نصيحة للدفعة الاولى قبل ماتخش تجارة انجلش..!!!!!

[Monier]

مذاهب الدكاتره في وضع اسئلة الامتحان
_______________________________

1. ( المذهب التصفيري ):
...
... ... ... ... ... ... وهو يركّز على ان لا ينال الطالب اكثر من صفر في الامتحان.

2. ( المذهب التذكيرى ):

وهو المذهب الذي يتذكر فيه الدكتور جميع
الامور التي نسي ان يشرحها خلال المحاضرة ثم
يضعها على شكل اسئلة تعليمية، يتعلمها الطلاب
خلال الامتحان، وهو اكثر المذاهب المتّبعة!

3. ( المذهب التشكيكي ):

وهو المذهب الذي يجعل الطالب يشك في ورقة
الامتحان التي بين يديه انها لمادة اخرى من
كلية اخرى وصلت اليه بالخطأ

[Hesham Shafek]

السلام عليكم

بعد اذنك يا منير هو انا اساسا هكتب ورا الدكتور ازاى وانا اساسا موصلتش لمرحلة السمع والكتابة اللى محتاجين لده

وازاى مثلا لو اتكلمت مع الدكتور فى حاجة هيكلمنى باانجليزى وانا اكيد مجبر ارد عليه ان فمهت يعنى

وامتى هتعود على ده وازاى ؟؟؟؟؟؟؟؟؟؟؟؟؟؟؟؟؟؟

شكرا

[mohamed tayko]

بص يا منير في الاول تسلم ع الموضوع الجامد ده تاني حاجة انا قبلت في تجارة انجلش القاهرة فرع الشيخ زايد بس انا لا اعرف هيا فين ولا عاملة ازاي ولا ايه النظام هناك وبقعد هناك ال 4 سنين ولا هي اول سنة بس ولو جبت تقدير ينفع اجي القاهرة ولا لا ... ولو فضلت هناك ينفع اخش القاهرة عادي ولا هيقولي ماينفعش وكده والكارنيه اعملو امتي وادفع ازاي وامتي وكل الحوارات دي عشان انا بجد مش فاهم اي حاجة خالص

[Monier]

المشاركة الأصلية كتبت بواسطة Hesham Shafek

السلام عليكم

بعد اذنك يا منير هو انا اساسا هكتب ورا الدكتور ازاى وانا اساسا موصلتش لمرحلة السمع والكتابة اللى محتاجين لده

وازاى مثلا لو اتكلمت مع الدكتور فى حاجة هيكلمنى باانجليزى وانا اكيد مجبر ارد عليه ان فمهت يعنى

وامتى هتعود على ده وازاى ؟؟؟؟؟؟؟؟؟؟؟؟؟؟؟؟؟؟

شكرا

بص يا هشام كل الاسئلة دى كانت فى دماغى برضو اول ما دخلت
اولا فى الاول فى ناس مش بتعرف تكتب وراء الدكتور بس انا هقولك حاجة انت لو معاك المرجع بتاع المادة هتكتب ال main point العنوانين الاساسية وتحاول تفهم الباقى وتكتبه فى صورة نقط
يعنى ما تكتبش كل حاجة نقط محددة ولما تروح افتح الكتاب ودور فيه
الكلام مع الدكتور ما تخافش منه لان فى دكاترة بتتكلم انجليزى جوا المحاضرة وبرا المحاضرة عربى والتعامل معاهم بيبقا سهل
التعود مع الوقت اتفق مع صحابك انكوا تتكلموا مع بعض بالانجليزى(ودى جربتها شخصيا انا وصحابى ونفعت)
وربنا معاك

[Monier]

المشاركة الأصلية كتبت بواسطة mohamed tayko

بص يا منير في الاول تسلم ع الموضوع الجامد ده تاني حاجة انا قبلت في تجارة انجلش القاهرة فرع الشيخ زايد بس انا لا اعرف هيا فين ولا عاملة ازاي ولا ايه النظام هناك وبقعد هناك ال 4 سنين ولا هي اول سنة بس ولو جبت تقدير ينفع اجي القاهرة ولا لا ... ولو فضلت هناك ينفع اخش القاهرة عادي ولا هيقولي ماينفعش وكده والكارنيه اعملو امتي وادفع ازاي وامتي وكل الحوارات دي عشان انا بجد مش فاهم اي حاجة خالص

الطريق هتعرفه مش مشكلة
موضوع التحويل هما ساعات بيرخموا فيه بس بعد اول سنة اطلب ورقة اثبات قيد هيقولولك ليه قولهم علشان تدريب ولو ادهالك اطلع على القاهرة وقدم وان شاء الله تحول
الكارنية بيبقى فى الاغلب بعد اسبوعين من بداية الدراسة
تدفع ازاى انت قبلت خلاص فى تجارة انجليزى هتروح خلال شهر ونص من بداية الدراسة او هما هيقولولك لمدة اد ايه تقدر تدفع قبل ماتتحول عربى وتروح تدفع المبلغ فى الكلية
واى استفسار اقرا الاول الردود السابقة هتفيدك ولو فى حاجة انا موجود

[mohamed tayko]

تسلم يا معلم ع المعلومات وبجد انت رجولة عشان الواحد بيبقي داخل تايه والله مش عارف حاجة

[Hesham Shafek]

المشاركة الأصلية كتبت بواسطة monier

بص يا هشام كل الاسئلة دى كانت فى دماغى برضو اول ما دخلت
اولا فى الاول فى ناس مش بتعرف تكتب وراء الدكتور بس انا هقولك حاجة انت لو معاك المرجع بتاع المادة هتكتب ال main point العنوانين الاساسية وتحاول تفهم الباقى وتكتبه فى صورة نقط
يعنى ما تكتبش كل حاجة نقط محددة ولما تروح افتح الكتاب ودور فيه
الكلام مع الدكتور ما تخافش منه لان فى دكاترة بتتكلم انجليزى جوا المحاضرة وبرا المحاضرة عربى والتعامل معاهم بيبقا سهل
التعود مع الوقت اتفق مع صحابك انكوا تتكلموا مع بعض بالانجليزى(ودى جربتها شخصيا انا وصحابى ونفعت)
وربنا معاك

بسم الله الرحمن الرحيم

ربنا معانا كلنا ان شا ء الله

وشكرا جدا على معلوماتك بجد استفد كتير شكرا

بس عاوز اعرف كورس الانجليزى ده ممكن اخده مثلا فين يعنى انا معرفش انا قرات انته واخدة فى القوات المسلحة ودى موجودة بردو فى المنصورة ولا لاء وياريت لو تعرف قولى

شكرا جدا وربنا يكرمك

[Matrix159]

طب بص يا منير انا جتلى تجارة انجلش فرع الشيخ زايد اكمل ولا من الأفضل احول هندسة خاصة العاشر من رمضان انا محتار بجد

[Monier]

المشاركة الأصلية كتبت بواسطة matrix159

طب بص يا منير انا جتلى تجارة انجلش فرع الشيخ زايد اكمل ولا من الأفضل احول هندسة خاصة العاشر من رمضان انا محتار بجد

والله انت اللى بتحدد انت عاوز تخش ايه تجارة ولا هندسة

[Monier]

[Monier]

لن تجده غير في كلية التجارة

لما تيجي بعد ميعاد المحاضره ب 5 دقايق و الدكتور ما يدخلكش المحاضره
في حين ان الدكتور ممكن يجي بعد ميعاد المحاضره بساعه ويدخل يدي المحاضره عادي

لما تلاقي الراجل بتاع شئون الطلبه بيتكلم كأنه عميد الكليه

لما تبقي في لجنه امتحان وحد يتمسك وهو بيغش
ويقولو تعالي اقعد ورا وكمل الامتحان

لما الدكتور يقول كله يقفل تليفونه واللي تليفونه هيرن هيطلع بره


في حين ان الدكتور ممكن تليفونه يرن





لما تحل في ماده كويس اوي وتلاقي نفسك شايلها


و تعك في ماده وتلاقي نفسك جايب تقدير





لما تلاقي ولد عايز يفتح حوار مع بنت


يقولها ممكن المحاضرات بتاعتك !

[Monier]

هام | نصائح للبنات في الكلية مع بداية الدراسة :

فى الجامعة هتلاقى الحياة عايمة

اختلاطات ..... مكالمات..... تعاملات

هتلاقى البنت اللى كانت قبل الجامعة زى الملاك

بقيت بتكلم الولاد و بتطلع رحلات و تبعت مسجات!!

مهى فاكرة ان دى الحياة فى الجامعات ....


و متعرفش انها مرحلة زيها زى اللى فات


...


بس بنخرج منها بشوية ذكريات


.


.


.


.


.


اوعى حبيبتى تشوهى صورة الملاك اللى جواكى .... اوعى تتخدعى من شباب الجامعة .... مهما كانت الاختلاطات اوعى تسمحى لاى واد يسرح بيكى و يكسر قلبك و ينسيكىربك و يقولك دا انا بحبك و عايز مصلحتك !!


نحب بعض لحد منخلص دراسة و هاجى قوام على بيتك اللى فى الكرداسة و اطلبك من اهلك و ناخد اجازة


شهر عسل لمارينا و ننسى كمان اساميناو انت تصدقى و تعملى هبلة


و اول ما يخلص جيم الطاولة هيرميكى و وقتها مش هيبقى ليكى لازمة

[maro masrawya]

يا ساتر يارب انا عايزة ادخل تجارة انجليش ربنا يسترها , كلها كام شهر ونشووووف

[Monier]

المشاركة الأصلية كتبت بواسطة maro masrawya

يا ساتر يارب انا عايزة ادخل تجارة انجليش ربنا يسترها , كلها كام شهر ونشووووف

ماتخافيش هى حاجة كدا لذيذة اهم حاجة خليكى فى حالك وكويسة وملاك ونفس معاملتك متتغيريش علشان حد وربنا معاكى

[abanobsabry]

لو سمحت انا تجارة انجلش الجزيرةعايز اعرف بعد اذنك هوالمواد اللى بيدرسوه فى جامعة القاهرة ايه