عندك سـؤال او استفسـار ؟ !! " اتفضل هنا "

[محمود أحمد حجاج]

أرجوا من حضرتك ذكر الطريقة التى أصل بها إلى تلك النافذة التى أجيب السؤال منها ..
أنا أعلم الإجابة ولكن أريد معرفة كيفية الوصول إلى تلك النافذة
و جزاك الله كل خير

[telenet_2007]

بنوتة مصرية :
السؤال الأول : اجابة رقم 2

السؤال الثاني : اجابة رقم 3 ، 5

السؤال الثالث : اجابة رقم 2

[kafu_2009]

انا كويس احد ما فى الكمبيوتر والذات الicdl
روحت وسألت عن منحة امتحانات بس ولاقيت منحة كده بس قالولى فى امتحان تمهيدي عشان نعرف انك ممكن تدخل فى المنحة دى ولا لأ
وانا عايز اعرف الامتحان ده عامل ازاى هما قالوا الاسئلة بسيطة جدا ونسبة النجاح 75%
شكرا لسيادتك

[maytaha]

السؤال ده كل واحد بيجاوبوا بطريقة شكل

[محمود ناجي الراعي]

هل الموجود الإصدار الخامس حاليا

[hananfayad]

حضرتك بجد حد محترم جدااااااااااا
ربنا يسعدك ويباركلك ، ويجعل إجاباتك فى ميزان حسناتك علم ينتفع به
أنا استفدت كتير من إجابات حضرتك على اسئلة الأخوة هنا
بس يا ريتنى عرفت الصفحة دى من بدرى شويه

المفروض كنت همتحن انهارده بوربوينت وورد ، وقبل ما انزل للأمتحان قلت أدور على امتحان تفاعلى اوتوتست عشان أطمن على مستواى قبل الامتحان الحقيقى
وبعدين عملت دون لوود لإمتحانين فى البوربوينت والوورد، بس للأسف جبت فى الوورد 85% وجبت فى البوربوينت 70% يعنى راسبة فمرضتش أنزل الامتحان وقلت أرجع أذاكر تاااااااااااااانى
وفى الحقيقة الامتحانات دى كانت لأمير البنبى
وعرفت من حضرتك إن اسئلته كتير منها خارج المقرر لأنى داخلة الإمتحان فقط بدون تدريب ، فمعرفش المنهج أصلا فيه إيه
مع االعلم بأنى معتمده بشكل كبير على ملفات الأستاذ احمد الشافعى، وتامر الحسينى ، وفاهماهم جداااااا، وحفظاهم صم

وفى امتحان الآى تى والويندوز اعتمدت عليهم والحمد لله رحت امتحنت وكانت نتيجتى 94%، و92%


انا كنت واثقة من نفسى ورايحة امتحن بس امير البنبى لخبطنى وخوفنى

معلش أستاذى بالله عليك طمنى هل فعلا فعلا أسئلته فيها كتير من خارج المنهج، أنا خايفة أوى أروح أمتحن وألاقيها
وانا مذاكرة كويس أوووى وعارفة إجابات كل الأسئلة اللى عند الشافعى والحسينى ، أورح ولا أذاكر أسئلة البنبى مع انها أسئلة رررررررررخمة بجد

[dahy_m]

ممكن icdl عربى لو سمحت

[telenet_2007]

الأخ محمود احمد حجاج
مش فاهم سؤالك ارجوك وضح انت عاوز ايه

[telenet_2007]

الأخ Kafu
عبارة عن امتحان اوتوتست بسيط مثل امتحانات الرخصة ولكن ابسط منه جدا علشان يعرفوا مستواك للانضمام للمنحة
لا تخف الامتحان بسيط جدا

[telenet_2007]

العضو Maytaha
السؤال ده عن الباركود مش مقرر في منهج الرخصة الدولية الاصدار الرابع كان مقرر الاصدار الثالث يعني لا تشغل بالك به

[telenet_2007]

محمود ناجي الراعي :
لسه الاصدار الخامس لم يعمل به حتى الآن لكن فيه بعض المراكز اوقفت فتح الاسكيل كارد لأنهم ينتظروا الاصدار الخامس قريبا ولكن لم يتحدد الميعاد

[telenet_2007]

الأخت hananfayad :
اقسم لك بالله العظيم ان امتحانات أمير البنبي أكثر من 50% منها من خارج المنهج المقرر المعمول به ( حلفت لك علشان تطمئني ) ولو عاوزه تعرفي المنهج المقرر عليكي ادخلي على الرابط التالي واقرأي المقرر عليكي من موقع الرخصة الدولية نفسه
الرابط :
http://icdlegypt.gov.eg/Modules_ar.aspx
بعد ما تدخلي على هذه الصفحة قومي بتحميل منهج ICDL النسخة الرابعة

[telenet_2007]

الأخ Dahy :
موجود في المنتدى نفسه اسئلة عربي كتير جدا

[محمود أحمد حجاج]

[telenet_2007]

الأخ محمود احمد حجاج
حمل ملف الوورد في المرفقات