كل ما يخص اقسام كليه هندسه...ارجو التثبيت للفائده

[عبدة قورة]

شكرا ليك على المعلومات دى بجد كنت محتاجها و ربنا يوفقنا كلنا

[NANSY AGRAM]

اولا ثانكس على التوبيك ثانيا ياريت حد يجاوبنى على السؤال ده بالنسبه لهندشة اتصالات مناسبه للبنات ولا لا وممكن لما اتخرج اشتغل فين بس فى مصر؟ياريت حد يرد

[مش لاقية اسم]

يا ريت تسجل عشان عايزة اسال على حاجة

[مش لاقية اسم]

اناجايبة94%و كنت عايزة اعرف اخش انهى قسم:confus ed:

[ريما_eng]

بجد شكرا على المعلومات دي بس انا كنت عايزة اسال لو في قسم لتعليم الكمبيوتر من فضلك هيكون قسم ايه ممكن الرد بسرعة اصل انا لسة في ثانوي

[شعبان رجب]

انا انشاء الله فى اولى ثانوى ولكن عندالرغبة فى دخول هندسة طبية اونووية ولكن مش عارفة اقر هو انا بذاكر والحمدلله بطلع الاولى على المدرسة فياريت تساعدنى

[Eng/SaSo]

طيب الكلام دى جميل جدا جدا جدا.
بس ايه القسم الى بياخد من اعلى تقدير ؟
ولو ممكن ترتب لى الاقسام حسب التقديرات من الاعلى للاقل؟

[ma7moud_mada]

شكرااااااااااااااااااااا على المعلومات الجامدة ديه d:

[hesham2077]

انتا اهملت قسم فى غاااية الاهمية وهو التحكم الالى

[ABDSSH80]

جزاك الله خير

[mare_2000]

ممكن معلومات عن القسم ده؟

12- قسم هندسة الحاسب والنظم :-
وممكن اعرف هندسة عمارة القدرات بعد 3 ثانوي ولا بعد اعدادي؟

[Solom_X]

انا اسف بس عايز ابين حاجة قسم الاتصالات والالكترونيات في هندسة القاهرة بينقسم ل
1-كمبيونر ويختص بالهاردوير وجزء بسيط اوي من السوفتوير بس هتفهم يعني ايه كمبيوتر من اول ما عملوا اللوجيك جيتس وال 0 1 لحد الميكروبروسسر
2-تحكم اللي هوة كنترول شغل المصانع والكلام ده
3-اتصالات وبتفرعاتها من نتووركس وانتينات اللي هية الهوائيات واللي بيشتغل فيها ده رائع
4-الكترونيات وهو مجال رائع بس في مصر محدود
ومجال العمل بحسب اللي شوفته غير ما الناس فكرة الشركات الثلاثة لا دلوقتي فيه شركات كتير طلعت ومصانع والقرية الذكية والبنوك وغيرها كتير بسبب النتووركس الشبكات
وطبعا القسم ده هو وكمبيوتر في مقدمة التنسيق يعني لازم تقدير عالي
وبتتخرج ممارس عام يعني عارف كل الاقسام اللي فوق دي مفيش تخصص داخل القسم
بس انت بتخصص نفسك بالكورسات والتدريب والشغل في مجال معين انت حبه

[الغزالة]

انا عاوز بس اسئل سؤال انا دلوقتى فى تانية ثانوى بس عاوز اعرف حاجة هو على حد علمى ان كلية البترول والتعدين موجودة فى السويس بس ومجموعها 99.1 او 99.5 المهم هو ينفع بقا ان انا اخش هندسة عادى خالص وبعد كدا بقا لو جيبت مثلا امتيــاز اروح الكلية هناك فى السويس ومش مهم السنة الى هتضيع دى ياريت الافادة فى اقرب وقت بليز وشكـــــــرا لكم ع الموضوع الهايل ده

[mohammed shady]

المشاركة الأصلية كتبت بواسطة الغزالة

انا عاوز بس اسئل سؤال انا دلوقتى فى تانية ثانوى بس عاوز اعرف حاجة هو على حد علمى ان كلية البترول والتعدين موجودة فى السويس بس ومجموعها 99.1 او 99.5 المهم هو ينفع بقا ان انا اخش هندسة عادى خالص وبعد كدا بقا لو جيبت مثلا امتيــاز اروح الكلية هناك فى السويس ومش مهم السنة الى هتضيع دى ياريت الافادة فى اقرب وقت بليز وشكـــــــرا لكم ع الموضوع الهايل ده

لا مينفعش لان هندسة بترول منفصلة تماما عن كليات الهندسة الاخرى ولازم تجيبى مجموعها علشان تدخليها بس ان شاء الله مع الاجتهاد كل شئ سهل

[mezor]

ادعولى ربنا يوفقنى وادخل هندسة طيران