لكل العاملين بالأجر سواء في أسيوط أو باقي المحافظات العقد 3/2 الجديد

[ايهاب بابا]

ولم يعطونا نسخه منه وعند السؤال قالوا هنبقى نبعت على المدرسة

[أبراار]

شكرا ياخت ابرار بارك الله فيكى على اهتمامك بالرد
كنت عاوزة اعرف بس اللى مكملوش 3 سنين هيعملوا معاهم ايه
اصلى كلام الوزير بصراحة جابلنا احباط

والله حضرتك أنا كل اللي أعرفه إنهم هيتعاقدوا معاهم بالعقد ده برضه

لما سألت عنهم قالولي كدة في الإدارة

رغم إنكوا المفروض تتثبتوا وفقا لقرار 75

بس هو ده اللي قالوه

[أبراار]

ممكن يكونوا لسه بيكذبوا علينا وبيلعبوا بينا ويكون العقد اللى مضيناه وهمى والله انا شاكك فعلا وخصصوا انهم يادوب خلوا الموجه الاول ومدير الخدمات بس هم اللى مضوا بس ومدير الاداره لم يمضى وختموه بختم النسر وخلصنا على كده ربنا يستر والله احنا فى ناس مننا ليهم عشر سنين واكثر بالحصة وانا لى ثلاثة واحنا سدين عجز ومش زياده زى ما بيقولوا

ولم يعطونا نسخه منه وعند السؤال قالوا هنبقى نبعت على المدرسة

نفس الرد السابق بس أضيف

إزاي مدير الإدارة مامضاش ؟؟؟!!!

وإزاي ماأدكوش نسخة من العقد ؟؟؟!!!

ده المفروض يدوك نسختين نسخة تديها للمدرسة ونسخة تكون معاك والكلام ده موجود في العقد نفسه آخر بند

غريب جدا الكلام ده

أنا لسة رايحة أسلم ورقي بكرة

ربنا يستر والله المستعان

وبإذن الله هأوافيكو بالجديد

[مدرس اللغة]

المشاركة الأصلية كتبت بواسطة أبراار

أيوة ماهو مش في العقد الكلام ده

بس ده في العموم والمعروف إن أي حد مؤهل عالي بداية تعيينه بتكون ع الدرجة التالته

وبداية مربوط الدرجة التالته هو 48 طبقا للقانون رقم 53 سنة 84

ومن هنا بنبدأ نحسب المربوط + العلاوات اللي كاتبها في العقد ده = الأجر الأساسي


ويمكن الرجوع في ذلك إلى القانون 47 لسنة 78 والخاص بنظام العاملين المدنيين في الدولة

يعني كل العاملين في الدولة

ولو حسبت حضرتك هتلاقي في حدود 350 أو كدة بس أدي كل القصة

ايوه بس التعاقد غير التعيين يعني لا فيه مربوط ولا سايب ههههه يعني من الاخر المتعاقدين ملهمش حوافز وبدلات نفس المتعينين الرسميين والعقد بتاع حضرتك اللي صورتيه مفهوش بند ينص على انه المتعاقدين لهم نفس مميزات المتعينين رسمي وهذا في كل الوظايف مش في التدريس بس يعني من الاخر المتعاقدين ملهمش نفس المميزات إلا لو حضرتك بتتكلمي عن المثبتين جديد موش المتعاقدين

[ايهاب بابا]

يا اخت ابرار ارجو منك موافاتنا بانطباعك عن العقد عندما تعودى غدا وربنا يستر

[ايهاب بابا]

لما سالنا عن النسخه قالوا هنبعت ليكم نسختين على المدرسه ربنا يستر ويكون العقد حقيقى على اى حال لما نقبض شهر مايو هيبان دا احنا حتى مش عافين هنعمل استمارة قبض زى كل شهر ولا المرتب هييجى لوحده بما اننا اتعاقدنا لو حد يعرف يقولنا

[ايثار الحق]

الف مبرووووووووووووووك وربنا معاكم ويبشركم بالخير

[أبراار]

ايوه بس التعاقد غير التعيين يعني لا فيه مربوط ولا سايب ههههه يعني من الاخر المتعاقدين ملهمش حوافز وبدلات نفس المتعينين الرسميين والعقد بتاع حضرتك اللي صورتيه مفهوش بند ينص على انه المتعاقدين لهم نفس مميزات المتعينين رسمي وهذا في كل الوظايف مش في التدريس بس يعني من الاخر المتعاقدين ملهمش نفس المميزات إلا لو حضرتك بتتكلمي عن المثبتين جديد موش المتعاقدين

العقد ده حضرتك مابقاش بتاعي لوحدي دلوقت بقى بتاعنا كلنا وهو اللي كل الناس هتمضي عليه

وحضرتك بتقول مافيهوش بند ينص على مكافآت أو علاوات أو غيره

ياريت حضرتك تقرا البند السادس والبند السابع

السادس بينص على العلاوات والمكافآت والحوافز بتتضاف للمربوط

والسابع بينص على أجازات إعتيادي وعارضة وشهر للحج وحتى ساعة الرضاعة منصوص عليها في العقد

سواء كان عقد أو تعيين إحنا لينا اللي مكتوب في العقد والحمد لله العقد بينص على كدة بالفعل

[أبراار]

يا اخت ابرار ارجو منك موافاتنا بانطباعك عن العقد عندما تعودى غدا وربنا يستر

والله حضرتك حريصة جدااااااااااا على كدة من غير ماتقول والله

ربنا يبارك فيك ع المتابعة

[أبراار]

النهاردة روحت الإدارة فعلا بدأوا يستلموا

بس للأسف لسة ماخدوش ورقي

لأنهم قالوا لازم تروح المدرسة تاني وتخلي المدير يمضي ع ال5 عقود ويختم ختم المدرسة

وبعد كدة تودي الورق للإدارة يمضي عليه توجيهك

وبعد كدة هياخدله لفة كبيرة في الإمضاءات حيث هيمضي عليه وكيل ومدير الإدارة وبعد كدة يروح المديرية وياخد لفة برضه يتمضي منهم هناك وحتى وكيل الوزارة لازم يمضي ع الورق وقالوا هياخدولهم شهر على ما يتمضي الورق ويلف كل اللفة دي

بعدها بقى هيبعتوا للمدرسة نسختين نسخة معاهم ونسخة معانا

وده يفسر لحضرتك ياأستاذ إيهاب ويفسرلنا ليه ماإدوناش النسختين واحدة لينا وواحدة للمدرسة

لأنهم مش هيدهوملنا قبل ما يتمضوا كل الإمضاءات دي

وسألتهم واللي كملوا 3 سنين هيمضوا؟؟؟؟

قالوا كله هيمضي مادام قائم على رأس العمل

أما عن الراتب وكيفية حسابه ومن إمتى هيحاسبونا على العقد الجديد فمافيش أي إجابة

هم كل اللي يعرفوه دلوقت هو ده

على اى حال لما نقبض شهر مايو هيبان دا احنا حتى مش عافين هنعمل استمارة قبض زى كل شهر ولا المرتب هييجى لوحده بما اننا اتعاقدنا لو حد يعرف يقولنا

وفعلا مش عارفين هنعمل إستمارة ولا لأ

بس عاوزة أقول لحضرتك إن معانا ناس شغالة ببند 2/2 وناس 3/2 بيعملوا برضه معانا الإستمارة

يعني حتى لو ع العقد الجديد أعتقد برضه لازم نعمل الإستمارة ويجيلنا القبض بشيك بعيد عن المدرسين المثبتين والمتعاقدين في المدرسة

وده إعتقادي والله أعلم

وبعدين بعيد عن ده كله المفروض إحنا يتضافلنا إبتداء من الشهر ده ال15%

أنا لسة ماقبضتش شهر 4 بنقبض دايما كل شهر في نص الشهر اللي بعده

والله أعلم إيه اللي هيكون

ونأمل خير

[أبراار]

بكرة إن شاء الله هأمضي ال5 عقود من المديرة وتختمهوملي وأروح أوديهم الإدارة إن شاء الله

يعملوا فيهم اللي عاوزين يعملوه أنا زهقت جدا والله الواحد بقاله أسبوعين تقريبا كل يوم في الإدارة وزهقت بجد

بهدلونا والله وذلونا ولففونا ال7 لفات حسبي الله ونعم الوكيل فيهم

ربنا يهون علينا ويصلح الحال ويجعله بفايدة يارب

رغم إنه ظلم يساوي ناس ليها 10 سنين بناس شغالة السنه دي ويمضوا نفس العقد والله أعلم هيحسب اللي فات ولا لأ

ياريت بس ينفذوه أساسا

ده منا الورق ما يلف وبتاع نكون دخلنا في شهر 7 اللي هو المفروض بداية سنة مالية جديدة وهيكلة أجور بقى وحد أدنى يعني يتغير كل النظام أساسا

بس لازم تمضي على ده عشان تضمن فعلا مكانك

والله المستعان ودعواتكوا معانا

[ايهاب بابا]

انا عملت شهر ابريل وللاسف لم يضيفوا ال 15 % قالوا اللى بالحصة لا وشكرا يا اخت ابرار على طمأ نتى على موضوع النسخ ويا رب يكون العقد حقيقى فعلا مش مهم بقا يساوونا باللى لسه جاى ولا لا المهم الخير يعم على الكل يا رب

[ايهاب بابا]

المفروض احنا متعاقدين من 2 مايو وقبض شهر مايو يكون على الجديد

[أبراار]

شكرا يا اخت ابرار على طمأ نتى على موضوع النسخ ويا رب يكون العقد حقيقى فعلا مش مهم بقا يساوونا باللى لسه جاى ولا لا المهم الخير يعم على الكل يا رب

مافيش شكر ولا حاجة

وإن شاء الله هو حقيقي بس ياريت يتنفذ بس

زي ما بيقولوا أفلح إن صدق

[أبراار]

انا عملت شهر ابريل وللاسف لم يضيفوا ال 15 % قالوا اللى بالحصة

ليه ال15% ما يتضافوش يعني للي بالحصة دي المفروض لكل العاملين بالدولة بالحصة غير حصة للكل!!!!!

المفروض احنا متعاقدين من 2 مايو وقبض شهر مايو يكون على الجديد

ده المفروض فعلا والمأمول نرجو كدة لكن إيه اللي هيعملوه الله أعلم