شرح تفصيلي وشامل لكل شئ متعلق بكلية التجارة جامعة القاهرة-تم تعديل المجموعة المميزة

[mido.uwk07]

طب معلش هى الكورسات دى زى الدروس أيام الثانوى علشان أفهم و كده ولا دى حاجه تانيه باخد عليها شهادات ؟؟؟
و لو هى زى الدروس بتاعة الثانوى ينفع اعتمد على نفسى و ماخدهاش ؟؟؟ و حاجه أخيره معلش بتائل عليك تعرف حاجه عن تجاره اسكندرية ؟

[vampire1188]

طب معلش هى الكورسات دى زى الدروس أيام الثانوى علشان أفهم و كده ولا دى حاجه تانيه باخد عليها شهادات ؟؟؟

انسي ثانوي دا خااااااااااالص .. مرحلة وعدت من حياتك ماتفكرش فيها تاني

انت اساسا ماتعرفش الكلية فيها ايه وموادها ايه ونظامها ايه يبقى كورسات ايه اللى بتسأل عليها ؟!!

الأولي انك تعرف الكلية فيها ايه وبعد كدا ابتدي اعرف يعنى ايه محاسبة وبناءا عليه تعرف اسماء الكورسات المتعلقة بيها

وخد بالك الكورسات دي مش قبل سنة رابعة عشان تفكر فيها .. و80 في الميه من الناس اساسا بيدرسوها بعد التخرج بتلات واربع وخمس سنين من تخرجهم !!

ماتتعبش نفسك فيها دلوقتى وركز في الكلية اللي هاتخشها باذن الله

[mido.uwk07]

المشاركة الأصلية كتبت بواسطة vampire1188

انسي ثانوي دا خااااااااااالص .. مرحلة وعدت من حياتك ماتفكرش فيها تاني

انت اساسا ماتعرفش الكلية فيها ايه وموادها ايه ونظامها ايه يبقى كورسات ايه اللى بتسأل عليها ؟!!

الأولي انك تعرف الكلية فيها ايه وبعد كدا ابتدي اعرف يعنى ايه محاسبة وبناءا عليه تعرف اسماء الكورسات المتعلقة بيها

وخد بالك الكورسات دي مش قبل سنة رابعة عشان تفكر فيها .. و80 في الميه من الناس اساسا بيدرسوها بعد التخرج بتلات واربع وخمس سنين من تخرجهم !!

ماتتعبش نفسك فيها دلوقتى وركز في الكلية اللي هاتخشها باذن الله

انا بسأل والله علشان مش فاهم

[tito mohammed]

شكرا اوى على مجهودك الاول
بص انا زى ناس كتير كان هدفى حاجه غير تجارة بس كنت ناسى انى فى مصر فا الحمدلله اكيد
ما علينا انا جبت 87% ادبى
و كنت فى اداب حلوان و حولت تجارة و مستنى نتيجة التحويل
و هبقى تجارة عربى مش هقولك انى حببها
بس لازم احبها عشان نفسى ابقى حاجه
فا انا كنت ناوى اخد كورس انجلش من دلوقتى كده عشان مش عاوز اخلص جامعة و اكون لسه هدرس تانى عاوز اخلص فى الاربع سنين دول كذا حاجه
, فا ايه الكورسات اللى كويسة اخدها بقى ؟و اعمل ايه بظبط عشان ابقى الناس محتاجنى فى مجال العمل مش انا اللى محتاجهم

[Josef Mohamed]

انا طالب ثانوي عام نظام قديم مجموعي 50%

يا تري فيه اي حاجة اقدر اعملها تخليني ادخل كلية تجارة

معادلة او حاجة تفيدني ف التقديم

ارجو الرد سريعا وشكرا لاهتمام السادة ف المنتدي

[فوزى عبد الشافى]

الشكر والتقدير على المجهود المبذول

محاسب قانونى فوزى عبد الشافى

Thanks andappreciation for theeffortexpended

FAWZY A.SHAFY A.AZIZ

Charterd Accountant – Tax Expert

[ShadyEhab]

موضوع رائع والله