصفيه)
ربع كوب خل
ربع كوب عصير ليمون
ثوم مطحون ناعم جدا
بهارات
ملح فلفل زعتر كزبرة ناعمة
سُماء بضم السين بيتشري من سوبر ماركت كبييييير ولو مفيش مش مشكلة

الطريقة :
تتبل الفراخ في هذا الخيط لمدة ليلة كاملة في الثلاجة

عند التسوية نخرج قبلها بشوية من الثلاجة ثم نضعه في الدقيق العادي ثم في البيض مع اللبن ثم في دقيق

الذرة معاه بقسماط او خلطة الفراخ واللحوم علشان بتكون خشنة مثل دقيق البقسماط

نضعها في زيت سخن عميق الى ان تعمل تغليف خارجي (طبقة) ثم اهدي النار عليها لمدة ربع ساعة حتى تستوي.

وبالف هنا وشفا

[لولو60]

ممكن طريقه عمل الشيكولاته.........الى هى بنعملها بالكاكاو

[لوساندا]

لو ممكن وصفةمجربة لطريقة عمل اللانكشير بصراحة كل موقع مقاديره مختلفة وياريت بسرعة وكل عام وانتم بخير

[احبائى في الله]

طريقة عمل المكرونة بالباشامل