الخط الساخن لأستاذة القسم/ ( ضع سؤالك -استفسارك هنا ) معك حتي الامتحان

[د/ أمجد المالكي]

المشاركة الأصلية كتبت بواسطة el_sh2ya

متشكره اوى اوى اوى اوى يا مستر امجد
بس ممكن لو مش هتعب حضرتك
ممكن توضحلي الفرق بين
حفريات : هي بقايا الكائنات صح ؟؟
و برمائيات كل ما يعيش علي البر والبحر ؟؟
و الفقاريات كل ما له عمود فقري
ثديات كل ما يلد
مظبوط كدا اصل انا بلغبط بينهم
كمان يعني ايه معراه البذور ومخروطيات و راسقدميات
انا حفظاهم كدا وخلاص بس طبعا بنساهم بسرعه عشان مش عارفه افهمهم

شوفي يا ابنتي العزيزة

المفروض يبقي عندك فكرة بسيطة جدا عن ترتيب ظهور الكائنات الحية علي الأرض

وده عرفناه من بقايا الكائنات المدفونة في الصخور الرسوبية ولم تتحلل عبر الزمن وتسمي الحفريات

هقولك نبذة عن المملكة الحيوانية هتفيدك جدا

أول حاجة عاشت علي الأرض كانت لافقاريات بحرية اسمها ثلاثيات الفصوص وده كان في العصر الكمبري
" لا فقاريات يعني مالهاش عمود فقري "
ودي اتطورت وبقت رأسقدميات زي الاخطبوط مثلا في العصر الجوري ولذلك أطلقنا عليه عصر الأمونيتات
وبعدين اتطورت تاني مع بداية حقب الحياة الحديثة وبقت رخويات " يعني مالهاش هيكل داخلي


أما الفقاريات : فبدأت بالأسماك العظمية لإن الحياة ظهرت في البحار الأول " في العصر السيلوري
وبعدين اليابس بقي جاهز للمعيشة فظهرت الأسماك الرئوية اللي عاشت علي اليابس " في العصر الديفوني "
وبعدين ظهرت البرمائيات زي الضفادع " تقدر تعيش علي اليابس وفي الماء "
ثم تحسنت ظروف البيئة علي اليابس واصبح انسب من البحر فظهرت الزواحف البدائية " ثعبان - سحلية - برص - تمساح ....." في العصر البرمي
ثم ظهرت الزواحف العملاقة زي الديناصورات في العصر الجوري وبعدين ما قدرتش تنجو من الكوارث الطبيعية فانتهي وجودها في العصر الكريتاسي

بعد كده ظهر أول الطيور وكان شبه الزواحف في العصر الجوري

وفي النهاية كان ظهور أرقي طوائف المملكة الحيوانية وهي الثدييات
يعني الأنثي لها أثدية تفرز لبنا ترضع منه صغارها

وظهرت علي 3 مراحل
الثدييات البدائية : في العصر الترياسي ودي كانت بتبيض مش بتولد بس كانت بترضع الصغار
الثدييات الكيسية : بتولد صغار ناقصة التكوين وتضعهم في كيس أسفل بطنها زي الحضانة " الكانجرو " في العصر الجوري
الثدييات المشيمية : ودي ارقي حاجة ومنها الانسان وتلد صغار مكتملة وترضعهم " في العصر الكريتاسي - [color="rgb(0, 100, 0)"]الطباشيري "[/color]

أما المملكة النباتية فتطورت علي 3 خطوات

ظهور عديمة البذور : وكانت تتكاثر بالجراثيم ولا تنتج بذور " في العصر السيلوري

ظهور معراة البذور : يعني كانت بتنتج بذور لكنها ليست داخل ثمرة ولكن داخل علبة تعرف بالمخاريط
ودي كانت علي هيئة أشجار ضخمة تعرف بالحرشفية اللي عملت فحم في العصر الكربوني
وبعدين ظهرت السرخسيات والمخروطيات زي اشجار الصنوبر ودي ارقي من الحرشفية " عصر الترياسي "

وفي النهاية ظهرت مغطاة البذور والي كانت بتنتج بذور داخل ثمار " تعرف بالنباتات الزهرية " في العصر الجوري واستمرت حتي الآن

[merihan]

اجو اجابة الاسئلة دى ضرورى 1-علل الرخام اكثر صلابة وتماسك من الحجر الجيرى رغم ان التركيب الكيميائى لكل منهما 2- الختلاف الكبير فى تضاريس السطح عند حواف القارات الكبرى اذكر فقط اقسام الصخور الرسوبية حسب تكونها

[د/ أمجد المالكي]

المشاركة الأصلية كتبت بواسطة merihan

اجو اجابة الاسئلة دى ضرورى 1-علل الرخام اكثر صلابة وتماسك من الحجر الجيرى رغم ان التركيب الكيميائى لكل منهما 2- الختلاف الكبير فى تضاريس السطح عند حواف القارات الكبرى اذكر فقط اقسام الصخور الرسوبية حسب تكونها

الرخام أكثر صلابة نتيجة تداخل وتلاحم بلورات الكالسيت

إختلاف التضاريس علي حواف القارات يرجع لتصادم اللوحين القاريين فإما تنشأ سلاسل الجبال الشاهقة
أو تكون مناطق شديدة الإنخفاض

[د/ أمجد المالكي]

المشاركة الأصلية كتبت بواسطة ranaaaa

س1 تسير التجوية الميكانيكية و الكيميائية جنبا الى جنب

التجوية تنتج بتأثير عوامل الجو الخارجية مثل الرياح والأمطار

والتجوية الميكانيكية تحدث في المناطق الجافة

بينما التجوية الكيميائية تحدث في المناطق الرطبة

[maro 210]

من فضلك يا استاذنا ممكن اعرف الرسومات المكررة علينا فى الجيولوجيا و علوم البيئة كلها ......... واهمهم اية مع الشكر الجزيل لتعبك معانا .............. شكرررررررررررررا"

[maro 210]

ممكن اعرف الاجابة على سؤال الرسومات .................؟ و شكرررررررا".

[د/ أمجد المالكي]

المشاركة الأصلية كتبت بواسطة maro 210

من فضلك يا استاذنا ممكن اعرف الرسومات المكررة علينا فى الجيولوجيا و علوم البيئة كلها ......... واهمهم اية مع الشكر الجزيل لتعبك معانا .............. شكرررررررررررررا"

1- الأغلفة المحيطة بكوكب الأرض
2- كائنات ومكونات النظام الإيكولوجي
3- دورة الفسفور
4- الدورة الغازية
5- مثلث الانتاج الزراعي
6- نموذج لظاهرة التركيز البيولوجي


1- دورة الصخور
2- التوازن الايزوستاتيكي
3-بؤرة الزلزال
4- الفوالق و الفواصل والطيات
5- البركان
6- الصخور الناربة المتداخلة
7- الشلالات والحقر الوعائية
8- الإلتواءات والبحيرات القوسية
9- الشرفات النهرية
10- مناطق الترسيب في البحار والمحيطات
11- قطاع في التربة الناضجة

[وائل غالى]

السلام عليكم ورحمة الله وبركاته
فعلا كلنا مقصرين معاكم السنه دى وربنا يسامحنا على هذا التقصير
اى طالب عنده اسئلة او استفسار يكتب لى فى هذه الصفحة وان شاء الله نرض عليه بس بلاش طلب الملخصات لانه فى اعمال كثيرة للعديد من الاخوة الافاضل موجوده على نفس الصفحة وعلى الصفحات التالية وهى كافية ان شاء الله ركز على الاشياء والاسئلة المحتار فى اجابتها وان سوف اجاوبها بأذن الله

[abdellatefadel]

الف الف الف شكررررررررررررررررررر

[الماجيك 2000]

مشكووووووووووووووووووووووووووووووووووووووووووووووو وووور

[عبد العزيز محمد مسلم]

هل منهج الجيولوجيا كما هو أم تغير

[وائل غالى]

حتى الان منهج الجيولوجيا كما هو وان كنا سمعنا ان الوزير حذف من مناهج التعليم من(20-الى 30%) من الصف الاول ابتدائى وحتى الثالث ثانوى ماعدا الصف السادس والثالث اعدادى

[شروق علاء]

thanks tooooooooooooooo muchhhhhhhhhhhhhhhhh

[icy zaza]

أرجو معرفه المحذوف من منهج الجيولوجياااااا:conf used:

[erret]

علل
1) الدورات الطبيعيه سواء غازية او رسوبية تعتبر دورات بيوجيوكيميائية
2)كمية الماء الموجودة بالغلاف المائى متجددة وفى حالة اتزان
3) غازى الاكسجين وثانى اكسيداكربو يتججدان باستمرار وفى حالة اتزان
4)وجود مركبات نيتروجينيه فى التربة مفيدة لنبات
5) وجود صخور رسوبية فوسفاتية فى قاع البحار والمحيطات
6) الشمس هيا المصدر الرئيسى للطاقة على الارض

ومتشكرة اوى على مجهودتاكم واسفه على الازعاج بس معلش استحملونى لانى مبخدش درس فعاوزة اتاكدمن اجاباتى ومتشكرة اوى