ايه اخبار تعيين أوائل الكليات ياجماعة؟

[حمادة جبل]

حمادة جبل شكرا لاهتمامك جدا، وأطمع في سعة صدرك في توضيح ......... علي أي أساس يتم توزيع الثمانية الأوائل ؛ وهل حصرهم يتعارض مع تعيين الأول والثاني ؟ وهل الأولوية لقدامي الخريجين ؟ ، وكمان حضرتك مارد تيش عليه بخصوص : هل سيتم التوزيع جغرافيا أم كل في كليته ؟ وجزاكي الله خيرا[/quote]

[محمود المصري 2010]

أنا مبقتشي فاهم حاجه يعني يا دكتور عبد الرحمن إلي معاه ماجستير وملقاش إسمه علي الأكاديمية يودي ورقه التنظيم والإدارة وأخر يوم بكره طب ولو دوة صح أي أوراق يوديها صور ولا أصور
لأني شفت في كشوفات الأكاديمية مكتوب تحت الأسامي إن البيانات لو متبعتتشي في الميعاد هتكون الكلية هي المسئولة .
يعني إحنا إلي نروح نقدم ولو فعلا المفروض يعرفونا ويعملوا اعلان ويقولوا ايه المطلوب ........ مش فاهم حاجه

[معتز عبدالكريم]

أكد الدكتور ماجد الشربينى رئيس أكاديمية البحث العلمى، أن الوزارة قامت بدورها على أكمل وجه بخصوص أوائل الخريجين والحاصلين على المنح والماجستير والدكتوراه، حيث سيتم تعيين نحو 43 ألفا فى الجامعات والمراكز البحثية والهيئات والوزرات والمصانع، من خلال إعلان وقواعد يضعها الجهاز المركزى للتنظيم والإدارة.

وأضاف الشربينى، فى تصريحات خاصة لـ"اليوم السابع"، أن اعتصام أوائل الخريجين والحاصلين على المنح والماجستير والدكتوراه داخل قاعة المؤتمرات الكبرى فى أكاديمية البحث العلمى غير مبرر، واصفا مطلبهم الحالى باتخاذ قرار سيادى وفورى بتعيينهم دون شرط وقيد، بالمطلب غير المشروع، خاصة أنه لا يقع فى سلطة الوزارة.

ويواصل المتظاهرون الاعتصام داخل أكاديمية البحث العلمى، احتجاجا على عدم اتخاذ قرار فورى بتعيينهم دون شرط وقيد، رافضين كل الإجراءات التى اتخذتها الوزارة، ومطالبين بنقل الحاصلين على دكتوراه من وظائفهم إلى الجامعات والمراكز البحثية.

وشدد الشربينى، على أن دور وزارة التعليم العالى انتهى عند إرسال الملفات والأماكن المتوفرة بالجامعات والمراكز البحثية والهيئات، وحصر الأماكن الخالية فى الوزارات والمؤسسات، وأن "التنظيم والإدارة" طبقا لقرار مجلس الوزراء هو المسئول فى إعلانات الوظائف، بحيث لن يكون هناك تدخل من الوزارة إلا فنى فقط، ولن يكون هناك تدخل فى الاختيار أو التعيين.

وكشف الشربينى عن البدء بتعيين الأوائل فى دفع 2009 و2010 طبقا للقانون، ويبلغ عددهم نحو 250 خريجا، كمعيدين، وأن نحو 2500 خريج من الأوائل فى الأعوام الماضية سيتم أيضا تعيينهم عن طريق الإعلان.

وأضاف الشربينى، أن 2500 من الحاصلين على المنح والماجستير والدكتوراه سيتم أيضا تعيينهم فى الجامعات والمراكز البحثية عن طريق الإعلان، بينما سيتم تعيين 7500 فى المصانع، وباقى الأوائل والحاصلين على المنح والماجستير والدكتوراه سيتم تعيينهم فى بعض الوزارات التى تحتاج تخصصاتهم، ومن سيتبقى سيتم تعيينه فى الكادر العام فى الوزرات المختلفة.
ممكن بس يا دكتور توضحلنا ايه المقصود من الاعلانات عشان الناس دلوقتى بتقول هما لسه هينزلوا اعلان ويخيروانا
رجاء منك توصيح هذا الخبر حتى استطيع الرد عليهم لان الناس تطلع من حاجه توقع فى حاجه
والكلام ده من جريدة اليوم السابع

[boskovice]

المشاركة الأصلية كتبت بواسطة فاطمة الزهراء 86

يا دكتور عبد الرحمن يعني إيه الكشوف راحت الجهاز يعني إحنا اللي هنروح نقدم أوراقنا قبل 30/6/2011 ولا هما اللي هيبعتوا لنا الجواب أرجو الرد علي

المشاركة الأصلية كتبت بواسطة فاطمة الزهراء 86

والله الواحد تعب جدا مع الحكومة دي بقا المفروض يحددوا ميعاد التعيين عشان الناس تستريح ونعرف رسنا من رجلينا

من وجهة نظرى بردك هههههه

الاعلان دة تفسيرة مخاطبة الجامعات وليس مخاطبة الاشخاص او الاوائل

الاعلان بيقول ان اكاديمية البحث العلمى هتودى الكشوفات للتنظيم والادارة عشان هما

يعينو الاوائل بعض الجامعات مثل جامعة القاهرة وعين شمس وجامعات اخرى لم ترسل الكشوفات

النهائية فالاكاديمية بعتت تحذير انهم مش هيقبلو اى كشوفات من الجامعات بعد يوم 1/7/2011

والجامعات اللى مش هتبعت الكشوفات تتحمل مسؤلية التعين


خلاصة الموضوع

انك هتستنى شهر شهر ونصف على كلامهم لحد ما يجيلك جواب التعين باذن الله

لحد بيتك وانتى ولا هتودى اوراق ولا اى حاجة تقعدى تتفرجى على التى فى لحد ما يوصلك

الجواب باذن الله

[خليل المسيرى]

إلى الأستاذه العزيزه أم رهف بالنسسبة لموضوع تعيين الأول والثانى من كل قسم على حده وميعاد التعيينات فعلا أنا ذهبت الى الكلية التربية بالقاهرة جامعة الأزهر وهنك سجل اسمه سجل أوائل الخرجين على الكلية من الأقسام المختلفه ووجدت اسمى فيه ولكن الشئ الذى لا أفهمه اننى اعلى من زميل لى فى الدفعة حيث اننى خريج 2003 بقارف 20.5 % يعنى هو 81% وأنا 83 فى المائه بس اسمه الأول قبلى فى الكشف لأنه معه مرتبه وانا لا رغم اننى ايضا اعلى منه على مدار الأربع سنوات ولكن فى قسم شئون الخرجين قال مرتبة الشرف يتم ادراجها أولا حتى ولوكان الأول ذو الأعلى نسبه مئوية وعندى سؤلى قلت له من الأول قال انت لأت سنتك كان لا ينطبق عليها التراكمى وقال لى على العموم ان الأول او الثانى هم طلبوا الأول ولاثانى حتى ولو كان الأو ل امتياز والثانى بعده جيد وليسى علينا سوى ارسال الأسماء وسئلته هل لنا تقديم اوراق قال لا بس تابع الكلية والأخبار ومكن نبعتولكم بس التعيين امته الله اعلم .
لذا لى لستفسار على هذا
هل مرتبة الشرف فعلا تلغى ترتيبك حتى ولو كنت اعلى نسبه مئويه سوى على الأربع سنوات أو أخر سنه
هل فعلا ممكن نتعيين معيدين رغم وجود قرار بأنه يتم التكليف فى خلال سنتين من التخرج وبعدها بالاعلان
هل الأزهر له قانون خاص يختلف على باقى الجامعات
وشكر
وأرجو الرد يا أم رهف وجزاءك الله عنا خيرا

[ramy gama]

المشاركة الأصلية كتبت بواسطة خليل المسيرى

إلى الأستاذه العزيزه أم رهف بالنسسبة لموضوع تعيين الأول والثانى من كل قسم على حده وميعاد التعيينات فعلا أنا ذهبت الى الكلية التربية بالقاهرة جامعة الأزهر وهنك سجل اسمه سجل أوائل الخرجين على الكلية من الأقسام المختلفه ووجدت اسمى فيه ولكن الشئ الذى لا أفهمه اننى اعلى من زميل لى فى الدفعة حيث اننى خريج 2003 بقارف 20.5 % يعنى هو 81% وأنا 83 فى المائه بس اسمه الأول قبلى فى الكشف لأنه معه مرتبه وانا لا رغم اننى ايضا اعلى منه على مدار الأربع سنوات ولكن فى قسم شئون الخرجين قال مرتبة الشرف يتم ادراجها أولا حتى ولوكان الأول ذو الأعلى نسبه مئوية وعندى سؤلى قلت له من الأول قال انت لأت سنتك كان لا ينطبق عليها التراكمى وقال لى على العموم ان الأول او الثانى هم طلبوا الأول ولاثانى حتى ولو كان الأو ل امتياز والثانى بعده جيد وليسى علينا سوى ارسال الأسماء وسئلته هل لنا تقديم اوراق قال لا بس تابع الكلية والأخبار ومكن نبعتولكم بس التعيين امته الله اعلم .
لذا لى لستفسار على هذا
هل مرتبة الشرف فعلا تلغى ترتيبك حتى ولو كنت اعلى نسبه مئويه سوى على الأربع سنوات أو أخر سنه
هل فعلا ممكن نتعيين معيدين رغم وجود قرار بأنه يتم التكليف فى خلال سنتين من التخرج وبعدها بالاعلان
هل الأزهر له قانون خاص يختلف على باقى الجامعات
وشكر
وأرجو الرد يا أم رهف وجزاءك الله عنا خيرا

السلام عليكم خليل

أسئله جميله جدا أخ خليل وأتمني الأخت الفاضله أم رهف ترد عليها بصدر رحم؟؟


أكيد طبعا أخي مرتبة الشرف تلغي ترتيبك ؟؟؟بمعني ؟
أنا مثلا الأول علي دفعة 2005 يحتسب التقدير علي أساس آخر العام.وحصلت في السنه الأولي علي جيد جدا.والثانيه جيد جدا.والثالثه ممتاز والرابعه جيد جدا ..فيصبح التقدير العام لي جيد جدا مع مرتبة الشرف
ويأتي شخص آخر من دفعتي حصل في السنه الأولي علي جيد والثانيه جيد والثالثه جيد والرابعه ممتاز ..فيصبح التقدير العام له ممتاز فقط ..

من أعلي جيد جدا مرتبة الشرف ولا ممتاز فقط؟؟؟ أكيد طبعا جيد جدا مرتبة الشرف وهي واضحه في المقارنه اللي فاتت
أما بانسبه للتراكمي فالحكايه دي متنفعش معاها؟؟ لإن السنوات الأربعه يتم إحتسابهم معا ؟يعني لإما أبيض أو أسود


وأكيد طبعا أخ خليل الأزهر له قانون يختلف به عن باقي الجامعات وليس لإي فرد التدخل في تعيينا سوي رئيس الوزراء ورئيس الجامعه وهم من أصدرو القرار يبقي خلاص كدا إحنا في السليم نتعين بعد تخرجنا بسنتين بعشره هما أصدرو القرار وبس وبعدين دا حقك وبيرجعلك مش بيجيبو حاجه من جيبهم ههههههههه


ياريت الأخت الفاضله أم رهف نشوف رأيها أكييييييييييد جااااااااااااااااااااااااااامد إحنا مستنيين

أكرمكم الله وسدد خطاكم ورزقكم من حيث لا تحتسبو

[ramy gama]

علي فكره انت لا ممكن تكون أعلي منه مدار الأربع سنوات إتأكد ...إنت قولت معاه مرتبة شرف طب إزاي بقه انت ليس معك مرتبه شرف ما دمت انت أعلي منه في الأربع سنوات ..إتأكد أخي

[احلام عادية]

السلام عليكم ورحمة الله وبركاته
يا هلا بيكم فقد غبت فترة ليس قصيرة ولكنني اشعر بأنها طويلة
في البداية كيف حالك يا أم رهف وحشاني خالص وحمد الله ع السلام يا دكتور عبد الرحمن منور
ويا رب يديمها عليكم نعمة

[احلام عادية]

اختي العزيزة ام رهف هل سوف يتم ادراج اسمي ضمن المعينين بما اني جيد جدا مع مرتبة الشرف والثالثة ع الفعة وهكون ادارية ولا ايه ارجو الرد ضروري اثابكم الله

[احلام عادية]

المشاركة الأصلية كتبت بواسطة د.عبدالرحمن المنياوي

ياجماعة بخصوص الأزهر

رئيس جامعة الأزهر خصص الاول والثاني على كل قسم للتعيين كمعيدين فقط وباقي الـ20 كوظائف إدارية في الجامعة

أنا عارف إن الخبر معروف للكل بس أنا بصراحة مش عارف إيه اللي ممكن يحصل أنا شايف ةناس كتير زعلانه من الموضوع ده

انا بيتهيألي إن جامعة الأزهر أو أي جامعة في الدنيا هل تستطيع تعيين العشرين الأوائل على مدار 8 دفعات كمعيدين ؟؟

الموضوع صعب شوية .. بس عليكم السعي وعلى الله التوفيق

بخصوص الكلام ده يا استاذي العزيز طيب حضرتك مش شايف انه ده ظلم ولو ملقتش اسمي اعمل ايه وحمد الله ع السلامة

[wafa2]

ازيك يا دكتور عبد الرحمن انا بقى لى زمان مشاركتش بس متابعه كل الاخبار
كان لى استفسار بسيط بالنسبة لاعلان الاكاديميه
انا اسمى اخيرا نزل فى جامعه المنصوره من ضمن الاوائل بس طبعا منزلش من ضمن الحاصلين على الماجستير المفروض الحق اروح اقدم اوراقى بكره علشان الاعلان اللى بيقولوا عليه ولا ايه النظام بالظبط؟؟؟

[wafa2]

دى خبر من جريده لاسبوع
لليوم الثالث علي التوالي يواصل شباب مصر من الحاصلين علي درجة الماجستير والدكتوراة وأوائل خريجي الجامعات المصريه إعتصامهم داخل قاعة المؤتمرات بأكاديمية البحث العلمي وسط ضغوط شدشدة القسوة من قبل المسئولين بالأكاديمية حيث تم قطع المياة والكهرباء عنهم وغلق أبواب دورات المياة مايعني أنهم يواجهون أشد أنواع الضغوط لفض إعتصامهم والتخلي عن مطالبهم
يذكر ان آلاف الشباب من الحاصلين علي درجات الماجستير والدكتوراة و أوائل خريجي الجامعات المصرية إحتشدوا داخل قاعة المؤتمرات بأكاديمية البحث العلمي بناء علي ميعاد تم الإتفاق علية مع مستشار رئيس الوزراء للقاء دكتور عصام شرف ودكتور عمرو عزت سلامة وزير التعليم العالي والبحث العلمي ودكتور ماجد الشربيني رئيس أكداديمية البحث العلمي ولكن شرف وسلامة تغيبوا عن اللقاء الذي إستفذ فيه الشربيني ألألاف من خيرة عقول مصر معلنا أن مطالبهم لن تتحقق قائلا اللي مش عجبه يعتصم
وبدأ أغلبهم إضرابا عن الطعام وصفه شحاته الشيخ أحدالمعتصمين والحاصل علي دكتوراة في الفلسفة الاسلامية بالإجباري
جدير بالذكر أن كثير من المعذبين في إعتصامهم داخل الأكاديمية حصلوا علي الدكتوراه في تخصصات نادرة مثل الكيمياء العضويه والفيزياء النوويه وغيرها ومنهم أيضا من قام بالتدريس في جامعات أوروبيه
والنداء إلي حكومة مصر مابعد الثورة .. أين أنتم مما يحدث لأبنائكم من خيرة عقول مصر لماذا تغفلون عنهم ثلاثة أيام يعانون القهر والذل داخل أكاديمية البحث العلمي ؟
ولو لم نستفيد بهؤلاء فبمن يا سادة ؟!!!!

[قطرالندى25]

بعد اذن حضرتك يا دكتور عبد الرحمن انا العضوة قطر الندى25 اللى كان استفسارى انى متعينة فى التربية والتعليم من حوالى 4 شهور واسمى طلع من العشرين الاوائل وحضرتك رديت عليا وقولتيلى انه مش هيتم استبعادى علشان انا مؤمن عليا بس مفهمتش موضوع كعب العمل او الاستقالة ازاى حضرتك استقيل من عملى دى الوقتى وانا مش ضامنة كلام الحكومة فى تعيين الاوائل ؟ معلش سؤال تانى انا سمعت ان مشروع الحكومة لتعيين اوائل خريجى كليات التربية فى التربية والتعليم مش تعيينهم فى الجامعة ؟ انا اسفة على الاطالة بس والله العظيم انا متابعة كلام حضرتك من فترة على المنتدى واشتركت علشان كلام حضرتك حسيت انه موثوق فيه وربنا يجعله فى ميزان حسناتك

[معلم مساعد 2011]

الدكتور عبدالرحمن مقلش استقيلي دلوقتي من شغلك قال خلينا في شغلنا لحد ماتجيلنا الوطيفه التانيه بس مينفعش نشتغل الاتنين مع بعض لازم نستقيل من واحده

[د.عبدالرحمن المنياوي]

من غير ماتستقيلي .. لو اسمك نزل على الأكاديمية يبقى هيجيلك تعيينك ..

الناس في الاكاديمية بيقولوا ان الأماكن في الجامعات والمراكز البحثية كتير وموضوع التوزيع على التربية والتعليم ده مش لكلك الأوائل يعني المراكز الأولى ممكن يكون وضعها أفضل ..

ويبقى في النهاية موضوع النصيب في التعيين وانت اصبري وربنا يقدم الخير ..

بلاش تستقيلي خليكي عاقلة .. محدش يضمن حاجة في مصر غير لا يمسكها بإيده ..