للرد على اى سؤال او استفسار هنا فقط

[Shamy shemo]

المشاركة الأصلية كتبت بواسطة a_el7attab_n

[b]

عنوان جامد ها

بصوا بقى عندى شوية اسئلة كدا موضع اختلاف و ان شاء الله هتفيدنا يوم التلات

1-شحنة فرن مدركس ؟؟!! ايه الاجابة بتاعتها عشان كل واحد بيقولى رأى

هيماتيت + غاز مائى

2-لما يجيب 3 حاجات و يقولى ميز بينهمو و لازم طريقتين ايه هى طريقة الحل ؟؟


3- هل لازم سؤال كيف تميز دا فى جدول ولا ممكن عادى كدا ؟؟

4- فى كيف تميز لو مش عارف المركب التانى بيدى ايه و مش متأكد اذا كان هو مش بيتفاعل ولا لأ ممكن يكون بيتفاعل و بيدى مركبات تانية او حاجة مخدنهاش اقوله ايه فى الاجابة عشان الموضوع دا قالقنى ؟؟

انت لو طلعت واحد هتحتاج تطلع التانى ليه اصلا؟؟؟؟ ما اكيد ادام ده سيد يبقى التانى زغلول علطول

5-كنت عاوز اقولكو حاجات تانية كتير بس نسيت

6- ربنا يوفقكو

اسئله يعنى اللى يجيب عليها نموذج الاجابه هههههههههههه

[Shamy shemo]

هيماتيت وغاز مائــــــــى لا تنســـــى الغاز المائى

[AHMED 00]

انت متاكد ؟؟
انا المدرس الى باخد معاه كان مديهالنا كدة
فرن مدركس
الشحنة : اكسيد حديد 3
عاملى الاختزال : co , h2

[abdo71823]

هيماتيت وغاز مائى

[Shamy shemo]

والله ( هيماتيت وغاز مائى )

حتى لو مش مصدقنى لو جاتلك اكتبها ( هيماتيت وغاز مائى ) الزياده احسن من النقصان ولا اية؟

[محمد عبد السلام عواد]

بس ركز شوية انت وهو وهية
اضافة هيدروكسيد الصوديوم (قلوي قوي) أي عبارة أيون هيدروكسيد وأيون صوديوم
أيون الهيدروكسيد يتحد مع أيون الهيدروجين ( الهيدرونيوم) مكونا الماء
يعني يقل تركيز الهيدرونيوم أو يزيد تركيز الماء ( دي هي دي) النتيجة واحدة يسير التفاعل طرديا فيزيد تركيز الأسيتات
بعد كدة ممنوع الكلام
نموذج الإجابة غلط وتم تعديله

[محمد عبد السلام عواد]

المشاركة الأصلية كتبت بواسطة freaky deaky

هيماتيت وغاز مائــــــــى لا تنســـــى الغاز المائى

• هيماتيت فقط
• شحنة أي فرن هي ما يتم ادخاله من الفتحة العلوية فقط

[tahatata]

المشاركة الأصلية كتبت بواسطة mahdy1964

على فكرة انت اتلخبط . بيقول 1 من 2 مش 2 من 1

عندق حق انا فعلا اتلخبط
التفاعلات الصحيحه كتبها "a1one"

[محمد عبد السلام عواد]

المشاركة الأصلية كتبت بواسطة karimadel7

ازاي اجيب 1-بيوتانول من 2-بيوتانول؟؟؟؟؟؟؟؟

نزع ماء بواسطة حمض كبريتيك 180 يعطي بيوتين
إضافة هيدروجين في وجود نيكل أو بلاتين يعطي بيوتان
تفاعل مع الكلور في غياب ضوء الشمس يعطي 1 - كلورو بيوتان ( كلوريد البيوتيل)
1 - كلورو بيوتان مع هيدروكسيد بوتاسيوم مائية يعطي 1 - بيوتانول

[محمد عبد السلام عواد]

العكس ممكن تيجي في الإمتحان
من كحول أولي(1-بيوتانول ) كيف تحصل على كحول ثانوي(2 - بيوتانول )
لأنها في دليل التقويم

[محمد عبد السلام عواد]

ربنا يوفق اللي بيذاكر
انتو خلصتوا مذاكرة وأصبحتم فاضيين ولا إيه

[محمد عبد السلام عواد]

[quote=احمد هشام المراكبى;3594861]يا استاذ محمد فى سؤال فى كتاب المدرسة وانا خايف ليجى الاجابة
كيف تحصل على الاسيتالدهيد ( الاثيانال ) من الايثين ؟[/quote]
السؤال مكانه خطأ فقط كان مفروض ييجي في كتاب المدرسة بعد الكحولات
الإيثين بإضافة الماء في وجود حمض كبريتيك 110 يعطي ايثانول
ايثانول أكسدة ببرمنجانات البوتاسيوم يعطي أسيتالدهيد

[محمد عبد السلام عواد]

المشاركة الأصلية كتبت بواسطة mohammed youssef

يا مستر التسمية دى انا مش متاكد منها
كل واحد بيسميها بطريقة غير التانى

على مسؤليتي الشخصية
1- برومو- 3 ، 4 - ثنائي كلورو بنزين

[محمد عبد السلام عواد]

مستر معلش عندي كمان شوية أسئله::

اسألي

#هو لو قال عدد الاوربيتالات في عنصر عدده الذري خمسه

مش انا هقول 3؟؟
مش انا ليا دعوة بس بالمشغول ولا ايه؟؟

برافو عليكي تمام كدة

#هو في العضوية كاتب رابع فلوريد الميثان

ايه التسمية العجيبه ديه؟


مش مفروض رابع فلوريد الكربون او رباعي فلورو ميثان؟؟

تمام برافو عليكي ولكن مش هيحاسب عليها في الإمتحان عشان غلطة كتاب المدرسة

#هو تفاعل باير خاص بس بالالكينات؟؟ولا ممكن يكون ف الالكاينات؟.

خاص بالرابطة باي يعني ينفع ألكينات وألكاينات ولكن مقرر علينا الألكينات فقط

#هو ممكن يجيب في الامتحان رسمة سبايك ويقوللي اميز بينهم؟؟

تقصدي تعرفيهم من الرسم ؟ طبعا ممكن

#هو في دليل التقويم السؤال الخاص بايه المجموعة الوظيفيه اللي يمكنها تكوين استر عند تفاعل الحمض مع الكحول


هو انا هقول الهيدروكسيل ولا الكربوكسيل بوجه عام؟؟

• صيغة السؤال اللي المكتوب ده خطأ
• السؤال في دليل التقويم بيسأل عن مركب به عديد من المجموعات الوظيفية
• المجموعة التي يمكنها تكوين استر عند تفاعل هذا المركب مع كحول ( مجموعة الكربوكسيل)
• المجموعة التي يمكنها تكوين استر عند تفاعل المركب مع حمض ( الهيدروكسيل)

وشكرا مستر محمد

ما إحنا قلنا اللي عاوز يشكرني بعد النتيجة يصور الشهادة ويبعتها هنا

[محمد عبد السلام عواد]

اصل يامستر فيه واحدة صحبتي ورتني سؤال


وهو::


قانون جاي لوساك يرتبط ب(عدد افوجادرو _قانون افوجادرو_ جميع ماسبق)


انا قلتلها السؤال فرد عضلات لانه مش مقر منهج اوي


بس برده اتلخبطت


فايه نظام السؤال ده؟؟

قوليلها لفي السؤال في ورقة وضعيه جنب الحيط

ياااااااااااااااااااااااااااارب ان شاء الله يامستر


متفائله خير باذن الله تعالى


وادعيلنا جامد يامستر

ياااااااارب

ربنا يطمنك يامستر


بس انا قلقانة اوي من التصحيح


لان المستر عندي بيصحح بشكل دقيق جدا وانا خايفه حسة ان وكأن المصحح بيتقصد ومستني اي حاجة ينقصني عليها


يعني رغم ان الأحياء شايفاها بتتميز بالدقه عن الكيميا لكن قلقانة من تصحيح الكيميا اكتر كتير من قلقي في تصحيح الاحياء السنة اللي فاتت


يارب خير

التصحيح دائما في مصلحة الطالب
ولكن اسلوب مدرسك محترم جدا حتى نتعود على الدقة